德發牛丸粉麵

營業中

休息中

每次行經過北京道都會掟彎走入橋底,目的都係一嘗德發既牛筋河..坐低後叫夥食,唔使三十秒,碗粉已經送到面前,快成咁!但係你一d都唔須要擔心個味道同温度,只係要擔心去錯左第二度,因為如果由海防道入係會經過另一間差唔多樣既粉麵,都會大大聲嗌:"係唔係食德發?",你坐低就領野,我試過一次,d牛丸味就差唔多,但d湯底就係兩回事!食牛筋河,德發係一個上佳選擇^_^

今日工作關係要黎尖沙咀難得朋友仔放假就陪我食飯趁天氣仲未太熱記憶中呢度有間大排檔味道好價錢平平時朋友仔又至愛食牛腩麵就一於捉佢\黎試諗住佢\會食牛腩點知最後又無叫左牛丸牛筋麵同牛丸牛腸河牛丸有濃香既牛味彈牙爽口確實同街市賣既大大不同牛筋亦炆得夠火喉好淋份量又唔少牛腸唔太肥無臭味都幾好麵仲有少少醶水味但可接受伙記快手到由落單到食得只係1分鐘左右人多到兩個人搵位都有d難度不過至搞笑係老闆(我估)成日話就收舖架喇路過值得一試

實在太好食喇!叫左碗牛丸河同一碟菜心,個湯牛味十足,牛丸好味到不得了!不過唯一係選擇不太多,但最緊要係令我一定再番去食!今期台主一定係你,德發牛肉丸!一百秒,叮!一萬大元係俾你架,congratulation!

繼續牛丸,今次到德發.聽朋友講得多,包括在新港上班的友人.某日中午一起在這個街市"逼餐死".快上快落,兩個位話咁快就有.一起要丸腩河,單拼雙拼同價,夠公道.一分鐘內送到,快過打針.牛丸彈牙,牛肉味也有,只是仍然不夠濃.絕非譽滿全城之級數.反而本來為配角的牛腩,做得稔熟,還附上一件膠質豐富的牛筋.河粉索埋腩汁精華,一舉而盡.貫切快上快落的節奏,吃罷即走.平日做開"量產型"前鋒,今役轉做翼鋒.踢得好辛苦.鬼叫領隊轉行打3-5-2.

星期六放工都成4點,同肥B食牛丸, 其實上星期六放工都食,但係肥B上星期食沙嗲牛肉丁同凍奶茶時,因為坐近右邊關係,就叫近門口空地茶餐廳,佢話勁難食,佢話要食返近正門入間先好食,問伙記,佢話真係有左右之分,所以今次好小心,問伙記先坐底,我就一定食牛腩米+牛丸,一定叫德發,腩米個腩汁都夠濃,牛丸就彈牙,以LUNCH+下午茶講,都夠飽,份量好!PS:上次肥B話食咁難食沙嗲牛肉丁同凍奶茶, 話好鬼唔開心.SORRY呀,我以後會小心D啦!

之前睇見咁多人讚所以走去試下,老實講,我又唔覺得真係好好食,只能說是一般貨色

係尖咀返工時成日都去~ 牛丸當然正,有淡淡既果皮同芫荽味, 牛肚都好好味, 係我最愛~~~ 麵檔既牛丸一定係唔同火鍋店o家o波, 咁樣比有d唔公平喎, 自問對食品同環境都有要求, 但係大排檔既環境都係咁上下, 嫌污糟就唔好去啦...同埋d大叔好好人, 通常有咩要求都會fulfil到... 但當然唔係四萬咁口啦~

同肥b去食lunch, 我叫牛丸牛腩米,肥b叫沙爹牛肉出前一丁,牛丸夠爽,夠旦牙,牛腩幾入味,加埋米粉好夾,好味,而肥b碗沙爹牛肉出前一丁,沙爹牛肉都好入味,夠淋,出前一丁真係用出前一丁,唔似出面d茶餐廳話出前一丁, 仲要加錢,但食落仲衰過食福麵,得個湯同d麻油似,以大排檔講,幾有良心啦,尤其宜家天氣涼d,去食都唔會好熱(度無冷氣)!

I often go to Tak Fat for a beef-ball rice noodle. The eating experience is always rewarding. I especially like:1. The taste of the beef ball: I especially love its texture. The dried mandarin skin in the beef really raises the taste to a higher level.2. The soup is very sweet and strong.3. The chilli oil is good.4. The staff are efficient and friendly.5. The rice noodle is pre-soaked before cooking.

熱辣辣走咗入去老尖海防道街市揾呢間嘢。。。瀨嘢。。。牛丸係彈呀，咪得個彈字囉！火煱Ｄ鮮牛丸好食過佢十倍。。。環境超焗，又污糟。。。NB. CHILLI SAUCE NOTHING SPECIAL!!!

德發牛丸我由細食到大, 味道呢, 好多地方好過佢, 不過有時一個人在尖沙咀時, 又會心思思想食的。5點幾行到入去, 諗左好耐, 叔叔好有心地走過來同我講"有牛丸牛雜牛腩, 堂食17, 拎走18, 雙拼價錢一樣"。因為我不太喜歡吃柱侯牛腩(及其腩汁), 仲有對一早剪定的牛腩冇好感; 之但係又貪心想食多一樣喎...最後決定叫丸腸米多青拎走。蔥花唔提佢, 佢唔記得加, 不過提一提佢要多, 佢都叫做重手。去到睇住漫畫, 歎住食, 好不享受。雙拼有大量牛腸, 2粒牛丸, 有少少失望, 又覺得好正路。湯底有好厚的一層油, 同埋濃濃的腩汁色, 不過都ok甜。牛丸水準一貫, 唔差, 不過比其好吃的, 大有丸在。牛腸唔掂, 唔腍唔香, 唔好食也。中途我食食下, 食到隻insect浮o係兜湯度... 不感驚奇, 只覺好彩(d湯咁深色都俾我見到佢喎)。夾開隻蟻, 照食可也。不過之後再冇飲d湯... 陰影。人地講到明叫德發牛丸, 我叫左牛腸食, 只係我選錯食物, 同其本身食物質素無關。以後我唔會再貪心架喇。

第一次黎，一入街市，係一些non-香港人既街市檔，要行入d先搵到熟食檔。lunch time整個熟食檔都好多人，這裡的單拼和雙拼都只是$17，好抵。我吃了牛丸河，因為我超愛很牛丸，可惜好耐無食過好食既牛丸，真的很好味，平時吃的都較硬，這裡不會，且很有牛味。我不小心掉了一粒，它彈走，可想而知很有彈性！！朋友仔的牛雜也好味，很多，牛肚很軟身，牛腸洗得很乾淨！！！好好味呀，又抵喎，我一定會再黎架！！！！

帶朋友黎食牛丸米，德發坐落天橋底，由海防道入去，沿路入去環境陰暗，地方當然唔會太企理啦，坐黎叫2碗牛丸米。等牛丸期間朋友問我點解會黎呢度食，因為覺得我太斯文加上有潔癖，天橋底喎!!我只笑答好食咪ok囉。牛丸米，牛丸仍舊是彈牙，有肉味仲有淡淡陳皮香，加埋德發既辣油，我每次都落2spoon，絕對係非常good~!可惜湯超油，加上又有唔少味精，但係單食牛丸已經值回票價。冬天個時仲可以買牛丸返屋企打邊爐，德發牛丸係我屋企人指定打邊食物之一，可見吸引之處。環境，天橋底加街市，有幾'乾淨'你都估到，冬天黎食都ok，夏天既話，可免則免。

同男友一個試牛丸,一個試牛腩,牛丸真係好普通,幾細粒,唔彈牙,又無咩牛肉味,反而隔離個間牛丸就好有牛味,但牛腩就出乎意料地好入味好腍身,但都幾碎下,好似牛腩碎咁,d湯底好正,好濃既腩汁味,如果有大利既牛腩加埋呢個腩汁就非常之正了~下次會再幫襯過牛腩~奶醬厚多都ok,不過略嫌唔夠脆口...但環境真係幾惡劣,有隻大小強向腳邊徘徊,不過都預左,出面街市同垃圾站,又點會無小強呢...

又係N年前食過一次，冇乜深印象...行嚟行去都唔知食乜好，費事再諗，返嚟試吓...叫碗牛腩牛丸米。牛丸普普通通，不好不壞...總之我係第度食過更好嘅...反而牛腩有驚喜，好腍亦夠味，絕唔會食到一嚿擦膠...大大碗賣十七蚊，抵...