得龍大飯店 (已搬遷) 新店位置

之前聽其他食友講過這裡的叉燒不錯，趁是日要落新蒲崗搞點私事，就來試下。呢度果然係受歡迎，成三點鐘都坐到滿咁滯，幾犀利。叫了碗叉燒飯，當然要半肥比較穩陣一點。叉燒是另一小碟上，跟飯分開，幾認真。半肥叉夠晒肥，非常對口味。肥肉部份甘香豐腴，蜜味幾香又不過甜，再扒一口飯，是非常之滿足。可惜廋的部份韌了一點，看其窄身的，不是枚頭肉，係咁上下的了。所以這餐飯，是只吃肥肉及飯，是非常的不健康，但間唔中一餐，都無相干。埋單27蚊，有人招呼又有壺普洱飲下，相當之經濟抵食。