後街牛扒

營業中

休息中

早前已經幫襯過呢間餐廳五次 每次都好驚喜我主要係lunch hour過黎食 通常都要卜位 事關佢真係幾好生意講返食物方面先 午市套餐包左湯，沙律，主菜同餐飲之外 仲有每次都唔同既頭盤 每一款都係別出心裁既作品 例如牛油果多士 蛋黃醬明太子多士 炸海藻 等等 細食既女生未到主菜其實都飽左一半😛到主菜方面 我食過佢個霸皇別姫卷 芝士熔岩炸雞 fish and chips 每一樣都好大份 又唔膩 食牛扒既朋友千祈唔好漏左佢伴碟既小蒜蓉 完全係提升左去另一個境界🤣 仲有蟹肉意粉 肉醬意粉 意粉既份量望落正常 不過食落就會發現超級飽到左餐飲方面 大家可以考慮凍飲 因為佢凍飲都係大大杯超開心 呢個價錢包左咁多樣野 性價比勁高 最緊要係 佢真係每樣食物都好有水準😋

我自己2個月內黎過呢到食3次午餐, 個人黎講都好欣賞呢到既意粉. 之前都係大約1:30 - 2點黎諗住避開繁忙時間, 點知都係會有條小隊要排隊. 呢到午餐由88HKD到238HKD, 另加一服務費. 午餐跟有麵包多士, 餐湯, 另外可以加錢飲野, 不過佢野飲既份量都好大杯下, 加15HKD就普通正常野, 25HKD就特飲. 有樣野幾得意就係佢會同紫外光為你既餐具消毒, 唔得成效係點不過都令你安心既.I came here for lunch 3 times within 2 months and I really like the pasta there! (and that's the reason why I come again again and again)I usually came at around 1:30pm to 2pm avoid the peak hour but it still got a short queue outside the restaurant each time. The set lunch priced from 88HKD to 238

🐮朋友係牛扒控，為扒而黎，當然叫牛扒啦，兩份都叫咗5成熟•『美國Brandt Beef Prime荷斯登牛腰扒』$188牛扒表面乾身，入面juicy；肉質比較粗，牛味香濃，有𡁻口，唔痴牙 •『美國CHOICE安格斯菲力牛柳』$188如果比較鍾意嫩牛肉，非牛柳莫屬；同牛腰比，牛柳嘅牛味無咁重，無筋，好易咬•『台灣梅酒梳打』$55👦🏽店員拎上黎時，係一杯冰🧊+一杯梅酒🥂+一罐梳打水🥤，再喺你面前倒埋一齊，入面有幾多份量一目了然；哩款台灣梅酒，偏dry有少少甜，幾好飲•『沙律、蘑菇湯』跟餐好濃厚嘅蘑菇湯，想飲多啲，但份量唔多😭；🍅🥒🥬沙律好清新•跟扒嘅薯條🍟乾身，脆口，👍🏽 •【後記】➡️消毒手、量體温係基本；後街牛扒衛生程度高，會多做一步，枱同枱間隔嘅面積算足夠；放餐具上枱時，會再用⚡️消毒燈照10秒➡️⏱平日1330左右到，等30分鐘左右（5枱左右）；嗰日午餐人龍，要大概1430先消化完➡️💁🏽店員都好有善同幫手，見佢同唔少食客有傾有講，應該有唔少熟客➡️🖌少比較：「牛扒控朋友」認為後街牛扒嘅手扒比Top Blade 好食，比較juicy 同重牛香；而薯條就Top Blade勝（只供參考👷🏽‍♀️）

今次應該是搬舖之後第一次幫襯～感覺同舊舖唔同咗，店員服務更加周到，幫我們量體溫之餘，入座之後又幫我們消毒餐具，又附上信封暫存口罩。餐牌上好多選擇，上一次試咗扒，今次就同同事試吓其他！每份午餐都會跟一客沙律、餐湯、前菜同主菜，我們選了PROMOTION DRINK ($20)。先講主菜啦，我哋揀咗「蘇格蘭公爵蟹肉扁意粉」同「惡魔溶岩炸雞配薯條」～*惡魔溶岩炸雞配薯條* ($88)上次嚟見到人食呢個就覺得好吸引，所以今次就試下！又炸雞🍗又芝士又薯條🍟，真係非常邪惡！熱溶芝士好多，炸雞同薯條熱辣辣，見到已經流晒口水！menu上寫炸雞有牛肉，原來係淋咗牛肉肉醬，所以食起黎唔只有芝士味，仲有牛肉味～味道有層次！而薯條🍟係粗身嘅，有口感，外脆內軟～好滿足！炸雞同薯條份量多，一個人食根本食唔晒！*蘇格蘭公爵蟹肉扁意粉🍝🍝* ($88)平時我好少食蟹，因為我懶得剝殼。但當見到呢碟意粉上桌時，我就好想食！你睇，佢啲蟹肉勁多，啲意粉🍝好似「蟹肉纏身」一樣，滿佈整碟，令人兩眼發光！你睇下，夾起嚟每一條意粉都被一絲絲蟹肉同忌廉汁包圍住，想飛甩都難XDD由此可見，意粉同汁配合得相當好，令到捲起扁意粉嘅時候，蟹肉

抵食又好味既牛扒同男朋友慶祝 之前朋友介紹話好食 一齊食過覺得真係好抵食就帶男朋友過黎 佢地既前菜有蘑菇湯 法包片 粟米片配牛油果牛肉醬 同沙律 非常之豐富 淨係食前菜都已經大滿足 個牛扒亦煮岩岩好 好juicy 好入味 食完所有嘢真係飽到上心口 絕對岩曬大食既你！

【黃店💛】​🉑：外賣自取 ​⭐評分: 8.5/10 ​———————————————​呢間嘅裝修好正，大家記得幫襯埋個廁所🙂 午市同下午茶仲要超抵食！個餐牌太吸引，又想試牛扒、又想試個蟹意粉，最後兩樣都叫哂，再加多個三文魚意粉😂​——————————————————
​▪️ 午餐：蘇格蘭公爵蟹肉意粉 $88 ​ (5折: $44)​▪️ 午餐：美國荷斯登短骨牛肋眼 ​ $238 (5折: $119)​▪️ 下午茶：刁草煙三文魚忌廉意粉$48 (5折: $24)​▪️ 任飲檸茶 :$50​​2點半去到都要等位，勁受歡迎！我哋用e字頭app訂位有半價，不過飲品就收翻正價，同埋要跟翻walkin客等位，所以計翻有機會同午市/下午茶優惠價差唔多價錢，大家可以衡量下～​​蟹肉意粉非常足料，一擺低已經見到蟹肉好似山泥傾瀉咁堆係意粉小山上面，捲起扁意粉，極為掛汁， 蟹肉忌廉汁黏附係每條意粉上，扁意粉煮得剛好有咬口，即咬落會感受到意粉嘅厚度。蟹肉撈蟹膏真係極級香濃啊痴線！仲食到一梳梳蟹肉，大家嚟就算唔食牛扒都一定要食呢個，唔食你會好後悔 ​​煙三文魚意粉餐下午茶價48，半價後24😅真係平到嘔血(所以先唔好意思

早前來到餐廳慶祝生日，覺得餐廳好有人情味😜也看得出非常關注客人的感受和意見，用餐時也看到熟客和老闆員工好像朋友咁相處， 氣氛好warm， 下次都會再來過😚👉🏻 美國Brandt Beef Prime 荷斯登牛腰扒配薯條朋友叫左一成熟， 但真的好吃😂 外面輕輕烤過， 里面牛腰扒軟淋有肉汁， 非常好吃😋👉🏻 煙三文魚卡邦尼扁意粉餐廳的卡邦尼意粉🍝不像外面餐廳用煙肉， 而是用手意大利熟成豬面肉提升意粉的香味🐖 但會令意粉有少少苦澀味，如果接受不了就最好先問一問餐廳先😉👉🏻 鹹蛋黃炸雞中翼 鹹蛋黄控超級推介👍👍👍外皮有超濃鹹蛋黄味之餘裡面保留超多肉汁，雞翼肉質嫩滑😍👉🏻 梅酒梳打&綠野仙蹤綠野仙蹤係由羽衣甘藍、香蕉等製成， 會有草青味， 感覺非常健康😂🙈 而梅酒的品質幾好， 不會澀口🙆🏻‍♀️

作為一個專業吃貨應該時刻對吃保持一顆熾熱的心💓 話說有朝突然想食牛扒🥩，同事就推介左呢間黃店扒房就拿拿臨係openrice上訂檯同幾位同事去開心据🍽.寫呢篇食評前都幫襯左呢間扒房兩次，一次据扒而另一次就食意粉🍝以同區西式餐廳黎講，呢度既午餐最平$88 (未連加一)就有交易算係合理價格，最貴既餐就$238 (未連加一)。正所謂豐儉由人，食咩價位就視乎閣下想唔想lunch食豪d啦🤣⚠️留意返既係餐廳有規定每位入座客人都要叫一份午餐，所以share一份午餐係唔可能架🚫.每份午餐都會跟一客沙律、餐湯、前菜同主菜******************************🥢沙律🥗凱撒沙律上桌時已經預拌左沙律醬，沙律菜食落好脆身，夠晒新鮮🥬 上面有麵包粒🥖、煙肉碎🥓同巴馬臣芝士碎🧀，正正常常基本野-🥢餐湯🥣飲過兩款，甘筍湯🥕又甜又creamy，女生們都飲到lam lam脷👅至於蘑菇湯飲落香濃，扒房無將蘑菇攪拌到好碎，仍然保留蘑菇既微顆粒感，飲起黎口感豐富，兩款餐湯各有特色🤗 -🥢前菜🥜兩次幫襯既前菜其實係一樣既菜式，只係擺盤上有d唔同主角牛肉他他食落既口感有d似吞拿魚刺身，筋肉感比較重要咬耐少少，加

【黃店推介 - 後街牛扒@灣仔🐮🐔】🐷🐷💭今日我地又出動啦!! 今次嚟到灣仔据扒午餐, 店內外又有一大堆文宣, 價錢中上, Set Lunch 百幾蚊, 有湯有前菜有沙律, 嘢飲可以跟餐價優惠!🐷🐷💬1️⃣ 美國PRIME安格斯厚切牛小排配薯條 ($158)餐湯係磨菇湯, 好杰身。前菜幾特別, 有乾果、麵包同埋脆羽衣甘藍, 幾fresh!! 沙律係凱撒沙律, 食完前菜已經3成飽! 🤣 主菜牛牛幾大份, 唔多筋, 非常多肉汁!! 店員建議7成熟, 果然岩岩好, 仲有大量我地🐷最鍾意嘅薯條!!❤️🍟 超飽!!🐷🐷💬2️⃣ 法式霸王別雞卷 ($88) 呢個必點推介, 而且係限量供應!又平又好食!! 唔好以為四舊節瓜, 其實係雞卷, 而且好大舊好飽!! 入面包住左啲菠菜一齊食，好健康！

本來係為左支持少有黃扒店先黎，知多人都早兩星期book，book左7:30, 然後比book嘅時間早五分到黎到。係大熱天時等左10分鐘過左book嘅時間問一問，職員話客人就食完再等一等。流晒汗咁等多10分鐘，一共20分鐘。見佢清左兩張吉枱都吾比入，再問，話客人就飲完野，再等一等。等多15分鐘，一共35分鐘，7:25等到8:00，好嬲咁叫負責人，就只係話客人食完吾肯走，都冇辦法，對吾住。大佬！咁我book位黎做咩？客人吾肯走你吾同佢講？覺得要人book完再等多過半個鐘合理？最後食都吾食走左。政見重要，但對餐飯業服務更重要。吾合理嘅再黃都吾會再支持。希望餐廳自己會反思下。

首先蔬菜方面， 有烤秋葵同埋烤車厘子， 焗爐烤完出嚟嘅味道口感，就係外面好香脆， 但入面依然保持住啲汁， 唔會話太乾。 嗰塊牛扒 厚切， 入面嘅肉質係粉紅色， 唔會太生， 但依然保留到牛肉嘅味道同口感。 分量方面就比較少， 不過少食多滋味。 大家可以去試下

係開灣仔活動嘅朋友應該對呢間餐廳完全唔會陌生，出左名大件又好食，但缺點就係甚少接受walk-in客!小編今次特別提早一個星期係openrice訂定枱，仲早上特登留定肚挑戰下邪惡溶岩大佬地點：絕到唔會容易發現到佢嘅存在，因為佢係一條都幾靜嘅後街入面，建議預先睇定路線點去環境：舖頭唔算好大，佈置除左走簡約時代風之外，仲係走絕對黃色同本土風！成店都係文宣同埋長期loop住榮光，而且餐牌都會講出邊啲食材係黎自黃色供應商，食物質素：今次呢個叫左兩個午市套餐，有餐湯+沙津+餐前小食+主菜，話曬係黎打大佬，就當然係叫左最出名嘅兩道菜式啦！是日餐湯係一個南瓜忌廉湯，飲得出呢個湯係好真材實料，南瓜口感充足，加上厚厚嘅忌廉，令到成個湯好creamy同埋好實在嘅感覺！而田園沙津則屬清新之選，生菜極之清新，味道鮮甜，再輕輕加上煙肉乾同埋芝士粉調味，為進入主菜嘅部份打好基礎！緊隨其後就係前菜小食，今日係一個自家製果乾、牛油果醬多士配炸羽衣甘藍，三樣食物本人最鍾意佢個炸羽衣甘藍，入口感覺有啲似紫菜，極之爽脆！廚師特意加左小小鹽去吊味，令到本身無乜味嘅菜味道提升左十倍乾果係自家製的，所以唔會有出面食嘅咁乾脆，但味道

🥢簡介後街牛扒雖然裝潢較為簡單，但食物質素及擺盤精緻度不輸其他餐廳，而且服務十分好，職員會向客人派發信封保存口罩，亦會以紫外光燈消毒餐具，下雨時更會協助顧客放置及取回雨傘。整體而言，餐廳價錢相宜，用料十足，性價比十分高。🌟特色- 平民價錢扒房👍🏻必試- 美國Prime安格斯厚切牛小排：由於是午市套餐，所以贈送了沙律、磨菇湯和前菜。牛排接照餐廳推薦選了7成熟，肉質鮮嫩，但由於脂肪部分較多，因此容易有油膩感；伴碟薯條不過不失，但就份量而言，亦是超值之選。💰價錢- 約每人170港幣🎖評分- 4/5💫請follow Instagram ar_roan以獲得更多美食資訊

lunchtime book定位嚟食依間牛扒黃店好得意，牆上面嘅公仔都有戴口罩lunch set除咗牛扒仲有雞啊炸魚啊意粉依啲選擇不過既然嚟到牛扒店，當然要揀食扒啦依兩款嘅description都寫到好勁咁咁就揀依兩款啦每個set仲有湯、沙律同麵包一啲都唔馬虎Caesar Salad個調味好正另外個湯都好濃郁至於個包就一般般啦期待已久嘅扒牛腰扒(Medium rare) $188「肉味、油香濃厚、肉質嫩滑」(餐牌寫)真係好有油香不過肉味就無想像中咁濃郁短骨牛肋眼 (Medium well) $238「油脂分佈均勻、肉質柔軟甘香、四重肉香」(餐牌寫)無諗過medium well都可以咁juicy面頭燒得好香肉質結實得嚟有咬口又唔會硬依塊真係高汁嘢飲揀咗黑魔后同白雪公主即係可樂/雪碧，然後加雪糕好大杯😂😂😂飲晒佢都真係唔容易😂仲嗌咗個外賣比同事：法式霸王別雞卷 $88聞落超級香成餐好豐盛好滿足絕對值得再嚟

男朋友神神秘秘咁book咗餐廳同我食生日飯🥳 由於週末餐廳實在太旺場喇, Book咗枱都仲要等多一陣, 加上我哋又早左到, 不過唔緊要啦, 最緊要啲嘢好食~ 😋入到去見到全場坐滿人, 隔離枱嘅仲要係10幾人嘅熱鬧聚餐, 氣氛非常好~揸車所以唔飲得酒, 叫咗支冇酒精嘅蘋果味 sparkling water 😙隨main course 送餐湯同小食, 餐湯係南瓜湯, 味道都OK 😄小食係麵包配牛油果醬, 牛肉他他, 炸羽衣甘藍, 仲有薄脆片, 個味道都幾清新! 頭盤係煙三文魚沙律, 味道正常~ 主菜係火魔法鐵板紐西蘭肉眼扒, 配薯條, 16安士 😱, 芝士汁.... 極度邪惡! 🤤 16安士嘅牛扒都有啲嚇人, 不過男朋友想挑戰... 肉質唔錯, 唔適宜叫得太熟因為放喺鐵板上會再煮熟一d, 芝士汁冇想像中咁膩, 粗薯條係我嘅最愛~ 最後仲叫咗個法式牛肝菌汁野菌扁意粉, 我最愛嘅意粉!! 夠多汁, 個汁都夠濃又creamy! 但我地眼闊肚窄, 叫太多嘢, 連為食男友都頂唔住食唔晒個意粉要打包~ 最後上嘅當然係甜品, 男朋友喺出邊帶咗個蛋糕入嚟 唔係呢間餐廳嘅出品所以我唔放相上嚟啦, 不過待