意八餐廳 (已結業)

今日去左藍田行街，經過一間西餐廳叫意八。勁多人排隊，估計水準應該不錯。我們叫了兩set 下午茶餐： 1. 西柚芝麻雞翼，雜果沙律，加紅豆冰紅豆冰要加7蚊。雞翼好入味，有啲西柚皮，好清新。另外沙律亦不錯。 最特別就是那杯紅豆冰，初頭飲落去有陣檸檬味，我都不以為意，後尾仲要比我喺杯底摷到舊檸檬出黎。即時揾店員問個究竟。 原來佢話，佢哋啲紅豆係用檸檬煮，出便通常都用陳皮煮。搭真啲，呢杯紅豆冰又真係同出便嘅唔同啲。有淡淡檸檬香，無咁甜膩。 ↳ 西柚芝麻雞翼 ↳ 經典紅豆冰↳喺杯底點解會有舊檸檬？ 原來係咁。2. 百里香烤雞忌廉天使麵呢個係堅好食。啲烤雞超入味，同天使麵果味好夾。啲汁又煮得好食。而且雖然話係忌廉，但一啲都唔漏，正!埋單都係60幾蚊，好抵食。有機會要試下呢度嘅晚餐。