德記潮州菜館

營業中

休息中

未能7點已經full晒，好彩訂o左位。我o地揀o左98蚊魚翅套餐，除了每人一碗翅外，仲有廿多款小菜中揀一款。我o地9個人所以有9款小菜外，仲另叫潮州糖醋麵同煎蠔餅，一共11碟。碗魚翅味道一般，好“杰”不過真係有唔少翅；煎蠔餅好過廟街多多聲，又大碟又唔少蠔仔，而且唔多粉；燒汁鱔球好野味，仲有芽菜墊底tim；沙拉骨大大舊好咬口，一連食了三大舊；糖醋麵唔夠脆；潮式炒魚麵似炒三鮮多d，魚麵唔夠彈牙，我就覺得麻麻地；鹵水鵝雖然我無食，不過睇落幾肥美啖啖肉；黃金墨魚卷拼蝦棗，墨魚卷好食d；蠔仔粥好大窩，我o地9個人每人分一碗仲大剩。仲有其他小菜，不過食了碗翅之後，已經飽了一半，所以之後上的菜都食唔落。我同小黑貓一樣都有漏單經歷，不過埋單時唔係送“蠔烙”coupon，而且送沙拉骨。

今晚7:30pm去到, 要等位, 但都幾快, 15mins左右有位~潮州凍蟹- 無晒紅蟹, 得番膏蟹, 仲要係最後一隻~ 真係好多膏, 肉質都唔錯~蠔仔肉碎粥- 有一窩同一碗選擇~ 我地要o左一窩, 好足料~ 好好味~ 不過可能叫一碗o個d要等埋叫一窩o既order一齊去煮, 所以叫一碗碗o個d人投訴等o左好耐, 我o地o個窩到o既時候, 佢o地先有~墨魚雞紅$38 - 兩樣都好入味, 唔錯~黃金墨魚卷拼蝦棗$50 - 蝦棗唔錯, 墨魚卷就無咩味, 一般~潮式炒魚麵$42 - 一向少食潮州菜o既我, 第一次食魚麵, 質感似潮州魚蛋, 我就覺得一般, 男友就話幾特別~叫得太多, 連我個大胃王男友都食唔晒~ 連茶芥$290埋單~ 味道真係唔錯~ 其實service都ok o架, 算有禮貌~ 埋單時仲有"蠔烙"coupon送o添~ 不過成日漏單, 幾乎每張檯都有一個菜係漏單~ 我本來想飲佢今日個例湯"木瓜雪耳排骨湯", $20一窩, 但都漏單~ 但因為太飽, 無可能飲到, 所以無到都無所謂~ 依度仲有咸檸七, 用佢o地自己浸o既咸檸檬做o架~

The food is only so-so. Not deserve to wait for half an hour.The price is high for its class. Also, don't expect any good service from them.The only reason to say it is good is because Western District do not have good restaurant. (at least I couldn't find one)

德記不嬲都咁好食...~<br />冇咩好講~~~

呢度真係長期都咁多人～所以我地次次都一早黎食，六點半前都一定吾駛等位。街坊式餐廳，好彩呢度算幾大，所以吾會好迫。而且光猛又算乾淨，所以上次都敢同個日本客戶黎食飯。講下Ｄ食物先...咸菜豬肚湯～必飲，胡椒味好濃，但又吾係好辣。冬天飲最正。肉碎蠔仔粥～好多蠔仔，調味好好。鹵水鴨肉～唔，反而普普通通，好多潮洲餐廳都好過呢度。冷盤～豬耳，海蜇，雙拼的份量都好好，好抵食呀！糯米大腸～比較小食到，好味，但太漏。一人一件就最好。炸墨魚丸拼蝦～吾油膩喎，點小小甜甜地的醬汁，我鐘意食！九肚魚洛～好好好大份，又係好正，記住點魚露，仲香仲好味嫁。我每次黎都一定叫杯咸檸七，因為比較小有，咸咸地，好特別。而呢度Ｄ侍應都好好，會主動介紹菜式，又會主動同你加茶。雖然好旺場，但都吾會趕你走。真係吾錯！

我成日幫襯德記架! 我一直支持幫襯, 睇住佢由一間小小舖位, 慢慢擴展到而家幾間舖位, 證明?有一定既實力呢! 我最鐘意佢既蠔仔粥同埋川椒雞, 好好味架!

此食店位置於西環皇后大道西。它有很多招牌菜式，例如鹵水鵝片、炸蝦棗、甚至其他菜式。並且在大門入口處附近玻璃櫥窗張貼報章介紹它的特式，如果其他網友欲嘗試，請查詢它的電話，附近位置位於卑路乍街西寶城。

聽朋友介紹話西環有間潮州o野好出名, 而且幾好味, 終於有時間去試下...其實呢度都幾唔就腳,西環尾近海皮...夜晚7:15 到...估唔到呢間潮州舖咁有規模...幾間舖位...好似越做越大咁.... 外面排滿晒人等位...好彩2 位唔係等好耐, 幾個字, 但就多數要搭檯, 價錢唔貴, 明碼實價, 唔似一般潮州打冷, 看人數計價錢, 我地就叫o左個"糖醋麵""沙嗲滑牛炒芥蘭""鹵水鵝件""大眼雞魚".....雖然我唔吃牛肉, 但都覺得個沙嗲滑牛炒芥蘭...好惹味, 我男友就讚牛肉炒得很嫩兼滑, 我就喜歡它的沙嗲汁加在芥蘭上...很好味!! 糖醋麵就ok la...但2 人叫實在太滯,反而出明的鹵水鵝....我就覺得只係一般, 可能期望太高, 實在味道普通~ 環境就比較擠逼, 搭晒檯, 招呼就麻麻....但試下都無妨~