影片
更多
2017-02-18
1357 瀏覽
夜晚同朋友一齊想食壽司，係openrice篩選一番後決定前往德美。六點幾去到唔洗等位，唔算太多人。由於openrice評價幾好，食之前期望比較大，點知真係期望越大，失望越大。我地嗌左唔係好多野，基本都係大路保險之選，然而都係無情中伏。以下選取最惡劣嘅幾種略述一二。三文魚：部分壽司飯幾乎係一夾即散。三文魚雖然係大件夾厚，但係食落口感非常死實，根本食唔到三文魚嘅油香同鮮甜，咁難食嘅魚，縱然大件又有何用？我地叫左都幾多三文魚下，真係難食個不停。芥辣八爪魚：略嫌過辣。朋友評價八爪魚有酸味，又係難食。什錦天婦羅：本來覺得天婦羅應該都係穩陣之選，點知竟然係同三文魚齊名嘅大伏。粉漿又厚又硬，啲蝦炸到鞋夾老，又淡而無味，唔好睇佢好似好大隻，事實上隻蝦好細。番薯唔甜，味同嚼蠟。茄瓜係索油之最，多油到難以下嚥。總之成碟野就係差。寫得食評就要客觀，佢地嘅壽司賣點之一就係用料足，件件都好大好厚。鯛魚唔錯，大件厚且有鮮味。鰻魚就本身我地無叫，佢上錯，見到好似幾好就留低左，都係好厚，味道唔錯。又，個人非常唔中意酸薑嘅味道，由圖可見部分壽司癡住啲酸薑，搞到食果陣個口成朕酸薑味，又難頂又喧賓奪主。而服務方面都算OK嘅
我地嗌左唔係好多野，基本都係大路保險之選，然而都係無情中伏。以下選取最惡劣嘅幾種略述一二。
三文魚：部分壽司飯幾乎係一夾即散。三文魚雖然係大件夾厚，但係食落口感非常死實，根本食唔到三文魚嘅油香同鮮甜，咁難食嘅魚，縱然大件又有何用？我地叫左都幾多三文魚下，真係難食個不停。
芥辣八爪魚：略嫌過辣。朋友評價八爪魚有酸味，又係難食。
什錦天婦羅：本來覺得天婦羅應該都係穩陣之選，點知竟然係同三文魚齊名嘅大伏。粉漿又厚又硬，啲蝦炸到鞋夾老，又淡而無味，唔好睇佢好似好大隻，事實上隻蝦好細。番薯唔甜，味同嚼蠟。茄瓜係索油之最，多油到難以下嚥。總之成碟野就係差。
寫得食評就要客觀，佢地嘅壽司賣點之一就係用料足，件件都好大好厚。鯛魚唔錯，大件厚且有鮮味。鰻魚就本身我地無叫，佢上錯，見到好似幾好就留低左，都係好厚，味道唔錯。又，個人非常唔中意酸薑嘅味道，由圖可見部分壽司癡住啲酸薑，搞到食果陣個口成朕酸薑味，又難頂又喧賓奪主。而服務方面都算OK嘅，有人主動幫手加茶，茶又幾熱，都算係咁。
埋單承惠458，兩個人離講唔算平，收呢個價錢但又完全達唔到相應嘅水準，食完大家都呻左好耐，好後悔。見到openrice好評咁多，真係忍唔住開個account講下自己睇法，奉上劣評一個，以便為未來想去德美嘅諸位留個參考。
若干壽司
26 瀏覽
0 讚好
0 留言
極差的什錦天婦羅
25 瀏覽
0 讚好
0 留言
張貼
