德美壽司

營業中

休息中

兩個女仔，企係呢棟大廈望住水牌，真係唔知揀韓國野定西班牙野定西餐，最後我就想食日本野，而朋友話俾多次機會德美（佢前排食過，覺得一般，價錢又貴），只因我想食壽司。上到去，已有一半full house，枱就得個半鐘，都無所謂，反正食完都想行下街之後食甜品。兩個人打開餐牌，都無咩可以叫，我先叫左玉子蛋，但好凍，又無咩味，比起其他連鎖店嘅都差好遠。朋友想俾多次機會壽司，所以由佢發板，三文魚我覺得唔夠肥美，但劍魚就爽又新鮮，不過最新鮮係吞拿魚軍艦，一放入口就溶係口，鮮味，有水準！之後見隔離枱叫左個炸蝦天婦羅呑拿魚卷物，我地又叫，重叫左牛油果軟殼蟹卷物，兩者一齊上枱，再次俾呑拿魚贏左，隻蝦就一般，但俾呑拿魚帶番起上來，而牛油果就無咩特別，連鎖店好食過佢。最後送上甜品，應該係杏仁豆腐加左芒果汁係面，我又覺得唔錯！整體服務都ok，不過我地坐正正中間，係冷氣機位，所以怕凍就要識得揀位啦。走時都見到有幾個人等位，睇來呢間野都好似吸引到好多客人呀！

星期五嘅夜晚梗係要食餐好 Thanks GOD It's Friday!!! 之前已經食過紅磡嘅分店 德美壽司不嬲有質素保證 今次同朋友四人再戰首先叫個壽司大盛 係三至四人嘅份量有24件壽司12件卷物 總共有九款嘅壽司卷物有吞拿魚同青瓜 壽司有三文魚 劍魚 帆立貝 三文魚子 鰻魚 大蝦 拖羅茸 另外仲有六件厚燒玉子每款有三件 即叫即整 誠意十足特別喜好 鮮葱吞拿魚腩茸壽司食落油脂好香👍🏻另外叫咗 帆立貝鵝肝卷物 一份有四件料多又多汁 食落好香鵝肝油脂 帆立貝中和左鵝肝的油膩但因為好多料 所以好易散開 有啲論盡😂因為唔夠喉所以再叫左 火炙洋風三文魚三文魚輕輕燒過 食落口感十分軟綿綿🤤最後仲有呢個鵝肝茶碗蒸一揭開勁大舊鵝肝 十分足料底下仲有冬菇 當然仲有滑蛋🤤一羹不落去鵝肝連埋蒸蛋一啖食 大滿足！

聽老友介紹呢間德美壽司水準唔錯，所以就黎食LUNCH SET！H8成楝都有好多好野食，不過德美壽司就係第一次黎！一岀LIFT就係餐廳，個店面好細！不過今日早黎就唔駛等位！見到BAR枱好多師傅整緊野食老婆叫左個鰻魚飯，啲汁好香又熱辣辣👍🏼唔記得有無骨！好似有少少我叫左個壽司SET，算多壽司款式👍🏼GOOD我覺得幾新鮮拉，不過食完唔係好夠飽！食埋老婆食淨啲鰻魚飯幾好食喎食完有甜品，有啲樣衰不過幾清新好味👍🏼個LUNCH SET幾抵食！

第一次黎，食物款式多，但價錢偏貴。當晚叫個三文魚腩刺身，火灸三文魚腩壽司，介辣八爪魚壽司，鰻魚壽司，牛油果炸軟殼蟹卷，燒牛舌，燒茄子，腐皮餃子 所有食物都係即口即做，魚生，壽司幾新鮮，兩個人賣單四百幾

夜晚同朋友一齊想食壽司，係openrice篩選一番後決定前往德美。六點幾去到唔洗等位，唔算太多人。由於openrice評價幾好，食之前期望比較大，點知真係期望越大，失望越大。我地嗌左唔係好多野，基本都係大路保險之選，然而都係無情中伏。以下選取最惡劣嘅幾種略述一二。三文魚：部分壽司飯幾乎係一夾即散。三文魚雖然係大件夾厚，但係食落口感非常死實，根本食唔到三文魚嘅油香同鮮甜，咁難食嘅魚，縱然大件又有何用？我地叫左都幾多三文魚下，真係難食個不停。芥辣八爪魚：略嫌過辣。朋友評價八爪魚有酸味，又係難食。什錦天婦羅：本來覺得天婦羅應該都係穩陣之選，點知竟然係同三文魚齊名嘅大伏。粉漿又厚又硬，啲蝦炸到鞋夾老，又淡而無味，唔好睇佢好似好大隻，事實上隻蝦好細。番薯唔甜，味同嚼蠟。茄瓜係索油之最，多油到難以下嚥。總之成碟野就係差。寫得食評就要客觀，佢地嘅壽司賣點之一就係用料足，件件都好大好厚。鯛魚唔錯，大件厚且有鮮味。鰻魚就本身我地無叫，佢上錯，見到好似幾好就留低左，都係好厚，味道唔錯。又，個人非常唔中意酸薑嘅味道，由圖可見部分壽司癡住啲酸薑，搞到食果陣個口成朕酸薑味，又難頂又喧賓奪主。而服務方面都算OK嘅

今次係我同女朋友第二次食德美！第一次食左佢既極上壽司ｓｅｔ而女朋友食左佢個拖羅茸飯記憶中佢地既味道都唔錯，所以上星期六就番左去ｅｎｃｏｒｅ～～今次我點左拖羅茸飯～～同上次一樣魚茸好香～～～而且份量又多，可以一羮飯連大大啖魚茸咁食！！咪睇碗飯細細，其實食到尾會好飽而女朋友就揀左三色丼飯，有帶子，三文魚同紅鯛魚女朋友話好新鮮同爽口，我試過帶子都好鮮甜！除左個丼飯外，佢個三文魚沙律汁醬份量都調得好好。茶漬蛋都好滑好好味。個湯都好正！～～！

德美德美聽左好多次，而且我都係好多朋友ig 見左無數咁多次🙈 食呢就真係第一次😂 終於組到隊係一大班中學同學gathering 後再戰德美。我地一行7人，行到去H8都唔知食咩，但我一見到「德美」就即刻話就佢啦！一上到去好彩好彩唔洗等位，仲要坐得幾舒服☺️ 雖然冷氣有d凍😅 但都無阻我地一班人心情。侍應每位都好有禮貌，上至落單，下次執碗碟或加茶都好好態度，完全無吹你走既感覺。因為其餘6個人都懶得叫野食，咁我唯有出手啦😤 叫左好多樣：三文魚腩、炒烏冬（勁好食，個汁無得頂）、豚角煮、玉子燒、燒魷魚、牛肉鍋、炸豆腐、大量壽司、炒飯etc...原來以為好貴，但竟然唔係，埋單都係好似二千蚊有找，下次咁要再黎啦😉

叫一板海膽，來到得嗰半板唔夠，4個人一人一啖都差不多食咗八成，仲要苦，同待應講，佢話師父話冇問題，苦係正常，乜叫正常呢？其他野又細又唔係好食，完全對唔上價錢，我都知租金貴，但係唔比番D好少少食材同大份番DD啦，以後都唔會再去，多謝

午餐去吃定食丼，貪其全都附茶蒸碗、前菜和麵豉湯，夠多樣化。薯仔沙律香滑但有咬口，不像用粉開的，裡面還有一些蔬菜配料，不會很膩，不太吃薯茸的我都吃清光。茶蒸碗鮮甜夠滑流，有魚汁味，配料有蟹柳、鮮冬菇和雞粒。麵鼓湯的勺子好漂亮。吞拿魚丼有肥美吞拿魚碎，海膽、帶子、三文魚子，全都很新鮮甜美，配上大蔥絲，非常滋味，份量又充足。老公的什錦魚生丼材料非常豐盛，十分吸引，鮮甜美味的魚生刺身覆蓋整個丼，而且毫不吝嗇地附有海胆，其次是熟蝦、帶子、三文魚、𩶘魚、魷魚、左口魚、蟹子等等，每款魚生給一點，就已經足夠老公吃得非常滋味滿足。

又來到沉悶的星期一一諗起要返五日工先到weekend, 難免會有d 失落所以最好就食返個happy lunch 為自己打打氣喇! (其實都係藉口啦)德美d lunch set 幾抵食, 尤其是我叫呢個set, 只係66蚊, 好似係叫唔知咩櫻花魚生飯仲要係唔收加一架!!!!!!!!!當然有其他更加貴更加豐富的刺身set, 最貴百幾蚊都有而平的就係d 熟食set, 大約58蚊咁上下~~前菜係salad + 蒸蛋, 好味!!!麵豉麵就太咸, 我飲左幾啖冇飲lu~~呢個就係我order 的魚生飯幾足料~~仲要係好鮮味的德美質素不嬲都唔錯, 如果食晚餐就太貴了反而星期一至五的lunch set 就幾抵食~~如果0係尖沙咀返工, 不妨一試呀!

之前去過沙田分店，吃過魚生飯和帶子鵝肝卷後念念不忘，終於找到機會再光顧了。這天剛好陪老友在厚福街附近試婚紗，二話不說就決定過來吃晚餐了。我們大概7點就到，所以都不用等就直接進去了。其實到我們走之前(大概9點多)都沒有客滿，大概平日比較不用等位。我們點了三色魚生飯和鰻魚荷葉飯(正式名字忘記了)，不用等太久就上菜了。兩個飯都有附上味噌湯，不會太淡不會太鹹，味道剛好。鰻魚飯送上來是一個小木盒，一打開就是荷葉包好好的，再打開是滿滿的鰻魚鋪面，下面有很多蛋絲，再來就是鰻魚汁飯。吃下去有點荷葉香，鰻魚肥美也很大一塊，給的很大器，朋友超愛它的蛋絲，幸好份量也多，我們每人都分到不少三色魚生飯是第二次吃了三文魚，帶子和章紅魚(好像是)都很新鮮，大塊也厚切，放進口就覺得滿足，wasabi也是用磨的值得一題的是飯用紫菜和菇混和，整個口感加強了，味道也很豐富，真的超喜歡啊 後面那球薯蓉是附送的，味道好好，還能吃到大薯粒，貨真價實兩個飯份量好多，我們兩個女生很盡力吃還是吃不完下次應該可以一個飯加壽司或串燒就好了。飯後甜點是抹茶蕨餅 萬萬沒想到耶，以為只是奶凍什麼的。當然口感不能跟專門的比較了，但也絕對不會進不

無業遊民間中都會喺放飯時間外出搵食，呢一日約左朋友喺尖咀見面食個quick lunch，唔想太heavy因為聖誕期間食太多野（笑）最後決定試下呢間平民日式午餐，上網睇食評都覺得可以試，結果係點? 睇埋下面先啦 (*^ω^*)餐牌入面有好多set lunch，有魚生、壽司set之外，都有好幾款熱食選擇㗎。每個set都例牌有沙律、麵豉湯、茶碗蒸，幾十蚊有咁多野食都算抵吖，而且我要讚一下個薯蓉沙律，入面有煙肉我好中意囉 (＾▽＾) 我同朋友叫左銀鱈魚西京燒 & 鰻魚飯set share食，講真我勁耐冇食鰻魚，因為喺香港越食越覺得唔好食，硬係有啲腥味（我係少食魚人士，原因: 怕腥)，呢個鰻魚入口唔算係有腥味啦，而且好軟好林，有丁點碎骨仔，個汁再甜多少少更好。而銀鱈魚都唔洗點講啦！基本上好難整得難食，我就係貪鱈魚一點腥味都冇，所以好多時都會揀銀鱈魚食，好軟林林，滑dodo嘅口感，充滿住油脂肉汁，好味喔！總括黎講，喺尖咀100蚊唔洗就有一個set都算抵食吖，但坐得比較迫唔係太舒服，可能係lunch繁忙時間，職員都忙到頭暈所以面口有點。。。哈哈，其他野都係okay的（笑）

首先來了沙津一客。今次食既款式唔係最好食既，唔太鐘意紫色既生菜，所以比較合我口味係另一款係薯容沙津。茶碗蒸蛋好少店家會有，係一道費心既料理，食左咁耐德美蒸蛋，德美仍然保持水準好吸引入面有鮮蝦，蟹柳，香菇。湯今次仲有蜆肉，平時無。最後呢個自選款便當，實在太滿足，師博既厚切生三文魚肥厚慷慨，炸大蝦大隻但唔夠鮮美，加上美中不足係天婦羅就唔夠熱了。最後埋完單送上有芒果汁既牛奶布丁，非常物超所值。呢間日本餐廳實在好味飽肚之選。

今次已經係第二次食德美，記得第一次食個時真係覺得好驚喜，因為佢D壽司真係好出色，好新鮮，同好足料。今次食依然咁樣覺得，佢每件魚生都好大份，配一舊細細既飯，食落好鮮甜！我地兩個人嗌左一SET壽司，因為好似咁樣會抵D，然後再自己嗌多少少想食既例如蟹子同海膽個D。熟食方便，推介依個蛋天婦羅，佢炸到外脆，然後蛋咬落去係流心！正

今天同hubby 試試平平地的曰菜。這家餐廳位於商廈五樓。午餐由62-168，包前菜，湯，主菜和甜品。牛肉鍋（$67)：牛肉分量十足，賣相吸引。可是牛肉煮得有點老，而菜也十分老，湯底味道是甜甜地的sukiyaki sauce, 味道可以，唯配料全都煮得老了，令無論牛肉或菜都有點靭。三色丼（$108）有海膽、三文魚子同吞拿魚腩。配料新鮮，海膽味唔強烈但帶甜無腥味；三文魚子卜卜脆，甜甜地，唔錯；呑拿魚腩份量唔少，入口軟滑，以百元質素來說，認真交足功課。前菜同面豉湯：味道一般，沒有驚喜；甜品：牛奶布甸：淡淡地，布甸質地，有奶味。最驚喜的是，午餐不用加一，平平地食下曰本嘢，ok 啦。