德美壽司

營業中

休息中

今日午餐同 同事去食久違了既 德美之前食過， 其實都ok 好味， 但可惜太遠了午市分別都有套餐～ 唔係單點既我就叫左個野菜牛肉鍋套餐先來前菜，有三文魚沙律之後分別都有麵史湯 ，同蒸蛋個蒸蛋都算係有心絲， 加左蟹柳同冬菇再泥個主菜， 就係牛肉鍋啦超大份， 本身食得好多野既我都食唔晒而味道都 可以既， 個鍋入面都有配 娃娃菜， 小棠菜， 金菇 同薯粉等等⋯⋯⋯ 絕對抵食最後， 就上甜品， 係一個布甸加上芒果汁既， 雖然就未稱得上超好食， 不過都還算可以啦～總結， 午市套餐非常抵食

前排天氣炎熱，口淡淡，無咩胃口，想食d,無咁熱同埋無咁濃既野，諗起德美，即刻上網查一下，決定去呢到試下午市set餐。成兩年幾無黎，環境都無咩點變，之前都係食晚餐上到去都唔洗等位，一入去就安排到位～你知啦，咁熱都好想快d嘆冷氣😆好啦、去相😋😋首先，有個薯仔沙律 ，好日式feel 有日式湯，蒸蛋鰻魚飯，魚生飯Set幾唔錯，鰻魚唔係度度有得食，仲要整得好味，係好難臨埋單，仲會送多個 甜品幾抵食呀～～～❤️❤️

下午同朋友黎左尖沙咀區搵食, 聽講呢間德美壽司既lunch唔錯就試試啦!Menu上面有好多唔同set, 有生有熟食滿足唔同人需要, 價錢由七十幾蚊同一百四十幾不等, 經過一輪掙扎決定揀個牛肉烏冬+壽司定食!先上一個跟餐既茶碗蒸, 蛋滑而且足料, 但可以再熱d。另外仲有一個沙律不過冇影到相。之後牛肉湯烏冬黎啦! 烏冬口感算彈牙, 份量都足夠, 湯底好淡冇乜味, 一般般。壽司set有三文魚, 車海老, 帆立貝, 油甘魚, 三文魚子, 呑拿魚腩碎壽司同兩塊甜蛋。刺身算新鮮, 隻蝦好大好爽有驚喜, 吞拿魚腩蓉有油脂好香, 其他都正常貨色。食完仲有甜品既, 芒果奶凍, 味道普通。整體黎講一百蚊左右都算可接受既以尖沙咀黎講, 聽講紅磡分店係更岀色, 有機會再去個邊試下。

呢間日本嘢, 食晚飯都係比較多人排隊, 不過今日比較快 15 分鐘就可以. 今次我同朋友兩個人食, 所以叫既嘢不多, 所以只係叫了刺身拼盤 同一個海鮮炒飯.   （夠飽）先講個刺身拼盤, d 刺身都好新鮮,d 蝦都大隻 甜美, 三文魚都係夠肥,  而且佢擺設都好有心思, 果舊玉子都整jor “德美” 既字樣d 配菜同裝飾既花都好靚 同乾淨. 之後就係那個海鮮石鍋飯, 好足料, 裡面好多蝦, d珍珠米粒粒都好飽和同好靚.好多, 兩個人食 絕對飽肚！ 服務態度都好好, order 同埋單速度都好快！ 

因為懷孕關係，無得食最愛既刺身壽司，唉，仲要捱多排才卸貨！德美呢間飯堂我都有一排無去食喇，但心思思忍唔住又走左上去，呢啲係咪叫死忠呀，哈哈！但！！我就好乖既，無叫生野，今次點了吉列豬扒飯！講真，德美既lunch set真心好食，仲要大部分lunch menu都好食，雖然未試過晒，但我食過既都不錯！呢個吉列豬扒飯，大碗！豬扒大份！蛋汁多！唔會粉漿多過肉，配料好足，洋蔥入味！以為咁大碗一定食唔晒，但拌下拌下又食得晒，好味！仲有前菜沙律、蒸蛋、味噌湯，性價比超高！所以去德美唔食壽司刺身都可以有多個選擇～～PS: 德美既鰻魚飯一樣好高質！推介！PS之PS: 千萬唔好加價😂

成日都覺得厚福街好多嘢食，但去到樓下又花多眼亂，鎖定食日本嘢，再睇睇開飯食評，就上去徳美啦！其實都知上面每層單位都好細，果然有一大堆人等位中，好彩今晚等大枱多，等咗廿分鐘左右即有二人枱！講真，枱與枱之間的確窄，同埋幾嘈吓，好彩安排到窗邊位，總算唔錯！服務方面，自動添茶，和一個姐姐服務超好，又同我哋講吓笑，好有親切感。食物方面如下：厚燒玉子: 果然係招牌菜，有層次感又勁有蛋香，正呀！👍🏻鍋燒烏冬: 味道不過不失，但呢個價錢咁多料，一樣👍🏻廣島蠔石鍋飯: 超正，蠔夠肥+鍋飯，掂呀😋什錦天婦羅: 超級好食又抵食 👏🏻👏🏻燒冬菇: ok好食，無咩特別仲有個"燒腐皮餃子"：超正，皮脆又特別，好食到唔記得影相！👍🏻👍🏻飯後甜品：送飯後甜品，夠心意！😄總括: 整體食物真的超級好味，又抵食.....值得推介，必定再來！

由於呢座大廈實在太多餐廳，每次我想嚟但見到好多人，結果都係轉軚去第二度，反正選擇好多！前排突然有一日可以早收，6點幾去到冇人，即管試一試！叫咗一客大壽司set + 一客炸溫泉蛋。壽司係的確好味！由其係蝦同帶子，好大塊，好新鮮！平時唔會食既玉子都好好食，唔會硬，甜甜地好好味！葱呑拿魚蓉亦係正！至於溫泉蛋，一直都好鍾意食，炸蛋都係第一次見，外面應該好小有！外脆內軟，一個人係可以食一碟既！服務態度好好，由於冇訂枱本身叫我個半鐘交枱但結果都冇！

話說自從年頭第一次係黃埔食過一次德美之後，就愛上左呢間餐廳!價錢層面佢唔可以話平，不過計埋份量就抵到不行了，上次食到就黎嘔都食唔晒。今日咁岩經過發現原來tst都有一間，當然即刻衝上去喇!7點半左右上到去已經好多人,我地等左大約20分鐘左右先有位,個場坐30-40人,同黃埔差唔多。第一樣就先食個蟹子沙律,由於本人十分肚餓,唔小心夾左先影相,不過好肯定咁同你講,佢真係好多.圖入面上面個碗係大隻既戰鬥碗,我足足夾左4次先食晒呢碟沙律!入面既扎青瓜絲好新鮮,每一啖都嗦嗦聲.佢最好既係好少沙律醫,出面食蟹子沙律見到都飽,但係呢個比既份量係極少,撈一撈之後其實睇落唔覺加左沙律醫,男仔女仔都鍾意.再黎係德美玉子,比出面既玉子少一點甜度,多一點蛋味.不過佢一直都冷藏住佢,入面有些少雪味. 而且應該整左好耐,凍到有少少老,不過不失.上次我無寫食評,就係因為呢碟牛油果軟殼蟹卷無晒貨,一怒次下放棄左寫佢.佢雖然得4件,但真係稱得上大大件,女仔食晒4件應該投降左一半. 佢上面既牛油果唔會用好熟既,食落仲有少少口感,而且仲有成1cm咁厚.入面既軟殼蟹都不得了,好大隻,略嫌唔夠熱.還好粉不多,唔會油膩.跟手都要叫

星期日覓食艱難，求其搵左這間食。總括而然，啲嘢食其實唔難食，但真係好一般。同黃埔間德美同一個名，但內容差很遠。雜錦天婦羅真的好搞笑，魚同菜心都有😂😂😂我食左片蕃薯，炸得硬。上菜都幾熱。甜豉油果個鍋都okay. 牛肉都唔韌。粉絲都好入味。這個韓式泡菜鍋就唔得。有啲啲酸既😂😂😂饅魚飯okay 既，都香口同軟熟。啲飯醬汁都不錯。附送的蕨餅反而超乎想像地好食。好Q 好有口感！ 又不會太甜。 環境都不錯。係天井位有埋三個冷氣位，真的物盡其用。不過晚市限你每人一百元。

同一大班朋友慶祝生日，揀左食日本菜。位置要方便，都不外乎油尖旺區，朋友推薦位於既德美。知道人流多一早訂左位，被安排坐入「房」，係屬於自己既一個小天地，可以自high之餘，待應亦會定時出黎睇下我地有咩需要。朋友話幾次都食唔到德美既卷蛋，今次終於叫到，的確幾香甜。叫左好多野食，大多數都唔錯，最中意既係壽司盛，無論三文魚、帶子、鰻魚，樣樣都好新鮮，食落真係件件都想encore。特別係海膽，甘甜味美，完全唔會苦澀。

［想食日本野，但又唔想全部壽司生野之選]有時食日本野黎黎去去都係生野都有啲悶，所以揀左德美，貪佢樣樣日本野都有。入座時間尚早，仲未需要排隊。叫左燒帶子，燒帶子嘅整法好易令佢好軔，德美呢個燒得剛好，不過汁多左啲，夾落啲紫菜絲好食。燒雞翼，佢鹽唔太夠，冇咩味，不過燒得香口。清洒煮峴，峴冇沙，不過冇咩清酒味道。吞拿魚蓉炸蝦卷，大大pet吞拿魚蓉，蝦又好脆，口感有層次。海鮮石窩烏冬，料好足，不過烏冬唔係稻庭烏冬嘅口感，比較硬身一啲。埋單仲送左三色糕做甜品，為呢餐畫上句號。

下了班不知道吃什麼，男朋友說不如去吃日式料理吧，就找了附近評分比較高的餐廳。在厚福街的h8，剛出電梯以為要排很久，沒想到很快就有的入座，但是是bar位，食物很快上來，但台很小，不夠放食物，但幸好壽司師傅和職員都很貼心，幫手擺好位置～牛油果沙律撈的不錯，沙律菜很新鮮，牛油果剛剛好熟，軟硬剛好。野菜牛肉鍋裡面的湯底是壽喜燒，甜甜的很好味呀～還有日式粉絲做底，我超喜歡日式粉絲，久煮都不會爛。鹽燒青魚，小小腥味，但不是不新鮮那種，所以都可以接受，點d蘿蔔蓉撈汁去腥味吃味道就一點都不會腥。總得來說這裡的服務在香港來說還是很不錯的～很貼心也很周到。會再試～

睇完戲尖沙咀搵食，朋友介紹去德美，好彩我地好早，唔夠7點去所以walkin 都有位，轉個頭出黎就full晒我地被安排坐出去，有少少簡陋，不過自成一閣都幾好。我地叫咗個細既刺身，件件厚切，好吸引，新鮮肥美，正凍豆腐蕃茄，清清地，唔洗咁漏壽司都新鮮靚仔燒魷魚筒，唔韌好味雞軟骨，朋友好鍾意食佢好似蝦片既配菜，幾得意茶漬飯，個湯幾好，但感覺唔似茶漬似湯多啲，不過都幾好食烤茄子好新鮮，有啲肉呀咁釀返入原隻茄子度，好得意仲一人一個抹茶甜品送添！

見到呢間既lunch set幾正幾抵食咁但係其實晚市就普普通通食物既選擇冇乜特別 味道中規中矩 價錢偏貴仲要$100最低消費可讚之處係服務態度唔錯，個姐姐keep住斟茶收碟，笑笑口又親切牛油果軟殼蟹卷 ($77) 三文魚親子卷 ($64)評分: ✔️✔️✔️三文魚夠新鮮，軟殻蟹好味但味道就冇乜驚喜，就係正正常常既味道，呢個價錢黎講覺得貴左。泡菜豬肉鍋 ($70)評分: ✔️✔️✔️1/2幾抵食，分量足料。有泡菜，豬肉，大蔥，菜，粉絲，金菇。温泉蛋天婦羅 ($47)評分: ✔️✔️✔️賣相吸引，但係味道一般，好淡冇乜味，似係油炸鬼包住温泉蛋。芝士鰻魚卷 ($65)評分: ✔️✔️✔️有好大粒芝士牛肉炒烏冬 ($80)評分: ✔️✔️✔️牛肉炒得有啲老同鞋。鰻魚炒飯 ($120)評分: ✔️✔️✔️真係好普通！本身以為咁貴應該出黎賣相會好靚又好味，點知賣相同味道都同出面普通賣五六十蚊既差唔多。呢份蕨餅係成餐既小小驚喜係免費送既甜品，每人一份，仲好好味添。

今日lunch想食下刺身，之前未食過，就食下呢間一如以往的日式餐廳風格，坐位都坐得幾舒服😁😁今日就叫咗個北海道三色刺身飯定食，包括埋沙律、味噌湯、茶碗蒸蛋、甜品😍😍茶碗蒸蛋夠滑夠香，並配有東菇同蟹柳👍👍刺身飯份量足，飯上仲有溫泉蛋，日本醋米飯加入芝麻，咬落好好味😋😋刺身亦都新鮮不錯，賣相精緻👍👍最後配埋甜品係棷子奶凍加香芒汁呢個定食夠晒豐富，都經濟實惠，仲要免收加一，$82個定食，夠晒抵😍😍