德美壽司 (新都城中心1期) (已結業)

德美在寶琳站附近開業了一段時間一直都好想試試今天終於的起心肝來等位啊～～星期六晚上8pm的時間...等位都等了大約20分鐘～～有二人餐..價錢介乎300至400元不算太貴～但餐牌內容不是每一款都想吃就決定散叫啊！點了4款壽司+帶子刺身活鰻魚朴葉飯及海鮮茶壺湯活鰻魚朴葉飯，四四方方的木盒子內夾著以荷葉包裹的鰻魚飯一打開荷葉，荷香撲鼻鰻魚尚算肥美，但稍欠一點魚油香，烤得焦香入味而軟嫩又有嚼勁醬汁味道濃而不鹹每一口飯夾雜著鰻魚的味道及荷香味，如此配搭，實是不錯！海鮮茶壺湯，茶壺內裝的是湯，配上兩隻茶杯打開壺蓋一看，小小的壺身塞滿了配料，率先見到的有冬菇和蝦海鮮精華都濃縮燉成一茶壺的湯，色澤清澈而味道鮮甜！擠一點青檸汁，吊出味道，更為清新鮮味！像嘆茶一樣的慢慢嘆湯吃完整頓飯再吃湯料，還有蟹柳和魚等配料～～壽司有三文魚子軍艦($59)﹑活赤貝壽司($65)﹑熟瀨尿蝦($40)及日本真鯛($48)帆立貝刺身($82)壽司飯是剛好一口能吃下的size，飯質不會鬆散刺身魚生好鮮味！帆立貝刺身厚切，非常鮮甜～～三文魚子晶瑩飽滿又爽脆，一咬就爆到滿口魚油，甘香鮮味！赤貝新鮮爽甜，味道濃郁屬白肉魚的真鯛，味

2019年3月4日 星期一今日收工之後約咗女朋友同埋佢啲朋友一齊去到將軍澳食飯，聚下舊女朋友話想食日本野，所以就揀咗呢間餐廳，等左一陣間就有位坐裡邊嘅裝修都幾有日式風格，空間感幾大餐牌有好多嘢食，最後選擇左個二人餐，再另外叫多少少嘢食三文魚刺身: 新鮮得黎又厚切，仲要每舊都係魚腩黎，食落去無乜筋燒鯖魚: 都算幾大條，燒得啱啱好，魚皮脆卜卜，裏面嘅魚肉好嫩滑魚生刺身丼: 係我哋另外加嘅，有好多唔同嘅刺身，全部都好新鮮，特別係海膽，有海水味得來又唔太腥，仲有三文魚籽同玉子燒添鰻魚卷: 都係我地另外加既，好足料，除咗鰻魚之外仲有玉子、蟹柳、同黃瓜，食落好豐富野菜牛肉鍋：嚟到嘅時候熱辣辣，都有成六至七塊牛肉，有好多唔同嘅蔬菜，上面仲有隻蛋，可以打散變成蛋花雜錦天婦羅：除咗蝦天婦羅之外，仲有其他蔬菜嘅天婦羅，個脆漿好薄，炸得啱啱好，點埋蘿蔔蓉溝埋嘅豉油一齊食會冇咁油膩鰻魚飯：呢個又係另加嘅，嚟到嘅時候嚇咗一跳，因為冇諗過咁大份，鰻魚都好多，魚嘅油脂落晒去d飯到，令到啲飯食落去都有鰻魚嘅味道，再加埋鰻魚上面嘅燒汁，更加惹味最後係日式炒飯，本來已經差唔多食唔落，但見到上菜嘅時候好香，最後都忍唔住食咗

好耐冇食過sushi喇！所以今晚一心就要去食！係商場行去拎位就撞到兩個朋友，跟住我地就一行四人去攞位。點知去到已經好多人等緊。不過冇所謂，吹住水等。記得之前6個人去等到火都黎埋，因為永遠只有2人或4人。今次可能已經d人等到唔耐煩，而我地只有4人，跳左好多個Number，等左大約30分鐘有位入坐。將軍澳d餐廳，假日一係6:30，一係8:30先好去食。😅入返正題先，唔知係因為星期六日，定我太耐冇黎食，原來冇dinner set。不過唔緊要啦，散叫一樣😬蔥拖羅卷 — 我最愛😋火焰帆立貝，日本真鯛，油甘魚 — 油金魚腩sold out , 只好叫油甘魚，不過都😋芥辣八爪魚，火焰左口魚邊，甜蝦 — 其實全部sushi都好新鮮好味 😋煎鵝肝帶子卷 — 👌🏻煎油金魚鮫 — 香滑😋野菜牛肉鍋 — 食咗咁多生冷野，係時候食返啲熱野先😋石鍋海鮮炒飯 - 出奇地不錯活鰻魚朴葉飯 — 麻麻，以後應該唔會再叫

今天和老公特意來到將軍澳的德美食午餐！星期六下午二時還要等一張枱，得返5分鐘便可以入坐星期六都有午餐牌，而且價錢非常便宜，使晚餐呢一半有多，來得未當然要點魚生飯吃每一個午餐都會跟味增湯，前菜，茶碗蒸，和甜品茶碗蒸內裏有冬菇，蝦，雞肉及蟹柳！十分足料！蒸蛋亦都很滑！味增湯吃得出不是用粉沖出來的！前菜則普普通通海膽什錦魚生飯 - 魚生有三文魚，油甘魚，帶子，北寄貝，熟蝦和海膽！魚生很新鮮而且是厚切！壽司飯則是混有雜菌的，吃得非常滿足三文魚彩之飯- 有三文魚，三文魚子，帶子和熟三文魚碎，魚生仍是很新鮮，但相比之下這個飯魚生不多，沒有吃得係滿足最後配上甜品，是芒果奶凍！奶凍非常滑！這個午餐真是非常高質

生日當晚，放工後跟老公去了家附近吃日本菜慶祝一番，這裏是需要到現場取位置的。本來bar檯有位置，但是我不太喜歡坐，所以要再等一會了。入座後我們隨便點了些東西。《麵豉湯》每當吃日本菜的定食都會有這碗湯，味道跟一般的差不多。《沙律》蔬菜爽口，還有一片煙三文魚，我的最愛😋《燒雞翼》又燒得挺香的，外皮脆脆，肉質不乾，加上胡椒的味道，更加惹味。《燒牛舌》賣相不錯，但口感略為有點靭，不是我的菜😅《七味燒雞腎》雞腎本身的口感已經好爽口，加了七味粉的微辣增添惹味感。《海膽軍艦》我愛炸的海膽呀😍甜甜鮮鮮的，但並不是我吃過最好吃的😅《池魚壽司》魚味較濃，肉質嫩有口感，配上青蔥和薑有助平衡魚的味道。《三文魚腩壽司》一入口，魚油味非常豐富，肉質嫩滑。《德美海膽魚生丼》這個魚生丼很多魚生， 價錢相對亦很化算👍🏻

和朋友二人來了將軍澳新都城行街經過德美 見到好多人排隊又啱啱晚飯時間 就去試吓啦我哋兩個人叫咗精選二人餐 $308貪方便又唔使諗食乜嘢 又乜嘢都有啲 價錢亦都好吸引三文魚刺身好肥美 我諗佢俾咗三文魚腩我哋枝豆不嬲係我最愛嘅前菜 一啖一粒好過癮和風沙律好大盤 加埋啲麻醬食好開胃鯖魚都幾大條 燒得啱啱好 魚肉非常香 野菜牛肉鍋超多野菜 有豆腐有牛肉有粉絲 好足料天婦羅一客六件 有蝦有茄子 炸得啱啱好 食落感覺不肥膩食到呢度已經好飽爭啲唔記得原來仲有日式炒飯食埋真係飽到上心口以一個人唔使$200嘅價錢 食到好飽肚嘅日本餐個人非常推介~~如果唔鍾意食二人餐嘅 仲有好多定食可以揀添

近期喺新都城有一間好多人排隊嘅日本小店， 之前食過一次覺得佢哋嘅壽司同埋刺身都好新鮮！ 所以今晚就早啲嚟避開排隊人潮！蟹肉蟹膏軍艦， 蟹肉好鮮美～蟹膏好甜北極貝壽司， 肉質爽口帆立貝壽司， 質地彈牙三文魚壽司， 食得出三文魚好新鮮吞拿魚壽司～ 呢度嘅吞拿魚係來自日本嘅， 入口即溶。肉質鮮甜！鍋燒烏冬除咗有刺身同壽司佢哋都有其他熟食， 烏冬湯底好香濃， 烏冬彈牙， 而且材料都足了， 有天婦羅丶獅子狗和蟹柳等！餐後送嘅小甜品每人買得好 侍應都會送上小甜品今次我食嘅係綠茶麻薯～綠茶味香濃

今晚和媽媽來到寶琳，坐電梯時被那鰻魚飯的招牌所吸引！用荷葉包住的鰻魚飯真的從未試過，剛好媽媽也想吃日本料理，就決定一試！這家餐廳的環境設計也挺日式的風格，燈光也十分明亮，坐得舒適。來到已經決定好要我喜歡的鰻魚飯，而媽媽就選擇銀雪魚。晚市時間也有套餐定食，幸好我們的兩款都包括在內～活鰻魚朴葉飯定食 $108賣相非常精緻，用大荷葉包著鰻魚飯，米飯鬆軟好吃，不會過硬或過軟，但荷葉味就欠奉，只是隱約地在邊位的飯吃到，應該是裝飾罷了。我自己不太喜歡過多醬汁，於是就請店員鰻魚汁另上，來到鰻魚上面依然都會有醬汁，但有別於淋上飯的，質地較為濃稠，味道香甜不會過咸，令飯變得更好吃！而另上的醬汁則較為咸，淋上少許就已經足夠。說到鰻魚，寫是用上活鰻，的確不像超市貨色，吃得到的鮮美！鰻魚皮十分煙韌，肉質帶焦香，是嫩滑彈牙那種，但就沒有入口即溶的那種嫩滑口感><!!是另一種風味，鰻魚和飯都是屬於高質的，而晚市價錢包含味噌湯和沙律亦感覺合理。值得一讚的是味噌湯味道不錯，不會過咸挺開胃的，內裡還有一隻蜆肉，很鮮美😳沙律菜也十分新鮮！還有一片魷魚刺身，給人感覺前菜也不會馬虎銀雪魚西京燒定食 $118媽

定食套餐:定食，芒果布丁，前菜沙律，熱茶，味噌湯前菜沙律幾好食，帶甜味，細細份量味噌湯有豆腐，紅蘿蔔，海帶，夠熱口芒果布丁唔會太甜，新鮮芒果味吞拿魚丼定食108hkd個頂到放左個鵪鶉蛋， 吞拿魚碎肉分量多，相反珍珠米雖份量小，但食完就飽到食唔落其他野安格斯牛扒定食 118hkd好香嘅安格斯牛扒，大廚好細心一早已經幫忙切咗片，少量炭燒香味， 醬料非常香， 連埋呢碗白飯食份量剛剛好，撈飯更加正， 牛扒入面仲有隱隱約約一種調味料，似係板鹽既味， 最鍾意係沙律菜入面加咗啲沙律醬佢做配搭， 加上安格斯牛扒嘅醬汁，酸酸甜甜好開胃。師傅佢哋都好畀心機整食物比客人，師傅同師傅間工作睇得出佢地番工都幾開心，一人一杯酒，快快手，慢慢做，慢慢飲。加一後兩人共250蚊

今日去左將軍澳探個朋友，玩到6點幾已經到左晚餐時間，一人行去左將軍澳德美壽司食個日式晚餐。餐廳環境好大好舒服，menu選擇好多，我睇左一陣都唔知食咩好。身邊好多人都叫鰻魚飯，我都試下啦。先送上沙律和味噌湯，沙律菜好新鮮，爽甜醬汁夠開胃。味噌湯味道唔會好咸，濃香好足料。主角上場啦。朴葉鰻魚飯，大大片荷葉包上白飯和燒鰻魚。醬汁微甜，白飯粒粒有咬口，份量都有好多。鰻魚非常滋味。鰻魚燒得香口，魚肉爽口彈牙，無幼骨，外層焦香魚脂香味逼人。甜品有抹茶蕨餅。

最近放工成日都會想去呢間位於新都城嘅德美壽司度食晚飯， 已經食過幾次，每次嘅質素都非常之令人滿意， 非常之值得推薦。呢度有好多唔同嘅晚餐款式畀大家選擇， 每一份晚餐都包咗沙律湯同埋甜品， 相當抵食。沙律係煙三文魚芝麻醬沙律， 食落酸酸地，非常之開胃。 麵豉湯入面加咗蜆殼等海鮮， 飲落更為鮮甜。今次我就叫咗個雜錦魚生飯， 入面有好多款唔同嘅魚生， 例如三文魚、 油甘魚、 海膽、 帶子等等， 每款都非常之新鮮。另外我仲叫左一個帶子鵝肝卷， 卷上面什滿咗脆脆， 帶子同鵝肝嘅味道出奇地夾， 鮮甜嘅帶子中和咗鵝肝嘅膩感，相當之好食。最後仲有個芒果奶凍做甜品， 呢餐整體而言都令人非常之滿意。

小妹久違的日本美食，一如既往要求坐壽司吧。今日既師傅都好趣怪，坐壽司吧可以同師傅們交流下心得。師傅介紹左食以下呢幾樣。池魚王- 口感爽嫩有彈性，食落肥美魚油重。日本蠔- 蠔肉潔白有光澤，肉地滑溜，咬下仿如爆漿，鮮甜的海水一湧而出，回甘味濃。日本帶子-  形狀與帆船的帆十分相似，如帆船乘風啟航一樣，故有一帆風順之意。肉身厚，好鮮甜。象拔蚌- 口感層次豐富，脆、軟、滑、嫩，肉質鮮甜爽脆，爽滑中帶鮮，海水味濃。粒貝- 肉質爽脆彈牙，鮮甜美味。內臟拎左黎煮湯，好鮮甜。三文魚腩- 魚油超多超正，入口即溶。油甘魚腩- 油甘魚又名為「出世魚」，寓意在社會上步步晉升，有成功與好運之意。吞拿魚腩- 肉質柔軟、油份重，魚油脂香，咬落口兩邊油脂溢出，食到滿口油香。三文魚子- 用酒及甜醬油醃製，粒粒飽滿晶瑩，一咬爆汁，鮮甜味澎湃，紫菜超脆。左口魚邊- 油脂豐腴，火炙過後香氣撲鼻，肉質綿綿如膏，入口即溶。

去到寶琳探朋友，順便一齊出去食晚飯，係度揾緊食乜好時，見到此店門店頗多人等位，於是攞張飛，睇睇情況再回來，我哋行左附近一陣，約二十分鐘後，剛好叫到我哋坐低後，我哋決定一人叫一個定食加少少燒物定食套餐跟餐有餐前沙律，味噌湯，同甜品個沙律雖然細細碗，但一d都唔hea,入面有一塊魷魚刺身，而刺身加有沙律醬同芝士粉，配搭幾特別，而且好好味味噌湯味道濃郁，而且有大大隻蜆真係好大隻下，感覺好高級天婦羅烏冬定食-天婦羅應該是即炸，熱辣辣，好新鮮，共有四件（蝦，秋葵，南瓜，蕃薯），烏冬似是讚岐烏冬，好煙靭，而且湯底都頗濃，個人覺得配合得好好燒鯖魚飯定食-鯖魚好大條下，而且相當肥美，外皮燒到剛好焦香而不過火地雞大蔥串-初時以為是一粒雞肉加一粒大蔥嗰啲串燒，見到實物同估計完全不同，雞肉燒到外皮脆再加上大量切到細細粒嘅大蔥粒免治雞肉棒-軟身有一點彈牙，多汁大阪風免治墨魚串-成粒有d似墨魚丸，但好食好多，外皮燒到脆脆的，裏面非常彈牙，而且有大量有咬口的墨魚肉碎小粒最後係跟餐甜品：杏仁豆腐配鮮芒果醬，不會太甜，感覺很清新總結此店cp值超高，唔怪得咁多人等位，佢嘅燒物超有驚喜

終於有間有質素既餐廳喇，呢排新都城新開既餐廳都好伏。星期六林唔到食咩，就試左呢間新開既日本野，都幾多人排隊，等左20分鐘左右終於入得。餐牌同以前返工成日食既德善一樣，真好，終於開到黎寶琳，又多個選擇。午餐真係幾抵，有湯，有沙律，有甜品，呢個價錢算食幾好。

德美吃過好多次，味道不錯價錢又不算貴。想不到新都城都開了分店，由於肯定味道會有一定水準，所以這夜與朋友的晚餐就在此解決。碎吞拿魚茸飯（$108）Minced Tuna Fish Sashimi Rice (limited Offer)每次去德美草根都必點此吞拿魚蓉飯🥰，吞拿魚蓉份量慷慨，魚蓉新鮮肥美🐟，旁邊還附有鵪𪂹蛋可以拌入飯中一同吃😋，撈入蛋黃後，魚蓉口感黏黏的，加上鹹鮮的魚子為整個飯提鮮。魚生下是壽司醋飯🍚，整體的確不錯吃👍🏻。晚市套餐包有沙律🥗、麵豉湯和甜品🍮。當日的甜品是芒果汁奶凍，口感滑溜，但味道就不怎麼特別。活鰻魚朴葉飯定食（$108）Grilled Eel On Rice in Hooba Leaf鰻魚飯的賣相雅緻吸引，放於小木盒內，以鰻魚和蛋絲蓋面。鰻魚燒得乾身，肥美，挺好吃😋。飯粒飽滿，可惜鰻魚汁較少，不夠送飯🍚，吃起來像白飯，顯得有點失色。雖然驚喜不大，因為基本上每次都是點這2個餐😂，但水準穩定，是日本餐的一個好選擇🇯🇵。