影片
更多
2005-08-04
28 瀏覽
自己好少在呢區吃飯, 原來德記在西環區頗有名氣, 失敬失敬~七點多到, 我地一行十二人被安排在閣樓的一張大檯. 雖然係平日夜晚, 但都差唔多爆場.人強馬壯的好處就係可以叫多幾款菜食. 但本身對潮州菜唔太熟, 所以菜式的全名真係唔多清楚: P胡椒豬肚湯: 好香胡椒味, 不過唔係好夠辣味, 豬肚好淋, 唔錯, encore多一碗~糯米釀豬腸: 外皮有點”un”, 但內裏的糯米煮得夠淋, 加了片片的臘腸, 就好似平時的生炒糯米飯般. 後來先發現, 原來仲有栗子粒釀在其中呢~ XX春菜: 春菜味道有點似芥菜, 未必人人喜歡, 但鋪面的冬菇大大隻倒不錯~滷水鵝: 鵝肉唔”un”入味, 而且滷水味唔太濃, 無搶去鵝的味道, 加埋碟底的滷水豆腐, 幾好.三滲醬墨魚片併海蜇頭(如圖) : 這個自己最喜歡, 墨魚片片得幾薄容易食, 所以唔夠”un”, 海蜇頭大大舊好爽口, 加埋個醬好好味, 所以亦都好快清碟.沙茶牛肉炒芥蘭: 牛肉一般, 但沙茶醬幾香, 甜甜地, 加埋頗粗身的芥蘭又幾夾喎炸魷魚圈併鱔片: 賣相似椒鹽XX等菜式, 但食落又唔又唔係, 試了一舊鱔片, 面層的炸漿唔算厚, 亦無過火的情況,
七點多到, 我地一行十二人被安排在閣樓的一張大檯. 雖然係平日夜晚, 但都差唔多爆場.
人強馬壯的好處就係可以叫多幾款菜食. 但本身對潮州菜唔太熟, 所以菜式的全名真係唔多清楚: P
胡椒豬肚湯: 好香胡椒味, 不過唔係好夠辣味, 豬肚好淋, 唔錯, encore多一碗~
糯米釀豬腸: 外皮有點”un”, 但內裏的糯米煮得夠淋, 加了片片的臘腸, 就好似平時的生炒糯米飯般. 後來先發現, 原來仲有栗子粒釀在其中呢~
XX春菜: 春菜味道有點似芥菜, 未必人人喜歡, 但鋪面的冬菇大大隻倒不錯~
滷水鵝: 鵝肉唔”un”入味, 而且滷水味唔太濃, 無搶去鵝的味道, 加埋碟底的滷水豆腐, 幾好.
三滲醬墨魚片併海蜇頭(如圖) : 這個自己最喜歡, 墨魚片片得幾薄容易食, 所以唔夠”un”, 海蜇頭大大舊好爽口, 加埋個醬好好味, 所以亦都好快清碟.
沙茶牛肉炒芥蘭: 牛肉一般, 但沙茶醬幾香, 甜甜地, 加埋頗粗身的芥蘭又幾夾喎
炸魷魚圈併鱔片: 賣相似椒鹽XX等菜式, 但食落又唔又唔係, 試了一舊鱔片, 面層的炸漿唔算厚, 亦無過火的情況, 但相對他菜式就只屬一般.
黃金墨魚圈併蝦棗: 只試了墨魚餅, 幾彈牙, 雖然係炸, 但又唔覺油膩, 幾好.
蠔餅: 打冷時必點的菜式之一, 但這裏做的卻不太吸引, 煎得過火了, 所以外表黑黑的, 味道亦一般
蠔仔粥: 另一潮州熱菜, 好大鍋, 蠔仔幾大隻肥美, 食落幾鮮味, 唔錯
咕嚕肉& 生炒骨: 點解一齊寫?? 因無論配料, 醬汁都係一模一樣的, 只係肉片同肉排的分別, 味道?? 都係一模一樣的一般呢~
什菌炒翠玉瓜: 自己幾鍾意翠玉瓜, 較其他瓜類爽口, 而且就算如我般的入煮生手都唔會炒爛D瓜. 呢度用了麵豉醬同什菌炒, 幾惹味.
兩面黃: 面層煎得金黃香脆, 但內裏濕了一點, 若可乾身點會更可口.
點了一檯面的菜, 大家吃得飽飽的, 埋單都只是每人七十大洋, 最重要係水準不賴, 值得一試~~
p.s. 謝Thomas借出”玉照”一張
張貼
