影片
營業時間
今日營業
11:30 - 15:00
18:00 - 21:00
星期一至六
11:30 - 15:00
18:00 - 21:00
星期日
全日休息
以上資料只供參考, 請與餐廳確認詳情
相關文章
成日去唔同區食雞白湯拉麵 估唔到係自己住既區有間咁出色既!彩本身係專做沾麵既小店 依家就同埋Tori mama提供埋麵條～淺草唐揚雞胸 叉燒雞白湯拉麵 ($95)依家開始食多d protein 一見到呢個拉麵有65g protein 15g collagen 即刻心心眼 輕鬆補P🤣個湯底真係要用驚艷來形容!!!🤤🤤 就咁飲一啖係會覺得落左牛奶或者忌廉 好濃滑 食完忍唔住問店員😂 原來個湯只係用雞 洋蔥 蒜頭 薑 用機高溫高壓將膠原蛋白同埋脂肪融合以乳化😳 真係好出色!!麵條呢期可以揀柚子/ 小麥 雞白湯呢d比較heavy既襯返柚子就岩岩好!! 除左平時既溏心蛋同叉燒 呢個拉麵仲跟埋炸雞😋 炸雞係用薄薄地既雞胸拎去炸 炸粉唔會好厚 點一點湯都幾好食! 但個人就鐘意塊叉燒多d 一D都唔乾 同埋好大塊👍🏼貝汁鹽味雞清湯拉麵 ($95)本身其實想叫兩個唔同既雞白湯試 但店員話呢個係日本新潮既湯底 亦都好推介 所以點都要試一試 🤣 估唔到食住雞白湯咁濃味既野 再試返鹽味清湯都冇失色! 😳 湯個雞味好濃郁 但好清 一d都唔會膩 上面d花甲亦都好鮮好肥美 我覺得好值得一試👍 上次星期五7pm去到直入 但一坐低就已經開始有龍 希望之後都唔洗排太耐先食到～～下次要食埋海鮮雞白湯! 😋
繼續閱讀
今朝係西環做義工，做完自己一個去番好多回憶嘅彩拉麵食個lunch，諗住舊地重遊下。點知搵唔到地方，所以打開openrice搵路，一打開就見到有好幾個負評，講態度差同好難食，心諗冇去食咁多年變得咁差？我下午一點去到，係門口企咗一陣，見冇咩人所以入去試下。關於態度方面，入到去四眼哥哥仔非常有禮貌地接待我，我揀好之後舉手，四眼哥哥見唔到，但喺廚房入面嘅日本師傅見到，即刻遞手笑住想幫我。由點餐同送餐，四眼哥哥好溫柔有禮遞餐，食飯時觀察其他食客，都沒有好差態度嘅情況，有時候日本師傅都會幫手送餐。埋單結帳時，咁啱日本師傅走來同我講多謝，四眼哥哥見我起身，已經拎定我張單很有禮貌地幫我結帳。成個過程好有溫情。關於拉麵方面，作為拉麵關注組之一，整體質素和差唔多十年前沒有大分別，我揀咗黑蒜湯和黑椒麵，首先擺盤方面非常細緻講究，面質非常好，沾麵湯不是太鹹（當然沾麵是比拉麵鹹），肉方面比較少得兩塊，但係好食，整隻糖心蛋做得非常出色，整體都幾好，唯一缺點是麵比較多麵碎，最後很難夾起。價錢方面，冇加一，價錢公道。本來沒有打算出食評，自己都很少寫，但見到咁多負評，所以用食家的角度出返篇，比大家多一個角度參考。（利申：我係坐角落單丁嘅四眼佬，食完13:20開始寫，13:33埋單，13:38寫完）(7/5發現：openrice話我係「涉及有利益嘅稿件」，拒絕左我發佈，要我係食評upload收據，真係有問題，神邏輯！有收據就一定冇利益？一定要寫得好差，或者咩都評一般般就係真人？openrice用咩準則去評我係利益稿件？呢個行徑簡直令有心人想打食評都打唔到，openrice唔該檢討下！）
繼續閱讀
呢間沾麵算係我會時不時想食嘅餐廳，但會因為佢嘅服務同環境而停一停諗一諗係咪真係要食。 畢竟我覺得你好食，環境唔好唔緊要。但係若果你環境唔好，服務都一般般。 就算幾好食呢，都會打咗啲折扣。 等位： 平日lunch 都會有機會要排隊, 1點黎可能要等10分鐘左右。環境/入座：其實每張檯都真係幾窄， 基本上你放完碟麵同沾麵湯就唔會有空間。 坐吧檯空間會好啲。 食物： 佢有幾款麵可以揀嘅，例如有胡椒麵同埋每日special。 好似今日咁我就叫咗個櫻花麵， ummm, ,不過我唔係好食得出櫻花味係咩。 湯都有幾款可以揀，例如黑醬油同我呢一款嘅蝦湯底。食物方面真係冇乜嘢可以挑剔。 有兩份叉燒同一隻溏心蛋。好食但係會偏少少鹹，咁沾麵不嬲都濃同重口味嘅。 服務：通常食香港餐廳我好少講服務嘅，因為基本都預咗係冇嘅，有就Bonus。 但感覺上呢間餐廳嘅侍應兼收銀（定老闆？）有一種惡同掘嘅感覺。 落單上菜埋單，都有種大廚脾氣。唔好浪費佢時間，做嘢要有效率嘅感覺。 唔知係語言問題定其他原因，或者我嘅偏見，總之會覺得好難溝通到。 與其話嬲，我應該話我會驚多啲。 感覺上佢會隨時反枱嗰啲。 咁當然你都淨係需要攞位落單同埋單要同佢溝通姐。不過簡簡單單啲三個steps，我都會覺得有啲卻步。 (或者係我性格)總結：我覺得如果嗰日老闆心情好就會ok，咁係值得去試一試間餐廳。 咁態度又未差到真係要blacklist嘅，每個人當刻觀點同經歷唔同，可能你都會有唔同嘅體驗。
繼續閱讀
我真係好少可特登上OpenRice俾負評同寫評論，今次實在忍唔住。沾麵同拉麵冇乜特別，湯底勁咸，味精好重！員工服務態度又差，落單好似趕客咁，做到好似大排檔啲粗聲粗氣師傅咁。係得個日本師傅好好態度，佢應該係老闆，淨係講日文。特別係個四眼阿叔，問佢收唔收八達通，佢就唔出聲加手指指指住牆上既一張圖，圖上有哂既俾錢方法。我心諗你一句話唔可以，都快過我去搵張圖上既俾錢方法啦。呢間野絕對係正評引伏，又貴又唔好食！
繼續閱讀
前幾日要去hku, 搵咗一搵附近有咩好食，見到呢間拉麵店就諗住嚟試吓以港島區嘅拉麵店嚟講，價錢我覺得都合理嘅。跟住就要講吓服務方面啦，我落單嘅時候，店員嘅態度就真係麻麻地店員：「湯」我：「蝦味噌」店員：「麵」我：「黑胡椒麵」跟住個店員就直接頭也不回走咗😂好似好趕時間咁，感覺唔係好舒服😂我之後聽到佢同其他枱嘅客都係咁講野，見到舖頭入邊都有幾多客人，我就心諗：「佢個麵一定好好味，個店員態度咁差都仲會有咁多人嚟食」首先公道啲講吓佢好味嘅地方：蝦味噌湯頭香濃，飲晒成個湯都唔會太口渴，唔算好油膩。黑胡椒面口感Q彈，幾特別但係個湯食到一半已經凍晒，我個人認為本身個湯唔係好夠熱。同埋湯頭略嫌唔係好夠厚身，似用來做拉麵多個沾麵，湯汁唔係好掛到上個麵到。同埋個面好多碎碎，我要用隻匙羹去潷先潷到啲面上嚟，唔知點解啲面唔係完整一條條，進食個過程有少少麻煩-總結：湯底同面嘅質地都唔錯，但係個進食體驗就麻麻地
繼續閱讀
您可能會有興趣的...