影片
更多
2020-07-24
894 瀏覽
作為一個專業吃貨應該時刻對吃保持一顆熾熱的心💓 話說有朝突然想食牛扒🥩，同事就推介左呢間黃店扒房就拿拿臨係openrice上訂檯同幾位同事去開心据🍽.寫呢篇食評前都幫襯左呢間扒房兩次，一次据扒而另一次就食意粉🍝以同區西式餐廳黎講，呢度既午餐最平$88 (未連加一)就有交易算係合理價格，最貴既餐就$238 (未連加一)。正所謂豐儉由人，食咩價位就視乎閣下想唔想lunch食豪d啦🤣⚠️留意返既係餐廳有規定每位入座客人都要叫一份午餐，所以share一份午餐係唔可能架🚫.每份午餐都會跟一客沙律、餐湯、前菜同主菜******************************🥢沙律🥗凱撒沙律上桌時已經預拌左沙律醬，沙律菜食落好脆身，夠晒新鮮🥬 上面有麵包粒🥖、煙肉碎🥓同巴馬臣芝士碎🧀，正正常常基本野-🥢餐湯🥣飲過兩款，甘筍湯🥕又甜又creamy，女生們都飲到lam lam脷👅至於蘑菇湯飲落香濃，扒房無將蘑菇攪拌到好碎，仍然保留蘑菇既微顆粒感，飲起黎口感豐富，兩款餐湯各有特色🤗 -🥢前菜🥜兩次幫襯既前菜其實係一樣既菜式，只係擺盤上有d唔同主角牛肉他他食落既口感有d似吞拿魚刺身，筋肉感比較重要咬耐少少，加
作為一個專業吃貨應該時刻對吃保持一顆熾熱的心💓 話說有朝突然想食牛扒🥩，同事就推介左呢間黃店扒房就拿拿臨係openrice上訂檯同幾位同事去開心据🍽
.
寫呢篇食評前都幫襯左呢間扒房兩次，一次据扒而另一次就食意粉🍝
以同區西式餐廳黎講，呢度既午餐最平$88 (未連加一)就有交易算係合理價格，最貴既餐就$238 (未連加一)。正所謂豐儉由人，食咩價位就視乎閣下想唔想lunch食豪d啦🤣
⚠️留意返既係餐廳有規定每位入座客人都要叫一份午餐，所以share一份午餐係唔可能架🚫
.
每份午餐都會跟一客沙律、餐湯、前菜同主菜
******************************
🥢沙律🥗
凱撒沙律上桌時已經預拌左沙律醬，沙律菜食落好脆身，夠晒新鮮🥬 上面有麵包粒🥖、煙肉碎🥓同巴馬臣芝士碎🧀，正正常常基本野
-
🥢餐湯🥣
飲過兩款，甘筍湯🥕又甜又creamy，女生們都飲到lam lam脷👅
至於蘑菇湯飲落香濃，扒房無將蘑菇攪拌到好碎，仍然保留蘑菇既微顆粒感，飲起黎口感豐富，兩款餐湯各有特色🤗
-
🥢前菜🥜
兩次幫襯既前菜其實係一樣既菜式，只係擺盤上有d唔同
主角牛肉他他食落既口感有d似吞拿魚刺身，筋肉感比較重要咬耐少少，加埋牛油果醬鋪係法包上面一齊食好滿足🥰
伴碟既仲有自家製烤羽衣甘藍，扒房落左鹽同油去烤，食起黎脆卜卜有d似紫菜，不過就油左少少
-
✨美國IBP PRIME 安格斯牛肩扒🥩 14oz 配薯條🍟 ($138)
當時決定點呢款扒係因為其他幾款得8oz驚會唔夠喉，而呢款成14oz就滿足到食肉獸既胃口啦🤣
點左要medium rare，扒房拿捏得剛好，牛扒外層剛剛熟，食落帶有豐富油脂香氣；中間部分食落頗有肉味，肉質比起同事塊肉眼扒更為juicy😋
遺憾既係呢款牛扒隔左半個月再去時已經無左，希望扒房可以加返佢上menu啦🥺
至於薯條🍟個人認為口感偏淋身炸得唔夠香脆，最後亦因為塊扒既份量太多無清晒
-
✨蘇格蘭公爵蟹肉扁意粉🦀🍝 ($88)
上桌時見到碟意粉滿滿都係好creamy既蟹肉已經眼前一亮👀 蟹肉份量相當多，味道食落一啲都唔覺得腥同咸，反而好有蟹肉既鮮味，同平時出面食開既好唔同😋
每一啖意粉都掛住一絲絲蟹肉+忌廉汁十分惹味🤤 (打到呢度諗起又想食🙈) ，食晒成碟意粉居然唔會有飽到好膩濟既感覺
******************************
👧🏻人均消費：$97–$210
👍🏻味道指數：3.5/5
👍🏻抵食指數：3/5
👍🏻環境指數：3.5/5
👍🏻再訪指數：4/5
-
📍 後街牛扒
地址：灣仔交加里7號永成大廈地下A舖
⏰營業時間：12:00–15:30；18:00–23:00 (Mon–Tue；Thu–Sun)；
🅞🅕🅕 (Wed)
張貼
