彩aya

營業中

休息中

中午第一次幫襯呢間沾麵，因為等朋友到所以我早咗15分鐘入去坐住等，舖頭一個阿叔做侍應，已經話咗兩個人，未夠一點我朋友又未到已經問我叫得未🧐人都未到啊大佬，自己食咩，間鋪當時又未滿坐叫完個麵個阿叔侍應收返餐牌，之後我哋先叫嘢飲，間舖頭嘅飲品又唔係一般食肆提供嘅飲品，我哋嗌錯咗佢就粗聲粗氣，又唔俾個餐牌嚟揀，全程黑囗黑面，係咪琴晚買波輸好多？！呢間舖嘅老闆，如果你見到我留言，作為第一次光顧貴舖嘅顧客，我只係想講你哋嘅食物係冇問題嘅，不過你呢位店員嘅服務態度有好大嘅進步空間，你呢間唔係茶餐廳，你唔使俾澳牛嘅體驗我，希望下次過嚟會見到有改善。

湯，唔熱既！食幾啖麵之後，個湯已經凍哂！麵，自家制既，其實味道不錯。但我個麵偏硬既，有啲似未煮熟！最大問題係間餐廳有一陣渠味…臭到癡線！間野臭到接近係旺角公廁入面食緊飯咁！職員態度又西十分鐘食完走人！呢間野適合中意係公廁食飯既人！！！！

Hidden gem nearby hku station Rating: 7/10 The ramen are very rich flavour and we tried the chicken soup one with pork belly and cha siu, both tastes super good and i love their noddles texture which u get to choose different flavour for the noddles, will recommend u can go for the yuzu one which is quite special! The sides are nice too, esp the stuffed chicken wings!

#彩 係一間好隱世、我絕對會翻炒既雞白湯拉麵座銀個湯我嫌食到最後有啲咸冇飲曬但呢間我最後一滴湯都清曬.呢間坦白講 個麵偏幼身唔係我最愛(個人口味）麵底有得揀原味/柚子/是日限定 (櫻花)鍾意試特別野既我梗係叫咗個限定櫻花味麵，Turn out視覺上有見到一粒粒，但味覺上就冇櫻花既存在（我其實唔太鍾意櫻花食品，所以冇咩花味都係好事😂）但有咁多款揀，都好有心思。仲要唔洗加錢真係好唔錯。.至於其他就全部都好出色🥰🥰🥰個湯好creamy、好濃郁、好滑慢煮雞有兩大舊，高質得黎唔吝嗇，好嫩滑、肉質一致、有雞味叉燒唔使講野，睇樣就知好食！肥瘦均勻、嫩滑溏心蛋正常發揮有流心蛋黃$90黎講 CP值超高！.服務方面店員細心有禮，坐得舒服.環境方面裝修唔似一般拉麵店，反而似舊式茶餐廳/冰室整體乾淨

今日上堂之前，先去附近嘅屈地街食拉麵。雖然位置隱蔽，但「彩」咁出名😌，絕對稱唔上隱世🥸。除左原身嘅沾麵店，老闆仲開多左一間拉麵店🍜。元朗鋪頭應該就冇拉麵揀。鋪頭係懷舊嘅港式裝潢，地下鋪上舊式磁磚。原本都好奇點解係咁設計👀，後來知道係沿用一間經營超過四十年老店「翁記」裝修🗝️，令依間鋪頭增添故事感。「彩」出名嘅係所有麵自家製，附近都有部製麵機⚙️可以睇到。今日黎到有小麥麵🌾同柚子麵，麵嘅味道會隨時間⏰轉變，之前係沾麵店食過胡椒味。拉麵嘅湯底得一款，係「雞白湯」。獨沽一味嘅堅持相對就係高質素，係濃濃嘅雞味🐓，兼有雞骨🦴嘅鮮味。如同外界嘅雞白湯，湯面都有打泡🫧，令口感更綿密同濃郁😋。前面提到麵條係自家製，但我覺得依隻麵條同豚叉燒雞白湯拉麵唔太配搭🫣，更適合沾麵。麵既質感較煙韌😬，外表粗鞋，麥香偏重。如果用黎掛沾麵嘅湯係一流，但用作拉麵口感就唔夠滑溜🤔。味道方面，柚子麵條帶有淡淡的柚子香味😚，同湯頭🥄嘅平衡會更好。而配料亦好出色，有兩款配料選擇，分別係豚叉燒（💰$85）同雞叉燒（💰$90）。豚叉燒🐷大塊得來，又薄切，肥瘦比例啱啱好，入口爽甜冇渣，油香十足。豬肉上面會有黑色嘅日式蔥油，係沾麵咁食，咸

📍西環沾麵副線‼️· 香濃雞白湯拉麵😍 — 彩🍜==============================幾年前去過食沾麵，而家佢地喺本店對面開設拉麵店，主打雞白湯拉麵😆幾有水準可以一試👍—————————————————-⭐️特濃雞白湯雞叉燒拉麵 $90配柚子麵雞湯打咗泡，飲落creamy濃郁！😍仲有陣陣忌廉香😆拉麵煙韌有咬口，後勁滲出陣陣柚子清新嘅香氣，中和返唔會太膩😆雞叉燒有三大塊，軟腍厚肉👍—————————————————————-賣相：3.2/5味道：4.4/5性價比：3.5/5推介度：3.8/5—————————————————————-📍彩aya西環石塘咀屈地街16號金陵大廈地舖

彩Aya 係西環窄巷入面既一間拉麵店😁最重要有沾麵食以前係中環番工 都會特登搭車過黎食下都幾有人氣 成日都會 FULL HOUSE今次過黎回味一下😌裝修走簡約風 唔似一般日本拉麵店反而有D香港懷舊雲吞麵檔既味道😲拉麵店黎講 座位都唔少 大概可以坐二十個人黎到當然係叫招牌既 豚骨湯沾麵 (小麥麵)麵條係自家製既 質感煙韌 可以吸到沾汁既味道 份量不少👍🏻湯底味道中等濃度配料有叉燒 半熟玉子 筍絲 紫菜 等味道都好唔錯較可惜係 湯既溫度只係還好 可以再熱D🥹整體不過不失😬

唔知係唔係元朗同西環居民口味差好遠，定係兩間舖品質差好遠，我感覺個麵唔似講到咁犀利。沾麵食落去同灣仔黑龍爭兩三班，可能我食唔慣佢地既唔熱湯同微波爐叮沾麵，定係我本人不了解日本口味。總知係我人生食沾麵感到最唔啱口味一次。其實佢地可能好忙，唔知咩原因係冇凍水，可能係我孤陋寡聞，認為食日本麵一定有凍水。但係見食評話佢地好正宗好服務，今次感覺食評同現實好似爭天共地。可能係我食唔慣正宗日本沾麵，我應該唔會再試多次。

以前喺附近返工，經常在OT 後找地方宵夜，其中以屈地街無名小巷內的【火井火鍋】最出名。【火井】搬遷後，小巷有一段時間靜下來。今日再次回到這裏，原來小巷內多了其他小餐廳；不過，大部份只是街坊快餐店，當中只有【彩 Aya】較有特色。小巷有兩間【彩 Aya】，一店兩鋪；一間賣傳統日式湯底拉麵、另一間就賣日式沾麵。揀了賣湯拉麵的【彩 Aya】。店內面積細小、又三尖八角，甚至比日本當地的拉麵小店還要細。為遷就鋪面，放棄了封閉式廚房及開放式廚房，廚房設計與港式雲吞粉麵店一樣。室內裝潢也非常簡陋，只簡單掃上油漆、掛上幾張自家印制海報，地面的紙皮石更似乎是上手租客殘餘下來的裝修。只有兩位員工，一個負責廚房、一個負責樓面；儘管只有十多個座位，繁忙時間如果全店客滿，人手只勉強可以應付。餐牌非常簡單，只有兩款拉麵、一款釜飯及四款小食。標榜自家製麵、自家製麵及自家製叉燒；有雞叉燒及豚叉燒兩種口味。只是【彩 Aya】的拉麵只可以揀選一種叉燒，不可以一碗拉麵試齊兩款叉燒。湯底只有一款雞白湯；麵底就有兩款選擇：傳統日式小麥拉麵或柚子小麥拉麵。擔心柚子味拉麵味道怪怪，與雞白湯不配搭，揀了傳統小麥拉麵。特濃雞白湯豚叉燒

黑蒜油湯沾麵揀咗小麥麵~啲麵一如既往超級彈牙 同其他連鎖店拉麵嘅口感完全唔同！好食😆☺️我中意食小麥味多過普通平時拉麵店嘅麵 因為我係小麥迷 佢啲小麥味真係好濃🥰將啲麵逐少逐少擺去個湯道 啲湯係掛到係啲麵道 證明個湯係有幾濃😚由於掛湯能力強勁~將啲彈牙嘅味with湯擺入去 好味到想暈低🤣不過最最最重要係個湯好濃好味道好足蒜味 令成件事完美到🙇🏻‍♂️兩塊豚肉肥瘦均勻 食落有肥有瘦 正 同埋每一塊都算大片🥰每一碗湯嘅最底下係有一隻唐心蛋 哇呢個驚豔 隻蛋嘅熟度真係啱啱好！係啱啱熟嘅邊緣 一咬個蛋黃流出嚟但個蛋白係熟架喎😆😆加一啖湯食oiyishi!!!!🤣🤣😍.蝦味噌湯 同伴嗌咗呢個再加伯爵茶麵~我見伯爵茶麵好似好得意 就試咗啲🤣🤣食落冇咩伯爵茶味其實 但依然彈牙😉我都係中意我嘅小麥味多啲😌而呢個湯底好似冇我上一次食咁驚豔 上一次自己食係超級有鮮味😗題外話 上一次食試咗黑胡椒麵 雖然彈牙 但個黑椒麵反而有啲阻蓋咗湯底嘅原味 所以今次就冇叫到~

今次去咗「彩」沾一沾麵店，我話你知，食到我心花怒放啊！🌺😋點了兩款招牌つけ麵，一個係富士葱つけ麵，一個黑蒜油湯つけ麵，味道真係正到爆。富士葱つけ麵嗰個湯底鮮呀，香椿味幾乎層層透出黎，口感爽滑得嚟又與小麥麵嘅Q彈該咁相襯，食落絕對是舌尖上嘅盛宴。再講吓黑蒜油湯つけ麵，啖啖黑蒜味，夠晒霸氣，但係食落並唔會油膩，仲會讓你一嘗無法忘懷嘅麵魂深度，真係彈牙無比！每啖麵都包裹咗滿滿嘅風味。食埋後半日都仲喺口腔留錫住嗰種滿足感，港式粵語講嘅「食咗仲想食」，一時間過不去！👌😍 店舖簡潔明亮，窮宿命都無阻我為呢樣美食oversize。員工態度親切得黎，客人都被照顧得好好，就算係平民價錢，但係享受嘅卻係貴族待遇！下次再去，我壓實要試埋紫菜麵啦，誓要嗌完晒佢哋啲麵款！🍜🎉

🍜今次走入嚟這間沾麵店，先講聲，佢哋嘅蝦味噌真係正！掂過個天花板咁高，蝦味做得啱啱好，一啖口都唔覺得膩。個沾麵慢悠悠食，飲啲湯，令人個心情都好晒，滿足到唔得了！而佢地自家製嘅叉燒，喺口入去嘅一刻，真係靚到爆燈，肉香味十足，好軟熟，融化在口中咁滑。食完蝦味噌，再試下淡雅嘅豚骨原湯配小麥麵。我話，呢個湯光溜溜嘅入口，完全唔似表面咁普通，有種細膩嘅香味，搞到個味蕾直頌好評！小麥麵更係有型有款，食起身來又解渴又過癮，尤其係溏心蛋，個蛋黃流出嚟嗰陣，賞心悅目得嚟味道又正，惹味得嚟啱晒咁。整體黎講，呢度啲沾麵啱晒曬日掛住都想食，實戰型又唔失格調，心水推介嘅好去處😋👌！呢個「飽食之旅」啊，保證你食完之後，滿足感爆燈，食得開心又食得稱心！

今日同朋友一齊食彩麵。想試呢間好耐，不過一直都未有機會，今日終於可以試到！我對佢期望值都頗高 ，但食完真係好失望！我叫咗碗豚骨湯沾麵 (小麥麵)。首先，個湯上枱個陣就已經唔熱我同朋友幾乎無傾計，淨係不停咁食麵，都追唔上個湯變凍嘅速度佢個麵本身仲要係冷麵 (可以叫熱麵，不過我無預計過個湯咁凍所以無叫！)，結果就係越食越難食，好似食冷麵咁，不如買個熱辣辣嘅杯麵食好過。除咗個湯唔夠熱，其實碗麵其他食材都唔錯。自家製麵口感好好，叉燒大塊，仲有好多條筍。湯底味道都ok，成碗麵個敗筆就係湯嘅溫度。最後好辛苦先食完，真心唔建議大家嚟食，完全唔明點解咁多人嚟幫襯。

今次去開西環就搵咗呢間專食沾麵嘅彩aya嚟食～地點唔算好顯眼，唔係特登去未必會見到，都係睇Google map先搵倒🤣-食物上佢主要係出沾麵嘅冷麵，如果想食熱麵的話要另外提出，今次試嘅係豬骨湯味，不過佢落好多大蔥，唔鍾意食蔥嘅朋友記得提出走蔥‼️個湯底就比較稀，我個人覺得佢似拉麵多啲不過一入到去有陣奇怪嘅渠味，對嗅覺比較敏感嘅人就唔係咁推介。

同一間鋪under彩（應該搵唔到鋪租）所以喺對面租咗間鋪做多幾個客（應該每當彩無位就會叫客人過唻）佢落單、洗嘢、埋單一個阿姐；煮麵（只係落麵落湯再擺返入微波爐叮 - 話因為係陶瓷碗，為令整碗麵熱量更均勻所以要以微波爐加熱）但眼見其他客無因為咁而覺得好食咗⋯ 我哋都算照試吓；落單程序跟足寫枱號及要求、可能佢只係一個人，我等咗40分鐘都未有任何食物就follow-up但佢都係處理唔到，話我張單比咗第二個問我會唔會再等⋯ （所以unfortunately, 無機會寫食嗰part及提供照片⋯ 但已經一吐氣，只想講如果唔夠人手就唔應該接單）