意八餐廳 (已結業)

見意八有火鍋食咪試下羅，叫了牛乳湯底，再加一個鳥冬，賣相ok,大堆頭。湯底好淸甜取勝，有牛乳味，好香好滑甘，好有驚喜呀。菜多過肉，好多菜呀。牛肉好滑唔鞋，生菜好爽，其他配料都好多，都好好味，又新鮮，有冬菇，蟹柳，烏冬，丸類，粟米等，都幾豐富。如不夠可再加配料，不太貴，食到满足為止，下次會再去。唯一缺點昰太多人了，一個人去食都等四個字。

星期五收咗工，1個人唔想咁早返屋企，係附近搵嘢食。行過呢間餐廳門口人山人海，心諗有咩咁吸引？！跟著係門口睇下個Meun又好似唔錯，所以就打算一試。其實咁多人等緊位，有D擔心等好內。點知同侍應講1位，就即刻有位，唔駛等！這就是1個人食飯嘅好處喇。跟著叫左個「吉列豬扒地獄湯手打烏冬」+「凍咖啡」，總括嚟講用$60左右食咁嘅質素係唔錯。豬扒夠厚，唔會係厚粉薄肉先，個烏冬又真係幾彈牙，直得加分。減分地方係「地獄湯」冇嘜辣味。而杯凍咖啡就有D驚喜，飲左之後覺得冇叫錯，咖啡味夠香濃，仲係灰燒咖啡嗰種味道㖭。而侍應同出餐方面都好有效率，手腳好快。但係如果同事溝通嗰陣細聲D講嘢就更好喇！

一向都幾鐘意食呢間，覺得佢味道同價錢都ok，但今次去食，真的有點失望。星期日同家人唔想去咁遠食，就自然會黎意八，今次order 了個牛扒餐同個三文魚炒飯，牛扒餐個份量幾大，五十幾蚊是低食……但今次食件牛扒硬到切都有困難，附送的炒飯……說真的，真的幾難食，另外家人點的三文魚炒飯……沒有味道，未至於難食，但不好食，我們都在討論是否轉了廚師，唯有下次再試多次，如果都冇改善，就真的再冇下次

意八的下午茶吃過不下數十次雖然它的tea set menu十年如一日 但質素有保證每逢這時段到訪 我的選擇只有兩個不是公司三文治就是忌廉烤雞意粉原本一心鎖定後者 怎麼入座後卻心血來潮想要吃焗飯結果便選了忌廉烤雞焗珍珠米母親大人選的是野菌烤雞炒飯沒有拍下任何照片 只因這炒飯同樣是常叫的野菌和烤雞的份量不少 飯底則用上較少見的珍珠米 母親大人已吃掉大半碟的炒飯 我的焗飯才姍姍送上始終焗飯需時 要是肚餓的話建議選擇其他類別再重申加迪斯並不是芝士控 但看到一絲絲的芝士也難掩興奮之情此烤雞並不同彼烤雞炒飯中的烤雞是雞粒 而焗飯用上的是雞件 而且雞件是先煎香才鋪上飯面上烤焗 並不是馬虎了事而飯底更是炒飯底 混上忌廉汁後十分惹味醬汁的份量是極多 十分適合喜歡用醬汁拌飯的朋友餐飲方面選了凍奶茶雖然這家是間偏向西式的餐廳 但它的奶茶卻深得加迪斯歡心茶味夠濃 所以不會被奶味所遮蓋整體上 意八的下午茶性價比十分高 一般較飽肚的飯麵類大約三十塊左右而小食類如西多士豬扒飽等價錢則較為相宜 不用三十塊就有交易花二三十塊就可以享用一個有質素的下午茶絕對值得

每次經過，門口塞滿了人，特別是下午茶時段，行人路的空間都幾乎被填滿，感覺頗受歡迎。我自己也喜歡這所餐廳，價格相宜又好吃，上菜很快，位置裝潢也很舒服，服務員也沒有趕客的現象，坐上一，兩個小時也沒有問題，是約飯局的好地方。唯一美中不足的地方，就是比較小選擇。小弟光顧了好幾次，全都是午飯時段，每次看到餐牌，上面的選擇依舊不變，的確感到納悶，像是荼記ａｂｃ快餐一樣，只不過這間是意日混合的茶記。事不宜遲，馬上為大家介紹食物！第一款是香草黑魚子蘑菇忌廉汁伴天使麵。光聽名字就很高級，賣相也很吸引。急不及待的我馬上大口吃一下，只覺得味道很清新，很入味。事實上忌廉汁跟天使麵是常見的配搭，加入魚子後，多了一份漲卜卜的口感，令食物更具層次感。蘑菇感覺香口，應該經過煎烹後才上碟，跟天使麵的味道做成對比，更富口感。整體感覺味道不太濃，如果喜歡味道清新的朋友可以一試，以九品評分這個有中上。至於在旁的熬奶荼，我自己加了一包糖後，感覺味道剛好，奶味較濃，荼味較淡，但不是太滑，整體來說是可以接受，以九品評分這個有中中。第二道介紹的是加倍芝士焗玉子豆腐，從餐牌看到賣相吸引，最愛芝士的小弟當然不會放過。但可惜事如願違，實物

今日去左藍田間Ita Momo 打邊爐，原本打算開開心心咁食，點知比你佢地既”良好”服務態度影響我食欲。我叫左一杯柑桔蜜(冰凍咸柑桔蜜既簡稱)，預計佢係凍既。 上枱過一陣，我先發覺佢比左杯熱既我， 我就好聲氣咁同a 君講:吾好意思 我岩岩嗌左凍架 但佢比左熱我。 ａ君：呢張枱吾係我負責喎 ，你有冇飲過呀?我：冇呀 (a 大喊b 君過黎) b 君：你岩岩話要熱架喎 我：下，我從來都冇話過要熱 b 君：我問你 你明明話要熱！ 我：咁即係冇得換呀? b 君：係呀 落左單就冇得換(立刻走 頭也不回) 其實落錯單好小事，同我講句吾好意思 ，我幫你換左佢就ok ,但咁既服務態度，真係好難接受。點解連茶餐廳都做到既野，你呢間"高級"餐廳反而做吾到？之後我見呢位b 君咁惡劣既質素，叫a 君過黎幫我換左佢，點知都係果句：落左單冇得換架。我真係好嬲 但我知到咁都改變吾到熱柑桔既溫度，於是, 我對a 君話：吾該比一杯冰我呀。 a 君：冰加五蚊 (背住我講，仲向相反方向行) 果刻真係把幾火，服務質素差成咁都請既？加五蚊都算，但你可吾可以尊重下客人，面向佢地講野？ 我知果陣係煩忙讚揚時段，但”忙”並吾係”不尊重

平時搭車都會經過下藍田，不過真係好少係呢度食野。今次咁岩有野要做，就決定留低食番餐飯因為匯景個商場又唔多野食，所以就行到去啟田果邊，選擇多D。一去到餐廳門口，見到好多人心諗應該都要等好耐啦。不過唔黎都黎到，要一於等下啦。雖然拎飛果陣見到要等大約廿幾個號碼，不過都係等左15分鐘炸一行入去，個waitress 叫我行去後廳，心諗後廳??入到去先知入面原來都好大有卡位，圓卡位等等地方都算幾闊落。Waiter/Waitress:態度都OK，不過同客人既交流好少其中有一個捧住野食黎到企左係度唔郁冇出聲又四處望唔知做咩...原來因為張臺無位咁我地就自己郁下D碗碗碟碟啦唯有算數啦~Menu:野食方面:1)法式紅酒香茅燴牛肋條(配珍珠飯)D牛炆得好林、都算入味既個汁又唔會太酸 撈飯不錯^^份量好足夠 ( 飯夠,牛同紅蘿蔔既數目都夠)女仔就未必食得哂男士就冇乜問題不過紅蘿蔔唔知係未最遲先落呢唔夠林,同埋好似生生地,唔入味另外,個白飯都麻麻地,'好似唔係珍珠米黎既D飯太硬同埋拎黎果時凍凍地所以都唔係太推介呢個飯不過個牛可以試試2)Wasabi煙肉菌皇意大利飯呢個飯creamy ge 程度岩岩都食完唔會覺得

一直都想帶屋企人到這間比快餐店高一點格局的食店，因為我知道他們喜歡有多類型而平時少試的款式食物，加上價錢又經濟他們可叫得豪爽一點，老人家總是省住省住，價錢太貴令他們食得不開心就唔好。環境地方光猛，比快餐店坐得舒服，全部都是卡位連沙發，枱與枱之間空間多，很鬆動。門口要放了食店整個大型MENU，讓客人可先看看是否岩心水才進入。枱上亦有類似茶餐廳的MENU，已被使用到有點殘舊。它顏色柔和，以圖配字，更為吸引。枱上放有餐具，還放有大量的糖包和牙籤，全印有餐店的鬍鬚叔叔的LOGO，挺可愛!服務服務員不少，有分樓面和上菜, 大家都穿得整整齊齊。大部份服務員都臉帶笑容, 對客人很有禮, 而且工作效率亦不錯, 快手執拾、換水、上菜。客人頗多, 約佔七八成, 雖很忙碌, 但我們請其中一位服務員幫忙拍照, 他還細心叫我們先看看, 如不能便再幫我們拍。服務真的不錯!食物我們三人叫了三個菜式加兩碗湯, 如下:1) 帆立貝海鮮龍蝦汁意大利飯($46)因見到隔離枱叫了此菜式的賣相不錯, 故很想試試。份量足夠, 材料有一隻帆立貝、一隻青口、三隻蝦、數隻蜆和魷魚, 還配有很美味的冬菇片。各海鮮雖不算很鮮味, 但煮得剛

一向在藍田工作，但很少在藍田用餐。這天早了很多到藍田，記得之前曾在Openrice看過這家的食評，便到這家吃我的午餐。我只是一個人去，沒有約朋友，所以雖然看到門口有頗多人在等，但我還是很快就可以入坐。門口的員工往內指，告訴我坐在那裡，但十分空泛，這個時候我已經充滿問號，怎麼沒有人帶位？使我「盲終終」往內一直走，才有員工告訴我檯號，但我第一次來，也沒看到桌上有號碼，仍是不知道該坐在哪，這時才有員工有點「不耐煩」再次指給我看，這次指得比較明確，擾攘了數分鐘，我才可以坐下來，這點我認為餐廳是有需要改善的。終於坐了下來，我便開始打開餐牌準備點餐，食物種類還頗多的，有飯、有意大利麵、湯烏冬、小食……使我很多款也想試試，其中之一是之前看過食評提及過的墨魚汁海鮮飯(?)，但因不想用太多錢，又怕上班時會露出沾黑的牙齒，便先點了另一款，是lunch menu中的千島菠蘿海鮮Pizza，搭配一杯凍檸茶，合共$39，價錢是相宜的。等了大約五分鐘，先來了凍檸茶，我本來對吃喝不算太大要求，所以覺得不過不失，但當中有一點令我覺得怪怪的，就是喝下去會出現一點兒的咖啡味，這點令我很困惑，也再聞聞看，是檸茶沒錯啊！但繼

其實已經吃過晚飯，不過心癢癢想吃甜品，朋友建議到這家名叫Cafe ItaMoMo的西餐廳去。這個時候大概晚上8時多，仍然是晚飯的黃金時間，人很多，還以為要等位，剛好有一張二人枱，所以可直接入座，幸運！餐廳面積頗大，前身好像是酒樓，還是中式飯店，餐廳呈長形，好深，所以座位不少。格局跟茶餐廳很像，以一個鬍子廚師公仔做肖像，其中一幅牆更有漫畫，每幅牆都有兩部掛牆電視。餐牌雖然簡單，只是雙面印刷的卡紙，但食物款式不少，分小吃﹑餐湯﹑拉麵烏冬﹑意粉﹑意大利飯﹑薄餅﹑扒類等，更有一人火鍋。另外有多款飲品選擇，反而我們想吃的甜品只有三款，分別是北海道牛乳布丁﹑朱古力牛奶布丁及焗西米布丁。最後我們點了一客小吃~辣肉醬芝士焗薯皇﹑黑﹑白布丁各一。等吃期間看到鄰枱食客的鐵板牛扒﹑火鍋都不俗，下次可考慮到此吃正餐。兩款布丁先來，又一次同照片不相副，照片美多了。先吃牛乳布丁，淡淡牛奶味，差點被裝飾的果占蓋過，未算好滑，還可以啦！另一款朱古力味夠，反而完全蓋過牛奶味。之後連焗薯皇都來了，可能一早已炸定作扒餐伴菜，加肉醬及芝士再焗即過火了，顏色很深，還好食味仍不錯，稍為偏辣及芝士不夠。餐廳收費合理，甚至偏向經濟，

意八呢間平民西餐廳，係唔少藍田街坊嘅飯堂。咁受歡迎，因為真係又平又好食。我就試過早，午，晚三餐都係度解決。先講裝修，一入門口有一棵好大嘅聖誕樹，d牆有得意廚師公仔。全間餐廳超過七成位係卡位，燈光同牆身係橙橙黃黃嘅顏色，幾cozy。野食方面，街坊價錢，唔錯嘅水準。今晚同屋企人都係食鐵板趴餐，一個牛趴一個魚柳。等左十分鐘倒就有得食。鐵板上嘅時候熱到冒煙 侍應仲會問你落唔落埋汁，都幾貼心。再半價加多杯綠茶jelly冰。味道唔錯加埋價錢公道，早午晚都有人等位係有原因嘅。

意八，巳經吃過數次。開舖一年多也保持不俗的人流（無論早、午、晚餐）是日點了這個意粉，很足料！（而且意粉汁也不會很多，剛剛好！👍👍👍👍👍還可以加$7要雜菜湯及$7飲品。我與女友人share  一個意粉也很足夠，因為白汁也較膩，我飲湯，她飲茶，加一個小食，大家也抱住肚子回家

意八餐廳已經不是這一次光顧,不過我個人會去意八的原因多數是 - 諗唔到食咩今次都係一樣,而且價錢上比西菜餐廳便宜~~第一樣點的是我的"意八招牌菜"活蜆意粉~~~個人覺得意八做得最好的意粉~因為意八的意粉一般都比較乾(不推介吃那一個龍蝦汁長通粉),這一個活蜆意粉做得比較好,汁的味道也不錯~~~蜆雖然是主角,但份量很少且很小,所以還是集中在汁和意粉吧!豬軟骨味道還可以,都入味的,湯底非常普通~如果對豬骨湯有期待的人會失望,因為很淡,一定不是用豬骨煲出來~烏冬也不彈牙,還好不算"臨",所以可以接受

八點後才到的好處是不用等位, 在藍田區來說, 意八是數一數二最旺場的餐廳.今晚屋企無飯開, 同弟弟來吃晚餐.首先是帆立貝海鮮意大利蕃茄濃湯扁意粉, 海鮮尚算新鮮, 蕃茄濃湯偏甜, 扁意粉咬口不錯.另外未試過這裏的大和鐵板, 叫了個漁人碼頭脆炸魚柳, 魚柳上枱仍然外脆內軟, 薯角和珍珠飯的份量較少, 芥花籽油煎蛋在鐵板上很快就痴住要刮返出來食, 感覺差一點, 而且有點炭在刮出來的蛋上不太好. 還有, 本人是不食生雞蛋的, 要把個蛋黃用匙人手反蛋不是很好, 不知可否落單時叫反蛋, 可是無深究了.侍應把鐵板上枱前會徵求同意找野菌牛肝汁倒上鐵板, 這點做得好.

好像與青衣長發邨那意x是同一集團。環境，坐得挺舒適的，設有大卡位及小卡位。咖哩牛坑腩、薯角，薯角算是熱脆，十多塊挺划算。咖哩牛坑腩，咖哩香濃，比燉奶佬稠一點，比大快活香濃。但底下有碎骨，請看看上圖，不是拍牛坑腩，而是碎骨。其實這些應當沒骨頭的菜式，如果有骨頭真的挺危險，因為食客大多心想可以放心大口大口咬，豈料有骨頭，輕則咬崩牙，重則咬傷口腔焗葡式飯扒飯葡汁味不濃，可算是沒甚麼味。幸好頂上的芝士伴飯仍算可口，雞扒亦不算太乾太鞋。飯不是淨飯，配以少許菜及菇類，沒那麽寡。芒果及綠茶啫喱冰冰味道濃郁，好像只加$3，可為老是喝奶茶咖哩加添新意。