影片
港鐵觀塘站 B2 出口, 步行約5分鐘; 觀塘港鐵站B1出口>投注站左轉到「成業街」>行至街尾右轉到「敬業街」
繼續閱讀
電話號碼
92228210
開飯介紹
御膳▪︎香港▪︎觀塘敬運12樓《只此一家》13年私房菜，海鮮日日新鮮到貨，手工粵菜/配搭菜單▪︎設計菜單/歡迎自攜飲品▪︎蛋糕▪︎免費幫蒸壽桃/免開瓶費/免切餅費/免加一[慶祝生日：贈送~滷水鵝肝鵝腎一份］適合家庭聚會，公司晚宴，團年春茗。
繼續閱讀
營業時間
今日營業
17:30 - 22:30
星期一
全日休息
星期二至日
17:30 - 22:30
公眾假期
17:30 - 22:30
公眾假期前夕
17:30 - 22:30
*敬請預定
以上資料只供參考, 請與餐廳確認詳情
有關獎賞計劃
相關文章
#MC帶你去觀塘.精緻菜式又唔一定得西餐或者日式Omakase，中式私房菜一樣有手工菜式，一樣考驗師傅功架～➖✨ 御膳.餐廳位於觀塘工業大廈內，開業13年，主打海鮮粵式私房菜，海鮮每天新鮮到貨，因應客人預算及人數安排菜式，包括粵菜小炒、生猛海鮮及山珍海味；店內裝潢簡潔明亮，環境乾淨整潔。➖🥢 滷水鵝肝鵝腎｜🆓 ✨生日優惠✨.鵝腎粉粉嫩嫩，質感滑嫩而軟腍，口感好軟綿；而鵝腎口感彈牙爽口又入味，鹵香醇厚，清香不死鹹。➖🥢 極黑豬叉燒｜$168／例 ✨招牌菜式✨.叉燒外皮呈紅黑色澤，肥瘦適中，外層微微焦香，焦脆燶邊口感十足；叉燒蜜汁味道濃厚，甜中帶鹹，必食推介！➖🥢 冬瓜果皮魚湯浸龍蝦｜$時價 ✨時令菜式✨.一整隻新鮮龍蝦，肉質結實彈牙又啖啖肉，加上鮮甜魚湯、韮黃、冬瓜絲、果皮絲，味道清香無腥味，清熱解暑。➖🥢 蒜蓉粉絲蒸大元貝｜$68／隻.簡單清蒸大扇貝，無多餘調味，加上蔥花及金銀蒜，鮮甜中帶少少蒜香入味，而且粉絲吸滿鮮甜湯汁，惹味滿分！➖🥢 白胡椒爆炒南非鮑魚｜$68／隻.鮑魚口感爽口彈牙，加入白胡椒秘製芡汁猛火爆炒，甜中帶點辛辣，味道突出又惹味。➖🥢 砂鍋醬香茅台炆嫩鴿｜$148／隻 .乳鴿先以生抽及醬油等醃製，上色均勻，再以砂鍋慢火炆焗，肉質鮮嫩緊致而且好入味，最後席前加入茅台料酒，味道更加香濃。➖🥢 上湯浸時菜｜$85／例.西蘭花口感清爽又無草青味，加入菇菌及紅蘿蔔，口感豐富又健康。➖🥢 蟹油銀芽炒麵｜$85／例.炒麵乾爽不油膩，而且色澤均勻，搭配清脆爽口銀芽，鑊氣十足！➖🥢 抹茶奶凍｜🆓.奶凍質感好滑溜，微甜口味加上清新抹茶香，好味又滿足！➖🥢 茶位｜$4／位.➖✖ 服務費｜Service Charge.全店沒有加一服務費。➖✖ 開瓶費｜Corkage.餐廳免開瓶費，歡迎自攜飲品。➖✖ 切餅費｜Cakeage餐廳免切餅費，歡迎自攜蛋糕。
繼續閱讀
🤍 觀塘「御膳」：13 年鑄就的私房菜在大多數人印象中，中菜或許形形色色，但要真正令人難忘卻並非易事。就我而言，以往對中菜的印象也不過爾爾。然而，觀塘這家屹立了 13 年的「御膳」，卻一舉躍升至我中菜返食排行榜的首幾位，今日便與大家分享這家本人私藏的私房菜館。.「御膳」主打粵菜、海鮮及山珍海味，從食材的新鮮度到菜式烹飪的火候，絕對引證如何在觀塘區屹立不倒13年.✨醬香茅台炆嫩鴿踏入店內，便見店員將茅台倒入砂鍋，那一瞬間，醇厚的醬香彌漫整個空間。待這道醬香茅茅台炆嫩鴿上桌，夾起鴿髀，便能看到其上色均勻，肥瘦相宜。放入口中，肉質鮮嫩，外皮香酥，淡淡的酒香更是為其增添了獨特的韻味。以往在外食用乳鴿，總擔心會有臊味，但在「御膳」完全不必有此顧慮，這道炆嫩鴿只餘濃香繚繞👍🏻.✨避風塘炒肉蟹大肉蟹🦀 竟提供多達 11 種烹煮手法如避風塘炒、即磨胡椒炒、臘味糯米蒸等，可見主廚技藝之精湛 我們選了最具地道風味 也是避風塘名物 結合香，辣，惹味 的避風塘炒肉蟹 上枱香味十足 蒜蔥辣椒 味道撲鼻而來 口感相當香口 蟹肉亦夠肥美 .✨蒜蓉粉絲蒸蟶子皇蒜蓉粉絲蒸蟶子皇是經典菜式，蟶子皇外觀驚人，與手掌相比毫不遜色。蒜蓉與粉絲的搭配，提鮮又惹味。夾起一塊放入口中，肉質富有咬勁，新鮮滋味在舌尖綻放👍🏻.✨流沙黃金蝦🍤對於流沙黃金蝦，本就頗為期待。上桌夾起一隻，咬下一口，蝦肉彈牙，鹹蛋黃的味道濃郁。以往吃這道菜，常覺得鹹蛋黃味蓋過蝦的鮮味，但「御膳」的這道流沙黃金蝦，卻完美平衡了鹹蛋黃的鹹香與蝦的鮮甜，令人食唔停👍🏻.✨蟹油銀芽炒麵🍝看似普通的蟹油銀芽炒麵，實則暗藏玄機。炒麵乾身不油膩，每一根麵條都均勻上色，可見廚師功力非凡，簡單的一道炒麵，也能做得如此美味。✨滷水鵝肝鵝腎另外值得一提的是，顧客生日時還可免費獲得一份滷水鵝肝鵝腎。鵝腎入口彈牙，而鵝肝則十分粉嫩，鹵香醇厚.✨極黑豬叉燒🐷叉燒入口十分juicy 肉汁與叉燒蜜汁🍯混和，醬汁味濃又不蓋過肉味 肉質腍軟，纖維細緻 加上焦脆燶邊 口感十足👍🏻
繼續閱讀
觀塘而家已經成為咗另一個商業中心，我個客最近嚟香港竟然簡體觀塘住！為咗佢就腳，即刻search吓觀塘有乜嘢可以招待佢，而呢間御膳就係我最近加入OpenRice可作應酬餐廳！話明係同客食飯嘅餐廳，服務梗係要好啦，服務員好似受過五星級酒店訓練咁樣，我哋又開會又不停傾偈佢哋好識得搵Timing上菜，而上菜嘅頻率啱啱好，枱面唔會太多亦唔會太少，呢個真係抵讚。另外同客食飯唔少得會開酒，佢唔收開瓶費，唔收切餅費，又係一大賣點。其實佢連加一都唔收。我真係覺得好amazing。➡️ 芝士龍蝦伊麵龍蝦斬件鮮甜又美味，芝士汁夾雜海鮮味，然後掛喺每條伊麵上。➡️ 冰鎮南非鮑魚好靚仔嘅鮑魚，彈牙、新鮮，帶微微酒香，冰感一流。➡️ 十八香炒大肉蟹 大肉蟹殼又厚肉都好厚，海鮮來說新鮮就是一百分！鮮甜走不掉，加上辛辣滋味，鑊氣十足。➡️ 蒜蓉粉絲蒸大元貝新鮮海鮮不用說，粉絲仲吸引。➡️ 脆皮炸子雞除、香、內軟多汁，一試難忘。➡️ 花膠響螺煲雞湯港式湯講求火候，用料十足，實在鮮味。➡️ 臘味糯米飯都好出色，乾身，煙韌。御膳▪︎香港▪︎觀塘敬運12樓🔥《只此一家》🔥訂座電話/whatApps :92228210免開瓶費/免切餅費/免加一🥂歡迎自攜飲品／酒類
繼續閱讀
同朋友慶祝生日，佢食過呢間功夫私房菜話幾正，一於試吓！職員知道我地慶祝生日，仲同我哋講有滷水鵝肝鵝腎送，唔洗生日正日都送，超正👍🏻呢度係有口碑既13年老店，主打日日新鮮到貨嘅海鮮，梗係要叫幾款試一試！ 叫左富貴金龍，用12両東星做，起肉做兩味，一個做吉列椒鹽，外脆內嫩; 另一個做流沙黃金，超級邪惡勁香口🤤魚肉超鮮甜！另外叫咗白胡椒爆炒南非鮑魚，呢個係猛火快炒，所以鮑魚唔會過熟，個胡椒仲係師傅自己磨，同普通胡椒粉唔同，香氣十足！蒜蓉粉絲蒸大元貝，呢個冇得輸，上面放咗炸蒜生蒜，元貝鮮甜、粉絲又索晒味💪🏻另外叫咗個主食，蟹油銀芽炒麵，唔好以為睇落似普通嘅炒麵，但係食落有蟹油嘅香，幾唔錯！脆皮玻璃乳鴿，侍應話呢個係功夫菜，因為要風干2日，上菜前再用油慢慢淋熟，真係要夠細心先做到👍🏻仲叫咗一個避風塘炒大肉蟹，肉蟹好大隻啖啖肉，舖滿乾蒜、辣椒！夠晒鑊氣、香氣滿載，肉蟹啖啖鮮甜，仲要有肉汁，真係超正🤤呢間餐廳真係放個心落去啲菜色度，服務又貼心！真係啱晒公司晚宴、壽宴慶祝、團體包場。而且免加一免切餅費免開瓶費👍🏻店家仲話歡迎帶任何飲品，今次仲有打卡活動送咗汽水😍📍御膳▪︎香港▪︎觀塘敬運12樓🔥《只此一家》🔥訂座電話/whatApps :92228210免開瓶費/免切餅費/免加一🥂歡迎自攜飲品／酒類
繼續閱讀
💕御膳💕提早慶祝父親節加爸爸生日飯😍一家五口決定試下食私房菜上網發現推薦御膳就openrice訂坐試下訂位已經送左個滷水小食店員提前會WhatsApp菜單可以先揀要咩餐等師傅可以預先準備食材店舖仲歡迎自攜酒水 蛋糕 壽包免加一 全餐價 另外如果系fb ig 分享同讚好仲有汽水送揀左個套餐 更改左一兩款菜式全餐都好滿意 菜式都好味 有心機同有心思👍#########################💙滷水鵝肝鵝腎💙出奇地好食 鵝肝香滑鵝腎爽脆唔會硬滷水味唔鹹 又夠入味好食 點咗自家製辣椒油仲香💙花膠響螺煲雞湯💙啖湯超級清甜 好香超級足料 係飲得出嗰啖心機💙黑豬叉燒💙叉燒食得多，黑毛豬叉燒未食過咬落去完全食得出係黑毛豬嘅甘香加上半肥瘦 燒到燶邊值得一食💙避風塘炒肉蟹💙肉蟹好大隻加避風塘炒好夠味炸蒜都好香口 新鮮滿意💙流沙黃金蝦💙蝦超級新鮮 完全係爽口配上蛋黃流沙 炸到脆卜卜完全可以連殻食👍推薦💙乳鴿💙熱辣辣 係用油淋嘅好香脆 夠晒入味完全係超有心機油淋脆乳鴿好味道😋💙士多啤梨骨💙好香嘅士多啤梨汁製成肉質嫩滑 好重味 系一道特別菜式💙御膳炒飯💙果然係招牌炒飯 粒粒分明超香 加上新鮮嘅海鮮 有蝦 帶子仔 牛肉粒加上吾會好多油 夠哂味道出色👍******************************總結各種美食都好好食 高質私房菜店員都會主動換碟收碟 仲會成日問有咩需要另外仲會送上甜品 有抹茶奶凍提提大家只係收現金五人消費$2000大家可以預先訂坐留位啦😍
繼續閱讀