御膳

營業中

休息中

回頭一想原來今次係第3次食私房菜  咁岩3次都有一個共通點，三間都係樓上私房菜黎!過往食過既私房菜，無論食物味道，賣相款式一樣有驚喜，今天訂位到觀塘工廈品嚐晚餐，估唔到平日時間都好多食客。餐廳地方裝修簡約，燈光光猛地方整潔。呢到食物有散叫 & 套餐，打開MENU選擇相當多，眼見以海鮮類最為多款~講講今晚我地點左邊個套餐啦，套餐C $420/位 1. 麻辣滷水拼盆拼盆有青瓜雞絲，滷水麻辣豬腸，滷水麻辣牛肚~ 滷水好濃但濃得黎唔會咸，配埋脂肪好高既豬腸的厚油脂，再加上滷水時間夠，入口時油份很容易在口中溶化，好肥但好香好邪惡呀  麻辣牛肚同樣好食，麻跟辣的味道很平衡，很香很麻很辣的感覺有齊! 前菜有點驚喜 2. 金湯海皇翅呢個翅係我成晚最最最推介的! 相當足料，可以咁講有2/3係料， 1/3係湯， 呢到個湯不會是茨汁般厚厚的，食完唔會覺得頂住晒!一絲絲瑤柱加埋D爽口彈牙蝦肉，湯頭好鮮甜，個翅又夠熱，好味! 3. 生煎東星斑 (12兩)東星斑一般食蒸既多，今次以香煎方式幾有新意，值得一讚魚皮煎得很香，肉質紮實多肉但魚肉唔算好鮮甜，呢個就普通一點。 4. 大肉蟹1隻 (可選薑

因就父親節又怕正日周圍食市多人, 就決定預早慶祝。從朋友介紹私房菜~御膳,位於官塘工廠區的食晚餐,又近家。但要預早三至四天前預訂,並向店提出你想食乜及愛嗜乜呢!我當然向店提出家人是嗜食辣,並會設計好菜單發俾客人參閱。 店裝修簡潔平實,環境很舒服。* * *【砂鍋大魚頭豆腐湯】湯呈現淡白,味道清甜沒魚腥味,而魚頭挻鮮的。* *【麻辣鹵水拼盆】例麻辣鹵水拼盆有豬大腸､手撕雞､金錢肚。好腍豬大腸好入味有滷汁香而不辣;手撕雞配上青絲及豆芽,辣辣麻麻地勁開胃;金錢肚口感剛剛好,易咬開帶微辣,好惹味。* *【花雕蛋白蒸大肉蟹】淡淡的花雕香帶出蟹肉的鮮味,靚大肉蟹勁啖啖肉, 多汁鮮甜,而底下蒸蛋白好柔軟滑,口感似豆腐咁滑溜,都散花雕酒的清香味和蟹鮮味,令人回味無窮。* * 【芝士焗花龍蝦】花龍蝦5至6兩,2只這道菜賣非常相吸引,令人垂涎慾滴。已開邊花龍蝦,肉質爽滑,富彈性鮮甜,配上濃郁芝士,絕配出色,而墊地是麵有經炸過有脆口感, 一口蝦肉一口麵,滋味十足。* *【麻辣水煮東星班 】約12兩原條東星班已起肉,方便食用。夾起一片魚肉來食,入口無腥味,而嫩滑鮮甜,鮮與麻辣滋味交替在口中真是開胃惹味。配菜有

早排個個big day母親節 我帶左媽咪去觀塘既一間私房菜 做左啲功課先去既我 見到依間都幾出名 野食又幾特別 所以先帶媽咪去甘遠食 住新界既我地都吾常出甘遠食飯 但都有親戚住九龍個邊 所以個日就探完親戚先過去觀塘食  預早就book定枱 同埋同左餐廳溝通菜式 原本有建議四人既菜單 我見基本都幾岩食 就照餐廳既推介 而價錢就係根據吾同菜單以人頭計既 但都有我分開嗌既個日同屋企人分開去 之後就係觀塘會合 再搵路去餐廳 都幾易搵到 萬能google map 一上到去甘岩有員工係門口 就同我地講御膳係依度啊! 入到去都未有好多人 可能7點幾尚早 裝修好樸實 圓枱好有家人feel 加上幾闊落所以食得幾舒服 影底左個menu既一部分 可以參考一下 不過一入到去見到有一枱食緊避風塘蟹 勁正!坐底左一陣就上湯啦 個湯叫做猴頭菇藥膳瘦肉湯 一上枱覺得幾特別 湯同渣分開上 平時去餐廳少見甘細心 做到甘detail 可能依啲位就體現到私房菜既珍貴 而店員亦會為你劬勞 去盛湯 愛菇既我就食左啲猴頭菇  都咬到 勁多湯汁吸晒落去 但就稍淡 所以一早已經附上既豉油就大派用場

近年來興起私房菜風，因為客人對食物質素要求提高了，而且不想到酒樓跟別人迫，只需打個電話訂座，便有專人安排今晚的菜式，實在又貼心又方便，想不到我的親戚竟然提議吃私房菜，所以今次來個家庭私房菜飯局。御膳位於觀塘工廈區，距離地鐵站大概十分鐘的路程，以為內裏很細，但原來隔離鋪位都有座位，可以容納很多圍。吃私房菜不一定要人數多，店內設有不同人數的餐單，少至二人也可吃到很多道菜，而今天我們一行八人，為了吃更多不同款式的菜，最終決定散叫。麻辣鹵水拼盆(大) $240內有麻辣金錢肚、手撕雞以及豬大腸，金錢肚又爽口又夠辣，豬大腸沒有臭味亦夠腍身，手撕雞配上麻辣很吸引，男士們對這碟菜式都大愛。生煎東星班(12兩) $350平時吃東星班都是一般以蒸的方式來煮，但這裏反傳統，以煎的方式處理，家人覺得這種煮法有點浪費好材料，但我反而覺得煎後的東星斑很香口，魚肉沒有因為煎過而變得乾身，肉質仍然是軟滑，反而多了一份香口感，沾上豉油吃亦很入味。芝士焗花龍蝦 $290花龍蝦是新菜式，我是預先在訂位之前預訂的，因為媽媽很愛吃龍蝦，所以特地給她一個驚喜，花龍蝦亦是今日新鮮入貨，非常新鮮，面頭淋上的芝士汁非常濃郁，配搭彈牙爽

父母都喜歡外出食中餐, 但父親大人由於煮功了得, 對食要求甚高, 除咗用料要新鮮外, 仲要烹調方法難以在家中廚房做到, 所以每次同父母外出食飯, 都會做資料搜集確保一定啱佢地食.一般中式酒樓集團菜式流於公式化, 今次目標係近住所喺觀塘區食私房菜, 上Openrice見到御膳係低調工廈私房菜高手, 獲得甚多好評, 又有套餐選擇, 一於提早訂位慶祝父親節.打電話訂位時已經有數款套餐以供選擇, 餐廳亦提議可以一試一些新菜式.根據Openrice地圖指示都唔算難去到餐廳, 搭電梯去到該樓層, 睇見室號一樣但冇招牌放置在外, 於是推門一睇, 原來餐廳在此.餐廳佔地不大, 裝修簡潔, 有幾張圓枱. 因為菜單已訂定好, 所以再確定一下客人名字就可上菜.頭盤麻辣鹵水拼盆(例)有豬大腸、雞絲青瓜同牛肚, 豬大腸質地腍滑鹵得入味, 帶點肥但不膻. 雞絲青瓜爽口中帶點麻辣. 牛肚係三樣之中最辣, 鹵得入味有咬口.大蜆什菌豆腐湯, 奶白色魚湯配上大蜆什菌豆腐十分鮮甜, 最適合食完麻辣頭盤後飲用.蒜蓉粉絲蒸大蟶子皇用上金銀蒜蒸十分冶味, 蟶子皇體形碩大, 肉質鮮甜彈牙, 粉絲鋪底吸盡金銀蒜蟶子精華.古法蒜子炒大

平日一家人出動，總是像鴨仔團般，跟著Baba、Mama覓食。聽朋友說觀塘內有間私房菜口碑不錯，某夜決定換轉角色，帶他們吃晚餐。由於初次訂座，沒有頭緒吃什麼，所以餐單決定由餐廳來發辦四人份量的菜式。是夜剛好也是$1.5億六合彩攪珠日，下班後，先趕到觀塘馬會碰碰運氣，沾一沾財，再沿成業街走到麗港公園附近工業大廈，幸好位置不算太難找，而12樓一出電梯就是御膳了。四人被安排到一張大圓枱，非常闊落，兩邊設有電視，挺有家的感覺。正所謂十全十美，一共叫餐廳準備了10款菜色，整體上菜速度掌握得好好，一碟接一碟，沒有停頓位。砂鍋大魚頭豆腐湯湯是最先來到，內有一大條大魚頭及豆腐，大魚頭不算太多骨，肉質雖已煲得全腍身，但味道仍帶鮮味。一大煲可分成約6~8碗，此湯味道已有驚喜，湯帶有濃濃的大魚頭鮮甜入味，而豆腐仍滑一滑，明顯煲了一段時間，可不馬虎，做得非常不錯呢。香芒沙律大蝦球湯喝到一半，已奉上香芒沙律大蝦球。由於是四人份量，故廚師貼心準備了一人一份。沙律上放有切粒的生果，而最頂層的是大蝦球。由上而下吃，沾上厚厚的沙律醬的大蝦球，皮層感帶點黏韌，味道較想預中獨特，再混合粒粒生果來吃，酸甜爽口之餘，加上沙律醬非

聽同事講過話觀塘工廈有好野食，今晚我地八個人決定黎探下險。由港鐵觀塘站行過去同事介紹嘅餐館所在工廠大廈，都只不過係幾分鐘時間，比想像中近。店內嘅環境尚算寛敞，當我們入座後，負責人細心招呼我地。另一方面他亦同時拎出菜單幫我地確定野，等我地點好之後就叫廚房開始起菜。麻辣鹵水大拼盆之後係另一個冷盤，拼盆內有牛肚、青瓜雞絲及豬腸。鹵水金錢肚味道有小小辣味，不過爽口，一啲都唔軟淋淋，爽脆青瓜配雞絲，就十分惹味同開胃，最後豬腸夠晒肥美，但係就絕對唔會太油膩。砂鍋大魚頭豆腐湯食完冷盤一鍋奶白色嘅魚頭湯就送上枱了，侍應幫我地把魚湯分成八碗，魚湯味道好香濃，湯裡面仲有放豆腐、冬菇芫同埋茜等等嘅配料，味道更有層次。蒜蓉粉絲蒸蟶子蟶子超大隻，再加入蒜粒蒸熟。蟶子非常鮮甜，而且帶有蒜蓉的香味。最後再加入炸過的蒜粒及香蔥，令蟶子嘅味道更豐富，另一方面舖底嘅粉絲吸收左蟶子嘅精華，就真係絕對唔可以放過。踏雪金巢廚師真係好用心去做呢個菜，餐廳係用金勾翅，瑤柱，蛋白，和 芋頭造成雀巢， 以椒鹽方法去製成菇類食品。成個菜式都好美觀，而且菇類唔會太咸，絕對係值得呃like。大肉蟹2只（花雕雞油蛋白蒸）肉蟹好大隻，每人分到的

每當要為老婆親戚搞飯局都好傷腦筋，一嚟外母果邊有成十兄弟姊妹，仲有佢地既小朋友，所以搵餐廳果陣都要花花心思。今日我又堅負起呢個重任，必需知道今晚搞不好，要有跪玻璃的心理準備。然而靠得住既左右手只有open rice，今晚不成功，不回家。今晚特別揀左私房菜既形式，因為安排容易，最簡單係只需預先講定人數，餐廳就會為你安排。當然你鐘意複雜都得，自己book果陣慢慢傾，成本餐牌大把餸你揀。砂鍋大魚頭豆腐湯 $175湯既份量都幾多，而且裡面放有魚頭，豆腐等既材料，味道鮮甜。生煎東星班 $350以煎既方式處理，魚皮燒至熟透，但魚肉沒有煎炸既口感，所以食起上嚟無熱氣既感覺。腍身既魚肉沾少少豉油食，十分滋味。香煎花龍蝦 $290龍蝦煎得好香，肉質爽口，配上炸麵，口感獨特。 避風塘炒大肉蟹 $399"避風堂"佈滿肉蟹，已經知道味道一定濃！肉蟹都幾大隻，咬落去啖啖肉。蒜蓉粉絲蒸蟶子皇 $265蟶子皇份量十足，雖然係一般街外都食到既蒜蓉蒸，但呢度落既蒜蓉粉絲等配料充足，令到蟶子皇得到發揮，用各種配料配合而蒸出既蟶子，味道豐富。經典富瑤炒飯 $300用料豐富（鮮南非鮑魚， 瑤柱 ，金華火腿），炒飯沒有偷工減料

今晚朋友安排了私房菜飯局, 約了一行四人, 又來觀塘工業大廈尋幽探秘, 這次去到近麗港城那邊, 我們找「敬運」上到12樓不見F 單位, 問過保安叔叔, 原來找錯了, 是「敬運工業大廈」, 不是「敬運工廠大廈」, 我們就是去了工廠那邊, 還幸行錯了改正後, 也能準時到達。一開升降機就見到F 室, 門口低調得連名稱也沒有, 見到門牌對, 便走入去了。餐廳簡簡單單的佈置, 坐得舒服, 不會太嘈, 還蠻可以聊到天的。我們選了四人套餐 $1468 (4位用)1. 香芒沙律大蝦球2. 砂鍋大魚頭豆腐湯3. 花雕蛋白蒸龍躉球4. 避風塘炒大肉蟹1隻5. 蒜蓉粉絲蒸蟶子皇4隻6. 豉椒炒大蜆7. 蒜片牛柳粒8. 金華玉樹雞半只9. 上湯浸時菜10. 蟹油銀芽炒面11. 甜品見餐廳似主打海鮮, 便叫多個蒜蓉粉絲蒸開邊海蝦$186 香芒沙律大蝦球 - 擺成兩份靚靚的模樣, 以紅珊瑚菜盛載蘋果粒沙律, 再放上芒果和大蝦。大蝦球不脆口, 但大大隻啖啖肉, 肉質爽彈, 有蝦鮮味, 也很滿足, 底下有不少爽甜的蘋果, 芒果是很熟很甜的, 藍莓清甜, 只是草莓有點酸。 砂鍋大魚頭豆腐湯 - 湯頭呈奶白色, 大

曾經看過朋友於臉書上傳這家店西瓜盅的照片, 印象深刻。 恰好在找家人生日飯的地點, 在OPENRICE這店的食評中見到同款西瓜盅被吸引了, 再看看其他餸菜, 好像這裡的海鮮餸菜很不錯, 決定試下。我於用餐前一天, 致電訂位及查詢7人用的餐單, 留下手機號碼等店員WHATSAPP給我。 約10分鐘後店員傳了幾個不同價錢的7位用餐單給我選擇。 因為有人不吃牛, 有人要戒口不能吃蝦蟹, 又因生日飯大家都話唔食西瓜盅,亦想查詢是否有壽包供應, 跟店員商量後, 又加又減又轉地得出了一個我和家人都滿意的菜單, 期待著!! 晚上分2個時段可訂位, 分別是18:00和20:30。我們訂了20:30時段, 當日20:15已經到, 好彩已經有枱執好, 即刻有位坐。店內沒有太多裝飾, 簡單為主, 人齊坐好就正式上菜, 先上的是冷盤前菜:小食(送): 桂花糖蕃茄: 雪凍了的去皮蕃茄, 吃起來有淡淡的甜香, 正~風味雞亦尖: 雖然外表白雪雪的, 但出奇的入味。雞皮沒有肥油的酥味, 卻有蒜味及少少甜味, 平時唔太食雞亦尖的我都食完再食, 好味!!拍青瓜: 爽脆帶酸味的青瓜, 普通。麻辣卥水拼盤(小小辣):麻辣手撕

前陣子於網路搜尋, 找到一家中菜私房菜, 好奇想試試,便提議與家人一起晚飯。首先我以what app 跟店員傾菜單, 他會先以人數作出建議, 再跟我們調整菜餚。由於家人不太好辛辣, 所以辛辣食品要減少。當天約7時半, 於觀唐MTR 出口行至大廈約需10分鐘, 不算難找。店舖裝潢比較簡明，牆壁, 台椅都以木紋為主調, 好處是裝潢費用不會附加於客人上。稍候片刻, 食物已經來到。麻辣老水拼盤(大)$220豬腸豬肚滷得入味, 肉軟, 而帶有麻辣味。芝麻醬雞絲, 嫩滑帶點辛辣。蒜蓉粉絲蒸大蟶子皇6只🏻( $195)蟶子皇尺寸很大很足料, 蒸得剛剛好, 口感鮮嫩。士多啤梨骨 (🏻$95)上厚已有陣陣士多啤梨味,醬汁帶有少少甜酸, 非常濃郁。肉本身味淡, 配上濃郁醬汁便恰到好處, 互相陪襯。薑蔥炒蟹薑蔥炒蟹非常有大排檔風味，鑊氣夠。蟹肉很厚身香嫩，肉裡卻鎖住了肉汁，再加入姜蔥吊味，味感豐富。大蟹鉗的蟹肉很豐富鮮嫩， 肉汁很多很鮮甜，非常惹味！梅子蒸蟹是一味很得別的菜色，酸梅味濃郁，醬汁特別酸甜醒胃。蟹肉鮮甜，且盡吸梅子清香，相當清新。我個人喜歡梅子蒸蟹, 但兩老喜歡薑蔥炒蟹。芙蓉蛋白老虎班(🏻$58