德記潮州菜館

營業中

休息中

jun 23, 09,4人來dinner,叫咗 : 1) 糖醋麵-面喺小脆,但比較薄身-+埋糖同醋食,還可以 2) 炒魚麵-我第1次食炒魚麵-材料都幾豐富,有蛋絲,芽菜,韮王等-魚麵似乎幾彈吓-呢個都不錯 3) 魚湯浸菜心-菜都大條唔老-不錯 4) 酥炸蝦棗拼墨魚餅-蝦丸混有馬蹄粒,但蝦肉並唔彈,而且亦無黏埋,少少鬆嘅質感,但味道還是可以-墨魚餅我就食唔到墨魚味-2者都伴以個甜甜哋又小"杰"嘅醬-我自己就比較喜歡蝦棗,但2位友人就喜歡墨魚餅-佢唔會難食,但個人對呢個招牌菜嘅評價麻麻地 5) 梅子燒烏頭-呢個汁偏向甜甜哋,肉亦嫩滑 6) 蠔餅-2塊,炸得厚厚的,所以裡面比較心-蠔仔料亦足,有蠔味 7) 鹹檸7 x 2-友人話唔多得* 西環之友話呢度嘅水準的確比以前差咗

成日經過都未去過，　今次去試下我地５個人，叫左蠔仔粥，多料，　有咸魚粒好香，蠔仔都好食～　我地食食下無哂湯叫佢加湯，服務生都好樂意，　ｇｏｏｄ！蠔餅，脆，唔算油，　ｏｋ凍蟹，普通鵝片，不錯總結，ｏｋ不錯

6點3去到已經滿晒座,好勁呀!好彩朋友一早到左!我地總共9男女,叫左以下食物~鹵水鵝片：鵝片好瘦,不過又唔會"老" wor,而且幾入味,好好!仲有d豆腐墊底,good!蝦棗拼墨魚餅：味道同口感都好好!有碟甜甜地o既汁"點",好好~脆皮糯米釀大腸：我無食到,真係接受唔到食大腸,過唔到心理關口,哈哈~我d friends話好得呀,裡面有糯米同栗子ga~家鄉煎蠔餅：好厚身,令人覺得好有口感,好脆口，好食!蠔仔份量過適中.蠔仔肉碎泡粥: lee個味道同材料分量ok!我好鐘意食方魚.所以覺得方魚少左d lor~魚湯浸菜心:lee個平凡既菜色做得好好!魚湯令到菜心好鮮味!菜心煮到剛剛好!名爐梅子烏頭-賣相ok,味道一般啦,可能有火燒住,所以覺得d肉有d老.潮式糖醋伊麵: 想食lee個潮州菜色好耐啦~有別於一般既炒麵係因為外面脆但裡面係"軟屬"o既.加埋糖同醋一齊就變左一個好有特色呢!好味!p.s 前菜三碟:都幾好味ga,可以送粥一大班人去真係幾好,有大圓枱.方便傾計呀!

尋日落開西環食飯, 途經寶翠園, 見到lee間野出面好多人等位 唔通好好食?? 決定搵次黎試下...點知今日大家都唔知想食咩之際, 男友就提議黎lee 樹.....8:45分到 唔洗等位就可以入座....快速望左個餐牌最後叫左.....卥水鵝片拼(鵝/大)脹 - - 好大碟..不過鵝片得果6, 7片 其餘果d 就只係鵝件, 而且唔入味, 無卥水味又無鵝味落order 果個女仔有小小九唔搭八...問佢野好似雲遊咁...最後拼鵝脹結果黎左拼大脹 一問次下先知佢地根本都無鵝脹...早知係咁就唔會拼大脹...因為我地又叫左脆皮糯米釀大腸脆皮糯米釀大腸 -- 香口, 條大脹好乾淨, 唔肥, 不過糯米飯濕左d..可以乾身小小...酸梅蒸烏頭 -- 我覺得唔夠味, 酸梅同咸味都唔夠...只可以話ok..不過男友就話好 "zen", 食左一啖之後就無再食... 蠔仔肉碎泡粥 -- 材料ok...但又係無咩味....食完之後, 男友問我會唔會再黎, 我好快答佢...唔會

德記係西環都幾出名，現在搬了新店，座位環境較以前舒適。鹵水鵝片：鹵水味道淡了些，鵝片不夠入味，肉質OK。蝦棗拼墨魚餅：蝦膠及墨魚膠加入馬蹄及豬肉等食材炸至乾身，味道唔錯，亦因有馬蹄的緣固，咬落有爽脆嘅口感。脆皮糯米釀大腸：無食到，no comment！家鄉煎蠔餅：份量夠，新鮮炸起夠脆口，好食。胡椒咸菜豬肚湯：胡椒味恰到好處，鹹菜猪肚份量足，唔錯！蟹粥：有蟹仔一隻，有少許羔，可惜整體無乜蟹味，只屬一般。腐乳通菜：無乜腐乳香味，不過通菜幾脆口，幾好食。鹹檸七：見有好多人叫，所以試試。味道調教得幾好，鹹味適中(除了杯底last嗰啖)，幾好飲。

今天是偉華的生曰,偉華與我一起以有三年時間,我約了他今晚去食潮州菜為他慶祝.我很久沒有去西環德記食飯.但我知德記已搬了新鋪,這是我第一次去德記新鋪吃飯.我和偉華七點多到德記見.門口很多人,我們等了廿十分鈡才有位,我們叫了兩個菜和一個猪肚湯,首先是猪肚湯.我便分給偉華和我,每人一碗.當我飲一啖.覺得和以前的不一樣.比較沒有什麽味.胡椒也不夠辣,猪肚就很多.我喜歡的咸菜只有二,三片,真令我失望.跟着是梅子燒烏魚.我用筷子夾了一点魚,但覺得很甜,酸味很啖,再試梅子汁.很像飲糖醋一樣.跟著偉華便生氣.這是什麽潮州菜,最後來的是八寶海参,我和偉華每人吃一塊海参,但不夠淋,不好吃,再用筷子找海参只還有一塊海参,其他配料就很多,我和偉華都沒胃口吃下去.但不夠飽.便加一碟糖醋麫,大約二十分鈡才來.我便吃麫.麫煎得很脆,這是今晚為一可以接受的.但偉華再生氣,說這是什麽菜,什麽味都沒有,我說醋麪是點醋和糖的,他說不喜歡点糖醋,我便試不點糖醋,真的什麽味都沒有,跟着吃了一點便埋單出到門口偉華說,這是什麽潮州菜.簡直是垃圾.我想以前德記舊鋪都不是這樣,或者廚房換了師傅,我和偉華說,以後都不來德記了！！

呢晚啊婆話請食飯~立即殺過海去德記食潮菜~kero同tama先行去搵位~等左半個鐘左右~要批評一下嘅係呢度d啊姐真係傻下傻下~ 叫佢做任何野都話要問下老細先得~兩個字:無腦! 再加上無責任心~ 如果係我嘅伙計抄梗佢!算~講食物~tama話想食凍蟹~不過賣曬~(想食左啊寶隻車咩~)鳳尾魚 : 做得麻麻~個汁唔多吸引~芥末醉鴨舌 : 鴨舌正~有酒香味~不過份量略少~墨魚拼海蜇頭 : 墨魚好食~不過又係得幾舊~唔夠食~海蜇頭 則普通~三寶海參 : 海參唔夠諗~味道普通的一碟!香酥芋蓉鴨 : 芋蓉鴨十分酥脆~kulu至愛~家鄉煎蠔餅 : 厚厚兩大塊~配合魚露一流!欖菜肉崧炒涼瓜 : 涼瓜炒得稍油~輕手點更好!桂花脆鱔片 : 炸鱔片配上桂花蜜~不過鱔炸得麻麻~胡椒豬肚湯 : 特重胡椒味~料多~不過唔係人人啱飲~倉魚片泡粥 : 蠔仔粥倉魚版~個人還是比較喜歡蠔仔粥 !潮州炒油麵 : 唔錯!炒得幾香！綜合來講算係咁~又唔貴。難怪ｄ寶都幾鍾意去食~

德記搬了新舖差不多兩個月，地方大了，門口的人龍依然，不過入座安排依然有點混亂。光顧了兩次。第一次由於有老人家，很多東西都不能吃，只要了豬肚湯、鵝肉、梅子燒烏頭、炒菜、兩面黃等。兩面黃不錯，煎得不會再乾。豬肚湯有胡椒味之餘也鮮味。梅子烏頭幾得意，酸味味，但梅子味太濃，令烏頭味盡失。第二次和老婆來就自由得多，就點了個二人餐，有胡椒豬肚湯、魚湯浸菜、八寶蝦子海蔘、一塊蠔餅，另再加一碗蠔仔粥，和一杯鹹檸七。蠔餅確不錯，香口之餘又保留了鮮味。八寶海蔘用料十足，海蔘夠大塊，又有帶子、汁內又有江瑤柱。蠔仔粥鮮味，當中有些炸脆了的方魚，令口感更豐富。鹹檸七有驚喜，個鹹檸已冧晒，一督就散，雖不算太鹹，但味道十足。而且那罐七喜已雪凍，杯內沒加冰，不會愈飲愈淡。埋單$221，食到飽飽。店內的老伙記都是中年以上，快手之餘，態度也不錯，起碼比很多所謂大集團的連鎖酒樓好。

搬新舖後環境當然比之前整潔光猛多了等了半小時, 7:30入坐.叫了: 梅子燒烏頭 ($68)烏頭炸過, 用了梅子, 多了酸甜味, 用來送飯一流, 不過偏鹹, 素食一定受不了也許蒸的較好. 荔芋香酥鴨 ($4x)鴨肉只是毯底的一薄片, 主角是面頭普通的芋溶, 不吃可也 脆皮糯米釀大腸 ($44)嗚~~有異味 且大腸太un 蠔仔肉碎粥 細($3x)蠔仔不少, 加了魚乾, 但如果多煮一點時間, 味道會更出. xx西蘭花 ($6x)一般, 且價錢較貴, 還是叫其他菜類吧搬家前, 德記是晚飯首選, 但今晚也許運氣問題, 送菜整體不甚滿意,下次還是叫大路食物較穩陳.食物約$4x-6x, 合理4人食了$30x

仲係舊鋪時，幫襯過好多次啦，價錢同出品成正比，新鋪暫時未試：蝦棗拼墨魚餅..................值得一試，好食胡椒咸菜豬肚湯..............例牌必吃鹵水鵝肉拼鵝片...............我就覺的一般囉，無話特別好食蟹粥...................................唔錯脆皮雞...............................正..........，正荔芋香酥鴨.......................麻麻咸檸七...............................值得推介不過每次經過，都睇到依然排隊等位，睇怕係呢區唯一唔受金融海嘯影響的食肆，

這天移師西區打球，打完波後又是回補卡路里的時候，我們剛好五個人，打的去了西環的德記食潮州菜，記得上次來已是去年九月了，德記剛剛從大道西尾的舊舖搬了去西寶城對面的新舖，新舖面積比舊舖大了很多，當然裝修較新淨，環境比之前改善很多，當然久未造訪，食物質素不知有否轉變？！ 真的要食過至知。搬舖後菜牌也印過新的，但菜式跟從前都分别不大，翻看一偏後便柯打了以下幾款菜：梅子燒烏頭 ($68)以前吃過明爐蒸烏頭和烤烏頭，肉汁中帶着鹹檸的清新酸味，加上新鮮結實的烏頭肉，味道是挺令人開胃的。 今天的烏頭不小，大概有十四吋長，魚身已被剖開左右兩半蒸熟上枱，攤開放在碟中，可惜梅子味很淡不明顯，而烏頭則蒸至太冧身，用筷子一夾就散開，肉質不夠結實，反映魚可能不夠新鮮，食味較淡口。胡椒咸菜豬肚湯 (細 $38)我很喜歡喝這味湯，以往這裹做的便遠勝水準漸降的名店尚興，但今日喝的胡椒咸菜豬肚湯胡椒味不夠往時濃，我喝了湯碗内最後的餘湯，也不見有胡椒果及胡椒子，湯碗內鹹菜很多但猪肚明顯份量減少了，味道不夠辛辣惹味，水準不及搬舖前了。蝦棗拼黃金墨魚餅 ($55)拆肉打成蝦膠和墨魚膠再加入馬蹄及肥豬肉落鑊炸，炸後仍夠乾身不

今晚一行五人到搬到新地方的德記，點了八個菜，好吃的有：1).醋黃魚~$22-,有十條左右，醋味剛好，上佳開胃小菜。2).凍蟹~本想要$280-的一隻，但點遲了一刻，已經被人點了，只能要小一點($260-)的一只，但肉結實味、鮮甜且，正3).咕嚕肉~甜酸適中，肉塊亦有鮮味。普通的有1).炸雞~雞肉嚡，應是冰鮮雞，但味道OK，可以算合格。2).胡椒豬肚湯~料多，但胡椒較淡，惟見湯內有不少胡椒粒，相信是火候未足，胡椒味未出。3).鵝片~味道OK，但比以前遜色了一些。4).潮式拚盆~有四款，墨魚片(彈牙味鮮，正)，蝦棗(不夠彈牙但味鮮)，素卷(味鮮、爽口︴好)，海"節"(味道淡，不爽口，差)5).薑汁芥蘭~味道OK，但薑汁不足。食物水準~比舊鋪退步了，但仍是可以選擇的餐廳。服務~有點亂，我們五人，只安排一張四人枱，要找舊伙計再說明，才安排到六人枱。不過，當日排隊人數十分多，而且，以一個舊客看來，工作員到新地方工作要時間適應，(當日三個工作員負責約十多張枱，落單、上菜、加茶、收枱......一腳踢))希望混亂情況快快有改善。價格~比舊鋪貴了約一成，(例如一客魚翅由$60-加到$70-)但仍算可以

星期日得知 德記新舖開o左..所以約定女朋友星期二去 西環德記食飯好在同事提醒幾多個人都要訂位, 中午時分打去 2819 5568 訂位....兩位八點好好, 兩位都比我訂, 但佢地問左我姓咩 幾點 幾多位 就完,....令我好擔心, 冇問電話號碼, 點分別乜水訂左位...收工7.左右行過門口已經好多人 好旺我地提早15分鐘到,...見好多人, 心諗要等好耐, 好在八點過D 真係有位....兩個人坐張4-6人枱 爽呀兩個人 食o左四樣o野, 總共 $167潮式糖醋伊麵 - $32, 比較油脆皮糯米釀大腸 - $45, 仲有小小"蘇"味蠔仔肉碎泡粥 - $22碗, 如果再多D 大地魚會仲好味家鄉煎蠔餅 - $48, 夠大碟咸檸檬七喜 - $13前菜一碟第一次食, 有幾樣野值得一讚:- 個伙記雖然係個伯伯, 手腳快, 服務好- 咸檸檬七喜個杯係雪凍比你...好特別- 價錢合理- 無加一服務費

同女友黎食，budget係唔過150蚊但發覺佢D二人餐要178，同埋多數係小食，野食唔o岩食決定散叫，食物份量好足料我地叫左︰家鄉蠔餅︰好大份，但「LON」左少少，但好足料，一共有兩大塊疊住玉蘭炒飯︰睇落唔多，點知食落好多! 係芥蘭炒飯，好多料，蛋都好多=]鵝片︰我嫌鵝片唔夠多，下面都係豆腐+鵝肉(仲要多骨)...60幾蚊一碟以為仲可以叫野食，點知真係好飽!!最後每人70蚊，雖然相比出面係貴d，但都ok既下次先黎試個魚麵xD

2月7日8時左右和男友一起來到德記食野，來到時有很多人排隊，等了半個鐘先有位。叫了4樣餸梅子焗烏頭魚($68)：約有14吋大，有很多梅子，頭一、二次食的魚肉都好好味，但食到中段好咸。蟹粥一碗($32)：有半隻蟹，好甜，粥好食，每人有3小碗。滷水鵝片($70) ：有10-12 鵝片數，另有7-8鵝肉，豆腐一件墊底，都幾有鵝味。蝦棗及墨魚卷($55)：蝦棗過得去，但墨魚卷不好食又太多粉我們又一次叫得太多食物了。