德美壽司 (德民街)

營業中

休息中

原本朋友約尖沙咀，佢提議德美～後來轉了黃埔，佢又提議德美！好啦好啦！去試下啦反正我都未試過。中午時段人好多，我朋友特登早一日打電話去bookMenu  好簡潔直接唔花巧，十分"日本"我點左燒三文魚魚生飯(柚子味)$72仲附送沙律、味噌湯、茶碗蒸蛋同甜品個飯底唔係一般白飯，而係加左粉粉海苔同醋既飯，幾特別！而個飯好大飯，食完超飽！三文魚好肥美香滑，加上脆口魚子，好好食！仲有一顆半熟蛋，正！ 如果粒蛋再香D就好啦～朋友揀左壽司十貫$132十件壽司之餘，仲有一件德美甜玉子！賣相吸引，用料新鮮！

It is a shop with strong Japanese element in its design, which worths a long time queuing outside.The menu is well sorted with different categories of food well listed. I ordered a curry chicken rice. It is a set lunch, with appetiser, soup, and sweet served. The salad (appetiser) is fresh, the curry is well controlled which is not spicy to swallow. The dessert is something likesteamed egg. Overall, this shop offers a good experience for a try of Japanese food, though the price is not quite humb

朋友系附近做嘢成日話呢間d lunch set好鬼抵食， 不過好多人要book定位，今日得閒過黎join 朋友食lunch，我哋一行四人，一入到去超級full， 好彩有book 位，我哋4個都點左魚生飯，我點左個三段魚生飯， 魚生好新鮮，三文魚夠肥美，個玉子燒都好好味， 想讚下個飯系幾特別， 入面有冬菇，好香！不足之處系因為客人太多，唔夠伙計，d 野上的較慢，但都尚可接受，會再黎試試其他食物的！

紅磡好食嘅餐廳越來越多，而且價錢多數走平民路線，徳美地點就腳，品質不錯，係其中一間間中會去嘅餐廳。午市套餐包沙拉，茶碗蒸同湯，價格由50幾到100左右。呢次叫左角切魚生飯同鰻魚飯。角切魚生飯限量供應，魚生份量算多，上面加左隻半熟蛋，口感更豐富！魚生都係大路野，三文，吞拿，魷魚，魚子都有，食落都新鮮，仲加入牛油果，性價比高。鰻魚飯鰻魚烤得剛好，食落都夠軟，配合醤汁好開胃，略嫌鰻魚份量較少，性價比不錯，可一試。徳美在區內質素頗高，午餐尤其抵食，客人比較多，早啲去較合適。晚餐最好先訂位再去

其實我聽過德美壽司個名好耐架喇，不過一直都無機會又或者醒唔起。未婚夫無啦啦話帶我食好野，佢就帶咗我黎呢間喇。車 ~ 我話想食好耐啦。見佢book 好枱，唔洗等就有位就算佢啦。我地叫咗北海道甘蝦刺身丼、煎鵝肝帶子卷同天婦羅軟殼蟹。甘蝦刺身丼，除咗甘蝦仲有帶子同三文魚刺身，另外仲有少少熟三文魚碎伴飯。甘蝦帶子三文魚都新鮮。飯底係同冬菇煮過，仲有冬菇片。雖然係咁煮過，個冬菇味唔太重，反而可以令飯底無咁寡。平時係白飯珍珠米，係靠鼓油芥末先有啲味，呢個丼係有質素。跟住係煎鵝肝帶子卷。鵝肝壽司就食得多，我就比較喜歡鵝肝卷。雖然只有細細粒鵝肝喺中間，但係味道已經足夠回味。味道濃而不膩，加埋上面嘅帶子，令整件壽司卷好有層次，值得加分。最後係天婦羅軟殼蟹。有蕃薯，茄子同冬菇，仲有主角軟殼蟹。天婦羅粉炸得薄薄嘅。軟殻蟹嘅殼炸到脆脆嘅，連殻食都無問題。味道方面，蟹肉蟹膏嘅味道好出，唔會因為炸過而無味。呢度價錢唔算特別貴，但以呢個質素黎講係值得加分。我會再黎。

8月頭在尖沙咀食過德美，覺得不錯，故今天特登去紅磡店試一試，順便逛逛已装修的吉之島。怎料，同為德美，感覺大不同，食物質素及服務態度十分不同。由於上次食櫻花角切魚生飯及6件壽司配牛肉烏冬，覺得蠻好吃。今天同樣叫了同一的食物。以下是尖沙咀德美:不論賣相及味道都較好！以下是紅磡德美：紅磡店的午餐也有配湯及甜品，但甜品是一粒雪糕糯米磁。壽司的帶子是一片，而不像尖沙咀店及不像餐牌所示是完整一粒。前往紅磡店食飯的人蠻多的，但某店員服務態度卻不太好。聲稱人手不足，所以好像很不耐煩似的。還有，不知為何地板很滑，要小心呢！

其實都幫襯了這間店接近四年 以前一路都很好，食物很好，態度也不差，價錢亦都很合理。最近一次中午時間去，侍應態度差到不能形容，食物嘅份量亦都少了很多。我們想點一個 櫻花角切，未入去排隊之前已經禮貌地問侍應今天有沒有供應但他竟然沒有答覆我們，真的很沒有禮貌。安排入座後，侍應終於答覆我今天沒有櫻花角切，但他卻不在排隊時告訴我。上餐嘅時候侍應竟然是很沒有禮貌地大力把菜放在枱上，和茶餐廳沒兩樣分別。我對這間餐廳真的十分失望因為我都算是熟客，覺得他的價錢不但加了很多，而態度亦變差，食物質素也下降。這間店嘅感覺給我是唔優做，沒有把顧客當做人，原是打算開開心心地食午餐，最後變了是受氣再也不會去這間店光顧！

好多人都話德美嘅食物新鮮，有水準。今日就同屋企人嚟試試。呢到交通方便，黃埔站一出，行唔駛兩分鐘就到，真好！唔係好飲得出有綠茶味，但都幾特別,冇一般可樂咁甜有好多蟹子，新鮮，份量足夠6人食好爽甜，呢個前菜唔係到到有啱唒鍾意食蟹膏嘅朋友，味道香濃壽司飯味道好好，醋嘅份量同飯嘅煙韌度恰到好處軟殻蟹夠唒大隻，炸皮又薄又香脆海膽新鮮香甜，貌相亦不錯考師傅技術，時間一定要掌握得好好先做到溫泉蛋。個人認為炸皮厚咗D原本諗住要凍食，點知嚟咗熱，但非常驚喜，估唔到咁好食，湯嘅味道濃淡適中溫度啱啱好，唔太凍，唔太熱，好味！個汁好香濃，魚頭D肉好嫰滑今餐飯真係食得好開心，食物同服務都頂瓜瓜

❣️之前試過尖沙咀那間 味道唔錯，這次特意到黃埔這間試試，一入餐廳 就已經十分超歡☺️所有杯碟都非常精美 充滿日本風味魚生很鮮味 特別是海膽 非常鮮甜玉子充滿蛋香而且甜而不膩❣️最值得一提的是 平日一至四才可選點的二人特盛套餐 超級抵食😍😍😍倆個人一定吃不完😂😂😂最驚喜的一定是這個鵝肝多士 好大 好大 大！大！大！😂😂😂😂😂😂😂而且好味 而這個 魷魚筒都超正 跟平時的不一樣 滿滿魷魚絲的感覺在口中散發 很特別😍總結 平日非常值得去食

我地兩人在晚上九點幾到，入面都九成滿座。舖頭比總店細，想介紹個朋友試試德美出名嘅丼，點知走左先醒起唔對路，慘。我地叫左一個蠔鍋，四五隻蠔都幾新鮮，連蔬菜，八十幾蚊。我地仲叫左德美海膽魚生丼，點解會叫呢？因為佢入面個飯係加左少少醋同紫菜，令到平時唔多食飯嘅我都會成碗食哂，非常美味。之前在德民街那間覺得好好食，於是在呢間再叫啦，點知…1. 德民街用盒上，呢間用大碗上，容量邊間多我唔敢講，大家試下啦2. 無蛋！呢個飯有兩片玉子，上面有德美兩字，但今次係我提個waiter先同我睇睇3. 無海膽！ 我食既時候唔覺，但覺得海鮮款式少返家後醒起，佢無俾海膽喔，嬲！

德美壽司其實有幾多間？！食過尖沙咀同紅磡分店，食物都係唔錯，lunch set 有沙律、蒸蛋、麵豉湯同甜品，性價比高，紅磡呢間刺身比尖沙咀好，但一樣係無服務。今日點左三文魚子吞拿魚蓉飯，因為唔想食生蛋（menu張相係生蛋），落單叫走蛋，但最後都無走到🤦🏻‍♀️我暈唯有自己走蛋啦魚子同吞拿魚都算新鮮，吞拿魚份量多（其實蛋下係空心嘅），飯係用冬菇片煮嘅，但明顯冬菇發嘅時間唔夠，冬菇中間硬嘅$82有咁多野都算係咁

今個星期繼續黃埔美食之旅，今次與男友來到日式料理店『德美壽司』試試！下午1時左右來到，看見店內已坐滿客人，侍應叫我們往旁邊的舖位，還好另一邊還有3份1的坐位，不用在烈日下等位！難得星期六，小女子決定來個豪華午餐，叫了$98的「德美刺身壽司便當」～侍應說要等20分鐘，但10分鐘左右就來了。刺身包括三文魚、大蝦和帶子，刺身又厚又鮮甜，還有一小件玉子；壽司方面有吞拿魚蓉、魷魚和一件不知什麼魚LOL，吞拿魚蓉壽司最好食！另外還有雜菜餅，炸得蠻香口的，份量也很多，不過吃兩件就已很飽肚了……便當配有蒸蛋、迷你沙律和味噌湯：蒸蛋很滑很香；沙律正正常常；味噌湯則略嫌咸了點。男友叫了「滑蛋吉列豬扒飯定食」，蛋夠嫩滑，豬扒很入味，但炸皮略嫌過厚，薄一點點會更好；跟其他定食一樣，這個餐包了蒸蛋、迷你沙律和味噌湯，以$59來說性價比是甚高的。整體來說，『德美壽司』走的是日式快餐的路線，價錢合理，食物算是不錯。餐牌上還有很多料理想試，看來過不久又要再來呢！------------------------------By alvahana

因為夜晚係黃埔買咗飛睇戲所以去左去過嘅徳美壽司食飯。六點九倒到，唔使排隊，正！之前來食飯都係叫壽司食。今次可以試下佢嘅晚餐定食。叫咗一份鱈魚定食。銀鱈魚都幾好食，唔係好大塊，味道尚可，好多魚油，但唔夠香口，唔夠熱。朋友叫咗個鰻魚飯定食。味道冇乜驚喜，塊荷葉冇乜作用。鰻魚都可口，肥美，但唔夠厚身，個飯冇乜汁，可另外叫佢俾多啲鰻魚汁另外散叫左火炙和牛壽司好正！比一般壽司店大塊，新鮮。海膽同魚子壽司都好新鮮，海膽不會一夾就散，保持到水準。

永遠覺得德美壽司係大件夾好食，佢哋食材好新鮮，刺身永遠都係好鮮甜，卷物配搭亦都好啱我口味，所以我成日都會專登嚟到黃埔食。必食嘅玉子，有香又甜，食唔停口😋火炙帆立貝壽司無得輸😋😋😋而佢哋三文魚壽司都食得出好新鮮😆仲有呢個帶子沙律卷，每次來都會食，啲帶子好大粒，又好鮮甜🤤仲有會order牛油果軟殼蟹卷， 不過唔記得咗影相，唔知佢啲軟殼蟹係唔係即刻炸， 因為每次都要等耐啲，不過真係好味，配搭好好，啲軟殼蟹炸到好香，值得一試！

個日番黃埔剪個靚髮，順便想食好少少，就一丁友六點幾七點去左德美食，坐低唔夠一陣就已經爆左，記得book位！唔係第一次食架啦，駕輕就熟，新鮮既海膽同活赤貝係好重要，活赤貝處理得好好，另外既部位加落壽司卷度都十分匹配！三文魚子略為少左d但都ok的，特色既卷物都唔錯，基本上試哂，唔會太膩（當然或多或少都有少少）銀雪魚過往大舊d，品質依然。結果係送左杯奶凍比我，因為我一個人食哂相中d野正！值得推介，可以作為生日飯既考慮，佢有清酒同海鮮湯（定蜆湯），都係好不錯的！