德發牛丸粉麵

營業中

休息中

鍾意美食既朋友,有好野喇!可能好多人已經知,但係我都係啱啱先發現此地!喺個天橋底,污糟辣撻..但係原來係美食天堂,簡直係天堂同地獄remix!牛丸河係我食過最好食既一間,飲一啖湯,嘩,正!好勁牛味,加埋大大粒既牛丸,一碗滋味到極既牛丸河就咁倒左入我個肚!打個c egg!飽!

難得同媽咪出尖咀,帶媽咪嚟食,點知差哂!要一碗牛丸河,一碗牛筋河,一碗牛雜河.牛筋爛patpat,牛丸冇以前咁好食,冇咁爽口,冇咗果皮味,最離譜係牛雜,話明牛雜,但得兩味,牛肚同牛膀,少之餘仲煮到又鞋又韌.媽咪妤快食完話妤細碗,同好重味精.埋單仲嚇一跳,可能好耐冇去,竟由$16,加到$20一碗,我相信以後都唔會再去!

今日慕名而來, 食牛朋友由細食到大, 但我未食過, 咁當然要試下啦呢間野主要食牛, 牛丸, 牛雜, 牛肚, 牛腩, 牛筋我朋友叫左個牛丸牛肚米我叫左個牛丸牛筋河後尾覺得未夠飽(可能我比較大食), 同埋想試埋其他野就再多個牛腩牛肚淨食淨食價錢一樣, 只係將(麵/米/河換成菜)===========================================牛丸4.5分(係幾彈牙, 個感覺清d, 無太濃既牛味)牛筋4.5分(幾稔幾入味)牛腩4分(好似好碎下咁)牛肚4.5分(入味)每碗$18埋單18x3 = 54

嚟親都唔知食乜,因為牛丸,牛什,牛筋腩都想食.今次都係食牛丸米,下次先食牛什或牛筋腩啦!牛丸彈牙又香(果皮),米粉少咗啲,要多個芥蘭啦!唔該!

d牛丸真係好彈牙, 我覺得一定要配面食, 因為先襯d牛丸, 哈哈, 好深咁...值得一試.

都唔係第一次嚟食喇..次次都好似俾塊攝石攝左入去咁,行經過北京道都會掟彎走入橋底,不過今次係食德發既牛丸河,唔係牛筋河..都係唔使三十秒,碗牛丸粉又已經送到面前,快成咁!但係你一啲都唔須要擔心個味道同温度,只係要擔心去錯左第二度..碗湯..正到痺!牛味足,同食牛腩無分別!但係最精彩始終係牛丸,彈彈彈彈彈!!肉汁又多,又係好食到痺!!食牛丸河,德發係一個上佳選擇^_^

人在尖沙咀, 摸了0黎呢度, 試試阿爸阿媽拍拖時代(!!!) 成日幫襯的呢度.叫了個牛丸米... 佢0地d 術語認真有趣, e.g. "米粉" 叫"東莞" XD 牛丸有5 粒, size 就比想像中細, 食落夠彈牙, 味道似台式貢丸多過牛丸(因為落了芹菜的關係...?), 唔係特別好食, 不過算係咁啦; 米粉份量就比想像中多, 淥得0岩0岩好, 口感唔錯, 味道就稍淡, 所以唔識死的我明明唔食得辣都落了一小羹辣椒油, 雖然味道係豐富0左, 但結果辣到飛街, 要叫個凍奶茶"救火", 奉勸各位唔食辣0既切勿模仿.環境差都預0左; 阿叔幾nice, 今日仲見到佢用筷子拮了兩粒牛丸請隔0黎位的BB 食, 哈哈!牛丸米+ 凍奶茶埋單$28, 熟食檔0黎講唔平, 不過呢度係尖沙咀, 算係咁啦. 上0黎Openrice 先知原來佢d 牛筋仲掂??? 咁有機會要再0黎試試了!

天氣稍涼帶同大人到這間著名牛丸大排檔試試其水準;環境不用多評,人聲鼎沸、熱熱鬧鬧就是這裡的風味。其實都不知道桌子是屬於何檔的?總之阿叔指示坐那裡就那裡,看到桌子上有筷子筒的應該沒錯了吧?!自己的牛雜米似乎材料豐富,但看真一點原來只有三款:膀、肚、腸,連牛肺也欠奉,有點失望的說。牛膀薄薄兩片,仍是粉粉的口感,不過不失;牛腸也是兩件,可能師傅見我肥,給我的是瘦瘦薄薄的那段牛腸,甘香味道當然沒有,有的是淋淋的感覺;全碗份量最多的是牛肚,只可惜只有單單一款,莫說牛沙瓜這些妙品,連金錢肚也沒有呢。大人的牛腩米似乎比我那碗好,據說味道還可但稍咸,不算是很好吃那種;也許是我們都沒有點最出名的牛丸,今次的經驗是有點失望。

之前朋友帶我食德發,一食上癮呀!牛丸爽口, 牛腩又入味,d阿叔又好笑又nice,成日好型咁大叫,環境唔係好好,朋友話去e度食既人都唔係為左環境,而真係為左食野,而家開始凍,入到去,arm arm 好,食物好快送到,唔駛等,好好味呀!!而且好彩就會見到明星,好多明星去食架~~尖咀e個地區食到咁平既又好美味既食物,超值~!!我自己一定會成日去~~推薦大家去食下啦!!

今日下午出開尖沙咀，醒起阿蘇介紹既德發，好彩節目有影點行入去，唔係行到一半都走出返黎，去到坐底，叫咗牛丸腩河，朋友要孖根河，架央多士，先講食物，牛腩好乾認真麻麻，牛丸彈牙新鮮有淡淡果皮味，好食！牛筋煮得入味，河粉就差，唔滑又煮唔散，而分量亦比節目中少好多，架央多士亦普通，味道淡，環境預咗差，但坐底一陣已經好多烏蠅，圍住枱面同個瓶冇蓋辣椒油飛黎飛去，一路食牛角扇吹住，阿姐又係身邊將垃圾推出推入，不勝其煩，望一望隔離鐵絲網，入面厡來係垃圾收集車，所以我都費事叫野飲，那那林快走人，將環境同食物質素去秤，我諗都冇下次

叫左牛腩牛丸河......個牛暔真係幾好...牛丸ok,,,彈牙就冇乜....幾...個湯幾正丫...加少少辣油...真係少少夠la...唔係就哂左d汁同湯呀.$18雙拼抵丫........係街市差d lor....d 阿叔大叫廣東...東莞...好型.

天氣冇咁熱，坐响到食碗粉，絕對唔辛苦...依舊係牛丸牛根河。牛丸依然係老水準，但再食多一次，都係覺得牛根出色D，雖然今日食到嘅並冇上次食嘅咁入淰，但依然夠入味，不俗...想响尖咀平平哋食碗粉，係其一之選...

31/7(二) 7pm是晚有幸到海防道街市內的德發品評其教人拍案叫絕的牛丸.要找個伴於炎炎夏日,環境翳焗,密不透風的街市內用膳,實在是登天難事!就算奸計得逞,自己也於心有愧.獨自探穴,穿過花檔,步入熟食市場,眾多食店中,只有德發一間燈火通明,人氣鼎沸,猶如廢墟中的一塊璧玉.瞄過懸掛的手寫簡明餐牌;點了牛丸牛筋河$17及通菜$10.牛丸牛筋河--單雙拼同價;先呷一口湯,牛度頗重;圓渾牛丸肉香不算濃,彈度卻強如乒乓,爽脆透頂,並帶隱隱陳皮香!牛筋全橫臥於河粉上,炆得十分入味軟身,美中不足是鹹度過重.河粉質地也不失禮,滑溜爽口!通菜--份量頗多,青通幼身嫩綠;垢病是腐乳過鹹,豆香全給掩蓋.覓食隱秘美食,代價是停不了的汗水直標心口!

lunch 食了: 牛丸+ 牛腩河。味道不錯，加埋辣椒很配合。雙拼也是$17, 雖然沒有飲品，但係TST 區是很便宜了。上菜速度勁快，天氣熱, 食完要即走, 因為無空調!!!

因為元朗的勝利牛丸...實在唔太方便入去食..但係lei間位於TST~所以都算方便@@!牛丸講彈牙當然不及勝利~但係味道都不錯~對上果次因為貪心XDD所以叫左...淨牛丸+淨米粉牛丸真係唔錯~~有小小果皮同埋小小言西味【雖然我唔食言西但係都唔覺得好大陣味】味道幾鮮甜~米粉就幾爽口-３-湯底唔錯食完真係好飽@@"....但係都好似廿十一蚊倒..非常抵食==不過環保真係超級差....每當一台食客走左..d 伙計就會將台上既紙巾同埋垃圾掃落地....然後做下一台生意...可想而之地下的情況..............而家入去果陣要經過街市....好多羊頭==....環境比1分..無咩服務可言=]