德美壽司 (德民街)

營業中

休息中

同朋友係附近行街lunch見到小巷呢間日本裝潢的餐廳 睇睇menu好多選擇 而且lunch唔收加一 幾吸引就入左黎食全部lunch set都好吸引基本上都包左茶碗蒸、沙律、面豉湯、甜品ps甜品係維記雪米池 餐廳行地道日式風格裝潢用上大量木材比人感覺舒適自在餐廳內仲有榻榻米可以坐一坐低侍應就奉上熱茶 非常有效率而且好有禮貌茶碗蒸蛋味不濃 但非常幼滑！配料都頗多 沙律醬汁酸甜開胃 好鍾意佢有一片醃番茄 非常難得面豉湯正常味道 沒什麼驚喜德美壽司刺身便當🍱 $99一上檯已經令我心心眼😍賣相好吸引！份量充足刺身有三文魚、三文魚腩、帶子、有頭甜蝦非常新鮮！帶子好清甜三文魚腩 魚油分佈平均最一般是有頭甜蝦玉子燒印有德美二字 都頗幼滑配菜係魚仔配焦糖核桃香甜可口 做飯後甜品很適合壽司定食配細牛肉烏冬 $89友人非常讚賞香蔥吞拿魚蓉壽司吞拿魚新鮮味美，配合蔥末，油花味一流

《德美》牆上都有時令或本周推介菜單壽司定食配牛肉細烏冬 $89先有小沙律同蒸蛋，蒸蛋有驚喜唔會過時榎颯颯 。連埋玉子有七件壽司，玉子上更燙上德美兩字。壽司整體質素新鮮 ，食完已經7成Full。因為少食牛肉關係所以牛肉烏冬叫咗走牛。烏冬份量都唔少，不過就偏鹹。成個餐有咁多野食先$89，抵食！豬軟骨石鍋飯 $68朋友點的豬軟骨石鍋飯，食到讚不絕口，石鍋飯上的雞蛋半生熟，撈飯一流！整體性價比十分高，平民價錢滿載而歸。

其實呢間都係睇人介紹我先知紅磡有間咁好既日本菜餐廳，嗰日我同媽媽去到，去咗鋪，心諗點解lunch 都冇人既，原來去錯位，隔離個鋪位先係🤭。佢d lunch set價錢好合理，我同媽媽都叫咗咖喱豬扒飯，都係62蚊，唔使加一，有湯，沙律，主菜，蒸蛋同甜品，超多款。我個人好中意個蛋，因為真係蒸得啱啱好，而且料又多。佢個咖喱超好食，拌飯一流，有少少辣，好啱我。而且我中意d好瘦既豬扒，佢呢個我食唔出肥肉，而且d肉又唔會韌，cp值高，下次一定會再嚟試下其他款。

行經呢邊一於去試下呢間日本餐廳，因為一直都聽到朋友話呢間餐廳不錯😍入內餐廳裝潢精緻，很有日本風👍但個人感覺又有少少泰國風加入在裝飾之中😁今晚叫咗兩個set dinner1/鰻魚飯套餐，包沙律、麵豉湯、主菜及甜品鰻魚有d乾乾地，配上蛋絲亦都好乾，普普通通2/洋風火炙三文魚飯，呢個有驚喜，好好味，飯內有配上特別醬汁及菇類，並奉上新鮮Wasabi，不錯不錯👍👍😋😋甜品是沒什麼特別的椰汁奶凍，賣相亦都麻麻地，配合唔到佢地餐廳嘅精緻佈局，因看得出他們花了心思在杯杯、碟碟、碗碗及食具上如果一班friends嚟食，可以叫多d種類嘅嘢食會更好，下次都想再試試😍😍

Book左台, 準時去到, 成間店坐得一半都冇, 個肥侍應愛理不理咁諗左幾分鐘先俾到張台我地(明明周圍都係吉台), 好啦坐低叫左兩個魚生飯, 德美海膽魚生丼,三色丼, 魚生望落已經極唔新鮮, 相都唔想影, 放落口更加難頂, 三文魚完全無味, 帶子雪到冇晒味, 油甘魚竟然係硬膠咁既質地, 有冇搞錯, 不如改名叫明將啦, 呀唔係, 連明將都可能好過佢, 起碼性價比對得住, 呢餐兩個丼加埋一3xx, 但竟然係D咁差勁既質素, 真係唔明點解夠膽收咁既價錢 , 仲有全程侍應都係愛理不理,唔憂做咁, 真係唔會有下次, 永久black list!

第一次食紅磡呢間德美。係Lunch時間真係好多人黎食，我同朋友係烈日下等左半個鐘有多。係排隊嘅時間就緊係諗定食咩好。午餐時段選擇頗多，而且免加一。每款都頗吸引，而且都有配前菜和甜品(糯米糍)，有些更有麵鼓湯。我最後決定食一口炸雞便當配牛肉烏冬。沙律份量不多，但頗開胃。茶碗蒸蛋味道不錯，唔會老。便當有三文魚刺身，食落頗新鮮肥美，而且唔會得薄薄一片。但個蝦刺身就唔太新鮮，味道一般。其實炸雞都炸得幾好食！首先上菜係熱嘅，外皮脆口，內有肉汁。炸得剛好嫩口唔會老！但係個調味就一般，唔知點解好似有d薑味唔係好夾。最中意就係牛肉烏冬。烏冬彈牙好食！湯底都唔係重味精。但如果多d牛肉就更好！整體來說不俗，而且餐廳環境配上昏暗嘅燈光好有日式氣氛。下次會試下魚生飯！好似幾抵食！

這個油甘魚蓉丼是限定的。本來以為只是普通的壽司飯，但它是有醬料撈過再加些菇，味道很特別很有驚喜！跟我以前食的魚生丼很不同！朋友吃的是納豆海鮮丼，可能是因為我好唔中意納豆的味道，我覺得影響左魚生的味道：（

依家黃埔都有地鐵站，去德美食飯就方便就腳得多啦～當日行完街，拎住一推戰利品，都唔知係邊度可以坐得舒服d。一於帶埋班朋友，去德美食返餐人人都愛嘅日本菜！座位都幾舒適㗎！一行四個女仔， total叫咗五樣嘢食：首先嚟到嘅係刺身拼盤。刺身味道鮮甜肥美，擺碟亦都好靚，同朋友聚會絕對唔失禮，個個爭住影。牛肉烏冬 平時有一個lunch set會包一碗細細的牛肉烏冬，我印象中係好好食嘅。今晚再encore，果然ok！吞拿魚茸飯每一次食呢碗飯，吞拿魚份量都係超多。一個人食晒成碗可能會膩，但同朋友share，一人食一啲，都幾開心。佢哋仲講笑，話「我覺得係飯撈吞拿魚囉！多到咁」 冷蕎麥面至於冷麵，就冇乜人欣賞喇。始終都係有啲普通，自己係屋企都整到。個人認為個醬汁唔加蛋，會好食啲。天婦羅卷呢碟嘢食一擺落枱，四個女人同時「哇！」左一聲。賣相10分，同時味道都10分。真係超正，下次嚟食會再翻炒！仲有杯鉅鋒梳打，完全冇提子藥水味，好飲到同朋友爭住飲。可惜唔記得影相。下次食，記得book左位先。

👉🏻德美海膽魚生丼🍱💲168好好味個飯加左紫菜同冬菇🤤三文魚最好食🤣蟹柳硬左啲😹〰〰〰〰〰〰〰〰〰〰👉🏻sushi盛合特上 特上壽司拼盤🍣💲288(吞拿魚、三文魚、池魚、油甘魚、帆立貝、魷魚、甜蝦、海膽、三文魚籽、蔥拖羅茸卷、鐵火卷)〰〰〰〰〰〰〰〰〰〰👉🏻三文魚腩6片💲78好厚🤤仲cut左啲紋爽口啲又易啲吸啲豉油🤣〰〰〰〰〰〰〰〰〰〰👉🏻鰻魚壽司💲33比一般厚身好肥美🤣

星期六不用上班，有幸光臨於紅磡德民街的《德美》，一嚐其功架該店服務時間由正午開始，幸好小弟11:45到達門前等候，否則又要等候需時未開門就研究一會午餐應要吃什麼這是跟餐的沙律、蒸蛋、味噌湯。沙律不太多，帶點醋味，酸酸的頗開胃蒸蛋細細杯，甜甜的，夠熱夠滑，內裡配料如雞肉、冬菇、蟹柳等，都口感不俗味噌湯則正正常常吧。讚岐牛肉烏冬配壽司三貫牛肉剛熟，一流！烏冬麵質爽口彈牙，不會太林。另外，因湯底有隻蛋，使湯底清甜且有蛋味至於壽司方面，確實與大舖頭與眾不同，起碼用料新鮮和壽司飯不易散開德美壽司刺身壽司便當甜蝦、三文魚、帶子刺身，新鮮製作，味道清甜，入口即溶幾件壽司高質，小弟強烈推介魚茸壽司，入口即溶的那份感動，很久未試過寫著德美二字的玉子，雖然字體走樣，但這是我食過最甜的玉子，正呀喂最旁邊的是魚乾仔配核桃，既甜且脆！另外跟餐有一客忌廉薯餅，較多蕃薯，炸得香口，又不會太油餐牌以外，小弟也點了餐牌以外的炒野菜。意外地看見頗大碟，用料都足，都幾有鍋氣埋單後，更有維記雪米磁贈送，作為甜品算是錦上添花吧！亦代表這頓飯圓滿結束。

是夜媽咪無煮飯 所以同佢係屋企附近既德美食飯 我地嗌左兩個set: 豚肉生姜燒定燒同燒鯖魚定食燒鯖魚非常新鮮 而且豚肉亦好入味同鬆軟。晚餐set有沙律同miso soup同甜品，埋單都係大概100$一個人

來哩間第三次了但食物味道確實不錯新鮮刺身平時只食三文魚，其他總係感覺有啲腥，但哩下都覺食落去有啲甜味鵝肝多士，同老公鍾意食，每次來都必點螺湯，每人一小杯，精緻燒肥牛扒但肥肉食到好利燒三文魚腩平時食開，都唔錯～唔記得咩魚，骨多，食時小心冷麵，食唔慣，味道淡淡地小食，岩老人家

本來打算去食黃埔one piece間餐廳，但後尾聽朋友one piece餐廳係台灣食會抵啲，而德美又好好食，所以我地就改變計劃去左食德美啦黃埔嗰到有兩間分店，所以唔驚要得位，我order左吞拿魚蓉香蔥飯~一上枱我已經流哂口水啦有一座小山丘高既吞拿魚蓉，上面有三文魚子+一隻生既鵪鶉蛋，我就唔食啲蔥絲既，所以了走哂😂食落超有驚喜！原因係！啲飯唔係普通壽司飯！而係有蘑菇片既味飯！好！好！味！啊！我覺得我淨食碗飯唔食餸都冇問題😜✌當然吞拿魚蓉完全冇每我失望，個份量多到我同朋友share都食唔哂百零蚊抵到爛啊！

在寶石看完蟻俠2後，就去附近的德美重溫以前讀U時吃過的味道。店內已經坐得滿滿的，幸好剛剛還有兩個位。三文魚刺身(背位) ($68)溫度適中，吃起來不會有「渣」，不過好像沒有三文魚那鮮甜肥美之感。士多啤梨醬鐵板鵝肝 ($88)頗有入口即溶的口感，不會令人覺得膩，多士脆得來會有種硬硬的感覺，扣了點分數。牛油燒原隻鮮元貝 ($88)這個很好吃，元貝和金菇充滿蒜子和牛油的香味，元貝很體貼的切開了一粒粒，吃下去很滑很易入口，算是色香味俱全，只是$88隻真的有點貴。牛油燒帶子串 ($33)味道不會太咸，但略嫌有點乾，沒有汁。活鰻魚朴葉飯 ($98)很好吃的鰻魚，完全沒有骨，而且很香很滑，口感極佳，飯的軟硬度也很適中，粒粒分明，不會一舊舊的，每口連鰻魚一起吃真是相當美味。「魚立」魚湯 ($38)很有魚的鮮味，也十分足料。雖然味道、用料都相當不錯，但等候每碟的時間實在太久了，第一碟就足足等了20分鐘，想吃的朋友要做好心理準備了。

我們一行十人無book位，但都有幸在7點鐘walk in入到間大房坐tatami（要脫鞋），好幸運！懶得揀就可以直接點呢個德美壽司拼盤，影相都覺得震憾！每款有四件（細件既例如青瓜小卷就有8件），啱晒咁多人的口味♥️玉子壽司上面有德美兩隻字，好得意。新鮮度方面不錯，保持到一貫水準，好好味，by the way呢個菜上得好快。另外都有叫雞翼、烏冬、炸天婦羅都好食，推薦！