彩雲軒 (已結業)

Have to reserve table for lunch!

今日成班9個人一齊去食晚餐,本來想食豐富的海鮮晚餐。但係椒鹽瀨尿蝦一只成130蚊(唔係好大隻)！9個人最少要3只先至夠分！只係椒鹽瀨尿蝦就已經要400蚊！叫左元貝蒜蓉粉絲蒸,元貝一只28蚊,細到你唔信,比個手指公細！唔抵食！蒜香牛仔粒,牛肉好軟不韌唔錯！但係比較沒牛肉味！我地叫左啤酒3只來了半打,在大家的努力下,最後剩下一樽,叫左侍應退返一樽,但係另一個侍應卻開左了蓋！侍應上菜時還把菜汁倒到張枱！

在太古坊工作,所以去過三次,三次都好勞氣咁走,一次佢\地自己取消咗我地order又唔出聲, 我地十幾人係咁等, 第二次,叫人幫我地落單個個都話等陣, 又將個茶壺係bb仔頭上面遞嚟遞去, 第三次,我未坐落就走咗, 我book咗7位, 佢\俾張4人枱我仲話\"坐得落喇,唔要再等多半個仲可能會有其他枱嘅\"過份, 不知所謂

一行七人在此食晚飯, 叫左:1. 燒雞半隻- 皮算脆, 肉也嫩, 唔太油, 蒜香燒汁幾香.2. 翠塘豆腐- 豆腐滑, 清清地.3. 帶子賽塝蟹- 粒粒帶子蛋白炒得幾嫩, 也唔太油.4. 魚湯浸白菜仔- 奶白色魚湯很正呀.5. 燒汁煎蝦膠釀帶子- size唔算大, 又不太鮮味, just okay.6. 炆花膠海參- 海參唔太厚, 獻太杰.7. 蒸東星- $4XX 一條, 肉嫩但無魚味.甜品要左鮮奶杏仁露, 很滑, 很香, 唔似溝粉, 甜得很自然, 附送既甜品竟是全晚既高潮.

母親節嗰日同屋企人, 當然同埋媽咪去慶祝啦, 佢哋好似一定要人食套餐咁, 十二人餐最平都過二千, 於是我哋散叫, 味道係唔錯, 不過大碟返D會好D囉.

以前去開三聖邨度食海鮮既, 不過呢個地方對於我地呢d港島人真係好遠, 駕車來回都要成3個鐘. 所以, 我地就揀左呢度.皆因不嬲都覺得好彩集團出品ok既.我地一行17人黎食, 不過張枱唔係好夠大, 坐得好親密, 不過一家人, 冇所謂啦. 先黎個乳豬全體, 好脆, 好好味, 熱辣辣, 係隻乳豬底下既油仲係滾既, 令到我地有d懷疑佢係咪叮過黎. 不過部長話邊有咁大個微波爐喎. Anyway, 好食咪得囉.跟住黎上湯龍蝦兩隻, 伊麵底, 好大隻, 食落好清(覺得唔係好夠味), 不過咁樣可以食真d龍蝦味. 龍蝦肉好爽口.再黎就係當晚既主角- 一條10斤既老虎班, 兩食, 炒球同蒜香頭腩. 呢度既炒球係冇走油, 不過都一樣爽口好食(唔知係咪要好大既魚先可以唔走油呢?). 頭腩我地通常都係炆或者蒸, 未試過咁樣炸. 蒜味好香, 炸得脆. 唔錯唔錯.一人一隻鼓油皇花竹蝦(唔記得係咪咁既名), 好大隻架, 用刀叉食. 不過蝦呢, 就乾左d.仲有螺片炒西蘭花, 瑤柱扒豆苗, 竹笙花膠煲翅都幾好, 冇乜特別, 不過不失咁啦.生果盤係波蘿, 好甜, 唔知係咪浸糖水既呢.最後自己揀糖水(送既), 都幾好服侍丫,

某日中午去食lunch, 坐佐好耐都無野食, 再望下隔離左右, 全部都係度吹水, 檯面都係無食物既d 伙計又唔知走晒去邊, 卒之搵到個黎問下, 先知電腦壞佐, 入唔到單喎大半個鐘後都係無野送黎, 隔離檯都係咁, 於是乎一肚氣走人去第二間搵食我諗要過一排先敢再去食喇, 不嬲d 野都黎得慢, 而家仲要無得食!

今天與同事去吃中午飯,我們在那裡等了足足45 分鐘, 沒有任何食物送到. 我們最後問他們, 才說電腦壞了,會馬上送到. 結果到了1:30pm, 也沒有東西送到. 我們只有空著肚子回公司去了. (服務太差了,如果電腦有問題或其它問題,應早通知顧客,給他們選擇是等或去找其它食店吃午餐呀!!!要顧客最後空著肚子氣呼呼走了,對餐廳更加不好)

星期六同老婆、阿媽嚟飲早茶。嘢食質素都叫做保持到，不過出點心好慢，重要係唔熱，都唔知廚房攪乜鬼！今餐唔係好抵飲。

我在太古坊工作，所以常常去彩雲軒飲茶．此乃好彩集團其中的一間，食物水準不會太差．但我上星期五晚上光顧，有點兒失望．我們二人在七時三十分到達，那時食客不多，只點了南乳素煲，蒜香牛仔粒，椒鹽瀨尿蝦，足足等了兩個鐘，仲要三催四請，先至上晒菜，搞到白飯凍冰冰，無胃口食．午市上菜很快，但為何晚市這麼耐呢？

星期日朝早八點幾同老婆去飲早茶，唔駛等，重有唔少位。叫了幾樣點心：荷葉飯(特價$10)叉燒包(小點$8)咸水角(小點$8)牛肉腸(大點$14)樣樣都保持水準，其中尤以叉燒包同咸水角最正，只嫌荷葉飯油多了些少同偏甜。另外要彈嘅係，香片唔夠味，服務普通，個個侍應都木口木面，冇笑容。茶錢$5位，加一埋單$55，總體算唔錯。

上次食晏先去飲茶o黎叫d 點心成半個鐘都唔o黎, 同個侍應講叫佢check 下啦佢就話得得得... 咁就行左去個層層糕一籠有3件, 但3件都唔同高度,每件都扁塌塌就叫千層糕.....仲有d伙記真係好求其, 居然就隔離再隔離張枱個壼滾水加左水後放o黎我地張枱, 隔左15分鐘又突然覺得唔妥,就咁原封不動拎番過去人地個枱, 真係唔衛生~ d 野唔平架, 服務又唔得, 點心又唔見得好食, 唔值得去

is so good

一行三人黎左飲茶....雖然有訂位...但係去到都仲要再等幾個字.....佢大檯就多....至於細檯就少之又少....所以眼見好多遲過我地既人都早過我地入座........食左:椒鹽南瓜- 食果陣唔知佢係南瓜....甜到以為佢係蕃薯.....用椒鹽去炸...面頭再"審"七味粉.....好惹味....唔錯....蝦餃- 好味....D蝦好大隻....健康雜菌餃- 好特別既點心....味道好清....D菇又好味....推介之一.....上湯鮮竹卷- 好入味....而且不油不膩....推介之二.....雜菇腸- 有別於一般叉燒腸呀....蝦腸呀果D....滑滑既腸粉包住大大隻既秀珍菇....冬菇等....好好味.....千層糕- 底層有一浸好有咬口既野...有D椰絲...有D相信係欖仁既物體....好多料...但係我唔鐘意.....叉燒飽- 的的式式....兩啖食完....都幾好味....另外要左一碟菜.....埋單$220.....三個人既lunch.....算豪架啦......P.S. 食完哂所有野....佢地會比一壺熱水你....每人又比一盅茶你.... 比你消滯...都算幾細心喎..

一班朋友操上去彩雲軒晚飯, 等左無耐就有位, 十個人叫左十二個菜, 其中印象深刻的如下:橙花香檳骨:好香橙花味, 橙花骨幾大件, 香甜! 欖角醬燒骨:同橙花骨好相近, 只係醬料不同, 香濃野味~紅燒BB鴿, 水準一般, BB鴿本身細隻亦唔多肉, 鴿皮唔名脆身.大良煎蝦餅(見圖), 同蝦仁炒蛋好相近, 不過鮮蝦十分大隻.蓮藕炆腩仔, 蓮藕同腩仔都炆得好淋, 南乳味亦好香, 幾討好~咖哩海中寶, 咖哩有D辣, 用黍送飯係一個唔錯既選擇, 海鮮同粉絲都做得唔錯, 不過大家都覺得有d騎哩, 因為咖哩海鮮煲中竟然有薯條做配菜.野山菌扒翠苗: 味道輕清既一度菜, 唔好好突出.重慶辣子雞: 起初為係滿滿辣椒同炸雞粒O個種辣子雞, 上台時原來係一個沙窩辣椒雞煲, 雞肉幾滑, 辣椒幾香口.環境舒適, 整體上每一個小菜都唔錯, 水準平均, 服務態度都唔錯. 埋單時一人$100, 幾抵食~