快船廊

營業中

休息中

第一次寫食評,見笑~~~以前聽聞文華的自助餐好食,又好貴,不過原來只係3百多小小一個人,今次就去試試~~先講講海鮮吧,種類都幾齊全,生蠔,青口,長腳蟹,大蝦等等全部都有,而且非常新鮮,特別係長腳蟹,吃小廿幾隻,隻隻鮮甜(如果有把剪就好了~~~)再來就是刺身,款式一樣係好整,而且補充得好快,三文魚刺生係我在香港酒店食過最好食的,第一不會腥,第二肉質鮮嫩,入口即溶熟食方面,對不起,款式的確係比較小,都係羊肉,魚柳果d,不過白汁闊條面就好好食~~~燒牛肉就不過不失啦~~~冷盤,沙拉果d都同其他酒店差不多,不過大蝦沙拉就好好味,用料同樣新鮮~~~最後是甜品,說款式是比較小,沒有雪糕,沒有梳乎里,有的只是小小杯的布甸,蛋糕等,數量小,但全部都有質素,布甸不會太甜,奶味適中,提拉米穌,芝士蛋糕都有和文華餅店同等的質素,特別係芝士蛋糕~~~~~~後記:一坐低好快就有一籃面包食,配上淡淡地的牛油,不錯的~~另外服務態度也值得表揚,離開坐位好快會有人收碟,而且可以坐到好夜都得,在舒適的環境下,食飽坐低傾下計都唔錯~~~

媽媽生日的大日子就算風大雨大都無阻為她慶祝心呢??自助餐六時三十分開始,六時廿分己準時到達,由於只有四個人最後可以順利坐梳化位置6點半左右待應放低牛油和麵包.其實,麵包味道一般,可以不吃,留肚吃其它食物還好夠鐘就立刻外出巡一巡有甚麼食物,文華的自助餐食物款式果然比較少.第一件事當然要先取海鮮,海鮮中的生蠔兩款幾新鮮有海水味唔差,只是偶然有蝦殼.蝦有兩款,一款是大而無檔的大蝦,只是得個大字,全完無甜味,可以不吃.另款沒有殼的蝦好鮮甜又夠彈牙,超級好味,至於螺不吃也擺,太多殼的碎渾在當中,著實沒有心機吃.長腳蟹有蟹的鮮味,可惜略嫌鹹了一點冷盤:莎樂美腸,火腿,煙三文魚,巴馬火腿也只有一個字形容晒,鹹.鹹到完全食唔到應有的味道.沙律:有幾款的,還有一些菜可以自己加落沙律或齋食也可以刺身:三文魚,八爪魚,立魚,八爪魚,吞拿魚和北寄貝,款式唔算少,只是味道一般.三文魚也唔夠新鮮肥美壽司:三文魚,吞拿魚,腐皮,魷魚,赤貝,加洲卷等等(因經常轉換款式)湯:一款是海鮮湯,一款是粟米湯,兩款湯也是普普通通無甚特別熱盤:應該唔只五款,我記有薯仔和牛肉粉絲,炸雞翼芝士:有幾款芝士選擇燒牛肉:這款牛肉真係超級

自翻新工程完成後第一次再來,除了外觀不同了之外(房間向街的露台不見了)內部的裝修反而分別不大,尤其坐在Clipper Lounge內,明明眼見餐具傢俬都是新的!但就令人有80's的感覺.坐下每檯也有的新鮮熱辣麵包籃配軟滑淡味牛油,味道極佳!食物種類選擇不是太多,大路的生蠔、翡翠螺、淡水蝦等也有供應而且水準不錯!對熱葷的興趣不大,但其中的燒牛肉是不錯的選擇!揀了比較生的一邊,肉味濃、質地很軟熟,另一款的越式湯河卻有驚喜!雖然牛肉不怎麼樣但河粉滑溜,湯底入口很重"牛"味非常濃厚!試了幾款甜品,其中的Chocolate Fudge Cake味道最正!味道由淡轉濃,好味!$350包餐茶連加一,可能有人嫌地方細食物種類少!這個價錢外面有更多的選擇.但我卻非常享受這裡的寧靜的用餐環境,食物水準平均,不用出去争或排隊等餐懵.反而覺得這個價錢是物有所值!這裡員工的服務水平是出了名的高水準,無可挑剔.

每一年生日,我都係喜歡選擇去食一次BUFFET令自己開心下....其實計落我近期都食左好多次BUFFET啦..今年絰女生日又係食BUFFET連父親節我地一家都係去食BUFFET....上年原本想去州際/半島食架...不過早一星期訂位都無位,所以今年老闆好醒目地早左成1個半月前book位..仲要怕我有變更所以連續book左2個星期六, 一間係文華;另一間係半島....不過被老闆估中我下星期六都係突發要返工,所以最後我都係選擇上星期六去左文華食buffet就算.未夠6:30pm我地已經到達餐廳, 可能一早book定位所以安排坐係window seat...不過都係望住皇后像廣場啦...無景不過勝在個位算幾好坐幾好hea.我都無睇個食評原來都文華都幾有expectation架...點知我一出去取就係冬陰公湯...試左一啖就無咩信心..大家睇左個樣就知有幾清淡..碗野真係相當唔得呀...但係反而碗mushroom soup就唔錯這處既冷盤海鮮都算幾多選擇, 有2款蠔, 瀨尿蝦, 龍蝦仔, 螺, 青口, 蝦, 蟹腳...都算樣樣都新鮮唔錯, 仲有魚生都有幾款食食下仲會加d新既刺身都ok啦..不過

同事們升職請吃飯, 到了文華. 之前不知道有這樣一個地方. 坐得較近食物桌, 但人流較多. 門口服務生和餐廳夥計的服務令我有點失望, 例如整桌人的咖啡茶都給調亂了, 清水也少了一杯.說回食物, 冷盤可說應有盡有的. 小龍蝦, 生蠔, 翡翠螺, 長腳蟹兩款, 標準的刺身(沒有海膽, 帶子, 鮑魚等), 壽司, 芝士選擇少, 只有gouda和blue stilton, 皆非我所愛. 火腿有一款, 不是即切, 油香較弱. 我覺得冷盤不是特別出色, 例如生蠔除瘦小外也沒有海水味, 長腳蟹也非肥美, 有些刺身吃下好像還不很新鮮.熱盤算是比較出色的. 我喜歡的便有香茅豬頸肉, 有很濃郁的香茅味. 香草羊扒算是不錯, 可惜過熟了. 牛油汁煎鱈魚, 肉質鬆軟又有很香奶油味. 魚湯青口, 湯做得很甜, 很能襯托出青口的鮮味. 這些都是推介菜式, 但總體來說都不是甚麼新奇或難度高的菜式.甜品約十款, 都是小杯裝的, 還有水果. 芝士蛋糕做得不及樓上餅店. 沒有tiramisu. 一種類似panna cotta的奶凍也不錯, 有淡淡的奶味. 另外焦糖燉蛋也較好味. 其他包括白酒啫喱配荔枝, 巧克力慕絲蛋糕(

朋友知道我喜歡吃甜品..於是訂了這間的自助餐...7點到達..星期四晚上..也有9成入座..先走了1圈..款式真的不多..但勝在齊..沙律..海鮮..湯..壽司..刺身..芝士..牛扒..熱食..甜品刺身: 有三文魚..吞拿魚..八爪魚..墨魚..章紅等..我只吃了三文魚及章紅..新鮮海鮮: 有生蠔...長腳蟹...龍蝦仔..田螺..青口..大頭蝦等..生蠔很大隻..朋友說很好味!! 我個人比較喜歡龍蝦仔..又爽又甜..牛: 生熟程度剛剛好..牛味很濃..甜品: 細細杯的..很精緻..但多以mousse為主..麵包布甸不錯!入座後會有一籃麵包..每人一個牛油..麵包不俗..牛油是淡味的..prefect match!!服務員的服務真的很好!!體貼細心..還跟朋友一起唱生日歌我聽..迷你生日蛋糕是文華餅店的出品..還寫上我名字呢! 最後還有home made雪糕!!是晚每位加$98可任飲..汽水..果汁..啤酒..紅白酒

文華的Scone多年黎都係我嘅最愛, 每次係中環行完街都會過黎order一客Scone加杯茶/啡, 好好咁relax下. 今次就留意到佢個餐牌上面除左玫瑰花醬仲多左個黑草莓醬(BlackBerry Jam), 唔知係新野定係之後無留意到呢? 於是就叫左BlackBerry Jam 試下啦.客Scone上枱嘅時候我留意到兩碟醬都比較特別, 牛油係好硬身, 同平時果種少少稀有D一粒粒嘅感覺唔同, 望落真係似普通牛油, 黑草莓醬睇落都係醬一碟咁啦.但搽左落scone之後真係後悔莫及. 牛油真係牛油, 黑草莓醬無味, 真係令我...無哂胃口, 好彩我仲有一件Scone, 即刻叫個waiter過黎換過set 玫瑰花醬文華scone, 始終都係加玫瑰花醬先好味

孖妹行行下街忽然痴起唔知邊條筋,話要食Buffet.....當時咁arm糧頭,當然欣然前往啦=)先講熱盤啦@@"四川蝦仁宮保黎唔辣,cod西京燒比較淡,吉列豬扒算啦,天婦羅ok,蝦同蕃薯都新鮮唔油@@"三文魚......感覺佢想整寶雲酥口感但魚質實在太老啦@@"紫菜其實都幾match salmon既*重點當然係甜品啦@@"Green Tea Mousse - 綠茶味太重,同小紅莓既酸度完全唔夾@@"Bean Curd Panna Cotta - 下?我連cream味都食唔到,只係一大堆草莓鮮甜,豆腐完全唔見影囉唔該@@"Chocolate Mousse - 都綿滑既@@"香檳雜莓果凍 - 好唔得!!香檳既甜味死晒,一味酸>.<"Pumpkin Mousse - 重南瓜味但質感太稀@@"之後既係焦糖忌廉Puff,但嫌玫瑰樓下糖漿太gimmick*至於Cheese Cake.....都ok 啦,唔算好滯*全晚最好食既甜品 - Green Tea Creme Brulee*好難得茶味同Cream味同蛋味溶為一體wor@@不過三百二十幾蚊夜晚buffet,仲有去Clipper

當日先訂都訂到位, 仲一d都唔full 添...因為嗰日係"柴九哥"farewell, 同埋好多人端午外遊, 加上豬流感.....今次主題係海鮮, 一句講哂, 重質不重量..選擇少但質素高海鮮有大蝦, 大蠔, 大螺, 蟹腳....三文魚, 吞拿魚,... 都好新鮮, 明顯比四星好!周打海鮮湯yummy, 想飲多一次, 但都無位...牛排好有牛味, 一d都唔un, 比預期中好食, 必吃 食完都圍返大本最令人失望的就係甜品, 無乜款, 買相唔吸引, 竟然連芝士蛋高都無 , 本來有香濃朱古力蛋高, 但係轉頭就無哂, 無再refill啦...淨番朱古力mossue蛋高,早知快手d拎左先, 但點會估到呀!不過$318加一, 食buffet黎講其實好抵!

行到腳軟,一行6人來到竟然有位.我們叫了不同的tea (太約$55)及一些英式cone ($50). 濃濃既tea可以把疲倦暫時帶走, 及有不停加水的服務, $55 一點也不貴. 當然來到clipper一定要食佢自家做既rose jam啦.好香好香既味, 食下去甜甜地加埋soft cream, 簡直是一流既享受.

已經唔多吃buffet的我，適逢今次係小公主升職關係，佢之前同朋友食過話幾好，有機會一定要帶我去試試，而且這裡亦是我老闆推薦的餐廳之一，咁當然要會一會佢啦。朝早訂枱，都算幸運，仍然有枱，但餐廳話今日訂枱頗滿，問我介唔介意要坐到走廊尾，我之前都去過食afternoon tea，咁當然唔係buffet形式，唔需要行去攞嘢食，但係冇所謂啦，難得今日有時間，而且坐遠啲可以當做運動又可以靜啲，恩言接受，餐廳亦說如果有枱的話，會幫我調近啲buffet枱。今日嘅dinner buffet係有特別主題 - 印度食品。可能因為經濟不景所致，價錢亦都較早前調低咗$50-$60。今晚有段小插曲，到達嘅時候，因為應該有位調動關係，waitress話幫我地調咗位，坐到近buffet枱，但又係窗邊嘅二人枱，非常滿意。因為6:45 去到嘅關係，都未開始肚餓，咁就先影幾幅相先，不過大部份都係冇開閃光燈，但係我地坐位嘅光線係頗暗，所以我影小公主時唯有開閃光燈，只影咗三張有閃光燈嘅相的一刻，有一係著住西裝嘅waiter走埋話："請你唔好用閃光燈"，之後不發一言，就走咗了。佢唔解釋原因，又冇話其他客人投訴，只係不禮貌、態度

整體而言，是有點失望，因為期望愈大失望就愈大。之前在OPEN RICE見到好多好評，人人都讚好，甜品的外表又非常精緻吸引，所以就來試試，以為會好好味。基本上，淺嚐過大部分甜品，最後的結論是太甜太膩，全部的甜品都"太"足料，有過量之嫌，非恰到好處。這麼多的好評，恐怕有點過譽﹗先說玫瑰醬鬆餅，鬆餅有很重牛油味，很實，一點也不"鬆軟"，不覺得有何特別；而玫瑰醬太甜，蓋住了玫瑰香味，令玫瑰醬失色不少。玫瑰醬鬆餅令人吃兩口就不想再別，想試其他甜品。迷你三文治是很有特色的鹹點，以煙三文魚三文治最好味，煙三文魚和中間較淡的蛋糕互相配合，很不錯，但其他味道則普通。大部份chocolate or chocolate cake都係甜，是超甜，可可味不濃 = = 最奇怪的事chocolate buffet 居然沒有dark chocolate。而chocolate milk , coffee都係太「漏」，得個「甜」字。一些甜品是比較有水準，如士多啤梨撻，士多啤梨很甜，加上很香的雲尼拿cream，好好味，可惜的是撻皮不脆；小盤栽的賣相好可愛，十足植物一般，以chocolate mousse仿泥土，以粗盬仿小石

雖然只係單以朱古力為主題，其實花樣都唔少，蛋糕、一粒粒既朱古力、macaroon、朱古力餅、chocolate mousse、chocolate drinks……一碟碟擺o係面前，幾爽呀！每人都有碟鹹點同鬆餅，可以中和下d甜膩膩既感覺。不過呢，朱古力始終都係漏，我好鍾意食朱古力，去到第二碟已經力不從心，漏到上頸，就算只係輕嚐，想食晒咁多款都有難度。當然，食自助餐唔係搵命博，食下傾下感受下五星級大酒店既氣氛同服務已經夠晒喇。

期待左好耐既朱古力buffet, 終於係3月22號我地既6周年黎食. 入到黎第一件事係影相, d 甜品擺設好靚, 影左好多相. 而影相時就已經聞到一陣陣朱古力香味. 放低相機後就即刻拎野食. 我地無食晒所有款式, 因為甜品既胃口有限. 不過拎返黎既每樣都好好味. 推介有:1) double chocolate cake - 好香濃而且滑既朱古力, 我地兩個一人食一件, 唔捨得share.2) spicy hot chocolate coffee - 我飲唔到有咩spicy (定係我誤會spicy既意思?), 不過係好厚身既一杯mocha, 飲半杯就飽.3) mango tart - 朱古力以外既甜品, 可以refresh 一下.4) scone + rose petal jam: 呢個係complimentary 每人一客, 兩樣都係mo 有名既野,不要錯過. 不過當日個jam甜左d. 但係仍然好香!5) 朱古力praline - 當日有三種味, 不過唔記得名, 但三種味都好味.6) strawberry green tea - 消滯用的, 好香strawberry 味.其實仲有好多c

星期五下午同朋友兩個人嚟左呢度食high tea,其實之前都嚟過的,我地本來想去對面的cafe試下,食物一樣,但環境就好唔同,我們都係覺得在這裏似真係係酒店high tea多d及sofa舒服好多.我們坐在近窗附近.我們兩個人叫了set for two的high tea,再叫了奶茶,奶茶好快就到,跟住過左一陣high tea set就嚟啦,嘩,都幾吸引呀,有三層,第一層是三文治,但係細細件,有四種不同的味道,有三文魚,青瓜,火腿,蛋,三文治入面都有d cream之類的料,都幾好味呀,又易入口.第二層是tart類,有一件係蛋糕上面有隻蝦,隻蝦都幾大隻都幾爽口,好味,跟住有一件係蛋醬係入面,都ok,另外係咸咸地的肉,一件是cream,都係份量不大件,好易入口,好味呀!第三層是甜品,有一件芒菓tart,ok,芒菓都幾甜,細細粒果肉,tart就較甜,有一件是朱古力cake,個朱古力好濕的,但都好味,有些酒,不算太甜,其它的兩款普通.還有一籃鬆餅,有四件咁多,配cream及士多啤梨醬,兩個醬都好味,朋友說那個cream沒有半島好味.我地坐在差唔多三個鐘先走,嘩好飽,同埋好舒服,服務都好好!