彩aya

營業中

休息中

位於西環石塘咀的小巷，沾麵店 彩aya 每日新鮮製作麵條，提供小麥麵、黑胡椒麵，以及每日特別推介的麵條口味。今次挑選當日限定的伯爵茶麵，清幽茶香，吃起來有著蕎麥麵般的舒適感。配上蝦味噌湯，濃郁的湯底與蝦味香氣，兩者剛剛好的平衡，吃畢不會過膩，只有滿足。The specialty shrimp miso soup tsukemen of aya is a blend of rich tonkotsu broth, shrimp miso which is full of umami, and the unique flavour of today’s special earl grey noodles.

呢間沾麵小店2年前同朋友機緣巧合下食過印象都幾深刻因為個湯頭好香濃媽咪今日收工嘅時候突然間同我講想食沾麵我即刻諗起呢一間佢每一期都會有啲限定唔同味道嘅麵今期撞正我最鍾意嘅伯爵茶😍同屋企人食飯我影唔切🤭但係原味豚骨湯，黑蒜油湯，蝦味噌湯每款都叫咗一個味道都係咁正😍面底都係小麥，黑胡椒，伯爵茶各一（但係伯爵茶麵如果加咗落湯其實個味道係唔明顯，如果單食伯爵茶麵係非常之香濃）同埋有一樣嘢好重要如果係普通食量的話千祈唔好加麵因為本身佢Regular都已經係好足料🤭

咁啱睇Hill Cheung 介紹食彩Aya 嘅沾麵，但係其實西環有兩間🥹，小編就去左賣拉麵呢間，斜對面先係賣沾麵🙏🏻(據聞兩間係合作夥伴)。$86 特濃雞白湯雞叉燒拉麵個雞叉燒好嫩，口感反而同湯底冇咁夾，同叉燒應該夾好多，湯底好濃郁好Creamy真係好似Menu所形容咁，有滿滿嘅骨膠原🫶🏻差唔多比得上座銀嘅質素🙏🏻(座銀湯底清少少)，小麥拉麵軟硬程度都恰到好處，亦都好掛到湯汁，配料如糖心蛋、冬菇都好入味同雞白湯相輔相成🥹🫶🏻唯二美中不足係個拉麵冇筍🥹🥹🥹🥹🥹食拉麵冇筍食真係好慘好唔開心🥹🥹🥹🥹🥹 (麵仲有柚子麵揀，但小編第一次食呢間都係食小麥麵好了🙏🏻) $18 炸蠔炸蠔正正常常🥹係日本急凍炸蠔再炸起嘅賣相：⭐⭐⭐⭐味道：⭐⭐⭐⭐(粒半)CP值：⭐⭐⭐⭐以$86 喺香港食到雞白湯嚟講真係好抵食🥹🙏🏻同埋店家有個小心思係會將個碗放入微波爐叮一叮先放湯放配料，目的係保持湯底溫度夠熱🫶🏻🥹

之前得沾麵，但最近西環嗰間舖斜對面開咗雞白湯拉麵，作為雞白湯愛好者，決定一試佢主要有兩款拉麵，一個係雞叉燒雞白湯拉麵，另一款係團叉燒雞白湯拉麵，兩款都好好食.佢個湯底非常濃郁creamy，雞味都好香，雞叉燒口感滑嫩，面底軟硬度適中，令人食到停唔到口😋😋😋佢有得揀柚子味拉麵，會喺碗邊提供胡椒味柚子醬，沾面食法，食晒仲有得添加醬料👍🏻.食過好多唔同嘅拉麵，呢間未必係香港最好食嘅雞湯拉麵，未必好似座銀咁高質，但佢湯底、overall表現都好高質，性價比非常高，每碗只係around $85，重點係唔使點排隊，又坐得舒服👍🏻👍🏻.所以我會覺得佢係香港世一雞白湯拉麵😆

自從從日本回來後 就一直對雞白湯🍜很有興趣😆這次特地帶也很愛雞湯的姑媽一起來吃～可是剛好來到的時候 只剩下雞白湯豚叉拉麵🍜雞叉燒剛好賣完了～雞白湯真的很濃郁～小麥麵也很Q彈很好吃～溏心蛋也很濃郁creamy🥰不過整體吃到尾有點偏鹹～吃完要喝多點水😆

唔係唔好食，不過有個致命傷加小缺點。特色沾麵個麵底係自己打，見到店頭間咗個位被俾佢打麵嘅，而麵有三款口味，今次試過黑椒味，即係混咗黑椒入麵底，出到嚟係未試過嘅。不過麵粗身而且偏硬，食起上嚟唔算好好口感。致命傷沾麵重點係湯要夠熱，因為當一浸啲凍麵落去，個湯就會迅速降溫，間間做沾麵嘅店都要用唔同方法保住溫度，當然都有好多店係由佢冷卻，呢間係其中一間。不過，叫得致命傷就冇咁簡單，佢地個湯係連第一啖都唔夠熱，接下來已經係完全唔使講，就係等佢慢慢變凍。小缺點個樓面職員都幾串，係個老人家黎，店內當時入座率只有五成，我嗌麵個時唔知道可以揀唔同口味嘅麵，佢講咗我知有三個口味，我問佢有冇推介，佢燥燥地好大聲咁重新讀多次三個口味，言下之意即係叫你快啲揀，觀感都有啲無禮貌。最後，提提大家，食完沾麵記得叫佢加湯，你可以飲埋個湯先走。

HKU MTR附近小巷人氣沾麵小店，地點非常不起眼，不特意找也不會留意到，但Weekend Tea Time時段走到附近也看到小小人龍。小店由日本人師傅起家，裝修走簡單日式小店風格，門口可看到師傅在以自家製麵機預備製麵的過程，好專業又有家庭式溫馨的感覺。Menu選擇不多，但稱得上拉麵關注組高人氣之選，確實都在質素之上。沾麵有分Original並盛200g、大盛300g +$15及特盛400g +$25，看到鄰座客人也可以中途添加沾麵湯。座位不多，但吃麵時間不長，等候時間也可以接受。原味豚骨湯沾麵 | 伯爵茶麵 | 並盛200g $83黑蒜油湯沾麵 | 小麥麵 | 並盛200g $88店內介紹，豬骨湯底每日新鮮熬製，搭配湯底的醬油也是採用從日本嚴選的數類醬油和味噌所混合而成，整體味道濃郁，又有鰹魚汁的香味，不會死鹹，吃完也不會口渴。黑蒜油湯以原味豬骨湯配上黑蒜油和炸蒜，湯底呈深色，蒜味特濃。唯一美中不足的就是沒有用熱鍋盛湯，所以沾麵湯的熱度稍嫌不足。沾麵粗身，麵質有嚼勁，掛湯能力高。是日Special麵為伯爵茶麵，對於這個新鮮創意口味頗為受落，伯爵茶味道淡淡的，不會太Over！需要熱麵的

講起沾麵我都會諗起彩aya ，由日籍師傅主理，最大特色係定期推出創新口味嘅麵，有啲你真係完全估佢唔到!!!連伯爵茶味都出過🤣每次去都好期待有咩新口味！—— 豚骨湯叉燒沾麵 $103湯底同叉燒都用左西班牙嘅放遊豬隻，湯底濃郁，帶有醬油同鰹魚汁嘅香味；今次揀左黑胡椒麵，食得好過癮，每啖都食到啲辣勁但好快就過左，再食多啖麵又會有新嘅刺激感，麵條有嚼勁，好有口感，絕對係配上沾麵嘅最佳麵條。配埋隻流心溏心蛋perfect👍🏻

📌HKU站附近隱世小巷沾麵🍜💛香港大學站附近一個小巷裡面一直有一間受港大學生歡迎嘅沾麵店🍜最近陣間開埋拉麵店😍今次就試佢地嘅沾麵😚佢哋嘅沾麵麵條係自家製嘅😍其中一個特色就係沾麵麵條更加會有唔同嘅口味除咗普通小麥味 更有黑椒味 柚子味 紫菜味等等今次試到佢地較特別嘅伯爵茶味 比較新奇😆🍴蝦味噌湯 配 伯爵茶口味沾麵 ($93)首先沾麵湯底溫度好夠熱🔥放麵條入去嘅溫度啱啱好😉蝦味噌湯湯底非常濃厚 餐廳每日用新鮮蝦頭同蝦肉熬製 再配上來自北海道嘅蝦油 令湯底飲落更香濃🤤今次比較特別就係試伯爵茶味麵條 睇下佢伏唔伏🤫食落去有淡淡嘅茶葉味 唔會話過濃 亦唔係甜味 食落去幾得意😋再配埋蝦味湯底 幾好食👍🏻雖然因為蝦味湯底較濃味 中間唔會好食到好多伯爵茶味 但麵條口味係幾得意 可以一試😝餐廳係由一位日本老闆經營 見到老闆會毫無架子一齊同員工一齊送上沾麵時 即使客人唔識講日文 都會敬業樂業地介紹沾麵👍🏻餐廳除咗蝦味噌湯湯底 更有豚骨湯底同埋黑蒜油湯底 小妹試過都覺得唔錯 大家可以試下💯不過提提大家食午餐的話要早啲去排隊 因為好多人㗎😆🍽️ 食物：🌕🌕🌕🌕🌑🥂 飲品：NA👩🏻‍🍳 環境：🌕🌕🌕🌑🌑💯CP值

彩嘅沾麵就食左好多次啦，見佢出左雞白湯，今次專登黎試下，果然冇令我地失望😋充滿骨膠湯嘅雞湯每一啖都有濃郁香氣，口味清爽，飲曬d湯都唔會口渴！我地一個食豚叉燒拉麵，一個叫雞叉燒，兩樣都試下。雞叉燒特別有驚喜，唔肥又好滑！口感似食緊煙鴨胸咁😂 雞叉燒拉麵入面係有一隻好入味嘅冬菇😋like 社交平台就有冰凍梳打水送。天氣咁熱，我地梗係即刻like左啦！ 隻蛋真係好治癒🥹出色又有起泡嘅湯底😋😋服務好，好nice又好有禮貌。不過可能understaff又咁岩lunch time, 今次上菜比較耐。今次冇叫小食，留番下次試下！🐷🐤

🐷原味豚骨湯 $83拉麵揀作伯爵茶面😍😲，聼落已經好特別🧐食落去有一陣清新嘅感覺，中和拉麵嘅油膩感😃麵條粗身，咬落口偏硬🙆🏻‍♀️，有嚼勁，唔會太淋👍🏻個人比較鍾意硬身嘅面，哩個有加分😛🤤麵條夠挂汁☺，豚骨堂都幾濃鬱，有一陣豬肉濃湯味🐷配料仲有叉燒同竹筍同一塊紫菜😮😗叉燒都幾淋，好淋好入味😋🥰分量都夠一個人食💁🏻‍♀️，佢地d面嘅分量都幾多，食到好飽飽🙌🏻👌🏻評分：❣️❣️❣️❣️

今日我要同大家分享一個位於西環屈地街地下金陵大廈16號嘅沾麵天堂——「彩」！呢度嘅招牌菜係つけ麵，配上唔同嘅湯底，和自己揀選嘅麵，令人垂涎三尺！今次試咗「彩」嘅富士葱つけ麵同黑蒜油湯つけ麵！富士葱つけ麵嘅湯底鮮甜香濃，有濃厚嘅醬油味同富士蔥嘅香氣，令人嘴巴直流口水。黑蒜油湯つけ麵嘅湯底濃郁濕潤，蒜香勁濃，每啖湯都充滿整個口腔，令人回味無窮。喺「彩」雖然好細，但用餐環境亦都非常舒適，裝潢簡約而溫馨。員工服務態度親切有禮，令人感到賓至如歸。總括而言，「彩」係一個絕對值得一試嘅餐廳。#彩 #富士葱つけ麵 #黑蒜油湯つけ麵 #小麥麵 #紫菜麵 #西環美食 #屈地街地下金陵大廈

今次來到西環沾麵店，試下呢度嘅自家製既拉麵。我哋六點來到，不用排隊。拉麵有三款可以揀，小麥麵、黑胡椒麵同今日special 紫菜麵，我哋都揀咗要小麥麵。蝦味噌湯沾麵 - 小麥麵上枱時已經聞到好香蝦味，湯底蝦味濃郁，小麥麵有小麥香，煙韌好有咬口，小麥麵沾上蝦湯食，麵都幾掛湯，每啖麵食到香濃的蝦湯味。富士蔥原味豚骨湯沾麵 - 小麥麵豚骨湯底香濃而不膩，加了多蔥豚骨湯沾上小麥麵食，味道好夾。沾麵湯配料有糖心蛋同叉燒，叉燒好淋及入味這裏的沾麵味道不錯，值得一試

💨💨劣食！！⚡️⚡️話說朋友仔介紹西環有間沾麵小店裝修氣氛唔錯，最大賣點係設有+自家製麵機，做出黎既拉麵並非一般小店可媲美。可惜！晚上20:30入到店，見到只得1枱食客，異常清幽都唔緊要，因為大肚餓既關係，坐低用左10秒就鎖定左晚飯目標：原味豚骨湯沾麵（加底）🫣可能因為寧舍靜既環境，本身諗住好好欣賞日式拉麵小店既設計同放空一下。突然有幾聲「嘟嘟嘟嘟」刺激左我既思緒！！🥶🥶抬頭一望：唔係掛!? 微波爐！？心諗，呢個moment得我一張單點解要用微波爐呢？望左20秒之後見到出爐既竟然係我沾麵既湯底😱😱😱 我到底期待緊啲咩？「完」湯底。普通麵底。（黑胡椒麵）真心彈牙有蛋味，可惜凍上。糖沁蛋。好食豚肉。太老P.S. 碗沾麵食唔夠4分鐘已經變左冷麵。🧊🧊🤦🏻‍♂️🤦🏻‍♂️由天堂跌落地獄既結論係：「完」。完全唔想再多介紹任何野。人頭消費：$98味道：🐧價錢：🐧滿足：🐧🐧🐧鵝大大：絶不回頭 - 微波爐加熱沾麵。🙊🙊

西環嘅拉麵店彩專門賣沾麵。呢度嘅賣點係佢哋嘅拉麵都係自家製嘅，除咗原味之外，仲有黑椒同埋伯爵茶等其他口味可以揀。食個時會有淡淡的黑椒或茶香。湯底方面，有豬骨、黑蒜同埋蝦湯幾款，其中蝦湯最出色。麵條份量方面，正常係200克，如果你食唔夠，仲可以加大。叉燒片就係軟腍嘅質地，肥瘦適中。拉麵嘅溏心蛋都好食。呢度嘅沾麵真係幾好，麵條有嚼勁，湯底濃郁，麵同湯底嘅配搭都好啱。不過服務就普通。如果你係沾麵愛好者，又係住喺附近，值得一試。