心鉄板燒 (已結業)

由政府禁晚市堂食之後，好多食物嘅選擇都少左好多，因為無左果種氣氛，但係無阻我繼續搵食嘅決心，今次黎食鐵板燒前菜沙律同螺肉神戶黑豚薄燒配炒什菇黑豚薄薄嘅一層包住微辣嘅泡茶，咬起來非常有口感，什菇清爽而不油，旁邊嘅係蘋果蓉大蝦帆立貝美國牛肉厚燒七成熟嘅牛肉厚燒肉質鮮嫩多汁，咬起來非常有口感。帆立貝肉質鮮嫩潔白大蝦蝦肉肉質彈牙，非常有嚼頭幾下就將白飯炒到變成金黃色炒飯粒粒分明唇齒留香，蛋味濃之餘仲有香蔥嘅香氣。開心果雪糕柚子雪糕

難得放幾日假 和老婆周圍去行下街食下嘢 瞓醒起身就直接去亞士厘道食鐵板燒餐廳位處18樓 景觀十分開揚 窗口位可以望到維港景色 環境舒適 還有獨立廂房 和一班朋友同事一齊來也不錯食物講求色香味 我覺得這裏各方面都做得十分好點了午餐二人前 首先前菜是季節沙律 蔬菜很新鮮 甜甜酸酸味道可以開開胃刺激食慾第一道主菜是龍蝦 師傅烹調過程中 已經可以聞到食物香氣撲鼻 肉質很鮮嫩 火候啱啱好 醬汁是用龍蝦頭的蝦膏即場煮成精華所在 起肉後切一口一件 餐碟相信亦是經過精心挑選 可以看得出餐廳做事一絲不苟 即使是細節位也做得很仔細伴上時令菜蔬 醬汁 色彩繽紛 的確處理得不錯之後來的是北海道帆立貝 上面鋪上三文魚子 好厚好大隻 味道鮮甜 中間煎得啱啱好再來可以選美國特級牛肉或神戶黑豚 我揀咗厚燒牛肉五成熟 好有牛味 食落唔會覺得油膩 可以點wasabi和燒汁 我自己就覺得唔點汁就咁食都已經好好味之後還可以嚐到這裏很有名的小女子炒飯 雖然這個不是用上高檔食材 廚師在你面前即炒即食 每粒飯都是熱辣辣的 粒粒分明 還是不錯的最後還有魚湯 炒雜菜和雪糕 真的很滿足

疫情禁晚市堂食之後好耐冇食過好西😅同老公兩人都放大假，一於book定枱！想吃好久嘅心鐵板燒😌地方唔算太大，原來仲有包廂，可以稍為望到維港，位於18樓嘅關係，有點居高臨下嘅感覺😝點了精選午市二人套餐$1180季節沙律，打開胃口，簡簡單單沒有太多點綴，蔬菜就是新鮮🤗魚缸即叫即捉上枱，海鮮新鲜🤩好大隻龍蝦！手臂般長，喺鐵板上仲有少少跳動，觀賞師傅純熟的技巧，也是另一樂趣😁用上牛油，和自家製龍蝦汁，二三下手勢，已經上碟！😍龍蝦味超級濃😋龍蝦肉爽口彈牙，隔著蔬菜吃既可解利也可清清口腔！另外蕃茄辣汁和龍蝦也很匹配喎北海道帆立貝厚肉大隻！簡單煎煮，火侯拿捏得剛剛好，外表焦香內外面還是彈牙🥰🥰美國特級牛肉厚燒，五成熟，牛味濃郁，美國牛口感特別好，一啖一粒非常細心，可以點自家製牛肉汁或者芥茉各有風味🥳季節炒什菜，食番多啲蔬菜平衡下🤪🤪小女子炒飯，用上白飯魚漬物配上日本蛋和蔥花，簡單食材炒得好甘香！飲埋碗香濃鮮甜魚湯，冬天真係好適🈴️甜品都有驚喜，要咗開心果雪糕，第一次食開心果好香配上雪糕口感一流👍前菜到甜品樣樣質素都高，環境舒服服務仲好好添！😬

一直都想食鐵板燒，今日終於book咗TST食鐵板燒lunch.Lunch set［ 大蝦、銀雪魚配芝士春卷］$188［ 大蝦、帆立貝、比目魚］$248.蟹肉沙律 、螺肉.芝士春卷..大蝦 （配番茄辣汁）大蝦幾新鮮，肉質爽口，而且燒得夠香，配埋辣汁味道唔錯.比目魚.銀雪魚銀雪魚油脂充足，肉質好滑溜，嗰醬汁唔會搶晒魚嘅香味.帆立貝Size都幾大，燒得啱啱好.炒飯炒飯用咗好多蛋，而且應該加咗漬物，所以好香.炒雜菜、龍蝦湯雜菜唔會好油，龍蝦湯既做法偏西式，少少creamy ，仲有細細舊嘅龍蝦肉.雪糕 - 柚子味/雲尼拿

除夕午餐揀咗個二人午餐加$300轉和牛再開一支白酒。鮑魚偏硬白酒煮蜆好多沙銀雪魚一般和牛over cook炒飯冇用牛嘅油脂炒仲居然落沙律醬，好驚嚇！味道又唔好炒菜一般芝麻雪糕好似雪咗成年咁！好似好無準備，要成日左搵右搵，加上無人手，廚師要不停行來行去，傳菜，攞牛扒出嚟defrost，好唔profession，令到上菜時間變慢！其實用差唔多2000蚊食鐵板燒午餐，得到咁嘅食物同服務質素係一定唔會再去！

由於疫情關係，晚上已禁止堂吃，但快將聖誕節之際，亦需與弟弟吃頓午飯以作慶祝，讓這個節日過得有儀式感，弟弟提議到尖沙咀的心鉄板燒用膳，說是想品嚐的鐵板燒餐廳之一，最終我們便到此光顧了商務午市套餐。蟹肉雜菜沙律配芝麻汁前菜是沙律，配料有沙律菜、小蕃茄、粟米、蟹肉，用料口感新鮮，沙律菜鮮綠脆爽，小蕃茄酸甜多汁，粟米清甜香脆，蟹肉幼嫩甘甜，整道沙律清新可口，淋上芝麻醬後再增添滋味。螺肉螺肉同樣是前菜，加入醬料的螺肉色澤呈現橙色，其肉質新鮮可口，厚實飽滿，口感煙韌脆嫩，彈牙爽口，味道絲毫沒有腥味，絕對是令人胃口大開的菜餚。中南非活鮑魚 鮑魚菜餚色澤繽紛奪目，旁邊配搭鮮花作點綴，賣相矜貴吸睛。主角鮑魚新鮮厚肉，清甜濃郁，爽彈醇香，沾上蛋黃柚子汁，味道酸酸甜甜，開胃惹味，同時亦能緩和鮑魚的油膩感。其餘配料還有翠玉瓜、紅椒，兩者均爽口鮮甜，脆嫩清新。銀鱈魚 師傅特意把銀鱈魚的魚肉和魚皮分開，再分別以煎製方式烹調，魚肉外層色澤金黃，內裏潔白片片分明，口感清香細嫩，入口即化，味道滑溜鮮甜，滿有魚香。魚皮則香酥爽脆，鮮味而不油膩。沾上與炸物相配的他他醬同食，酸酸甜甜的味道很是開胃。配菜還有煎茄子，其油分用量

好友生日約佢食餐好野, 佢想食日式鐵板燒, 為免晚市人多, 所以選擇左午市.午市以套餐為主, 有主菜, 沙律, 飯, 麵豉湯等等. 我地揀左商務午市套餐, 主菜有鮑魚, 和牛, 好豐富.先來個南非活鮑魚, 鮑魚好新鮮又大隻, 廚師燒得剛好, 不過火所以食落好爽口, 有海水既鮮甜味.最愛既銀鱈魚, 煎到兩邊微焦, 特別香口. 魚脂豐富, 魚肉肥美滑溜, 一食已經滑入口.食完兩款好味既海鮮前菜, 就有個清酒煮蜆黎清清個口, 好香清酒味, 唔算好濃烈易入口. 蜆肉都幾肥美, 漲卜卜既.重頭主菜有和牛厚燒, 真的夠厚, 入口特別有質感. 廚師將和牛放上鐵板, 由生變熟, 肉香味一直由鐵板轉到我既鼻, 唔洗好耐, 和牛已經燒到剛熟, 外軟內嫩. 有肉鮮味, 齒頰留香, 真係好想一食再食.之後仲有炒飯, 炒什菜同甜品作尾, 呢餐十分滿足.

想食teppanyaki 慶祝生日。OpenRice見到呢間評價不錯，就去試下。雖然前菜及龍蝦都好好食，但主角和牛就不夠新鮮了，有點失望，牛肉都變了紫色，飯後甜品也欠佳。 雖然餐廳的景觀不錯，但是感覺非常一般，全晚都在播流行歌曲，服務員服務也非常之港式，感覺不太正宗。二人套餐大概2000，我呢加咗400轉龍蝦，但整體不太值這個價錢，比較像普通的街坊鐵板燒，有點失望。優點：前菜，師傅手法都算專業，可以看到海景。

今日係朋友生日，所以book咗佢最鍾意食嘅鐵板燒。呢間餐廳位於亞士厘道，屬於樓上鋪，雖然已經開咗好多年，但係依然好乾淨企理。仲記得對上一次食已經係三年前，今次再嚟多咗好多款不同嘅晚餐，我哋最後點左個二人餐。頭盤係一個沙律，入面有蜜瓜、奇異果、菠蘿等等，份量都好多，全部生果都好甜。仲有明太子魚餅同冰鎮梅潰蕃茄做配菜，雖然好的骰，但係味道都唔錯。湯方面係花膠雪梨魚濃湯，雪梨筒魚一齊過味道好清新，好鮮甜，真係仲有一大舊花膠㗎😆之後就到海鮮，第一款係大頭蝦配蕃茄辣汁，見到師傅好用心地為我哋燒嘢食，佢將蝦不同嘅部位分段煮，淨係睇佢煮都值回票價！跟住就係花鱸魚配百合忌廉汁，魚嘅份量都有好多，一共有兩塊，忌廉汁嘅口感有啲似薯蓉，配埋魚齊食好夾。然後係北海道帆立貝配海膽醬，擺盤擺得好靚，賣相已經一百分，海膽醬十分濃郁，令整個帆立貝生色不少。最後嘅主菜係A4伊藤和牛牛柳同薄燒牛，牛肉煮得剛剛好，薄燒牛有驚喜，有入口即溶嘅感覺。最後食埋小女子炒飯同炒野菜，已經飽到上心口，不過又覺得好好食，所以都係食到停唔到口。甜品係果子茸奶凍配啫哩糖，為今日嘅晚餐畫上完美嘅句號。

朋友係鐵板燒愛好者，佢聲稱間餐廳性價比好高，所以今日就特登過嚟試一試佢。餐廳門口有一個營業中好得意嘅牌仔，裝修係傳統日式鐵板燒嘅格局，侍應好細心地為我地遞上口罩信封👍🏻我哋選擇咗鐵板燒特選二人套餐，頭盤有鮮果沙律、明太子魚餅同冰鎮梅潰蕃茄。水果都係時令水果，配上酸酸甜甜嘅醬汁，零舍開胃。明太子魚餅係暖身既，口感煙煙銀銀，配埋蟹子係一種得意嘅配搭。呢個套餐有三款湯可以選擇，最後我選擇咗龍蝦湯松露蘑菇湯。味道相當濃郁，口感豐富，而且真係有龍蝦肉㗎，好足料。大頭蝦配蕃茄辣汁呢道菜真係好出色，佢個汁係用牛油同埋蝦膏整出嚟嘅，大蝦肉質結實，好新鮮，配合埋個辣汁，出奇地夾，一道菜可以食到兩種味道👍🏻👍🏻👍🏻花鱸魚配百合忌廉汁，上面更加用咗不少食用花去裝飾，賣相令人眼前一亮。北海道帆立貝配海膽醬，帆立貝好大粒，而且仲有裙邊，爽口鮮甜，配上海膽醬，雖然海膽醬個味道好濃郁，但係完全冇掩蓋到帆立貝嘅鮮味。A4伊藤和牛牛柳同薄燒牛，牛柳方面選擇咗五成熟，睇住師傅將好大塊牛扒，切頭切尾，將最好最中間嘅部先拎黎煮俾我哋食，盡顯心思。一般發燒牛入面會包住蔥，但係呢個有啲特別佢係包住一啲日本嘅漬物，酸酸甜甜，一解油

風和日麗的星期六，約了在尖沙咀睇戲，開始之前當然要去醫下肚。來到了心鐵板燒食個鐵板LUNCH。上次黎食晚飯已經相隔2年，今次是第一次來食午餐。午市套餐選擇都頗多，而且價錢比晚市優惠，感覺好抵食。因為黎得早，所以坐到海景吧枱，望住會展嘆lunch，感覺一流。入座之時，正好見到師傅在準備前菜。我點的是大蝦、銀鱈魚配芝士春卷，朋友點神戶黑豚薄燒配蘋果蓉。前菜先來點簡單的沙律，然後看著師傅著手準備大蝦和鱈魚。芝士春卷在不知不覺間已經整好，小小兩條，食落有淡芝士香，點沙律醬就足夠。師傅手起鏟落，大蝦三兩下已經被拆殼，橙紅色的的放在精美的碟上枱，似件藝術品，食落彈牙爽口。銀鱈魚煎得外皮焦脆，肉質嫩滑，配上奶黃忌廉汁，再放上紫色小花，有相又有內涵。麵豉湯是熱辣辣的，在炒飯之前飲一啖可清一下味蕾。鐵皮\板燒的吸引之處是師傅的表演，望住他將雞蛋和白飯炒來炒去，飯在鐵板上彈來彈去，蛋香、豉油香、葱香在空氣中飄散。                                                           飯炒得乾身，粒粒分明，沒有多餘水份。有魚乾的咸香，咸菜香、葱香，簡單飽肚又滿足

放假就要食餐好，平時返工食午餐都趕頭趕命，放假就去食個鉄板燒慢慢嘆呢到個午市套餐有5款，我揀咗$158神戶黑豚餐先來個開胃前菜及沙律，酸咪咪很開胃啊麵豉湯好香濃，入面有蜆肉一齊煮特別鮮甜主菜就係黑豚肉做個薄燒，輕煮又香口，入面仲有泡菜酸咪咪減低油膩感，旁邊仲有清新蘋果蓉㗎炒飯係我每次食鉄板燒最期待的，飯粒分明又香噴噴，入面仲好足料，每啖飯都令人回味炒雜菜都好惹味，簡單而美味最後嚟個柚子雪糕做飯後甜品

每一次走去吃日式鐵板燒，廚師在我面前表演，一舉手一投足也使用餐得到不同的體驗，跟廚師的互動亦使我長知識及更加投入，還有這店可看到尖沙咀的城市夜景。點選了鐵板燒特選2人套餐。頭盤鮮果沙律，用了哈密瓜很清甜。青瓜牛油果蟹柳卷，青瓜爽脆。冰鎮梅漬蕃茄，梅汁配上蕃茄出來的效果是出奇配合。龍蝦湯，相信是用上新鮮龍蝦製作的，味道很濃，而且香味十足，還有很鮮美的龍蝦肉。龍蝦配蕃茄辣汁，龍蝦用上新鮮的，而且是本地龍蝦，味道跟冰鮮的絕對不同，蝦肉鮮甜彈牙，配上帶點酸的蕃茄辣汁先，使鮮味更加突出。比目魚配文旦汁，廚師很細心地把比目魚的魚皮煎得脆口，而比目魚的肉質嫩滑配上微酸的文旦汁，真的非常配合。象拔蚌配櫻花蝦乾，這個配搭看似奇怪，但出來的效果不錯，象拔蚌煙煙靭靭，但同時爽口，重點是櫻花蝦乾，煎過竟然帶一點燴魷魚的味道。日本和牛柳，廚師把肉汁鎖在肉內，味道特別濃，而且配上日式即磨芥辣，簡直把牛肉的味道更加提升。美國牛肉薄燒，肉內包的竟然不是普通的蔥及蒜頭，廚師竟然把牛蒡包在裏面，牛蒡的爽甜加上牛肉的油份，這是異常配合的做法。小女仔炒飯，廚師在我面前炒飯的時候，我看到飯粒在鐵板上跳動，當時竟然有一點感動，簡

之前到這座大廈食西餐時，已收藏了這間餐廳，今日到附近買野，便上去試試。一進門口，店員幫你探熱再安排坐位。坐在師傅面前，一邊看着她煮食猶如看表現，除了煮食、食物擺碟都很用心。<鮮果沙律、青瓜牛油果蟹棒卷、冰鎮梅漬蕃茄>鮮果沙律新鮮，配莓汁味道很夾。蟹棒味濃，青瓜和牛油果較淡，一濃一淡，配搭得宜。蕃茄新鮮又有甜甜的梅味。<花膠冬瓜薏米湯>湯的味道很濃，仲食到些花膠。<龍蝦配蕃茄辣汁>龍蝦肉彈牙，醬汁帶出了龍蝦鮮味。<比目魚配文旦柚汁>比目魚皮香脆可口，魚肉很滑，油份充足，文旦柚汁很特別，酸酸甜甜中和比目魚的油膩感，令人開胃。<象拔蚌配櫻花蝦乾>上枱時已飄來櫻花蝦乾的香氣，口感很脆，似有種煨過的味道，象拔蚌鮮嫩，軟腍得黎又有嚼勁。<神戶黑豚厚燒、薄燒>厚燒薄燒味道各有所長，厚燒會食到黑豚略帶點甜味，肉質軟腍多汁，而薄燒包着泡菜，豚肉片更嫩，泡菜的辣味和肉汁混合更惹味。<小女子炒飯>看着師傅炒飯，動作利落，更炒出個心型！小女子經處理過，有點甜味，葱香味和蛋很滑，炒飯一點也不覺油膩，口

昨日同朋友去食鐵板燒lunch，本來想食尖沙咀另外兩間鐵板燒但已滿座，這間餐廳前一晚book位都有位所以就去試一試。上到去先知餐廳好細，只有兩張鐵板枱喺外面，大概12個座位（還有間細房有張細嘅鐵板枱不過當日冇客坐房）。在疫情下外面嘅座位全場坐滿，我們被安排坐在側邊兩個位，同隔離嗰位只係隔咗一個手掌位，坐得好迫好唔舒服。Menu方面冇乜特色，我哋叫咗個二人商務套餐，有鮑魚，銀雪魚，牛扒加前菜，蜆湯，炒飯，炒雜菜和甜品。講真食物嘅quality好普通，廚師煮嘅時候同客人零交流，個炒飯超難食，啲隔夜飯好硬好乾，未食主菜就上炒飯，好奇怪，通常都係到最後先上炒飯㗎嘛。侍應服務差，上菜收碟好急好似趕收工，因為坐得太迫，所以每次都要跨過我哋個膊頭。埋單每人大概$600 ，呢個lunch價錢只有咁嘅水準，服務和環境我覺得唔值。下次唔會再幫襯。