得龍大飯店 (已搬遷) 新店位置

得龍，真係樣樣都好食吃過鮮腐竹雲腿浸魚肚，領略到何謂「鹹鮮」，真係有衝動去作番首詩歌頌金華火腿有幾好味。古法太爺雞，鮮味(不是味精是鮮雞)、肉嫩、皮脆、加上煙燻味，真係後悔唔一早來試。相比鳳城的炸子雞，由於得個脆皮好食(雞肉好淡)，我個人認為太爺雞的好味是炸子雞的雙倍，計埋價錢，就係三倍好味。焗鱔球，加上紅蔥頭，香味鮮味出晒黎！九味蝦球，不可不吃，蝦球又爽又好味！由於好多客，唔訂位都幾難有得食！40年字號，真係有料到！

昨天晚上六點幾個肚仔有D餓,所以就打暗號脾男友示意,佢都好醒目,話要帶我來這間得龍大飯店試下新野。事綠佢亞媽之前一日同幾個朋友來過,番去同亞仔講D燒鵝好鬼好食,又話好食過鏞記又一又七。因會長是新浦岡地膽,於是我男友便打電話脾會長問過虛實。會長話這間野的確非常歷史攸久,但因為以前是跟蓮香一樣有個痰壺係旁邊所以成十幾年都無去過了。昨晚七時正去到,等了大約十分鐘先有位都算OK啦,但男友期間走左去食煙剩得我一個人係度等。返來個陣,我話輪到我出去抖一抖個衰公又話唔得。所點菜色如下：1)燒鵝例俾2)金錢雞2件3)者者芥蘭4)咕嚕肉5)白飯X2燒鵝都幾好味但可惜凍左少少,如果係新鮮出爐我想會更力好但又未置於想像中甘出眾口羅！金錢雞我初初都唔知係Mud黎嫁,只係見到一件半透明的膏夾住D肉,男友淨係叫我放入口試下先講。我一放入口吃了一半便大叫「潤呀？」便把另外半件放低,後來我男友求我食埋佢我先脾面食埋個半件但真係好鬼肥。者者芥蘭間直唔掂,個煲同D菜分開上黎到你面前先放進煲內,初時見到人地食以為好掂,點知D菜又苦,者者又唔香(失敗)。最後到咕嚕肉,都算OK但我本人覺得唔似得D食評講得甘好味，都係一個字「肥

已經是第二次去(2005-06-29)，所以一早已經知道裝修殘舊但因味道不錯故此再次幫襯，今次味道依然很好但卻...............發現了"米奇"蹤影四處走動，其間"米妮"亦同時出現與"米奇"發生爭執打架......................本人一家女性亦在惶恐陰影下完成晚膳

每次黎得龍食飯都會好懷念以前既醉瓊樓、泉章居之類既老牌飯店，試過幾次旺角間泉章居，覺得簡直原全唔係個回事，食物渣，服務差，不過一樣排晒長龍，食評一樣咁多人讚，可能我次次都黑仔食唔到好野掛？雖然得龍都亦偶有失手，但總括上都係超值，同意下面食評所講太爺雞水準唔穩定，試過專誠帶朋友去食都失望而回，今次轉下口味叫半隻燒鵝，份量比想像中大得多，仲大隻過裕記個Ｄ，而且皮脆肉嫩，得龍竟然用乳豬醬去醃，你試過味？最重要係味道出奇地好喎！燒鱔拼脆奶味道一般，砵酒焗生蠔用沙井生蠔而唔係桶蠔，體形上當然係桶蠔啖啖肉佔優，但蠔味始終係沙井蠔略勝一籌，而且得龍先炒香洋蔥後焗，非常惹味，海蝦４蚊兩，最難得叫佢秤１０兩用蒜蓉開邊蒸都冇詐形，得龍就有呢樣好，做街坊生意，足秤又將就客人，咕嚕肉真係好鬼肥又好鬼好味，人多叫一碟,一人兩舊就幾好，人少就要留返下次call 齊兄弟多先叫囉！

父親節那天到了得龍,己定了杏汁白肺湯,濃郁的杏味徐徐的鑽入鼻子很不舒暢.完全真材實料,再來是八面玲瓏這個雞亦炸的不夠脆太座說寧要燒鵝.砵酒桶蠔很香的酒味但吃下去不叫人醉,隻隻肥厚汁鮮連干沖也全幹掉.虾干絲瓜不過不失,秘製通菜惹味非常.焗魚腸未及神燈.古老肉用上山楂叫絶拍案叫絕拍案,看罷七個餸乖乖不得了叫多個三鮮骨髓吧一樣清枱,合共要你530元,你重想點.. 題外話昨晚爸爸節,等位爭位的事是有的大家以和為貴何必動火呢,吃下去一肚火龍肉都無味了

就快做飯堂lor... ^__^附近有間日本野叫大盛有冇試過呢?

昨晚朋友生日，便和他們來這裡食晚飯。我們叫了古法太爺雞半隻- 沒有預訂，煙燻味好淡,好像沒有；好在還算鮮嫩，但感覺已沒有之前的好味。(如果預訂，唔知會唔會好d？)叉燒燒鵝例- 叉燒唔得，好韌，味道也一般；燒鵝，比想象中好，外皮好肥，肉質美味，比太爺雞還要好。蒜茸炒蕃薯苗- 蕃薯苗好新鮮，有一d很香的味道，但不知是什麼，但真係唔錯。海皇一品豆腐煲- 有少少辣，但味道比較一般。油浸荀- 好脆，味道也好，可以一試。籠仔糯米蟹飯- 很香荷葉和蟹味，雖然比較上油，但好味已完全控制了自已而不停食。當晚沒有叫一些太肥的食物，因朋友唔多接受。當晚比較平，可能係沒有多叫海鮮吧！

屋企人一向唔愛正日慶祝，縱使係正日生辰兼無人唔得閒情況下都硬要改日慶祝，令人難而理解。今晚就為媽媽補祝生日而黎得龍用膳。星期二晚巿明顯沒假日既人頭湧湧，雖然較人多時舒適，但店內大部份既冷氣機都有滴水，係時候搵人搞搞喇。由於每次叫兩老幫手諗都會弄至水火不容，今晚就又我同哥哥發辦。先上係燒鵝例牌($58)，少少既一碟燒得均勻相稱、令立立的油光滿面，就算無白飯既情況下都要啪一舊探探其虛實。不愧為鎮店之寶，鵝既調味調得恰到好處，燒鵝略肥但更添香口，實在係令人食不停口，跟家人三扒兩撥就幹掉了整碟。再來係今年食神大賽既入圍菜八面玲瓏($50)，即珍肝卷拼珍肝釀雞翼，珍肝卷外層炸脆，內裏則係切碎既珍肝，沾上汁，有點像客家菜既炸春卷；珍肝釀雞翼則係雞翼尖釀入原粒珍肝，啖啖肉味道不錯，整體而言味道不差但談唔上特色，試一次就算了。每次到得龍都會點其太爺雞，雖然水準並唔算穩定，但甚少失手，不過今次既可算係嚴重既失誤。太爺雞煙薰味一次比一次淡，今次既更接近無味，唔食皮者更會覺跟白切雞無異；由於薰得唔夠火候，連帶賣相都奇差，雞皮黃黃的，有臨時拉夫之嫌，今次之後對此味菜死心，決定下次叫半隻鵝代之。兩老欽點既栗米班

睇左openrice咁耐就心思思咁耐。終於搵埋個好此道的朋友一起食!都係跟openrice食友聚會叫的。咕嚕肉極之好味! 有人會覺得太肥, 但試問肉唔肥又點會好食?金錢雞真係呢, 此美食唔食點得! 肥肉唔漏(食果刻), 雞肝又鬆化甘香, 有薑果舊仲好食! 可惜佢神經刀, 時有時冇。太爺雞就…有少少失望。too salty! 而其他唔食肥野的朋友就話佢好滑。冬瓜盅好清, 緩和下d漏就好得。浸津白就真係十分之好味! 早知唔叫冬瓜盅都得! 綠豆沙好好味呀都!我地得4個人食, 都清曬場, 勁!記住, 眼闊肚窄, 食左2舊金錢雞係大大減低戰意的!

四月二十四日一行十一人到了,終於到了很想去的得龍, 雖然是新蒲崗地膽, 反從未去過. 剛去之先, 才打電話訂枱, 早了10分到達, 見人不多. 人還未齊. 預備點菜.點了:太爺雞~ 比想像中一般, 沒有嘗到茶味野雞卷(沒有, 很失望)金錢雞~ 沒有附加餅皮, 肥羔很肥, 味道麻麻腐乳抄通菜~ 沒有腐乳味蒜榕油密菜~ 好味枇杷豆腐~ 好味金蒜蒸蟹糯米飯~ 好味, 但略謙蟹太細皇帝蝦3隻~ 幾貴, $40一隻, 味道OK, 皇帝蝦不大, 其實不夠吃, 人多只能淺嘗南瓜芋頭煲~ 南瓜芋頭夠腍.咕嚕肉~ 無肉吃, 全肥羔椒鹽鮮魷豆腐~ OK, 新鮮熱辣, 菠蘿雪芭~ 最貴, 菠蘿很細, 雪芭OK, $60, 不太值壽包~ 免費(有人生日)紅豆莎~ 免費比較欣賞是枇杷豆腐, 金蒜蒸蟹糯米飯, 椒鹽鮮魷豆腐.其他食家評語推介反而有點失望.這間飯店沒有加一, 但收茶介.

早前約了朋友食飯,剛好想起沒有和他們去過這裡.問過沒有問題,便一行八人到這裡了.我們當然首先要叫古法太爺雞- 煙燻味好香,鮮嫩好有雞味,實在是不可多得的好食物;未食過的朋友,一定要試試!蜜餞金錢雞- 比較上肥,唔係個個人也會喜歡,但其實也是很不錯的食物.肥肉雖厚,但唔會un!迷你佛跳牆- 很鮮味,很甜.實在很少再有這麼好的燉湯水,也是值得一試的.麵醬唐生菜- 麵醬味好好,唐生菜也很新鮮.唔錯唔錯!鮮腐竹雲腿浸魚肚- 腐竹好味,魚肚也很彈牙.青淡而不油的一味.(食了這麼多肥膩的食物,再食這個,感覺特別好.)酥炸大生蠔- 其實都幾好,只是我對生蠔沒有多大興趣.籠仔糯米飯- 糯米飯用籠仔蒸,令到糯米飯唔會太干,還令香味更加濃,比想象中出色.皇帝蝦- 炸得好脆,口感唔錯,蝦肉彈牙爽口. 這真是一間幾好的食店,只可惜地點麻麻;如何不是,相信一定會更好生意.

經人手點算及核對送貨單後,盤菜內之所以料都齊全, 味道方面, 除左魷魚較韌之外,其他可說是水準之作, 特別係白切雞, 好有雞味, 肉質又嫩滑, 另一樣就係芋頭, 香濃荔芋又夠粉, 雖說係外賣, 坐完長途車入屋後賣相仍然冇嘜走樣,食完依餐好滿足, 不過美中不足o既係,原本叫o既係鮑魚盤菜,落單時巳經講清楚, 連價錢都確認左係$788 (當中包括$50新界區運費) 就算中途改送貨日期都提及過我地要o既係鮑魚一品盤菜, 但都唔明點解咁都攪錯, 所以服務一項要扣分。

太爺雞茶香夠味，但卻嫌蓋過雞味。糯米飯味夠香入味而不黏口。整體菜色不過不失，但個人卻覺得不如所想像般佳，也許是期望過高吧。

星期日,和辣椒女家人做節.因怕人多,最後決定買小菜回家食.我們想起這裡的太爺雞很好味,所以來這裡買幾個小菜.包括:1)古法太爺雞- 家人也說很好,好香煙燻味,鮮嫩多汁,好有雞味,正!2)鮮腐竹雲腿浸魚肚- 都唔錯的一味菜,但就普通d.3)乳香燒大鱔- 好脆,好香鱔味,送酒最好.可惜拿到回家,已經有點了.如不是,相信會更加好味.太爺雞堂食$130一隻,原來外賣要$150一隻,貴了$20 元.其它菜是辣椒女家人做的,不在此食店內.

連續病了兩天﹐工都冇返。那天早上已說了不來吃飯﹐但下午好像轉好了﹐便決定出席喇。原來由我家來也不算遠﹐落車後致電Ray﹐他說在途中﹐我便去了麥當奴買了一個熱朱古力。地點也不難找﹐就在大街中間﹐我以為是工業大廈的角落位。先上來的是佛跳牆﹐印象中好似從未吃過這味菜﹐用的是一個大的窄身瓶﹐看不到湯料﹐但湯味並不鮮甜﹐幾普通。跟住是招牌菜金錢雞﹐各人都叫未試過的先試﹐我夾了一塊﹐與蓮香樓的金錢雞一樣﹐一樣咁難食﹐好肥膩﹐又咬唔開﹐放左響碟邊。接著來的是太爺雞﹐我覺得好似油雞﹐不過比油雞好味D。最後的是盆菜﹐上來的確幾大推頭﹐滿滿的堆到成個山咁﹐賣相一流。至於味道﹐好一般囉。裡面的十幾種菜﹐我估我只吃了幾樣﹔貴的例如花膠、海參、茄汁蝦碌、蠔豉、扣肉﹐都冇吃過﹐燒鵝、切雞﹐食左幾舊﹐平的如雞腳筋、豬皮、蘿蔔、黃芽白、枝竹等等，見都未見過﹐因為要剿﹐幾難囉。最有印象和味道極佳的是雪糕﹐估不到中式酒樓都供應咁多款雪糕﹐有菠蘿、檸檬、三式、椰子﹐菠蘿用半個菠蘿盛住﹐檸檬就用一整個檸檬。我要了菠蘿﹐但不知原來最好味是三式﹐後尾都成功搶了Ray 的三式來吃﹗非常好味﹗