德美壽司 (新都城中心1期) (已結業)

見在將軍澳新開這間，我們即興決定食晚餐，門口有自助機要禁飛等位，7點已經好多人等位，我們足足等了1小時😭(1)火炙左口魚邊、火炙帆立貝兩款都好好味，好肥美好新鮮(2)加州卷卷物我鍾情於最平凡的加州卷，這裡的是大大件，而且有牛油果在內的。(3)活鰻魚朴葉飯之前已聽聞德美必食之一是鰻魚飯，賣相也不錯，以木盒似的裝著。鰻魚好厚身，有少許炭燒味道，喜歡鰻魚的值得試試(4)溫泉蛋天婦羅推介！很特別，外面的炸粉剛剛好不太油膩，一咬入口就滿口蛋漿，好好食(5)炸雞軟骨炸粉不會很厚的，食落感覺真的不油最後結帳會每人送一粒綠茶餅。

星期六晚餐又再去encore德美壽司❤️果然要叫大盛壽司盤先叫滿足🤤但可惜星期一至五先有得叫😩😩唯有單點返大家食開既壽司！重點推介個饅魚班戟❤️❤️❤️開頭睇menu覺得怪怪地，但抱住一試無妨既心態，食落好有驚喜🙈因爲中間既芒果夠甜，感覺吾油膩！另外有驚喜係海膽，好味喎竟然！大蝦🍤天婦羅都幾好，薄粉脆口！饅魚飯都吾錯，但點解係放豉油係飯吾係照燒饅魚汁呢？每次都有甜品送好開心～近近地會繼續encore🤣提提大家用餐時間只有90分鐘！同埋星期六日係無得訂位既

一直想試下呢間德美，今日難得經過，便進來一試了。呢度lunch超多人，一開門就滿座了，遲來一點都要等位。我點了銀鱈魚套餐 ($89)， 及溫泉蛋牛肉烏冬($60)，套餐配有前菜沙律，蒸蛋，湯及甜品。食物真係唔錯，尤其係銀鱈魚燒得很好食，有點淡淡的檸檬味，個烏冬就普通點，不過呢個價錢仲配有蒸蛋及沙律(尤其佢沙律還有帶子刺身)，仲有甜品，性價比超高。呢區一向無咩我鐘意既日本餐廳，所以呢間餐廳相信係我之後會一來再來的選擇不過佢先上主菜再上沙律，感覺很奇怪。加上我地食到一半佢就上甜品，我地叫佢遲d上，佢話會唔記得服務真係令人滴汗。呢個可能就係性價比高的代價吧～

朋友介紹下試一試午餐 ！有lunch menu!價錢算合理 有包甜品🍮！試左個九州烏冬（湯底比較咸，似味噌湯！我的小朋友食唔到個烏冬），餐有跟沙律🥗 味道普通！同有蒸蛋（唔夠滑同蒸得老左d) 我的小朋友都不吃。。可能味道一般般！甜品就普普通通 ！如果再試會食佢sushi ！個賣相睇落都唔差的！侍應們好似好趕時間 成日想收碗碟，不會主動加茶或水！

每星期日午餐都係同屋企人飲茶，今日換換口味去食日本嘢，就去咗家人屋企附近嗰間日本壽司餐廳食，未夠12點已到達，排頭位等入坐。餐廳開鋪後，侍應安排我哋一行6人入坐卡位，感覺座位有點狹窄，睇完menu後，立即落單order食物，食物亦好快送上。極上壽司定食嘅壽司款式不少，新鮮度還可以，但真係冇嗰隻剛從壽司冰櫃攞出嚟，嗰啲冰凍嘅新鮮感覺，實在有點可惜。什錦魚生飯跟之前啲壽司味道差不多，魚生亦係冇嗰啲冰凍新鮮感覺，而係暖暖的，感覺唔太好！鰻魚飯定食嘅鰻魚，肉質質感不錯，但鰻魚汁不夠，而且味道似豉油雞汁多過鰻魚汁。滑蛋豬扒飯表面睇外觀確實不錯，但原來洋蔥和蛋汁都只係上面一遍，食咗一半唔夠已經好似食白飯咁，真係有點強差人意。野菜牛肉鍋係今次呢餐飯最好食嘅，牛肉嫩滑，味道鹹甜剛好到位，不錯！沙律菜配上一片厚切帶子，新鮮可口，日式蒸蛋夠嫩滑，味噌湯味道也算不錯，呢啲全都係定食套餐附送嘅。最後送上定食甜品，原來係芒果奶凍，只可以講句味道還可以啦！不過整體嚟講，呢間餐廳出品真係好一般囉！

將軍奧寶琳的德美壽司，之前吃過午餐很不錯，所以今次嘗試他們的晚餐。原來他們的手卷也有特色和味道亦不錯。鰻魚薄餅手卷： 想不到本來是做甜品的甜薄餅來包飯做手卷，再配上鰻魚，原來是那麼夾，香甜的鰻魚變得更加入味可口。牛油果軟殼蟹手卷： 軟殼蟹炸得適中，配上薄薄的牛油果，吃起來很清爽。加州手卷：相比之下，比較一般。他他壽司卷：這一點令人回味。他他肉配上蔥花令味道變得更香甜。燒墨魚：這一碟喜出望外，墨魚燒起來很香口，肉質也很鬆軟。每人最後還有一小碟黃豆粉蕨餅。 午餐和晚餐都不俗@CalvinCanEat

新將軍奧寶琳的德美壽司，他們的午餐都幾好味道。先來一個前菜，有一小塊帶子，很清爽，也不錯。壽司定食： 每一份壽司都不相伯仲，有一定質素，燒玉子也很好味。櫻花魚生飯定食：份量也不少，上面這一塊大帶子值回票價。魚生的肉質比其他連鎖店的清甜一點。三文魚彩飯：三文魚魚生和熟三文魚一齊吃，我比較喜歡分開來吃。都是這一大塊帶子吸引。因為小朋友的需求，每次都會有鰻魚飯。略嫌皮燶了多一點點，但本身也很甜很滑，沒有骨。海鮮鍋烏冬：材料都幾足，烏冬亦爽口。每個餐都包蒸蛋和一小小香甜凍蛋白。下午餐來說，這個價錢，加上這樣的份量和質素，很合理，很好。所以另一晚上也encore。論服務，早期開埔的時候，的確有一些服務員的態度比較難接受。但近期，總算正常。@CalvinCanEat

晚上來晚飯感覺侍應不太懂安排座位7點就留著吧枱3人座給8點的留座不多問問客人可否盡快還枱，疏導一下晚市的客人任大家在等😤問了侍應說我們食完8點前就走，才給我們安排晚市的餐牌也沒開天殺價有合理價錢的定食套餐要了三色魚生丼同銀雪魚西京燒定食前菜來了帶子沙律同麵豉湯比午市豐富一點魚生丼不過不失爸說璋紅剌身有根我的銀雪魚西京燒就太美味了！魚肉甘甜美味，燒得剛好尾部焦焦的部置，實在超級好味！回味無窮！平時出去食銀雪魚，或是自己買，動輒就要過百這裏的定食才$110，實在超級抵！絕對會為銀雪魚再回來！快吃完時，侍應已不停執枱，殺風景👎👎

上次見到壽司咁靚心思思再試過壽司依然好食今回點了極上壽司餐正 ！件件厚切壽司飯軟硬甜酸剛好熟蝦竟然是驚喜位好紮實新鮮另外再點了份炸物繼續乾柴該日後都不用點炸嘢今次最不同的是店員個個快手了可能今次1400後才入座有時間主動添茶 收碟 派甜點最厲害還是壽司師傅摩打手 還不停發號施令無廢話「唔該，拎得，第幾號枱」店員就自動拎盤在壽司枱的客就師傅自己遞不用煩店員同步跟埋貨量 壽司盤數量強勢

呢排新都城都換左一堆新鋪頭 德美壽司就係其中一間 當年係厚德街都食過一次 都幾印象深刻 所以難得樓下有 又今日唔駛排隊 梗係入去食下啦😂裝修比厚德街果間有心機 更有日式風味同坐得舒服叫左個壽司配烏冬餐率先黎左個牛肉烏冬咁其實呢個烏冬就冇咩特別 正正常常啦跟住就係6件壽司啦👏👏👏蝦好鮮甜 上面既魚都好肥美 肉感好正 魚子爆哂漿 三文魚 帶子都係一貫既鮮 同玉子燒👏👏 最正係鮮蝦格黎果個 好好好好好食呀😍😍😍 佢仲配埋甜品 沙拉同湯 埋單100 都幾好👍

係寶林呢區想食日本餐除左拉麵、吉豚屋同放題都無咩野好選擇壽司🍣就得d元氣、板長🤦🏻‍♀️見開咗間新日本餐廳，今次就去試試～其實食評要打200字好困難😅 過咗最多人既時間我同老公二人1:30去等咗一陣位就可以入座坐吧台位睇到師傅整玉子燒，新鮮製造好吸引點咗呢個餐好似係97蚊，份量好多！1）好滑既茶碗蒸2）薯仔沙律好食😘3）味噌湯正常4）壽司鮮甜，特別係帶子同吞拿魚蓉～正5）玉子燒味道剛好～不錯6）牛肉烏冬，麵質彈牙，但牛肉同湯都好普通其實食完1-5我已經好飽，係食唔落牛肉烏冬既！😅😅然後仲有7）甜品芒果汁奶凍老公點既係海膽帶子刺身飯，同樣有1、2、3、7試咗佢一淡海膽，很鮮甜呢！老公話個刺身飯好食我就覺得，如果可以加錢，將飛魚子換做三文魚子就更吸引！—————————-5分入面，我會俾4分由於午市menu好多選擇所以有選擇困難既人（例如我自己）真係要取捨好耐！

呢次係我第二次幫襯將軍澳徳美。上一次係剛剛開業去幫襯，兩個人食，叫乜無乜，經驗好差。今日一行五人再去幫襯，諗住比多次機會佢，但換來另一次失望😒。個度係自助拎籌嘅，上一次係自行手寫token，無錯，係自己寫。今次用左部機，好左。我6:30拎籌，7:30入得，等左一粒鐘。入到去，佢話五人位仲有排等，問四人sofa 位坐五個人o唔ok。我費事再等，咁ok啦，我都唔怪佢嘅，星期日人多嘛。我打開menu搵下有乜套餐，然後再散叫，費事諗同咁應該最抵。可惜，我見唔到有套餐，就算一個比較大嘅壽司盤，佢寫住星期六日和假期不適用。Fine，我叫個十一、二舊壽司嘅普通盛合，二百幾，勁唔抵。老實講，味道ok㗎，不過下次我寧願去坑口一田買。我仲叫左海鮮炒飯、鰻魚卷、軟殻蟹牛油果卷、三文魚腩魚生、油甘魚鮫、牛肉鍋。諗住有個牛肉鍋同飯，都夠飽嘅 。侍應都會加茶，都好好嘅。但弊在所有野都黎得好慢呢。大概每十分鐘一個菜。上到個牛肉鍋，我諗我意會錯會有個udon跟，原來無囉。問佢加返得唔得，佢話唔得。我自己衰，但如果佢落單時問一問我更好。等左三十五分鐘，個油甘魚魚鮫都未到，我就問佢上未？佢話「因為我地新鮮，即叫即燒，要等

真係唔得，星期二晚六點九，四短都等50分鐘。有位都唔識排枱，拆到d 位永遠都係散晒，四人長期咁等。入到去坐，落單俾職員彈，黑面悔氣，唔期望講多謝，咁佢又真係無，聽完落單就叫黑面收餐牌。到小朋友跌左隻筷子，麻煩另一職員幫忙，又係另一唔好面口仲“摺”出聲。真係出外用餐都無預計會咁差既經驗。忍受再忍受……無下次！

星期日既下午同阿媽黎到新都城呢間新開既德美壽司食午餐下午一點幾 等左半個鐘有多先可以入座 不過星期日既午餐都有lunch menu都算難得一坐底就即刻叫野食 但係都要等好耐 好彩杯茶夠熱 職員又自動自覺係咁加茶 服務態度都算唔錯前菜係煙三文魚沙津 附送味噌湯 都係無乜特別 茶碗蒸蛋算幾香滑 唔會太鹹 岩我口味壽司定食配牛肉烏冬 ($97)刺身唔算新鮮 帶子.熟蝦欠一種鮮甜味 三文魚唔夠甘香 其他都一般般 之前食過其他分店 係比較之下就覺得差好遠烏冬細細碗都夠食 但係d牛肉太老 又硬又韌 好失望野菜牛肉鍋配白飯 ($71)熱食上菜好慢 個壽司定食上左之後要等多廿分鐘先有呢個牛肉鍋 湯底好鹹 牛肉都一樣係又老又硬又韌 野菜份量唔少 但係湯底太鹹令菜既鮮味全失甜品係芒果布甸 好味

同屋企人黎試下呢間新開嘅壽司店用app仲有得提早拎飛唔駛排隊添！午餐時間限食60分鐘齋食都夠，唔好諗住傾計太耐喇晚市就有90分鐘午餐餐牌有魚生飯，定食，壽司餐，都幾多選擇另外仲有menu可以散叫壽司小食串燒一人一個定食海膽什錦魚生飯同牛肉烏冬壽司餐午餐包左主食，茶碗蒸，沙律，麵豉湯，甜品，感覺好豐富！前菜正常茶碗蒸也滑，亦食得出滿滿的高湯！刺身尚算新鮮，帶子不夠甜，海膽可以熟蝦好大隻，但俾生蝦我更好🤤🤤醋飯我個人覺得可以酸多點很精美的壽司！而且配搭也沒將貨就價，三文魚子壽司單叫也要$59/2，不錯！牛肉有點老，烏冬合格！甜品是芒果牛乳布甸，美味！店員收拾都好勤快，不過有點過於勤快，可能是忙著返枱吧😅下次會再來試試！