德美壽司 (新都城中心1期) (已結業)

放工返到寶林搵食，原本諗住去食靠×住，點知經過商場門口，見到德美招牌先工知喺度開左，唔駛諗，即刻去試二。之前都係喺尖沙咀食lunch,質素唔錯，所以今次都有啲期望。去到門口，當時晚上9點40分，問侍應關左未，佢話未，11點先關。我示意佢兩位，佢指一指店內一張比較迫狹的細枱，而張枱又未抹乾淨。其實當時舖內仲有好多張吉枱。坐下了，睇完餐牌，要點菜。叫左幾次都冇人應，啲員工係明明聽到見到都唔理你果隻。個黑色衫類似經理嘅小姐，坐喺壽司bar枱同一個類似自己朋友嘅女人喺度飲酒，又係度高談闊論，同個壽司bar嘅男員工一齊大聲講大聲笑，嘻嘻哈哈，仲叫埋另一個女侍應一齊擘酒。個女侍應見到聽到我地叫佢落單都唔理，不知所謂。成個食飯過程都覺得佢地好騷擾，所以快速地食左半個鐘即走人。我見當時店內的幾枱客都不太滿意佢地。講返食物，係唔錯嘅。我地叫左兩個定食，一個碎吞拿魚蓉丼，另一個唔記得左咩魚生丼。另外再加左燒牛舌，燒雞皮及燒雞腎。魚生丼份量足，用料新鮮。串燒我冇食，係老公食，佢話都ok 。食緊先記得影相

話說較早前得知新都城又開左間新嘢，就諗住同我好識食既老婆仔去試下，一上openrice見到D評價似呼吾多對路，無句好評諗起上次食西餐龍蝦事件都系吾敢博，不過老婆大人話，評價既嘢又吾可以盡信，始終口味呢家野好個人。結果响六月廿四號既星期日晚，我地決定俾個機會佢，睇下系咪真系好似D人講到甘差勁。知道新舖開張無論系好食定吾好食都必定吾少客人，我地經已提早落去排隊等位，6:45pm已眼見埸內已經滿坐，走廊亦有5至6枱客响度等緊，一等就等上成個鐘頭以上才輪到我們，( 順帶一提，門面裝飾同配色都幾和諧及吾覺離題，如果以平民住宅區，我個人認為都算系甘。至於塲內環境空間吾算太大，但因為燈光同牆壁都用上和諧色調，坐位與坐位之間空間較狭窄，但吾覺有焗束感。 )基於夜市又新開張，我同老婆仔入去果陣，感覺到樓面極之混亂，連帶位既全黑制服小姐，要同佢講三次，佢先識得帶我地入坐。埋到位坐底，普通基本置設喇，落單既時候又系要叫上4至5次至可以落到單，( 又系果位全黑制服小姐，發覺全場淨係得呢位小姐可落單。) ,都算有禮貌同耐性。通常食飯點菜都系由我老婆大人話事，佢想點一份和牛他他同埋魚湯，可惜冇，而menu

今日晏晝一行九個成人到上址食嘢 女經理只係比8人枱我地坐 好迫 根本坐唔到 獲安排座位旁邊有張2人枱 我地請求將果張枱拉埋嚟 女經理拒絕 態度惡劣 同我地講唔食就走 黑口黑面 興致都無哂

星期四晚，因為自己得獎，想食好d，七點多見無咩人排隊，就即管一試。我本身食過尖沙咀德美幾次，佢地刺身好新鮮，所以印象好好。環境：座位同尖沙咀一樣，枱與枱之間很窄。我坐吧枱，相對空間大少少。吧枱有一個玻璃瓶，有幾隻蟹仔在裡面亂爬。食物：我點了刺身飯定食$158+10%。有帶子刺身沙律，麵豉湯，刺身飯，仲有甜品。全部食物都好新鮮。服務：上菜快，態度友善。價錢：晚餐幾抵食。如果其他豚肉，燒魚餐幾十蚊都食到。仲有二人餐三百頭左右，以日本野來說，都唔叫好貴。後記：吧枱的師傅用長筷子夾左三隻蟹仔再放入隻碗用保鮮紙包住，然後放入廚房個窗口。我睇晒成本餐牌都無蟹仔呢款食物，我只好帶著問號離開。

坐在壽司枱, 看著師傅預備食物, 有板有眼,  專業又專心, 值得一讚食物賣相一流, 食品新鮮好味, 唯獨沒有散叫, 只可叫套餐, 宜加改善 敗筆之處唯獨待應全無經驗, 如在夢中, 無笑容無誠意!!!

新開張後第三次食德美想落單時叫侍應，佢應左你但走左去，發緊夢咁之後搵第二個侍應叫左三個午餐第一份湯同蒸蛋上先但食到湯入面既白蘿蔔係變壞左，吐都吐唔切出來另外蒸蛋就出晒水，都唔知自己食緊咩同黑衫高瘦女人講仲黑面話蛋係正常，係蒸老左小小，話係咁架喎！之後再問佢會點處理，仲唔耐煩咁話同左師傅講睇下會點。隔左十分鐘我地啲主食都差不多食晒，再問佢佢話比左碗湯你啦，咁我話蛋呢？係咪收左就算？佢勁無禮貌，發晒悔氣用佢個對講機大聲話，拎多碗蛋比x號枱啦！老實講，唔知以為係我唔啱囉！結論，最後一次！

這間新店中午1200開店1155見有十多個人等開檔，又排埋一份試下一個人被安排壽司吧前作為第一批客，就睇唔到隔離飯做參考草草叫了個lunch box一路等，見壽司師傅快速整了好多盤極上壽司件件好新鮮，發光咁，啲丼都好有心機但我睇完一集飲食節目，打埋機都未有得食於是睇下吧枱搞咩原來等廚房炸物去擺盤壽司師傅晨咁早整好壽司那部份，放在lunch box內曬太陽期間樓面又瘋狂搞錯其他客嘅單畀錯嘢食再狂改壽司order搞到師傅都燥底又成日唔拎走啲壽司師傅都無位上菜啲侍應行來行去好似好忙但又唔係落緊order或湊客只係唔知自己做咩一時又跌晒啲盤落地的確，啲侍應是發夢的問佢是否只有一款餐牌一個話係等多陣問另一個又拎到另一款餐牌出嚟上菜個餐盒ok嘅但我那盒有燒物，有炸物，有刺身剛才講到啲炸物十世都未炸好結果啲燒物都涷咗咁啲但如果熱應該好食嘅刺身厚切好食炸物是海鮮餅但食唔出有咩味就咁一舊炸粉嘅味其實lunchbox好豐富如果唔係出菜問題應該好好食的因為用料是好的性價比高埋單 叫咗十世催幾次終於有人嚟收錢91無加一畀張100元竟然等十世都無人找錢原來個收錢侍應，就咁放咗收錢簿在收銀機附近仲有啲侍應，走去抹

諗住試新餐廰，晚上6:30到達，等了近30分鐘可以入座，在門外看餐牌滿有期待，款式吸引，一家三口坐低便叫東西，第一度叫牛肉炒烏冬，侍應小姐話冇，問改牛肉烏冬鍋好嗎? 其實唔明有烏冬鍋點解冇炒烏冬，但都同意改；第二度，廣島蠔石鍋飯，小姐話要煮最少45分鐘，太耐司傅唔煮🙄，我心諗晚飯時段都唔煮，午餐時段更加唔慌會煮，但點解餐牌上仲有呢款菜式呢，最好笑係佢個解釋，連諗個好聽D嘅藉口都懶；第三度，豚角煮，小姐又話師傅現在正在煮應該未及提供，叫三樣，三樣都冇，我已把餐牌放低問小姐究竟有乜嘢可以叫，小姐一輪咀講有乜嘢欠缺，只聽到茄子、、、已冇心機去聽，只問佢一句我哋可唔可以走，小姐對我哋講唔好意思，我明白都唔關佢事，但真係唔想再留低，所以起身就走，相信我都未必會再去。在此只想俾D提議餐廳老闆，只提供A、B丶C餐及只需切、切、切的刺身，咁咪可以買少D材料同節省時間囉，但一定要改餐牌，唔好再用精美相片丶款式繁多來欺騙食客入座。今次喺我人生第一次坐低未叫嘢就走人嘅餐廳，但慶幸走得快，因睇埋以上食評，原來大部份人都彈佢哋服務差，好彩冇喺嗰度留下一分一毫。

成餐飯都有問題，服務態度差，又要等上菜，食物味道差 ，炸蝦竟然係霉嘅，茶都唔熱嘅。 最可怕係個芝士炸蠔，個底竟然唔係蘿蔔蓉。試咗少少竟然係粗鹽，食到想嘔!新開檔,以唯有當好嘢食,總之失望而回。

聞說呢個商場開左間日本野好多人都大拍手掌~今次就黎睇下你有幾威威豬!閒日晚上7點幾黎到好在行快一步 即刻唔洗等位一坐低無耐出面就出現人龍晚市有套餐 都有得散叫我就叫左海膽魚生丼 有沙律, 湯跟埋嘅~老公就散叫...叫左d刺身壽司, 天婦羅, 餃子同炒烏冬沙律會跟一粒帶子~都幾有誠意湯一打開...好似得半碗~但裡面有蜆! 都ok~到個丼飯~魚生海膽都好新鮮隻蝦中間仲有膏嘅添 very good! 份量黎講對我岩岩好老公就唔係咁好彩喇散叫食物黎得非常慢差唔多我食哂個丼飯佢d野先開始黎催左兩次d餃子同天婦羅都無反應足足等左接近一個鐘....個疑似經理同我老公講部機食左張單!!!!(咁請問頭先個兩個侍應有無跟單呢?)佢只係不停解釋 感覺上最後先老馮講句唔好意思我地即刻黑面...埋單走人最後送埋甜品嘅~講唔出係咩黎食左一啖就走人總括黎講我個丼飯係有水準嘅老公話d剌身壽司都靚仔嘅但服務就真係搞唔掂等佢開多一排考慮再黎食啦......

環境唔特別靚，不過新開張，所以乾淨舒服嘅！叫咗個鍋燒烏冬$67同碎拖羅飯＄108🍜鍋燒烏冬，烏冬煙韌，湯底同餸都OK！🍱魚子䓤吞拿魚腩碎蓉飯，魚蓉多過飯，不過魚味唔濃，但係呢個價錢，食到份量咁足嘅拖羅蓉，應該要收貨囉！街坊平民價，可以繼續幫襯！

今日去到大概7:00，己經冇曬鰻魚，都算，差3張枱咪照等下囉，因為係紅磡兩間分店都幾好食！有一張枱都走咗，以為就到我哋啦，点知佢話有張枱老細啱啱打嚟book咗， 等左45分鐘之後有張枱走埋，仲唔到我，點知佢後門突然走咗一班人入嚟坐咗喺嗰度，呢啲仲唔係走後門🤣🤣🤣我哋心平氣和咁問個化行妝嘅女服務員，"唔係冇訂枱服務咩",點解嗰果人會無啦啦坐咗喺嗰度？🤔佢仲要發脾氣大聲叫大家唔好嘈，拋餐牌走咗🤦🏻‍♀️🤦🏻‍♀️已經要自己寫幾多位，拎飛，自己睇住自己窗台有冇俾人坐，根本服務！食咗德美分店咁多次，從未見過如此狀況，真係影衰得"德美"果名!!😔等左兩個鐘得肚氣，全班人懶懶閑，大家去嗰時真係要三師以後行！🙅🏼🙅🏼🙅🏼

早兩日响寶琳站見到就嚟開德美真係好期待, 之前响尖沙咀店食過lunch覺得好食又抵食; 今晚見到竟然開咗就即刻去試!時間有點夜, 都9點幾10點, 店內full house, 店外仍然有人排隊. 自己寫牌仔同寫號數紙登記排隊, 日式self-served排隊法. 入座唔算等得耐, 應該10分鐘左右.睇完menu想叫野, 叫咗3次至真係有人走嚟落單. 員工人數唔少, 但好忙, 個個都周圍走加水送餐之類, 其間亦有人示意知我想叫野, 但轉頭就忙咗其他野無咗件事. 第一個小食等咗都10分鐘, 可能燒野係比較慢. 問題係, 佢上菜時話嗰份係燒魷魚, 我話我無叫呢個喎, 我仲同佢講返我叫咗燒鱈魚, 燒牛舌同冷麵. 咁佢都無咩只係拎返入廚房. 轉頭另一個待應拎返嗰碟野嚟話呢份係燒鱈魚@@ 佢的確同我意想中的唔同, 不過佢話原來唔係搞錯就ok. 我只係覺得奇怪, 第一個待應係咪對出品太唔熟悉? 牛舌唔係好耐之後都來了, 但我唸住要嚟送麵食的, 所以只係响熱嗰陣先試一塊就停手. 然後等咗好耐…好耐…可能有15-20分鐘, 待應走埋嚟上甜品!! 我好驚訝望住佢, 佢問係咪想食完至上, 我話我啲主菜都未齊

新開張。試一試冇叫到佢地既晚餐或者2人套餐環境不錯 感覺舒適散叫咗壽司，壽司飯太散大吞拿魚有點失望 冇入口即溶的感覺其他壽司都一般正常另外吞拿魚茸蛋軍艦，味道不錯，但是層次感不足放入口後，冇吞拿魚香，亦都冇蛋香只係食到蔥味同芝麻香卷物方法，煎鵝肝帶子卷不錯 牛油果軟殼蟹卷很普通另外有海鮮炒飯好似濕炒飯一樣詢問黑色衣服員工，佢話喺呢度特色因為係用新鮮飯炒而不是用隔夜飯炒隔離枱叫二人套餐的日式炒飯亦與海鮮炒飯一樣最後賬單方面，每項價格與餐牌上有不同