德美壽司

營業中

休息中

尖沙咀樓上的一間日式餐廳，餐廳的名叫德美，樓上雖然店鋪細細，但足足可以容納60個人，還有一張吧直枱，可以直接望到壽司師傅親手做的壽司，我們點了一客牛肉炒飯，上枱時，仲熱辣辣的石鍋承載已炒好的牛肉飯，食到最後尾的時候，有一片片的飯焦，飯焦非常香口。另外有兩款天婦羅：分別是雜菜天婦羅和日本番薯天富羅，雜菜天婦羅分別是用南瓜，番薯，秋葵，毛豆，茄子，冬菇和金針菇，這款雜菜天婦羅做工非常用心，上枱時碟上舖上隔油紙，雜菜天婦羅入口時一點皃油膩都沒有，尤其是外面的炸粉非常之香脆可口。六件的番薯天婦羅，經由炸至金黃食，入口不覺得油膩感。炒野菜，有椰菜，芽菜，洋蔥絲，紅蘿蔔絲，加上特色的日式醬汁，非常美味，最後還有兩客送贈餐後甜品，是糯米搓成的糯米糍，外面有一些花生粉，味道10分特別。

今晚媽媽決定吾煮飯 我同屋企人就嚟到尖沙咀厚福街揾好野食😋😋😋 由於媽咪中意食日本菜，我地就揀左德美壽司🍣🍣🍣果日7.幾去到好彩都吾洗等位 我地一行3人就叫壽司拼盤-美 三文魚刺身 蝦天婦羅 燒鯖魚 鰻魚朴葉飯share🤪🤪🤪壽司拼盤好豐富 有帆立貝 大大粒的飛魚子 玉子 吞拿魚 油甘魚 三文魚🍣 全部都好新鮮 尤其帆立貝好厚 好鮮甜 飛魚子卜卜脆😍😍😍三文魚刺身好肥美 溶雪做得好好😋 蝦天婦羅吾會油膩 食落好爽脆🥰 燒靖魚質素正常 好多人都推薦鰻魚朴葉飯 鰻魚同樣地都係好厚好肥美 飯帶有少少朴葉味 但略嫌吾夠多汁 吾可以撈飯食😗😗😗但整體刺身壽司炸物都好正 一定會再嚟😝😝😝😝推薦：⭐️⭐️⭐️⭐️⭐️

今日同朋友去慶祝生日，於是就去咗呢間日本餐廳。我哋叫咗個玉子燒，好甜好好食，仲叫咗個鰻魚飯，鰻魚汁又多，鰻魚有大條好肥美。仲叫咗個燒茄子，茄子我就覺得一般，燒到有陣燶味。

原本朋友comment一般但我覺得要親身體驗才知龍🐉或蟲🐛我覺得不錯，好新鮮，份量亦足夠👍🏻不過只能walk in,所以我選擇食early dinner限坐90mins,所以食完便尖沙嘴行街不過服務一般，叫了烏冬，好遲才到但整體ok

每隔一段短時間，總會心思思想到德美吃飯，這天媽媽與爸爸罷工，我就順理成章約同事放工後，到德美位於尖沙咀厚福街分店開餐。 由於時間尚早，來到餐廳的時候，店內只有兩枱客人，而入座時店員亦向我表示餐廳設有90分鐘用餐時間。 蟹柳卷 一客六小卷，帶點小清新感覺，蟹柳卷味道清甜，一啖一口很快就KO了。 魚子蒽拖羅茸飯 一如以愛，我點了最愛的魚子蒽拖羅茸飯，丼飯跟上沙律、麵豉湯及甜品。 丼飯非常大碗，拖羅茸份量比飯還要多，拖羅茸超級肥美，帶有獨特的魚油香味，口感細滑軟綿，每一口都令人非常滿足，而除了有拖羅菆外，還有三文魚籽、青瓜絲、日本豆苗芽及鵪鶉蛋，將鵪鶉蛋與拖羅茸攪拌後，味道會更加潤澤，絶對是必食推介。 鍋燒烏冬 同事點了鍋燒烏冬，湯底的味道非常鮮甜，而鍋內的材料豐富，包括有天婦羅蝦、雞肉、雞蛋、冬菇及蔬菜等，天婦羅蝦香脆彈牙，雞肉嫰滑不粗鞋，配上口感煙韌富彈性的烏冬，讚。

德美是我在尖沙咀工作時候的飯堂,離開舊公司後,對上一次食已經系一年前带新加坡朋友過來食晚飯。今日同舊同事食飯,就選擇這間我們的飯堂。首先我們當然要點活鰻魚朴葉飯, 超鍾意這一個鰻魚,因為佢個鰻魚好大條,兩三個人一齊分享都可以。用木盒承載著,中間有一塊荷葉飯墊底,領導米飯有一種荷葉香, 97蚊非常抵食。再加上又一換海苔麵豉湯,有好多海帶,美味又健康。牛油果軟殼蟹卷。牛油果沙得好, 軟腳蟹炸得好脆,一咬落去卜卜脆嘅感覺,再加上有啲青瓜絲,減省了炸物的油膩感。 三文魚腩壽司,新鮮肥美,好食。燒牛舌,牛舌咬落去肉汁四溅。口感十足,它燒烤過程當中用了黑椒,為牛舌帶上一點辛辣，非常惹味。最好的就是他沒有干巴巴的感覺。炸雞軟骨。炸得好脆唔油膩，下面有一些白色嘅炸粉絲, 而且佢有沙律醬同埋青檸非常之好味。 燒腐皮餃子自家製。腐皮煎得有點過火了。入邊係豬肉餡,有好多油,有少少失望。三種炸物之中最好是雞軟骨。汁燒魷桶,魷魚是新鮮的,爽脆,雖然怕膽固醇但係我都食咗好多,另外豉油燒汁好好味。因為以上所點的東西都好好食,所以我們又加了一個order.泡菜豬肉鍋,喜歡她的泡菜好爽脆,湯底酸辣適中,有粉絲,金菇,小

星期五happy friday, 這家日本餐廳想試好耐，今日我們一行四人就決定walk in一試。可惜今日沒有提供壽司盛合，所以沒有散叫太多壽司。燒牛舌 $40燒得剛好，不嚡口不會太韌。火炙左口魚邊壽司 $45炙燒後甘甜魚油滲出， 食落更覺濃郁甘香，入口即溶。溫泉蛋天婦羅 $47溫泉蛋好嫩滑，外脆內嫩，好特別。鰻魚炒飯 $120大大碟，很足料魚子葱吞拿魚腩茸飯 $138厚厚的呑拿魚茸在暖暖的飯面，每一口都大滿足。德美海膽魚生飯 $158厚切魚生，鮮甜肥美，但我就略嫌海膽不夠鮮甜，而蝦並不是刺身甜蝦。到卷物了，不要以為得四件要幾十元好貴，但其實每一件都好大件，好足料。我們點了兩款：牛油果軟殻蟹卷 $77， 大蝦天婦羅呑拿魚茸卷 $82。食了那麼多凍食，來個鍋物暖胃就最好不過。風味海鮮鍋 $94，最愛的是吸收了湯底精華的粉絲🤭。每人送上一件抹茶麻糬作結是日消費每人$220

很喜歡的日式居酒屋已經來了幾次，水準亦能保持。👍🏻略嫌輪候時間較長，但值得等待⌛️特別推介，必食鵝肝壽司。第一次食完就對他念念不忘🤤 每次來都是指定菜式。煎得非常甘香，肥美肉厚。舔舔脷指數爆燈！😋😋😋另外，軟殼蟹牛油果卷就比較一般了。壽司種類繁多，食材新鮮可靠。推介，炙燒左口魚，帶子壽司和三文魚子壽司。還有其他小吃，例如炸雞軟骨也不錯，也是每次必叫的菜式。

夜晚約左兩個好耐無見既朋友食飯，佢地問我有咩好介紹，就帶佢地黎試下，好彩有訂位，好full! 一個半鐘就要交枱，如果想慢慢食同朋友吹水既就唔係太啱，同埋都比較嘈，講野要好大聲先聽到...叫左鵝肝帶子卷，鵝肝好香，我次次黎都會叫，仲有軟殻蟹卷，但今日食，軟殻蟹得好少。仲有鰻魚和風卷，必食！配埋牛油果+沙律醬，好fresh, 但要小心鰻魚有骨。海膽軍艦-海膽新鮮，最正係紫菜仲脆既，好怕食d軍艦既紫菜係淋左。整體食物都好滿意。但侍應唔夠人手，做唔切，叫好耐先有人落單

德美一向cp值高，所以久唔久都會返去食，回頭率極高。每人最低消費$120 ，限時90mins。火炙左口魚邊($45)是我的最愛，每次必點！用藍色碟好靚，左口魚邊魚油飽滿，肥美得黎又好有口感，令人想一再encore。寿司環節帆立貝寿司($38)厚身大塊，鮮甜無比，無得輸！海膽魷魚寿司($50)，魷魚質地滑lu lu有咬口，配海膽的甘甜，一試難忘。甜蝦寿司($36)賣相精緻，味道十分鮮甜。蟹肉蟹膏軍艦($43)爆多蟹肉，蟹味濃郁。大阪風免治墨魚串($38)，肉質扎實彈牙，配沙律醬、甜醬汁和木魚，章魚燒個種sauce，好有特色。燒牛舌($40)爽脆，加了少許鹽和黑椒，已經超好味，非常有質素！地雞大蔥串($32)，雞肉燒得很香，帶點焦，用兩種蔥切絲，很用心，加埋一齊食很好吃。送上芒果豆腐甜品，so sweet!

係尖沙咀晚餐，如果諗唔到食咩，去H8梗有一間岩食的餐廳。今次去左朋友一直推介的德美，因為佢食過大圍個間一直好鍾意，今日見我未試過，就大家一齊黎試下尖沙咀分店。接近8點左右，餐廳都好多食客，幾乎滿客。等左一陣先可以入座。以木為主的裝修，空間唔算好大，不過尚算坐得舒服。納豆卷($30)不是每間日式料理店都有提供納豆卷，乾脆的紫菜加上黏口的飯粒和納米，口感和味道都很好。燒牛舌($40)唔算特別厚身，咬落好軟嫩。而且好香牛味，簡單用鹽和黑椒做調味已經好好食。銀雪魚西京燒($94)銀雪魚做得好滑，而且保留住著身的肉汁，所以食落肉質好嫩滑。不知道是否我最近食得比較清淡的關係，我個人覺得味道比較咸(但寶寶又覺得剛好)。配上混了煙肉粒的香滑薯蓉，甚是好食。三色魚生飯($128)（連味噌湯和沙律）三色魚生飯，包括三文魚﹑吞拿魚﹑帆立貝和蟹籽。魚生片好新鮮，魚質軟嫩。飯的味道都不錯，加點甜豉油調味已經好好食。仲附上味噌湯和小沙律。食完仲有黃豆蕨餅送上呢。

一直已經很想試的一間日本料理餐廳，這天去厚福街先知原來這裡也有一間分店。因為時間尚早，便打算看看是否有位，幸運地2個人可以入座。時間稍過，晚餐時間真的食客不斷呢。餐廳有BAR枱的位置可以看到師傅作菜的樣子。MENU選擇都好多元化。三文魚腩壽司($39)﹑油甘魚腩壽司($49)和海膽﹑三文魚子﹑吞拿魚茸壽司($82)刺身好新鮮肥美。海膽顏色偏淡，不過一點都唔苦，食落帶點甘香，值得一試。燒雞翼($22)雞翼已經做了開邊，雞皮燒到香脆金黃色，咬落肉質依家嫩滑，仲保持到肉汁。洋風鰻魚PANCAKE($59)這個鰻魚PANCAKE的配搭很有趣。外層的PANCAKE是微甜的，而鰻魚是咸的，食落又唔會覺得唔夾。PANCAKE質地好細滑厚身，而且好香蛋味。包住鰻魚﹑芒果﹑蟹籽和青瓜等，食落好FRESH，而且又配上沙律醬，很開胃。三色魚生飯($128)好豐富的一個魚生飯，有三文魚﹑吞拿魚﹑帆立貝和蟹籽，而且每片刺身都好大片同厚身。價錢十分實惠。飯的味道都不錯，加點甜豉油調味已經好好食。而且仲包埋湯和沙律呢。晚後餐廳會送上黃豆粉蕨餅，煙韌口感。

係香港好難搵到啲高質親民價日本野不過真係好多人食 唔想等位就早啲去呢個拼盤係我必食因為2個人呢個份量加1至2個熱食就好夠飽❤️😍😍啲壽司都好新鮮 職員又有禮貌最後仲有個小甜品😍😍回頭率極高👍🏻👍🏻👍🏻

今日收工約咗朋友在尖沙咀食飯，嚟到厚福街H8，睇完樓下水牌，最後決定揀返食開嘅德美壽司🍣🤣德美壽司最出名就係卷物👍🏻👍🏻所以我哋都唔執輸叫咗兩款，牛油果軟殼蟹卷同埋蔥拖羅蓉卷！呢度嘅卷物出咗名足料，淨係睇見蔥拖羅蓉卷上滿滿嘅拖羅就已經滿足晒！牛油果軟殻蟹4件已經有成半隻軟殻蟹，真係絕不欺場！除咗足料，食材亦都非常新鮮，蔥拖羅卷令人一試難忘！真係好好味🤤🤤好耐無食過茶漬飯，所以今日叫咗個三文魚茶漬飯！🍣🍵茶香正正解咗三文魚嘅油膩感，好清爽！🍚稻庭烏冬口感煙軔，清清淡淡一個湯上已經好好味！🍜🍜食飽飽仲有綠茶蕨餅做甜品，綠茶味十足，仲唔會太甜😋埋單都只係305蚊，絕對係高質之選👍🏻👍🏻👍🏻

聽朋友講厚福街多咗好多好嘢食，於是去睇下，果然冇講錯，行咗一個圈，就揀咗呢間日本店上到去地方唔算好大，而且都好多人，好彩等左一陣就有位，打開個Menu睇吓，除咗壽司之外都有唔少嘅選擇首先我地點左幾款壽司包括：三文魚腩壽司，帆立貝壽司，活赤背壽司同埋火炙左口魚壽司，每款壽司都大大件而且用料非常之新鮮活鰻魚朴葉飯，呢個鰻魚飯，都係其中一個我食過最好味嘅之一，鰻魚嘅肉質嫩滑，加上獨有嘅醬汁，配襯起上嚟值得推介蒜味牛油活青口，青口就食得多啦，煮到生生哋嘅就第一次食，感覺又好唔錯喎，而且冇熟咗嘅青口咁硬，好鮮甜番薯拼南瓜天婦羅，咬開個番薯入邊出晒煙，外邊就趣卜卜，火候啱啱好