意八餐廳 (已結業)

總結: 呢間又係遲少少就會超多人，所以唔想等就要早少少到啦。座位數目算多。上菜時間比較慢。食物味道不錯。原本仲有一個番茄拉麵不過無影相雞翼好味道。有少少辣。趁熱食會好啲，唔係嘅話會“痴”底。一口雞拉麵: 一口雞外層好簿，唔會好厚粉去炸。雞肉好嫩，加埋個醬超正豬骨湯底咸味適中，麵底彈牙唔會太“林”

WEEKEND 陪朋友去藍田行街, 行完已經4點幾, 梗係要醫下肚啦 !之前食過ITAMOMO, 人面好大好多位,  加上茶餐真係好平。好彩當時4點幾, 唔駛等好耐, 但竟然都要等10分鐘, 入到去都係滿座。証明呢間店真係好吸引。睇下餐牌都無乜大改動過, 所以同朋友一人叫左一個。1. 原茄烤豬扒焗珍珠飯  $362. 日和芝麻燒雞炒珍珠飯 $36$36價錢都唔貴, 到佢上枱時好大碟, 細食既真係可以叫一個飯2個人分~我地SHARE食, 先食豬扒飯豬扒有1塊,  而且有半個蕃茄比埋你, 豬扒夠味, 唔會好鹹, 珍珠飯吸收埋蕃茄汁, 唔會好乾身。再黎芝麻燒雞炒珍珠飯, 雖然無諗過係濕炒, 但係賣相精緻,份量比豬扒飯少, 但係慢慢食都覺得啱啱好 !!! 燒雞粒再多D會更好 !侍應唔會催你走, 可能餐廳太多位, 雖然只係茶餐, 但可以慢慢食, 慢慢傾~

起藍田 啟田 商場 嚟講，意八都算係一間有良心，而又好食嘅餐厅。今日一個人 好肚餓 又想打邊爐 於是 諗起 意八。60蚊一個打邊爐餐 仲要有肥牛 金菇 嘢飲 同埋一個 自選湯底 都算係咁啦 你哋睇下圖片先啦就算自己買肥牛 呢度點都要30蚊呀 ..肥牛肉質鮮味 肉質又新鲜啦仲有冬菇 ，金菇 ，粟米， 蟹柳 ，獅子卷 ，魚蛋，一個set 先係60蚊.... 要下次再嚟幫襯呀

一般的意大利餐廳，叫了小型章魚薄餅，餅身鬆脆，味道尚可，我每次來都叫的小食。同時order了一肉醬扁意粉，滿意的肉質系猪肉煮的，但在叫了炸魚柳鐵板，就不好，魚身分漿太多，不覺有魚肉在內，又不覺入味。。。

最近同媽咪大愛既飯堂，貪佢抵食又坐得舒服，星期2晚上都好多人等位, 可見幾值得推介今次已經係7月內第3次去食了我食玄米饅魚炒飯 ($51)饅魚切成粒粒, 分量都算好多可能大家會覺濃味左，但對於鐘意饅魚既我就接受到媽咪据牛扒 ($63)好大塊扒，及一球炒飯、煎蛋、什菜、薯角所有食品可半價配飲品+ $11 胚芽好立克+$11 洛神玫瑰花茶

今日係藍田做function, 在這裡吃午餐, 發現不錯老細的客戶說要和我們下午茶, 就懶得再想 直接在這裡吃了因為這餐已經是今日第3餐, 真心無咩胃口叫左個批薩餐配粟米沙律（$27 凍檸水+3蚊）其實, 已經食左3款包, 所以其實我對差唔多類別嘅批薩興趣唔大點知一咬落口, 個Pizza仔唔會話太乾但係又好香口個沙律就無咩特別不過，佢杯冰檸水陣味好奇怪，我同同事都懷疑佢唔知加左咩落啲糖水度

商埸有唔少餐廳，𣎴過係得呢間全日都要排隊，之前試過早餐，所以今次就試下晩飯啦。pizza 味道外觀都ok,略為太細塊，餅㡳好厚，整體麻麻。鐵板牛朳：各樣都合格，最特別有隻荷包蛋，如果唔洗排隊都可以再嚟。

首先等咗好耐 好5耐煩 之後入座 個waiter攞水係用兩隻手指夾住2個杯個邊攞黎 衛生不太好 叫野個陣態度又好hea 食物分量太少 環境好有mood.價錢around 5十幾 小貴。

與老公第一次惠顧意八的下午茶平日lunch來說,,都覺得食物味道不錯,,份量足夠的!!我點的是pizza雞翼餐柚子雞翼很香柚子味,,甜甜的!!pizza味道則很普通但$27得兩隻雞翼及超細size pizza!!兩隻雞翼是已知數,,menu有註明的~只意想不到pizza的size那麼細!!實際上,,雞翼也只是細size那種一般茶餐廳的雞翼沙律餐,,沙律不夠飽肚,,都有2隻雞全翼的幸好老公點的飯餐份量正常!!如份量多一點便好這餐如同吃空氣一樣,,第一次對這店感失望!!

我好鐘意食歐陸既早餐，附近好似得呢間有，睇睇門口不用排隊就入左去因每次都太多人碎蛋沙律香脆牛角酥 hk$26個酥面膿左少少不過勝在夠脆口打開睇睇有2片蕃茄牛角酥包就砌開左一半加左0的蛋、菜及沙律醬入去成個都好脆口一點都不會油淋淋，蛋同沙律醬份量都不少。 熱朱古力，其實不用加糖個甜度非常足夠，建議不用落糖。鬆軟豬扒濃湯公仔麵 hk $30豬扒入口夠軟身不會太硬不鞋口，夠肉味連湯一起飲味道的確夠曬味熱擰水，呢杯就要加糖喇仲免加一，所以都係一好選擇

牛排質素真的極其差，鐵板牛排非常之硬，更離譜的在牛排是凍的！男職員態度十分不有善！其職員更透露牛排是大批一早就煎熟，入單後才放上鐵板，所以點換比我都一樣。其實本來已不奢望會好食，但起碼基本的要求也要做到！食物新鮮程度不要求好，但食物不能熱上枱⋯⋯就連黑椒汁都是室溫，最離譜的是飯都凍的。基本上除左塊鐵板是熱之外，其他所有食物都是凍的，凍飲淡而無味。這幾天天氣急降只求就腳食餐溫飽的晚餐都咁難！其實食物點差也好只要職員態度好本人沒有必要留言。藍田啟田Lamont分店真係失敗之中的失敗！

餐廳名稱：意八餐廳地點：藍田啟田商場2樓235號鋪菜式：西式歐陸早餐評分：9／10份量：超出預計之內!味道：深海魚柳夠香脆入味，配上獨特沙律醬汁實在美味。早餐配上煎蛋，香腸，茄汁豆，翠肉瓜，粟米及牛油厚多士，的確相當吸引。價錢：$30連熱飲評價：實屬意料之外，沒想過這樣的價錢有相當高的水準及份量，絕對夠飽。意八餐廳主打平價西餐，早餐價錢約$25～35左右，下午茶價錢大約由$20～$35左右，晚餐大約由$40～70左右。平日一至五人流較少，星期六日假期的話等待時間大約10至25分鐘。

估唔到星期日都有set lunch 叫，因為平時啲西餐廳假期好少會有set叫一行兩人，叫左個一口酥雞拉面，同埋尤魚蜆肉意大利飯一口酥雞拉面，啲雞份量都算多，因為佢好大舊要三、四口都食完舊雞雞炸得唔算脆，半淋半脆咁既感覺，味道有少少辣味，肉唔鞋亦唔滑，中規中矩，如果多啲沙律醬會好食啲拉面係豬骨湯底既，湯底味道一開始食落好似有怪味咁，但食多兩啖又唔係好覺有野，湯底岩岩好，唔會話太咸或太淡，拉面質素都係一般，似平時係超市買果啲家庭裝咁，無話特別好味尤魚蜆意大利飯，尤魚份量算多，大約有10條尤魚酥，蜆都有大約5-6隻，其實次次黎親都有食佢個意大利飯，味道夠濃，亦都好足料，好多磨菇、洋蔥、番茄粒，正

餐廳名稱：意八餐廳地點：藍田啟田商場2樓235號鋪菜式：意式番茄芝士焗豬扒飯評分：8／10份量：適中，下午茶份量來說算是足夠及飽肚味道：配料份量足夠，焗後芝士濃郁口感十足，豬扒厚度適中，肉汁口感不錯。番茄和飯配合得宜，值得一試。價錢：$34連熱飲評價：意八餐廳主打平價西餐，下午茶價錢大約由$20～$35左右，晚餐大約由$40～70左右。平日一至五人流較少，星期六日假期的話等待時間大約10至25分鐘。

2015年12月9日 (星期三) 9:13am 近窗口位置，光線充足，一邊吃一邊望街景。餐廳環境整潔，餐具乾淨。 不用等位 火腿濃湯通粉 - 火腿軟腍，生菜新鮮，通粉彈牙，湯底算濃，不過不失。 鮮菌沙爹牛肉公仔麵 - 牛肉不韌，份量適中，冬菇片令整碗麵散發菇菌香味，可惜沙爹醬太少，味道偏淡，麵質又過腍。 蒜蓉牛油厚多士 - 暖暖的，烘烤得脆口，如果再落多些牛油和蒜蓉會更美味。 熱奶茶 - 水滾茶靚，香滑提醒，味道比午餐和下午茶時段沖調得更滾熱更好味。 《餐牌》：【溫馨提示】❶ 鮮菌沙爹牛肉公仔麵須另加HK$2，配蒜蓉牛油厚多士或脆脆牛角酥。❷ 超值早餐免費送蒜蓉牛油厚多士或脆脆牛角酥。❸ 可轉通粉、米粉、公仔麵或扁意粉。