悦川

營業中

休息中

今晚嚟荃灣食川菜，見佢有門口烤魚同酸菜魚既Menu就吸引左入去，入到去環境裝修幾靚，位置寬敞坐得舒服🫣🫣黑土雞腳好少見到有黑色雞腳，所以叫左碟嚟試試，雞腳醃得入味，口感Q彈好爽口。中意食涼拌雞腳要試吓啦！！青瓜絲伴魚皮魚皮爽脆配埋青瓜絲，再fresh 啲，酸辣口味作為開胃小菜唔錯😌酸辣海皇羹口感好似碗仔翅咁，入面有蝦仁、帶子…酸辣湯底醒胃，size一人份量岩岩好鐵板魷魚鬚魷魚鬚新鮮彈牙，洋蔥同青椒味好香，鑊氣十足香辣烤魚條魚又大條又多肉，魚肉外皮烤得酥香，肉質好嫩滑，湯底麻辣鮮香，差唔多食完條魚，仲可以叫配菜好似加邊爐咁，越煮越入味。辣度可選，建議敢吃辣的人直接挑戰中辣，超級過癮！

🍊 餐廳名稱：悦川 (荃灣)🐝 味道：8/10環境：7.5/10整體分數：8/10💰人均：$300+———————————————————晩市散座優惠三寶💰328呢個價錢有3款菜式，真係抵到難。老壇酸菜魚雖然係細份，但份量一啲都唔細。魚香嫩滑，芽菜係海量的多，而且底下仲有薯粉，好惹味。湖南小炒肉 器皿好特別，用左唔同嘅辣椒去炒，不過食落唔算太辣，炒得好有鑊氣。招牌口水雞 啖啖肉唔洗lun骨，紅油偏香但唔算辣。五代同堂炒飯 💰108用左5款唔同蝦去炒成嘅飯，食落口感十足，而且個炒飯好乾身，大推！擂沙湯丸（3粒） 💰28

悦川荃華街3號悅來坊2樓201號舖今日約咗朋友食飯，去咗荃灣呢一間越村食川菜，佢好近熊貓酒店，所以都好容易搵到入到去，地方非常寬敞。我哋安排坐咗喺卡位度， 食咗一餐質素，高嘅正宗川菜。老壇酸菜魚因為我哋只有兩個人，所以就嗌咗一個小份嘅，估唔到都有咁多魚肉，加埋佢嘅配料，非常美味可口，魚肉好滑。竹笙海皇蒸蛋白喺好滑嘅豆腐上面有好脆嘅蝦粒同埋竹笙配搭起嚟相當清新，唔使送飯都非常好食。小炒黃牛肉好香嘅牛肉配上紅椒，青椒，好多嘅雜菜，牛肉好好味，好有，肉汁，係一道好惹味嘅菜式。雞絲涼粉呢碟望落去紅紅嘅雞絲涼粉，但食落口唔算辣，涼粉好嫩滑。配搭起來越食越開胃。整體嚟講，我算相當滿意。 優美嘅環境， 加上優質嘅服務，再加埋正宗嘅川菜口味，性價比滿分。#悅川#川菜#荃灣美食#酸菜魚#黃牛肉#Foodie

香港近年愈開愈多川菜館，今次嚟到荃灣呢間餐廳，主打京川滬菜式，喺餐廳出面已經聞到麻辣香味，先嚟個嗅覺享受。 悦川上上簽個名咁得意，一於試下。原來係用好似籤筒嘅器皿裝住用竹籤串住嘅冷盤，有青瓜、木耳、蓮藕、雞爪、雞腎、腸仔等，用紅油浸住，唔算辣，反而有紅油嘅香味。 鍋巴香辣蝦呢道就真係又麻又辣啦。花椒除咗麻仲香，鍋巴入晒味，海蝦脆到可以連殼食，非常惹味。 麻辣香鍋(醬香味)既然點咗香辣味嘅鍋巴蝦，呢個香鍋就試下唔辣嘅醬香味啦。配料揀咗午餐肉、魷魚鬚、肥腸、土豆片同萵荀，索晒啲醬汁，好香甜。因為唔係麻辣，可以食到配料嘅原味道。

之前見熊貓酒店樓下的悅川有晚市優惠，屋企人鍾意小菜，夠曬鑊氣香口。🌟#濃湯蕃茄魚超抵食！湯頭濃郁，蕃茄的酸甜與魚的鮮香原來可以咁搭。魚肉量多且滑嫩，好食，每次仲係食唔完。 🌟#雞絲涼粉鮮香惹味，仲可以走辣，雞肉嫩滑，涼粉好特別，口感滑溜，好好味。🌟#五花腩肉炒花菜呢度嘅五花腩肉似腩肉，雖然少少肥，但係油脂香口，好惹味。口感豐富，炒得剛剛好，配啤酒一流🌟#Sapporo啤酒買一送一超大杯生啤香滑醇厚，超好飲想不到悅川的質素水準不錯，值得encore

72度慢烤樟茶鴨呢個真心大推！睇過下OpenRice啲食評，見到幾多人推介呢個，於是就叫咗，果然冇嗌錯，啲鴨皮煙燻得好薄，食落去外脆內軟，表面嗰層皮唔會好油，肉質柔嫩，仲有陣淡淡的樟茶香味，建議大家配飯食~老壇酸菜魚（小）酸菜魚切片厚薄適中，口感滑嫩，冇腥味，雖然係嗌咗細分酸菜魚，但冇諗過魚嘅份量都幾多，整體微酸，唔算好辣，攞嚟送飯一流，仲有娃娃菜、芽菜、金針菇、寬薯粉😋爽口冰粉同朋友兩個人一齊嚟，店員好sweet咁樣幫我哋分咗兩個碗，冰粉晶瑩剔透，面頭仲有啲提子乾、花生粒，配埋啲紅糖漿一齊食，清爽解渴

趁放假，想同屋企人休閒咁食餐飯，荃灣熊貓酒店悅來坊入面有一間高汁嘅川菜餐館。今日好多人去食。餐廳地方好大，中式既裝飾，環境舒適。每張枱都隔得好梳，可以放到好多餸。餐牌有好多傳統川菜菜式， 亦有部分中菜，價錢親民。每一碟菜上枱都係大大碟，正宗有惹味，配白飯一流！便靚正！1）啫啫田雞煲- 佢哋嘅招牌煲仔菜式， 上枱時熱辣辣，田雞髀肉飽滿，啖啖肉，配上青椒同洋蔥，非常惹味2）竹笙海王蒸蛋白- 大廚精選，呢度菜好花功夫，蛋白蒸得好嫩滑，唔會過火，竹笙好有咬口3）乾扁四季豆- 鑊氣十足，四季豆每條都好大條長身， 同欖菜一齊炒，鹹鹹香香4）雞絲涼皮- 小食之一，但好大碟，涼皮係粗身果款，好特別，配上秘製辣醬，唔係好辣，啱曬屋企人食5）酸辣爽豬手- 都係小食，豬手切到細細件，可以入口。 食落去酸酸Maymay，好解辣，好爽彈！

聽說荃灣悅川的川菜十分出色，於是今天晚上 ，我們去到荃灣悦川試一試，看看是否屬實。首先上枱是荔枝玫瑰茶，是一款香氣四溢的飲品，融合了荔枝的甜美與玫瑰的芬芳，帶來清新而獨特的口感。跟住就是晚市的散座優惠三寶，老壇酸菜魚，以其鮮美的魚肉和酸菜的獨特風味而聞名，湯頭醇厚。冬菇蝦仁豆腐，則是另一道經典菜色，冬菇的香氣與蝦仁的鮮甜相得益彰，豆腐的滑嫩更是讓整道菜品增添了層次感。最後，招牌口水雞，雞肉鮮嫩多汁，配上特製的醬汁，讓人回味無窮。這些美食是晚市的亮點，我們十分享受今天晚上在悦川的晚餐。

好耐無食過酸菜魚，所以去左呢間位於熊貓酒店下面既商場 悅來坊食四川菜。酸菜魚 $2182-4人份量，魚肉比我想像中多，而且魚肉好滑！不過要留意，有機會有少少魚骨，大家食既時候要小心。除左多魚肉外，底下既芽菜、酸菜都好多。冰鎮咕嚕肉 $128貌相好colorful，啲咕嚕肉睇落有啲細粒，但估吾到又幾脆。啲冰亦吾會好快溶，食完都吾系溶好多。配搭左啲水果，有士多啤梨、火龍果、菠蘿等，酸甜又冰涼，幾適合夏天季節食！京葱爆牛肉 $98牛肉份量幾多，而且啲牛肉幾滑，一啲都吾難咬，連埋大葱一齊食更美味。不過要提一提，落單時可以叫少油，因為四川菜式一向較多油。呢間四川菜餐廳好大間，又多卡位，坐得好舒服！比較少見有禁大間四川菜餐廳。

朋友話荃灣「悅川」唔錯今日就去試下，叫左個「三寶套餐」$328有老壇酸菜魚+小炒黃牛肉+麻辣牛肚，我哋仲加多個啫啫肉碎粉條煲，四道菜兩個人食到捧住個肚走，性價比超高。老壇酸菜魚 魚片完全冇骨，酸菜夠晒酸爽，湯底唔會太油，辣度剛剛好，仲有大量芽菜同粉絲墊底，撈飯一流。小炒黃牛肉 牛肉切得薄身，鑊氣十足炒得嫩滑唔韌，配埋芹菜同辣椒一齊炒，香辣惹味。麻辣牛肚 牛肚切得夠薄，口感爽脆入味，麻辣汁唔會太嗆喉，麻香十足，愈食愈上癮。啫啫肉碎粉條煲 $98粉條吸晒肉碎同醬汁嘅精華，啫啫聲上枱熱辣辣，口感煙韌。份量足味道正真係抵食，環境舒服服務又好，荃灣友想食川菜可以試下，下次想試埋佢個水煮魚同口水雞。

🤩終於俾我搵到一間適合香港人食，環境又好嘅川菜啦！呢間環境真係好優雅，坐得舒服，最重要係有位四川師傅坐鎮，味道真係無得輸！🐟✨我試咗佢哋嘅酸菜魚，真係好好食！魚肉份量好多，嫩滑無骨超新鮮。我揀咗小辣，越食越香，根本停唔到口！性價比高到不得了。🌟晚市三寶套餐只需$328，包老壇酸菜魚、五花腩肉炒花菜同招牌口水雞，每樣都好味。五花腩炒花菜炒得剛剛好，唔油膩，花菜爽口清甜😋 口水雞好入味，嫩滑帶點辛香，令人食指大動！🔥仲試咗蔥爆牛肉（$98），牛肉質素唔錯，味道濃郁，鑊氣十足。最後再來個爽口冰粉（$28），清新又消暑，完美結尾！

近日造訪了家樓下的一間餐廳，想不到味道異想不錯，悅來坊內都幾多餐廳，而家又多咗一個新選擇☺️🔸蔥爆牛肉牛肉醃到好入味，肉質唔柴，加大蔥同埋蒜爆香之後更加惹味，大推！大大塊牛肉🔸五代同堂炒飯好欣賞呢個炒飯，飯粒粒分明又唔會好油，色澤誘人，媽媽都話唔錯👍🔸青瓜絲伴魚皮魚皮脆口份量都幾多，紅蘿蔔絲點綴，口感更加豐富，雖然我唔係好食得辣，但都keep住想食🤣🔸紅糖糍粑糍粑味道正常，粉頗多總體嚟講係間唔錯嘅餐廳，都會介紹朋友再去😽

荃灣悅來酒店居然有一間隱世嘅川菜館 環境又好 嘢食又抵 遲啲母親節都可以同阿媽去食👍🏻而家做緊個晚市優惠三寶我哋就叫咗一個老壇酸菜魚再加一個酸辣魚皮同埋一個五花腩肉炒花菜 加埋都係$328咋老壇酸菜魚個酸菜魚好大碟 佢又唔會好辣 就算係唔食得辣嘅我都食得到 魚片都有好多 而且都好嫩 入邊仲有薯粉 娃娃菜同芽菜等等嘅配料 全部浸到入晒味 真係好好食🤤酸辣魚皮酸辣魚皮其實好爽口 而且味道都幾好 但係對我嚟講有少少辣🙈五花腩肉炒花菜好有鑊氣 個花菜都好爽口 佢仲有少少麻辣嘅香味 但係又唔會好辣 食起上嚟好惹味😋冰鎮秘製咕嚕肉個擺盤超級靚 而且仲有唔同嘅新鮮生果再加埋酸酸甜甜嘅咕嚕肉 真係好開胃😚五代同堂炒飯呢度嘅炒飯真係可以炒到粒粒都好分明 好香 啲蝦都好爽口😋另外我哋仲有叫燒椒伴皮蛋 冬菇鮑汁鴨掌煲同竹笙海皇蒸蛋白 但係我覺得啱啱講過五個餸係最抵食同好食嘅🤩

今日放假嚟荃灣嚟同屋企人食川菜佢呢度晚市優惠套餐超級抵酸菜魚加一款小菜再加一款涼菜都係328 涼拌魚皮 本身以為前菜小食應該細細兜 但係估唔到佢呢個超級大兜而且食呢啲川菜 最緊要夠麻夠辣夠過癮呢兜魚皮滿足晒呢幾個願望酸菜魚小辣估唔到佢嘅套餐酸菜魚亦都係咁大兜而且魚片嘅數量亦都好多配菜有芽菜，寬粉等等 而且亦都夠酸夠辣 正😄然後有個腩肉花菜我個人就覺得佢啲腩肉太大大嚿如果在切細舊小小嘅話會容易入口多啲不過佢啲椰菜花都炒得好爽唔錯海王蒸蛋白味道啱啱好，唔會太鹹清清地配住麻辣嘅酸菜食感覺都唔錯 冬菇鮑汁鵝掌煲冬菇同鵝掌都超級大嚿用了足，亦都好入味

去完桂林旅行後回港,急不及待約朋友去荃灣區吃晚飯,朋友選擇了一間地道的川菜餐廳,環境優雅乾淨,有二人套餐價錢幾公道。麻辣牛肚川菜的的麻辣牛肚選用高質牛肚,滷製後配上麻辣醬~牛肚香濃入味,口感超好,食到不能停止,風味十足~ 啫啫沙薑滑雞煲這道菜以啫啫滑雞為主菜,經過精心炒過的雞件,加上沙薑炒製而成~整道菜香氣四溢,啫啫滑雞與沙薑味完美結合。悅川小炒皇炒得好惹味小炒皇,菜夠爽脆新鮮,加上香口的腰果和味濃的蝦乾,還有好惹味的魷魚,色彩繽紛,口感豐富!配啤酒一流!以前去大排檔一定會叫的小菜~老壇酸菜魚老壇酸菜魚的魚肉片好嫩滑,酸菜夠酸好開胃,湯頭濃郁鮮香,配上一碗白飯好快就吃完!魚片的數量好多,底部還有薯粉/芽菜/萵筍,全部食材都好足料。