德美壽司 (德民街)

營業中

休息中

今日做冬，lunch 去咗食德美，點知足足等左50分鐘先有得食，真係等到火都嚟埋。經理服務態度求其，問佢點解咁耐淨係話唔夠人手，咁就唔該請人呀！一於試吓人氣午餐，送前菜沙律，感覺OK！同茶碗蒸旦都等左差唔多三個字，但情有可原因為真係熱辣辣蒸出嚟!不過唔知點解食材可以預備唔夠嘅，乜都要食下等咁耐。跟住再等，等到差啲發火，終於見到光明。玉子好味，炸豬扒唔夠脆，秋刀魚燒出嚟總有油香刺身嘅蟹柳真係算吧。因為趕時間享受唔到美食嘅味道，狼吞虎嚥跟住埋單。

👁‍🗨 三色魚生丼💲118其實之前都已經聽過德美壽司好多次，但今次係我第一次食咋😳試左個三色魚生丼，入面包括三文魚、油甘魚同埋帶子，食落都算新鮮既，無咩筋無咩腥😛個飯就唔係平時普通一碗既珍珠米，而係加左壽司醋、紫菜、菇粒同瓜粒係入面，仲可以撈埋隻半熟蛋，係略嫌咁多野撈埋一齊之後濕左少少，不過都可以接受既🤤夜晚食呢個丼仲包一碗麵豉湯同一兜沙律，個人覺得都算係划算呀🥗🔛 整體評分（7/10）

平安夜晏就同媽媽行街行到累 咁岩經過唔多人 即刻沖入去叫野食 之前都一直好想試 但3點落場成日都趕唔到😢入到去坐得好舒服 服務好好 抵食又唔貴量又超夠 小妹都好大食 但一個lunch+前菜連埋湯真係飽到仲可以打包埋 真心抵呀！

因為我同老公好鍾意食日本野🤪所以一啲慶祝嘅節日事我哋都會食德美壽司嘅😁咁次次呢我哋都會叫拖羅壽司，加拿大海膽軍艦壽司同埋會叫三文魚腩刺身咁呢咁當然仲有其他壽司啦，咁熱食我地比較少叫😂因為我哋每次呢淨係食壽司都會好飽😂😂食過咁多次個拖羅同埋三文魚腩依然都係肥美😋😋正呀🤤

行過幾次午市都要等位今日早左去有幸試到佢嘅午餐佢個午餐牌已經好吸引今日試左佢個吞拿魚蓉丼魚蓉一啲都唔少食落都有魚油感但食食下食到有啲筋呢個有點敗筆但整體黎講好食我會為呢個丼再去食

和同事食飯，有人提議去這間，話食過午餐好豐富，咁大胃王既我當然要試吓原來午市好爆，所有卡位都預訂了，好在雖然檯既數目較多，但都算闊落。午餐選擇好多，我最鍾意食便當盒，因為款款都有啲，我點了其中一款。份量真的不少，此款便當有兩款熟食，分別係炸豬排同燒鯖魚，份量不少，另有少少前菜，又有蒸蛋和湯，非常飽足。豬排皮脆肉嫩，魚都唔乾身，好！不過所謂既刺身只係蟹柳和蛋，則麻麻地了。但以此份量和質素，值得再光顧。

等埋男朋友去食飯 收10點 無咩好食之前食過德美唔錯 打去book 10點佢問我幾多位 同話10點半last order 11點就會close 問我有無問題？咁我ok 無問題 就叫我到時直接落黎但未收到線 就聽到佢話講粗口明明間舖收11點 我又唔係last order先黎食野 唔洗問候我媽呀？之前幾次黎因爲太多人係門口等 但店員啲態度都唔係好好 覺得我地好似阻住哂其實可以叫我地企出去等 但又無經過今次 真係以後都唔再幫襯

紅磡有好多隱藏嘅美食，同事做左先頭部隊試過一次之後就係咁話好好食，於是今次lunch就揀左位於巷仔內嘅得美日本餐。因為有兩間舖頭，我傻更更去錢左，趕頭趕命行過去，去到已經有人等位，好彩我地有訂枱，去到都氣來氣喘無心機睇menu，所以就點左佢地推介嘅角切魚生飯$68。個飯好快就到，原來個餐仲有沙律，燉蛋同麵鼓湯。飯上面有一隻偏向生嘅半生熟蛋，飯同魚生嘅比例幾乎一比一，魚生嘅種類仲要好多，三文魚當然唔少得，仲有尤魚，燙魚皮，蟹籽，同我唔識嘅魚類等等，而個飯一早已經撈好醬油同紫菜，味道岩岩好，不會過咸，成個飯係完全唔使加豉油同芥末，都已經勁好味。沙律嘅菜好新鮮，仲有粟米同蕃茄，加埋落左醋嘅汁，好開胃。燉蛋細細，但食完飯之後先食都仲暖，上面有一小角厚身嘅日式魚蛋，蛋嘅質地好滑好滑，個底仲有蟹柳。

食鰻魚飯定食最緊要係咩?梗係鰻魚夠大條，夠肥美，夠多汁啦！講真嘅，條鰻魚打斜瞓晒係飯面，緊大條嘅，不過汁就少咗多，要另外叫攞多碗汁。汁雖然鹹咗少少，但係都可以接受。

櫻花角切魚生飯低吃🌸食物環境服務高水準👍🏻獎勵自己午餐好去處🍣星期二中午十二點幾，我地七個人黎到啱啱好剩翻一張大檯。估唔到十二點先開門都咁快坐滿。✏️我們的食單✅櫻花角切魚生飯 $68 （配 沙律、燉蛋、麵豉湯、雪糕mochi）✅櫻花角切魚生飯 $68：魚生份量足！係切碎左既三文魚、吞拿魚、油甘魚...好滿足！中間既半熟蛋煮得啱啱好，撈飯好正。飯入面仲有紫菜絲，非常有心思。芥末口味清新，吃落唔會太攻鼻。飯質可以再乾啲。沙律味道清新，汁配調得好開胃。燉蛋正常好味。🏠日式懷舊風，餐具都好精美👳🏻‍♀️服務幾好。坐低就有一大杯熱茶飲，仲會成日添。吃完既碟都好快

同朋友去徳美食lunch, 自己叫左個6件壽司定食+牛肉烏冬既lunch set，朋友叫左另一款定食。前菜，牛肉烏冬同朋友既定食都黎左，但6件壽司遲遲都未黎到，再三追問都只係hea答你整緊。我地已經食完枱上面既食物，都重未見到客壽司出現係面前，前後等左足足45分鐘，唔明整咩壽司可以整咁耐，只係6件好基本既壽司，等左咁耐已經等到已經唔想食😡😡😡食物質素同服務態度都一般，再加上咁低效率，以後都唔會再幫襯！😡😡😡

在黃埔的這家德美真的是Poly人的恩物 價錢對比起其他日本餐廳不算太貴 不過要注意這裡是12:00pm才開 而且消費滿$1000才可以坐tatami這次我叫了櫻花魚生飯($68) 免加一 這個飯過了1:00有可能會售罄份量大 但我覺得魚生沒以前那麼新鮮 隨餐附送沙拉 燉蛋 麵豉湯 這個餐是我每次都會點的

同朋友慶祝生日，佢話好想食德美壽司，咁就陪佢去啦😊好彩我有預先訂位，否則walk in要等好耐，就知幾受歡迎！黎到食日本野當然要有我最鍾意嘅海膽味道非常鮮甜👍🏻好快我地就食哂所朋友就十分推介拖羅壽司入口即溶🤤大大件，味道淸新好満足軟殼蟹壽司配上牛油果完全沒有油膩感😋日式煎餃待應提醒我地要襯熱食，餃子用腐皮做，掃上日式醬油，咬落香脆，可以一試今日埋單每人用在3百几，可以食到有水準的日本菜，不錯👍🏻

德美壽司其實不只壽司好吃, 其他食物也都能維持高水準, 所以一到午飯時間就經常滿座, 我們一行 5 人當天點了多道菜色, 吃得大快朵頤 壽司十貫: 由廚師精選十種不同的壽司食材整合而成, , 當中必定包括德美甜玉子壽司, 以手握壽司來說, 壽司十貫味道在水準之上野菜牛肉鍋: 牛肉鮮嫩, 野菜壽喜燒湯底, 相當下飯的一道菜日替便當三段:  由天婦羅蝦, 甜蝦刺身及帆立貝等組成, 是日日替項目為豬軟骨, 味道不俗壽司定食配牛肉細烏冬: 壽司比十貫壽司少兩件, 類別也較平凡一點, 但有烏冬補數, 夠飽肚銀雪魚西京燒定食:  銀雪魚幼滑沒魚腥味, 另一下飯之作

原本朋友約尖沙咀，佢提議德美～後來轉了黃埔，佢又提議德美！好啦好啦！去試下啦反正我都未試過。中午時段人好多，我朋友特登早一日打電話去bookMenu  好簡潔直接唔花巧，十分"日本"我點左燒三文魚魚生飯(柚子味)$72仲附送沙律、味噌湯、茶碗蒸蛋同甜品個飯底唔係一般白飯，而係加左粉粉海苔同醋既飯，幾特別！而個飯好大飯，食完超飽！三文魚好肥美香滑，加上脆口魚子，好好食！仲有一顆半熟蛋，正！ 如果粒蛋再香D就好啦～朋友揀左壽司十貫$132十件壽司之餘，仲有一件德美甜玉子！賣相吸引，用料新鮮！