德美壽司 (德民街)

營業中

休息中

德美一直都係我最鐘意既餐廳之一一直都好想再黎食但無時間...終於約到好朋友再次黎食lunch～依度既lunch set有好多款式，例如刺身、壽司、烏冬、定食等等。我今次就叫左北海道三色魚生飯($78)連湯＋沙律＋甜品三色魚生包括三文魚，帶子同埋油甘魚～三文魚同帶子真係好新鮮，油甘魚有少少筋，不過總括黎講超級抵食同埋好足料聽聞依度既dinner set都好正，好想試下阿！！I will be back! 

再次約會兩位姊妹食晚餐，去開黃埔，即再想起這間德美，二話不說，即book枱同好姊妹享受一下，呢間係價錢合理，但又質素算高的一間日本料理。之前光顧都已經是約兩年前的事了，但水準仍沒有變，只是叫了二人set, 已經好夠三個女孩吃啦！平均每人160元。 令我最難忘的仍然是那鵝肝，好好味呀！ 但個汁唔同左呀！之前是用士多啤梨漿加多士的，今天不同了，沒那麼驚喜! 個飯底加埋啲飯焦一齊食，好正呀！天婦羅都好新鮮，個支豆都好好味，總括而言，仍是不錯的，會繼續光顧。

由於今日係公眾假期，知道一定好多人會係街食晚飯。所以一早已經預先預約左，本身係黃埔睇完戲預計九點鐘會去到德美壽司鋪頭進食，點知大約8:45我哋就到左德美壽司啦，好彩經理俾我哋早少少入去！但係門口已經有好多人等緊呀，所以大家如果去食，記得要預約啊！由於晚市比較多人，我同男朋友被安排同一對父子搭枱坐四人座位，環境OK但係位置真係有啲擠迫！我哋食嘅第一道小菜係燒玉子我開頭以為係會暖的，點知原來係凍嘅質感綿密，唔算太甜，不過不失之後到男朋友嘅魚生飯個飯裏面有好多材料，仲有冬菇添啊！整體來講刺身算新鮮海膽算鮮甜冇異味帶子值得一讚，夠大隻又鮮甜三文魚壽司同蟹柳壽司都係男朋友嘅，所以唔知好唔好食鵝肝壽司本身應該一客兩件，但係我食咗先記得影相我本身好鍾意食鵝肝壽司，但係我覺得依度嘅鵝肝壽司太油啦！最後加多一客三文魚腩壽司同一客炙燒海膽壽司三文魚腩夠肥但係冇乜三文魚味海膽輕輕燒過表面感覺上更creamy!最後埋單五百幾蚊，價錢中上算係不過不失，但依個價錢可以食到更好的

今日同朋友去黃埔打保齡球，又上openrice 見到啲人話尼間既午餐幾抵，所以就尼左試下。午餐真係好抵，因為一個餐已經包左沙律，蒸蛋，湯，雪米糍，仲要樣樣野都好食！一入去已經見到好大既酒櫃沙律都係正常野，好彩佢冇比到番茄我，因為我唔食番茄的蒸蛋好滑，蒸得啱啱好主角:角切魚生飯， 都真係幾多如山下，同埋係真係新鮮嘅，仲要有溫泉蛋，最驚喜係啲飯好細心地啲飯係有味嘅，夾雜左啲醬汁同埋紫菜，唔似得出邊啲餐廳咁樣淨係用白飯，大大加分👏🏻👏🏻另外，呢個係朋友嘅便當，軟殼蟹都普通，個飯都幾多份量，同埋同樣地係有味嘅飯，刺身都好新鮮

晚上約七時半落單，叫了一客鵝肝帶子壽司，久久未上菜，並於八時正追單，店內一位身形頗為高及較年長的女侍應，聲稱製作時間需時20分鐘，心裏已經不是味兒，每五分鐘一而再再而三追單，女侍應終於願意走進廚房追問兩次，八時十五分才捧出來。請問說好的20分鐘製作時間呢？若果是有心替顧客追單，早已在第一次追問時走進廚房，而不是先敷衍了事。德美自從擴充了規模，除了餐單價格大幅上調，食物從主店捧出捧入前往另外的店，在30度氣溫穿插...

因為有幾位親戚住係紅磡，細細過就係呢頭活動，十幾年來都冇發現呢到有間咁正既日本餐廳😍有朋友話同事介紹過食德美，咁岩發現紅磡有德美，於是入左黎搵食Set lunch有好多選擇，有熟食同生野，全部set都配麵豉湯同雪糕磁，有d配埋沙律，有多野食。魚生飯：朋友話加左隻溫泉蛋怪怪地，飯夠凍但黏左d，三文魚就幾新鮮生牛肉稻庭烏冬：烏冬好滑、牛肉夠嫩、份量夠大彩之刺身便當：最左個軟殻蟹天婦羅一般般，似炸左一段時間；中間既刺身唔錯；五味壽司醋飯份量大跟餐壽司：大大舊，好新鮮，款式又多跟生牛肉烏冬：最特別係魚腐壽司，入面好似有蛋絲跟餐蒸蛋：清清地又幾滑跟餐沙律

舊同事成日推介尖沙咀果間德美，但一路都未有機會。今日去開紅磡，係openrice發現原來紅磡竟然都有德美，仲要有兩間咁多，於是提議今日午餐去試。我地一行4人，每人揀左一個餐。我揀左個大壽司餐(我指圖落order時，侍應係咁覆。)沙律有蕃茄、粟米、青瓜、生菜，又有酸酸地既醬，幾清新開胃。埋飛佛蒸蛋，滑滑既蛋配埋香菇、鳴門卷、蟹柳，正。細牛肉烏冬，味道ok。跟餐既壽司，都幾豐富同新鮮。最後4人埋單埋都係$36×，一百蚊/位都唔洗，午餐豐富味道又唔錯，舊同事真係冇介紹錯。

沙律味道幾清新，唔會太heavy，不過個人覺得味道偏淡，味道可以再濃小小！炸軟殼蟹牛油果卷味道唔錯，軟殼蟹炸得夠鬆脆，好好食！燒雞軟骨就夠大粒，燒得啱啱好，口感唔錯！當中最驚喜嘅就係帶子壽司同吞拿魚蔥海膽軍艦，好大件，而且好鮮甜，真係好好味，值得一試！不過，美中不足就係吞拿魚刺身同甜蝦就比較一般，特別係甜蝦，都令人幾失望！整體食物質素中上，而且環境佈置都幾靚，感覺都得幾舒服，雖然係有小失望，但都係值得再試！

性價比超高的日本午餐食過德美已經好幾次但係次次黎到 角切魚生飯都賣哂因為佢係限量發售嘅甘今日12點嚟到 見仲有就即刻叫黎試吓啦個飯黎之前 會有一碗麵鼓湯，燉蛋同細沙律個蛋好滑好滑 不過蛋味唔係太濃郁沙律菜亦非常新鮮到個魚生飯上枱嘅時候 真係嘩咗聲魚生非常之多 好充料食到尾嘅時候 啲飯已經冇晒但係仍然仲有好多魚生真係好飽 最尾仲有個甜品 而是日甜品係牛乳布甸奶味非常之濃 好好食總括而言 好好食 性價比好高而且呢道無加一架👍🏼

放長假我地都係鐘意喺返區內,路過德美見到似乎唔洗等位佢有兩個舖位,行入左邊嗰間,侍應以一種唔憂做態度叫我地攞位去隔離入到去有d望落高級嘅叫我地企喺度等等執埋枱就ok我嗰幾分鐘就係企左喺度望住嗰張可以俾我坐但一路都冇人想去執嘅枱其實要我等唔係問題,但係唔好俾我知道你將會俾邊張枱+有人得閒都唔清理,我地企喺通道又怕阻住,呢d安排完全唔ok,寧願佢叫我出返去執好再叫我入黎總算坐得低,個menu其實都好多野揀,有二人餐,不過覺得太多,雖然價錢黎講都幾抵食小小地叫3樣壽司試下本身入面已經有wasabi,我食壽司唔鐘意點任何野,雖然唔抗拒wasabi,但加左入去有時覺得會食唔到魚味碟烏冬剛剛放低我就望到隻蛋悄悄地喺個殼入面sir左出黎,仲滑左落去盤底.....天婦羅有4件,蝦+茄子+南瓜+蕃薯唔油,但如果可以再多一兩件就好喇烏冬彈牙,份量還可以鐵板牛舌食到得返一兩塊先知底下原來有好多蒜蓉,唔怪得愈食愈辣同其他野相比之下覺得普通腐皮餃子賣相吸引,食落有D似腐皮卷,但佢只有一層皮,餡料就係一大舊肉,得4條仲嫌有D唔夠喉咁樣埋單都係$320,係可接受嘅;不過都係唔洗等嗰時先會再考慮黎食喇.

由於工作關係，有時也會到黃埔。地鐵還未有落成時，已不時到德美吃午飯。工作這麼辛苦，中午放個短短的break，吃一頓美味的不為過，而德美不論壽司、魚生飯、熱食都水準甚佳，物有所值。我偏好魚生飯，那個角切魚生飯是愛好抵食夾大件都會點的，才60多塊錢便有一碗新鮮的雜錦魚生飯，飯底可不是平平無奇的壽司飯啊！是用冬菇絲煲的有味壽司飯，不好吃才怪！今次，我點了牛肉鍋。原諒店方由於要處理午餐大量柯打，難免要預先烹調，變了鍋熱而裏面的菜不夠熱。湯底是濃濃而且鮮甜的。牛肉有3大塊，有濃郁牛香，肥瘦適中，熟度剛好，軟滑不帶渣。除了牛肉外，裏面的配料也不得不讚。其中，紹菜煲得軟軟的，還有少少的薯粉吸受了湯和牛肉汁的精華最好吃。用湯底來沾飯，真想多來個白飯呢！午餐除以上主菜外，也包括了味噌湯、沙律、茶碗蛋和雪米磁。全部都是上上之選，但要原諒店方確實要處理大量中午柯打，很多東西也要預先弄好，包括茶碗蛋，所以茶碗蛋也是不夠熱的。

最近經常要到紅磡開工做野，少不免要在此區「搵食」！此區美食眾多，今天午飯時間又找了小弟最喜歡的日本菜一探虛實！之前有朋友介紹過，德美壽司是區內著名的日式食店，平時食飯時間定必座無虛席！小弟十二點剛到，太多都被相熟食客留位了，幸好還有少部分位置給其他人享用！午市套餐尚算抵食，六七十元便有交易，附有沙律，燉蛋，麵豉湯和甜品！沙律酸甜味美，屬餐前開胃之選；燉蛋亦很香滑，令人回味！邊吃邊等，主菜來了，安格斯牛柳定食！牛肉熟度剛好，入口肉質嫩滑，肉汁豐富，味道濃郁，仲要有兩大塊，認真抵食！有炒菜伴碟既能襯托牛肉的香味，亦能減少油膩感，令人更垂涎欲滴！😆😆

講到紅磡區的日本菜，相信德美壽司肯定榜上有名。五年前，德美在紅磡駐足開店的時候，就以標榜街坊平民價錢，提供優質和食為主。力撼當時名氣甚大的加太賀。而很諷刺的是，多年來加太賀只靠Gimmick，長年的不思進取下，反而令相對優質的德美愈做愈大，才短短五年間，德美已連開數間分店，當中光是紅磡已佔兩個舖位，成為紅磡區知名的日本餐廳之一。距今兩年前，我曾去過尖沙咀厚福街的分店，雖抵食但質素卻未如理想。而黃埔站通車以來雖經過它的門口多次，卻一直因有其他目標而只將其放在侯選。剛好上星期約了朋友在黃埔附近，時間約下午三時，周邊餐廳午市都已落場。唯有德美的午市仍然人龍如潮，心想：不如再試一次？！＂更慶幸是，雖然店內是排大隊，但由於我一人午餐，很快便被人安排到壽司的壽司吧檯位置。德美總店的午餐Menu，種類多到跨張，便當定食合共接近三十款，價錢更由$55起跳，就連學生也可應付到的價格，難怪總是門庭若市。上一次分店令我失望的既然是壽司拼盤，那今次來到總店當然也選擇壽司十貫($128)，轉一貫大拖羅要另加$38，計起來其實也不算很貴。先來的日式沙律賣相有點差，而且生菜雖然還算新鮮，但質感卻有點乾身。用上的柚子

成日聽到朋友介紹，今次終於有機會去試吓。價錢真係抵，不過食物質素絕對無偷工減料，每樣食物都好有水準，而且叫咗咁多樣，大家對無樣食物都有讚無彈。魚生真係好新鮮，海膽好甜美，望落顏色亦有光澤，唔係好似一D壽司店望落又乾又黑咁，壽習卷亦好有心思，好特別。特別個碎吞拿魚魚生飯真係好想返去食串燒都燒得啱啱好，我哋點咗牛舌同美國特級牛柳粒，唔會過熟，燒到柴皮燒魚就普普通通，無乜特別，不過都好食，總之全晚所有叫嘅菜色都超正，5個大人1個小朋友，個個食得飽，仲叫咗兩枝清酒，埋單都係$2200幾，所以真係物超所值，唔怪得之成日都有人講啦

我去嗰度幫我男朋友慶祝生日，先前已經問左可唔可以提早一日拎蛋糕去，點知體驗到極為差劣既service。1.      一去到拎位、坐低就兩次強調我收埋左個生日蛋糕，驚死生日嗰個唔知咁。2.      揾左三個人黎教訓我蛋糕擺過夜唔得，咁我打兩次電話黎嗰時你唔講？仲要唔認聽過我電話，屈客人講大話，用盡所有方法破壞氣氛同心情3.      切餅費坐地起價，明明講好50蚊，到你坐低就變100蚊，態度仲要極囂張4.      重點！！佢夠膽死未上過菜拎個生日蛋糕出黎比你食，睇到隔離幾枱都忍唔住大聲話佢玩野5.      最後仲要叫人切埋你個蛋糕，大佬我地生日，你切乜鬼野蛋糕呀。呢啲係常識黎架喎。現場亦有好多人鼓燥，因為佢勁遲上菜，隔離嗰枱個軟殼蟹同串燒，大半個鐘都唔黎，齌坐左咁耐睇到都慘。呢間野收費唔平，服務離譜，上菜奇慢，啲野又唔係好好食。比錢我都唔會再去！