德記潮州菜館

營業中

休息中

晚上數碼港睇完戲搭車出番比較近的西環已經十時多. 去了德記食飯, last order是10:30pm. 好耐冇來了, 今次點了碗胡椒豬肚湯, 幾大碗的. 辣辣的, 不過酸菜多了點, 甚麼寒意都驅掉了. 另外點了很喜歡的蠔餅. 依然都很有水準, 不過對兩個人來說就多了點, 兩大餅(長碟). 見剪報介紹芋茸糯米炸大腸, 好似幾特別, 不過幾樣野配埋個味道反而不及分開好. 點了個菜, 是鮑片冬菇小棠菜...都唔錯.

早兩日同朋友兩個0黎食dinner, 因為唔太餓0既關係, 只係叫0左個鹵水淨鵝片同玉蘭炒飯share 食.鹵水淨鵝片夠入味, 不過偏乾身, 如果多返d 鹵水汁會仲好食, 墊底0既豆腐吸晒d 鹵水汁, 都好好食.另外要提0下用0黎蘸鵝肉0既酸汁, 好惹味, 朋友仲將呢d 汁倒埋落佢d 炒飯度食!玉蘭炒飯望落唔特別, 同揚州炒飯差不多樣, 不過味道食落驚喜地好, 如果再多d 芥蘭就好喇...環境係茶餐廳格局, 衛生情況一般啦, 不過service 並唔係茶餐廳0既招呼, 個阿姐好有禮貌!平平0地食潮州0野呢度係一個唔錯0既選擇!

在香港要食又平又正的嘢真唔容易, 第二次來德記, 蠔仔粥, 凍蟹, 凍烏頭等咸檸七, 全部都非常滿意, 價錢才一百蚊一個人, 真係超值！

(29/6)距離開始的時間還有十數分鐘，入座坐下為妙。樓下已有很多圍用膳，故被安排樓上雅座，但結果變了「包場」，剩下我們一圍；隔了數分鐘，又被阿姐催促下來，樓下大堂有空桌。相信這裡的特式食品：墨魚卷蝦棗雙拼，墨魚卷沒有試，蝦棗則試了一口，沒有了那油益味，味道則屬一般，彈牙爽口亦不算；鹵水鵝片，中規中舉，略嫌鵝片不太鮮嫩；炸子雞，雞味欠奉，略嫌咸一點，下次可以不叫；炒魚麵，味道清淡，配合三絲及蛋絲炒，魚麵並非粗條的那種，是扁扁的；反而全晚之最，就是糯米釀大腸，皮脆，內裡的糯米實實的被大腸裹著，但糯米部份濕了一點，如果乾身一點，配合大腸的內裡精華，怎能叫一碟？而不點醬汁也是美味。是否那麼值得去吃？不算得，但是，為了那糯米釀大腸的話，說服力增強。

一大班人同老友C(俗稱HL)補祝生日，同C由大學開始已認識，至今唔經唔覺已經超過十年。昔時同佢與數名損友一齊去落吧飲酒、睇靚女，宜家各人有美相伴。各人工作越來越繁重(尢其是我近年身體差咗好多，好多嘢唔食或者飲得，要減少好多傷身嘅嘢)，工餘大部份時間陪美伴。難得大家濟濟一堂，大聲講、大聲笑，一樂也。靚女律師E話想食潮州嘢，問道於我，我就提議德記。其實有幾間位於西區嘅潮州嘢都有唔錯嘅水準，德記門外經常大排長龍，自然有其致勝之道。我地共有十個人，叫咗以下菜式：1.鹵水鵝2.炸蠔餅3.胡椒豬肚湯4.明爐煮烏頭5.糖醋麵6.炒白菜仔7.海鮮煲8.炸子雞9.蝦棗併墨魚餅雖然食鹵水鵝仲未係時候，但呢味餸勝在鹵水夠味，鵝亦好入味，肉質也不韌，水準唔錯；炸蠔餅一碟疊成兩層，大大份好夠“派頭”。餅雖然厚身，但咬落入面唔會水汪汪，值得一讚；胡椒豬肚湯夠晒胡椒，飲落好暖胃，但係冬天飲比較合適，天時暑熱，飲到成身大汗；烏頭幾新鮮，肉質鮮甜，好快就食剩棚骨；蝦棗併墨魚餅係招牌菜，果然冇令我地失望，好香口，蝦肉配馬蹄，夠爽脆；墨魚餅好有咬口。雖然兩者都係煎炸嘢，但食落一啲都唔油膩，係我全晚最滿意嘅菜式；糖醋麵同炸子

西環唔收加一的舖唔少，呢間算最騎呢，甫坐下即被餐牌寫的「招呼不周，未敢加一」弄得哭笑不得。先來是一碗熱水，用來替杯碟洗白白，是一貫潮州菜的好招呼，然後叫了蝦棗併麥魚餅及糯米炸大腸，又估唔到可以在西環吃到特色小炒與潮菜的crossover。望望遠處放著一堆鹹菜，就問阿姐點解無鹹菜，佢見偶這檯得兩丁友就無推出來，偶堅持食潮州菜無呢味唔得，阿姐笑著話無錯無錯，一碟鹹菜然後在單上劃了隻龜，原來道理這樣簡單，又說這味鹹菜，好鬼甜，用來送粥吃唔錯，若多返少少鹹味會更好。蝦棗併麥魚餅是招牌菜，傳媒來到一定介紹呢味，某傳媒報道這裡的蝦棗是傳統爽身彈牙的炸蝦丸，是傳統沒錯，不過就不是所說的爽身彈牙，蝦肉打成肉醬加埋馬蹄，微微糊口，加埋用芋粉開漿來炸的墨魚餅，夠香夠質感，配埋甜桔汁，一流。至於個炸大腸，留著一層薄薄的肥膏，炸得夠香夠脆，可惜糯米飯是蒸的，濕得很亦唔夠香，出到來效果一般。兩道又油又炸的菜，是好香口，但吃多兩件已吃不消，還是乖乖的吃碗潮州粥送鹹菜去也，剩下的由同事包底。兩人吃百二蚊，唔收加一，偶最後放下十皮作tips，阿姐話唔洗咁多啦，然後笑呵呵的開單去，西環果然是個怪地方。

好近我屋企, 所以唔煮飯的時候係首選。晚市成日都好多人，最好打電話留位。哩間野LUNCH既飯都幾平，$20～30盒！好大盒！我自己通常食魚香茄子飯，油左少少，但好食！不過鐘意食魚香茄子既朋友可以食佢個魚香茄子煲，入味好多！而鮮茄肉片飯我就覺得D肉唔夠嫩喇～講番夜晚，我食過既有炸蠔餅：真係好好食！好脆、好多蠔、好大塊！我食咁多次未試過話有殼有沙。如果要搵廟街既蠔餅黎比，我會揀哩度！胡椒豬肚湯：胡椒咪好濃，飲完個人好暖鹵水鵝：我覺得唔太有鹵水味　＝　＝咕嚕肉：脆，酸味適中，冇陣醋酸”la”到人地唔想食，good羊腩煲：凍天到，德記都有羊腩食！$68一煲真係抵！同出面一樣都會送生菜一碟。我通常3個人去食，3個人食一個羊腩煲都淨成半！唔係佢唔好食，係真係大煲！值得讚既係佢碟腐乳，唔會希淋淋，而且冇油，真係成碟腐乳醬黎架！叫佢羅多碟都唔會黑面架，哈哈其實仲有3個送係食過一次，不過唔記得叫咩名．．．P.S:朋友們唔好打算下午走去食，我記得佢係有落場時間的＾＾；而且好似逢星期一休息

因為住係西環，同屋企人差唔多一個月都會來食一兩次呢到D伙計雖然都係上左年紀，但D態度都好好，好有親切感～～特別推介：以下係我同屋企人成日食既菜1.蠔仔粥：D蠔夠大粒，冇沙，多地魚，D粥夠入味2.蠔蛋：我地唔會叫炸蠔餅（呢到炸得比較乾身，脆同厚），因為屋企人唔太好食炸野，但蠔蛋就啱啱好，唔使點魚露都夠晒味，蛋同蠔仔既軟度都啱啱好3.明爐煮烏頭：食過一次已經愛上，如果係鍾意食酸野就更加啱胃口，條魚新鮮，D酸菜同汁用爐煮住條魚，熱辣辣，更加好味

其實我無咩食過潮州菜，呢間都係幾年前黎過上星期放工同男朋友黎呢度開餐，6點幾唔full，可以靜靜地坐埋一角食我地都唔知叫咩食好，唯有睇下檯上既雜誌推介，最後決定要胡椒豬肚湯、糯米釀豬大腸同菜脯玉蘭炒河(唔知點解o個陣唔識叫鹵水野......)個豬肚湯好辣呀......我真係唔係好識欣賞...釀大腸幾特別，糯米好腍好煙un，不過大腸好似薄左d，食唔到大腸既肥美，同埋都幾油ga，食幾件都有d滯炒河幾特別，雖然係好普通既配料，但一樣炒得好好食好香，幾掂呢度service幾好，無加一，但會收茶芥今次都算ok啦，下次都會試下其他野

我家住九龍中，要黎依處真係山長水遠，但到咁上下，就心思思要黎。點解，味就好味道lor。第一主打，凍蟹，我的至愛。人地要蠔仔粥，我就一定要倉魚粥，好味道。糯米大腸，必食，魚湯菜、鹵味、梅子焗烏頭....可以話係平靚正！但係記住佢地逢星期一休息，唔係山長水遠黎到無得食，好陰功，我就試過，真係有個衝動想喊！重有，記住要訂位，唔係30度餓住個肚係條街等粒幾鐘，真係有個衝動想................................................................................................................................................死！

盼望世事總可有轉機牽手握手分手揮手講再見縱在兩地一生也等你–唔好意思，舊歌癮又發作。2-8-2005 2000由公司行黎呢度差唔多用左兩個鐘，有點悶熱，冇乜胃口，但都食得好開心！呢頭真係好少黎，只是最近公私都周不時講呢頭，縱使冇地鐵到，但有美食，只要有的士及“11”號以外的交通工具選擇，一定會試。上到黎剛剛好可以有得食，以下係當晚點了的菜式。春菜有家庭feel; 滷水鵝一貫味道，冇乜驚喜，但舖在下面的豆腐興趣多的；牛肉炒芥蘭: 對牛肉有點失望，芥蘭唔夠酒味；墨魚片併海蜇頭: 墨魚片好爽，海蜇頭夠煙un，值得翻炒；兩味大會指定菜式已自己的標準又是極之失望；炸蠔餅炸得幾香，冇乜油漏出，食落去唔會齋麵粉的感覺，但始終懷念在友愛村及利東村街邊檔蠔仔餅；蠔仔粥夠曬份量，不錯；全晚最正的莫於糯米釀豬腸，豬腸脆而un，食完後唔似食左糯米，食唔到豬腸的酥味先好野；豬肚湯冇飲，不評論；黃金墨魚圈併蝦棗、炸魷魚圈併鱔片:: 未見突出，係潮州菜館已經算係咁；什菌炒翠玉瓜多的的菇類會更加好；最後一味炸麵餅伴沙糖及醋，好正，正係甜酸的配合。當KC兄話係最後一味菜時，我話：乜咁多咋？跟住補充，不過都食得好飽，之前

在與主角﹝甜品﹞見面前，先要解決了配角，就是食左飯先。一班食友約了在附近的這裡吃潮州菜，不過說近，都要行三個巴士站！多得Olivian的安排，今次剛好約了一圍。至於為何來這裡，其實﹝及相信絕大部份同檯食友都係﹞就只係想齊齊食餐飯者。又食正餐前，先享用baby_sakana遠道從東洋帶回來的手信~朱古力粟子饅頭，真有心及多謝晒呢度幾大，地下有幾個舖位，我們就安排了坐樓上，地方是街坊小菜館格局。在這裡叫菜甚為簡單，只要瞄準牆上的大字推介，由右至左掃一次，就咩都有得食。加上價錢相宜，都只是五十幾六十之數，試多一點也是無妨，分別叫了十多味，計有鹵水鵝、墨魚片併海哲頭、蠔餅、墨魚卷併蝦棗、脆鱔併椒鹽花枝、生炒骨及咕嚕肉、沙爹牛肉炒芥蘭、糯米釀大腸、什菇炒翠肉瓜、方魚肉碎蠔仔粥及糖醋麵。鹵水鵝叫了半隻，雖然不是時候，但鹵水夠味，鵝肉質都不算韌，是有水準的，百二蚊半隻雖然已是全檯最貴的一碟，但都食得過；墨魚片併海哲頭的主角在後者，海哲頭夠厚身又夠爽脆，口感比海哲皮好十倍，是見一次叫一次的菜色，相比之下墨魚片就只一般；蠔餅厚厚的兩大塊，夠斤兩，煎得黑黑的，吃落內裡太濕，個人偏好乾身及薄身一點的，不過這

自己好少在呢區吃飯, 原來德記在西環區頗有名氣, 失敬失敬~七點多到, 我地一行十二人被安排在閣樓的一張大檯. 雖然係平日夜晚, 但都差唔多爆場.人強馬壯的好處就係可以叫多幾款菜食. 但本身對潮州菜唔太熟, 所以菜式的全名真係唔多清楚: P胡椒豬肚湯: 好香胡椒味, 不過唔係好夠辣味, 豬肚好淋, 唔錯, encore多一碗~糯米釀豬腸: 外皮有點”un”, 但內裏的糯米煮得夠淋, 加了片片的臘腸, 就好似平時的生炒糯米飯般. 後來先發現, 原來仲有栗子粒釀在其中呢~ XX春菜: 春菜味道有點似芥菜, 未必人人喜歡, 但鋪面的冬菇大大隻倒不錯~滷水鵝: 鵝肉唔”un”入味, 而且滷水味唔太濃, 無搶去鵝的味道, 加埋碟底的滷水豆腐, 幾好.三滲醬墨魚片併海蜇頭(如圖) : 這個自己最喜歡, 墨魚片片得幾薄容易食, 所以唔夠”un”, 海蜇頭大大舊好爽口, 加埋個醬好好味, 所以亦都好快清碟.沙茶牛肉炒芥蘭: 牛肉一般, 但沙茶醬幾香, 甜甜地, 加埋頗粗身的芥蘭又幾夾喎炸魷魚圈併鱔片: 賣相似椒鹽XX等菜式, 但食落又唔又唔係, 試了一舊鱔片, 面層的炸漿唔算厚, 亦無過火的情況,

20050424 12pm西環有名的"長龍"食店, 見無咩搞, 又咁近, 就同男友搭叮叮過o黎試下.午市套餐賣$88, 另有一o的再多o的o野食o既$100零蚊, 經濟實惠.* 炒魚麵- 配三絲, 冬菇呀蛋絲芽菜, 味道幾好, 清清地.* 潮式鮮蟹粥- 肉碎蠔仔潮洲粥再落蟹煮, 粥到幾鮮甜, 惜不是蟹會標油的季節, 要不然就有標油的蟹粥食了.* 大地魚炒芥蘭- 鑊氣之作, 不過配大地魚就有o的怪, 炒過o既大地魚會苦o架嘛~ 芥蘭爽脆.* 鹹檸七x 1 - 鹹檸自家製大大隻配七喜. 唔錯唔錯.11.45am 去到都有7成滿, 你都咪話唔犀利. o的o野碟頭都好大, 最後都係食淨o野 環境則是一般排檔格局.全部加埋$101. 好抵食. 不過個人意見, 區外人唔順路的話就唔值山長水遠特登入o黎食了. 因為好食小炒好多地方都有得食.

琴日下晝同亞媽、細妹去德記食lunch。可能係禮拜日同埋落大雨啦, 冇咩人等位之餘，仲有好多吉檯呀。我地叫左個88蚊套餐, 有一窩蠔仔粥、一碟潮州菜圃煎蛋同埋一碟油麥菜。窩粥真係好好食呀, d蠔仔好肥美。對於我呢隻鍾意食蠔o既餵食豬黎講, 見到d咁肥美o既蠔, 對眼梗係發晒光啦。另外兩個都唔錯, 又熱又好食呀。