德美壽司 (德民街)

營業中

休息中

其實我聽過德美壽司個名好耐架喇，不過一直都無機會又或者醒唔起。未婚夫無啦啦話帶我食好野，佢就帶咗我黎呢間喇。車 ~ 我話想食好耐啦。見佢book 好枱，唔洗等就有位就算佢啦。我地叫咗北海道甘蝦刺身丼、煎鵝肝帶子卷同天婦羅軟殼蟹。甘蝦刺身丼，除咗甘蝦仲有帶子同三文魚刺身，另外仲有少少熟三文魚碎伴飯。甘蝦帶子三文魚都新鮮。飯底係同冬菇煮過，仲有冬菇片。雖然係咁煮過，個冬菇味唔太重，反而可以令飯底無咁寡。平時係白飯珍珠米，係靠鼓油芥末先有啲味，呢個丼係有質素。跟住係煎鵝肝帶子卷。鵝肝壽司就食得多，我就比較喜歡鵝肝卷。雖然只有細細粒鵝肝喺中間，但係味道已經足夠回味。味道濃而不膩，加埋上面嘅帶子，令整件壽司卷好有層次，值得加分。最後係天婦羅軟殼蟹。有蕃薯，茄子同冬菇，仲有主角軟殼蟹。天婦羅粉炸得薄薄嘅。軟殻蟹嘅殼炸到脆脆嘅，連殻食都無問題。味道方面，蟹肉蟹膏嘅味道好出，唔會因為炸過而無味。呢度價錢唔算特別貴，但以呢個質素黎講係值得加分。我會再黎。