德美壽司 (新都城中心1期) (已結業)

呢間壽司店 你食過兩次 上次感覺非常好 包括食物質素環境服務價錢都算OK 所以今晚再去一試 今次點了不同的食物 包括有三文魚魚腩刺身 蟹子沙律 玉子壽司 燒物包括有燒羊架 牛脷 雞腎 仲有蝦天婦羅🍤 同埋生啤 大家不妨一試 食物新鮮 服務也算OK 環境也坐得舒服大家不妨一試 由於今日係聖誕節晚上 因為是不想等位太耐 所以我哋大約八點半先去到餐廳 大約等位等左10分鐘 就已經有位 都唔算等得太耐 至於佢嘅服務 都算OK 又攞飛等枱接待及落單 服務都算OK 唯一個扣分點 就係收碟唔太主動 全枱鋪滿碟也不收 搞到冇位置上菜 店員才肯收碟

朋友相約於尖沙咀見面，當然被我拒絕了，選擇了今次近我的將軍澳。這次食物完全由我安排，今次我選擇了日本嘢，之前已經喺紅磡食過知道性價比十足，但係將軍澳店未食，期待今次嘅相遇。德美刺身丼，德美海膽魚生丼， 一直都係我嘅最愛，內裏餡料眾多，三文魚，海膽，蟹棒，帶子等。 用料新鮮， 完全冇腥味加上飯底， 早已加入適量味道， 有味飯配合海鮮丼，味道更加精華，有層次。沙律及味噌湯， 更是晚市套餐贈送。 沙律嘅重點一直都是清潔夠乾淨，完全做到。另外味噌湯足料配製，鮮味十足。與紅磡店相比，環境更加優質，坐得更舒服，絕對會再來。

有一日晏晝經過德美壽司，就入咗去食飯啦！好開心可以坐到吧枱， 睇住師傅預備～ 德美海膽魚生丼 $158定食先來一客沙律，沙律醬汁酸甜開胃,蔬菜爽甜！麵豉湯不是一味死鹹，容易入口。主菜來了！分量十足！一嚟到個感覺好澎湃😂餐廳不惜工本，刺身全部都是後設及大大份！所有刺身都極為新鮮！北海道帶子超鮮甜！三文魚子鹹香薄脆。海膽份量也不少呢，味道甘甜，頗新鮮。很喜歡這裡的壽司醋飯，醋的比例剛剛好，伴有粒粒白芝麻，增添口感。吃到一半，可以見到師傅即席開油甘魚！可見呢度嘅食材令人好有信心！刀法純熟！仲見到新鮮嘅油甘魚鮫😍😍😍😍，唔知邊個有呢個福氣呢？另外仲叫咗蔥拖羅壽司！ 拖羅充滿膠質！入口即溶！超！好！味！呀！是令人感動的味道😍😍😍大大推介呀！最後食埋芒果奶凍， 甜度恰好，為午餐畫上完美句號。

德美壽司竟然喺新都城開分店！唔使出去尖沙咀都有得食，當然要來朝聖啦！活鰻魚朴葉飯定食$108定食配有麵豉湯配料除了豆腐，海帶，還有蜆肉！非常有驚喜！鰻魚厚肉多汁，燒得剛剛好，醬汁又不會太多，保留了鰻魚的鮮味。發生時日本珍珠米，口感軟韌，配上香甜蛋絲，增添口感。另外點了一些壽司灸燒左口魚裙邊$45兩件油脂豐富，又吃到魚肉的爽口活赤貝$65兩件新鮮爽甜，不會有腥味。油甘魚腩$49兩件魚肉厚身鮮甜蔥拖羅茸$48非常足料，豐盈嘅口感，配上香蔥，滋味十足最後食埋甜品芒果奶凍，奶凍非常幼滑，芒果汁酸甜解膩。總結成餐飯嘅印象都非常之好，所有食材都好新鮮。師傅很用心！見微知著，下次一定會再嚟幫襯！

前幾次幫襯午餐，晚飯，覺得又好吃，又高質又抵食。今天再幫襯午餐，好失望啊！前菜沙律：說好了的帶子呢？變成了煙三文魚一小片鰻魚飯：樣子無變，但鰻魚變腥了九州拉麵：湯無味，义燒有一半係豬油膏北海道三色丼：還能保持水準服務：普遍來講還是友善的，但不停過來收碟，未吃完的鰻魚飯用蓋蓋好以免飯涼，竟然問都唔問就開個蓋準備收掉。價錢來講，不得不承認佢午餐還是很扺食的。但是希望佢可以保持之前的水準，不要中新都城好多店都保持唔到水準的魔咒。

今日返夜 難得可以同同事食叫佢地帶我去佢地ge飯堂都話d同事有$,食餐飯都咁有taste帶我來呢間德美 都幾隱秘 的日式餐廳入面裝修 好簡潔仲有個bar檯 可以睇住師傅整感覺都好舒服 相都好似好靜咁但之後已經好旺場同事推介食魚生丼我都正有此意雖則我唔食三文魚 但同事唔食帶子我地就交換幾片食la呢個miso soup幾好味因為唔會好似出面咁鹹而且入面都有鮮蜆 豆腐 海帶好多材料呢個係三色魚生丼さんしょく丼呢個係活荷葉朴葉飯定食同事話好香荷葉味同埋鰻魚都好肥美size for女仔都啱啱好呢個係我個 德美刺身丼有三文魚 海膽 三文魚籽 帶子蟹籽 甜蝦 熟蝦 蟹棒同埋玉子蛋勁豐富 樣樣都有得食到而且食材都新鮮 at least食完無肚仔唔舒服

之前喺紅磡食過一間壽司店，幾好食，問返朋友間壽司店嘅名稱，原來叫做德美，剛巧喺朋友屋企參觀完之後，食晚餐經過原來喺將軍澳開多咗間分店日本餐廳就梗係試吓佢哋嘅刺身拼盤啦一邊有深海池魚，秋刀魚，吞拿魚，拖羅，金目鯛，海膽三文魚子，帶子，真係可以話應有盡有每款魚生都10分甜美，聽侍應講係由日本直送到港，食落去每啖真係超肥美入口即溶佢嘅晚餐其實都幾抵食套餐仲會跟湯沙律甜品，我就叫咗個銀雪西京燒銀雪魚表面看到金黃色，魚皮是脆口的，識落有少少焦糖味，魚肉結實

I decided to give TKO outlet a try since it’s newly opened and close to us. I’m craving for salmon so we decided to order the salmon salad. Both of us definitely recommend this dish, as it was a lot bigger than we thought it would be. Samon was fresh and veggie was clean and delicious too!took a few photos to show the colours of the dish, salmon was fat too. we also ordered the sashimi with the combination of salmon and sweet prawns. Again, high quality with a touch of fattiness. another grille

今日同女朋友去寶琳行街，先發現原來新都城好多商店同餐廳都變咗，其中一間就發現咗新開嘅「德美」。平日晚市時間都幾多人，等咗大概15分鐘就入得啦。見到餐廳有幾多師傅喺開放式廚房，負責即場整壽司，但因為我地見到夜市有幾個set可以揀，所以就下次再嚟食壽司啦。首先叫咗個小菜併盤做前菜，有關東煮、螺肉、雞肉棒！四十幾蚊嘅前茶份量都嚟少，抵食！然後叫了芝士鰻魚壽司，嚟咗四大件，除咗芝士同鰻魚，上面仲有滿滿嘅魚籽，而且啲壽司飯唔會一咬就散哂，整體口感都幾豐富。呢到嘅set dinner都幾豐富，好似我地叫咗嘅天婦羅烏冬，額外仲包咗湯、帶子沙律、仲有甜品（芒果汁奶凍）。天婦羅嘅粉略嫌多了少少，但佢嘅大蝦都幾大條。最後再叫了一碟小食，自家製腐皮餃子，新鮮出爐非常之脆！咁樣嘅日式餃子又幾好食喎！

想吃德美好久了，常聽說質素很不錯，可惜分店不多，遲遲未有機會吃到，這夜恰好在寶琳終於一償所願。餐廳環境不俗，覺得比一般連鎖壽司店還要好，起碼有在裝潢設計上花心思。除有超多種類的日式料理可單點，還有多款刺身丼、飯類等定食，附有沙律、湯和甜品，價錢十分大眾化。味噌湯有不少湯料，除海帶、白蘿蔔、紅蘿蔔、豆腐外，還有鮮甜的蜆肉，令整個湯味道非常濃郁和具層次，好好味。沙律是大大團薯仔，最喜歡它軟軟的起哂沙的口感，還滿佈沙律醬和配料，美味之餘大開胃口。士多啤梨汁鐵板鵝肝好新穎的配搭，鵝肝大件厚身，外脆內軟，滲出啖啖油香，creamy的士多啤梨汁甜甜酸酸剛好平衡一下油膩感。德美海膽魚生丼頗大碗，賣相精美，有多款魚生，樣樣均為新鮮，特別是油甘魚非常肥美帶爽口感，海膽和帶子都很鮮甜，蝦肉十分彈牙，厚切的三文魚也很美味。甜品是芒果奶凍，質感有如豆花般滑溜柔軟，奶味突出，配搭稠身的芒果醬汁，味道香甜。

查看此店食評應該算係有質素嘅日本料理，滿懷期待同老公去食個晚餐，我哋光顧嘅時候係傍晚六點多，店內尚有大量座位。見此店主打壽司，見到有至愛海膽就叫左兩份海膽魚生丼定食，收費唔算平，理應唔會中伏，只要魚生新鮮又無煮功可言，點知伏、伏、伏！！！飯底極乾又硬，好似食緊碗隔夜飯，可能中午煮嘅飯未賣完；絕對唔係新鮮煲放涼撈醋嗰個感覺，海膽係腥嘅、三文魚質素低，隻蝦仲煮熟左添，整體來講唔合格，真心從未食過咁差嘅魚生飯。最後，侍應端上兩小碟跟歺甜品，可以話係無心製作嘅甜品，賣相極差，隨意舀pat 奶凍（似嘔吐物）加芒果汁，咁就完成，不如簡單送舊雪糕糯米糍仲好啦

經開將軍澳返工，同同事去左食德美，質素唔錯，價錢又相宜。先黎沙律味增湯。活鰻魚樸葉飯定食$108，成個飯用左類似荷葉包住，可以令成個飯帶有香味，鰻魚色澤好靚，燒得唔錯，鰻魚汁亦好入味，加上曬左芝麻，食落更加香口，有8片鰻魚肉，份量唔算少，而且碎骨亦唔多，啖啖肉。牛肉炒烏冬$80，牛肉份量都幾多，亦好夠腍身，店鋪用上自家制醬汁炒過，烏冬吸晒醬汁，好惹味。食飽飽之後，仲有甜品送上，面層淋上芒果醬好好味。

好多好朋友都住將軍澳區，知道德美壽司都係哩區插旗，即刻帶朋友去食啦。蟹籽沙律($48)，超多蟹籽，青瓜絲椰菜絲好爽口，全部撈勻黎食好醒胃。加州卷($46)，共4件，每件都好飽滿，好足料，同樣有青瓜在入面，配沙律醬甜甜地好味。安格斯牛扒定食($118)，我食開8成熟，肉唔會太生，而且又夠腍，牛味仍然保留到，醬汁都好好味，配飯一流。什錦天婦羅($76)，有4款炸物，炸粉好簿好香脆，炸蝦最正，好大隻。甜品係送，好滑又冰涼。

友人唔講都唔知原來寶林都有德美 放工幾個站就去到 決定一試😚晚上7:30門外已經好多人 人龍算郁得快 2個人等左15分鐘就有得入去都ok叫左兩個set先來前菜-煙三文魚沙律同蜆肉味噌湯，兩樣味道都ok，正常水準德美海膽魚生丼（$158）掛住德美個招牌嘅海膽魚生丼，當然要試一試，果然無令我失望。魚生精緻咁鋪喺壽司飯之上，包括有三文魚、海膽、燒蛋、熟蝦、魚子、蝦子、雕魚、蟹柳、帶子。魚生佢一啲都唔孤寒，每樣都俾咗好多，感覺魚生仲多過飯。啲魚生鮮甜得黎又有口感(因為厚切)，啲壽司飯係用珍珠米，而且無黐埋一舊舊，每一種食材都處理得好好，以呢個價黎講超值！活饅魚扑葉飯定食（$108）係用木盒上咖，d飯用扑葉包住，食落有少少葉既香味！饅魚qq彈彈又厚身，正！最後有甜品食，係芒果奶凍！奶味都好香濃，但略嫌魚膠粉多左少少，較硬身~

平時喺寶琳嘅車路經過都見到呢一間食店 心諗：咦，個樣好似幾好食，覺得佢排面都幾冠冕堂皇！於是前幾日就去一試大約夜晚八點鐘去到餐廳，發現都有幾批人排隊 真係估唔到，咁普通既一個地段都有咁多人去，唔知係咪都係附近住既呢係門口見到裡面係......滿座！我已經抱有好大期望去食佢既嘢食了等咗都唔算好耐，就有位入。入到去，見到隔離枱嗌咗勁多嘢食又勁多款咁，有串燒、壽司、手卷、飯等等，多數都嗌大量串燒；但我當日喉嚨痛，就諗住下次再試！裡面裝修都以金黃色做主題，壽司 魚生部為開放式廚房，一目了然餐牌選擇多不勝數，食物種類繁多。因為相片上載有限，我都不能show到所有類別，用文字讓吃貨們體驗有何等多既選擇！有魚生丼、飯類、定食、天婦羅、串燒、燒物、沙律、前菜、卷物、手捲、小卷、丼物、鍋物、麵類、御飯....真係不得了，餐廳仲有二人餐供給選擇係云云既選擇中，我最後揀咗魚生飯！真係必食！零後悔！我特別欣賞當中既醋飯，酸中帶點甜，十分特別，與店外一般既壽司、魚生飯都不同，處理應該有點特別技巧，十分喜歡；加上魚生數量也多，有三文魚、吞拿魚、帶子、鰹魚，它們圴有鮮味、新鮮，不用醬油也足夠佢附上亦有沙律及味噌湯，