彩福皇宴 (京瑞廣場1期)

營業中

休息中

臨近中秋，阿媽話今年飲茶當過節，去彩褔飲茶可以book位，唔洗去到慢慢等，座位又夠闊落。我地一家有成10個人，所以叫左好多野食，有包點、炸物、腸粉等等。見到有張點心紙寫住得獎點心，但我地無特別點。包點類：我地order左馬拉糕、千層糕、雞包仔、叉燒包同糯米卷，所有包類質感非常鬆軟。叉燒包個餡唔會好脷蒸點心類：有蝦餃、燒賣、金錢肚、鳳爪蝦餃皮薄Q彈、餡紮實，而且蝦都夠大隻；燒賣食落冇肥豬肉破壞口感。金錢肚同鳳爪夠入味。腸粉類：有叉燒腸同蝦腸。腸粉淋上豉油，滑嫩鮮美。其他類：煎栗米花姿餅、海蜇拼掌翼、椒鹽魷魚鬚、腐皮卷、芋頭糕、咸水角。魷魚鬚係必食之選，啲魷魚鬚口感唔會太乾太韌，咬落軟熟，再者，粉漿簿，兼且炸得甘香酥脆。

這酒樓已飲過多次茶，喜歡他編排座位之間夠闊落坐得舒服，今晚在這裡提早做節。到埗客人頗多，因預先訂了位，所以不用等候。點了多款小菜：脆皮南乳雞半隻(特價$68) - 上枱雖然熱辣辣，但雞肉不夠滑，可能特價吧！還可以。翡翠炒大龍躉斑球 - 斑球有十多件，肉質夠滑彈牙，很好。雲耳勝瓜炒牛肉 - 雖然只是一般菜式，但鑊氣不錯，可以接收。油泡鮮蝦球 - 有十多隻蝦，但嫌蝦細了一點，但味道不錯。粟米魚肚羹 - 魚肚夠多，調味恰可。可能點菜多了一點，一家三口食得飽飽。😊總括而言水準尚可，價錢以斑球稍為高了一點，基本上不錯。

幾個人最啱去食啲小菜，可以叫唔同款式一齊share嚟食。彩福喺香港有好多分店，九龍區好多間都試過，咁啱見到石門嘅京瑞廣場入面都有一間彩福皇宴，見到咁多人食我哋都唔執輸。隨即職員就帶我地入去坐一張大圓枱，途中經過見到其他食客枱上面嘅小菜非常吸引！已經垂涎三尺！當然唔少得開一壺我最鍾意嘅普洱茶，一邊飲一邊揀嘢食。見到餐牌咁多款式咁多選擇，而且圖文並茂，一口氣我哋就叫咗幾款小菜。媽咪鍾意食脆皮南乳雞，我哋叫咗一隻三大一小食，連我個姪仔都話雞皮好脆，不斷要搶住食🙈。女士們咁貪靚當然唔少得要食魚，經過店員推介之下就order左清蒸沙巴龍躉斑同埋剁椒茄子蒸斑頭腩。龍躉斑終於等到佢了，烹調時間真的剛剛好，食落去魚肉唔會太老，反而係好滑溜，恰到好處。唔好睇剁椒茄子蒸斑頭腩咁多辣椒，其實食落去唔算太辣，反而好滋味。我就比較喜歡食香口海鮮，特別係椒鹽，隨即叫咗兩隻椒鹽鮑魚，估唔到又整得幾入味，好食。仲有送飯一流嘅大良炒桃姿帶子同埋翠玉瓜惹味燒汁蝦球，最後我食咗兩碗飯，好飽好滿足！估唔到叫咗差不多有五六個餸菜，仲要幾乎食唔晒要打包走，價錢都只係$800有找，難怪咁多一家大細情侶幫襯啦。

打完10號風，周圍都亂晒龍，請左日假陪屋企人睇完醫生就去飲個茶。次次星期六日黎都要等好耐先有位。石門風災後情況都還好，不過岩岩又撞正茶樓無冷氣，真係好焗。熱死人，好彩啲野食都ok。不過平日都幾貴，25蚊大點，30蚊精點。紅棗糕除左係迷你少少之外，係好紅棗既，唔會太多糕粉無左紅棗味。鮮蝦菜肉餃，都係有中上既，因為啲皮夠Q,唔會好易爛，足料既。唔記得左係海膽定蟹黃餃，都好食，足料。海鮮烏東，啲蕃茄幾juicy,不過烏東有啲黏左少少。 腸粉幾入味，煎左脆脆地，唔會好"suk"

同朋友喺附近行緊街，就搵吓有乜嘢美食，一行四人梗係要食返啲小菜醫飽個肚。見到彩福皇宴酒樓門面，環境舒適，而且座位位置寬敞，隨即店員就帶咗我哋入去坐一張大圓枱。酒樓以小菜、海鮮同埋套餐為招牌菜，而且多種種類選擇，包括時令小菜、燒味、主食同埋海鮮等。除此之外，酒樓餐牌推出左好多菜式優惠，例如彩福三大優惠、經典名菜同埋精選小菜等，價錢非常抵食。見到椒鹽鮑魚只係$28一隻，最後我哋叫咗兩隻。鮑魚炸得好香脆可口，表面嘅椒鹽味道剛剛好，唔會太多太鹹，食落去味道新鮮美味。仲有一條清蒸沙巴龍躉斑，都幾大條，魚肉非常鮮嫩，而且肉同埋骨分明，簡直係送飯一流之選。除此之外，主菜仲叫咗脆皮南乳雞一隻同埋剁椒茄子蒸斑頭腩。最後食返啲蔬菜-翠玉瓜惹味燒汁蝦球，為呢一餐豐盛嘅中餐畫上句號。四個人埋單都係$800有找，四個人食咁多嘅份量，相比價錢合理，而且每一款食物都好味，值得再encore。

數算著，自從五月起，已有很長的一段時間沒有在中式茶樓享用午膳了。最近，我特別愛上了沙田的石門，因它方便就腳，食市林立，環境也很舒適。於是就在此選取了彩福皇宴，安頓好我的五臟廟。位於瑞京廣場一期的三樓，乘電梯而上，原來其裝潢也非常用心，設有戶外的空中花園，我想，在這裏擺婚宴，一定浪漫至極。這裏亦設有不同大小的偏廳，適合不同形式的宴會。我和友人被安排坐於偏廳內，環境安靜，縱然外面客似雲來，人山人海。打開點心紙，看見一系列，共八個的得獎主打點心，可想而知其水準之優秀。我們點了蝦餃皇，金錢肚，义燒腸，椒鹽白飯魚和鴻圖帶子窩伊麵。先讚一下個蝦餃皇，皮薄，鮮蝦夠大隻，爽脆彈牙；义燒腸則非常嫩滑；金錢肚味道野味，連其伴菜的薯肉，也充滿醬汁；至於椒鹽白飯魚，每條都有像手指尾的長度，脆卜卜，香口無比；最後，鴻圖帶子窩伊麵，從外表看，以為沒什麼特別，原來寶物尋歸底，內裏充滿蟹肉和數十粒帶子，用料十足，而且伊麵的軟韌恰到好處，湯底更是鮮甜味美，令我一碗接一碗。這裏不設搭枱，可以有自己的空間與至親享受食物，閒聊談天，是一個消閒的好地方。

第一次來，已經覺得這個場地很正，樓或高，場內無柱，另更有很大的空中花園。所以環境已經很高分。最近，他們做優惠 加拿大龍蝦做優惠$88/1斤 。所以決定來吃晚飯試一試他們的食物。到場後，發現有不少菜式都有做優惠，炸子雞$68半隻，一條魚$148 。因有這麼多優惠，所以選擇都很易。我們一行5人，先挑了個青瓜海哲作前菜，海哲青瓜都很爽口清涼，配合少少辣的汁，很開胃。很不錯主菜選了龍蝦加e麵，龍蝦很多肉，價錢$100內，很抵吃。魚，很大條，岩岩熟，還要$148真係好優惠。另我地吃了不少甜品，特別推薦燕窩椰皇蛋白，蛋白很滑很香，最岩女士。較失色的是炸雞，很油，但又不夠脆。下次再會去吃，值得推薦

今日約埋幾個隔離鄰舍的太太去飲下午茶，去到我們就近的沙田石門站(彩福酒樓)石門現今已開了好多商場及酒樓 ， 彩福就在石門港鐵站好方便。做緊優惠，游水的加拿大龍蝦$88一斤十分抵食。我們每次都會叫這碟七彩顏色繽紛的腸粉，腸粉十分嫩滑。有午市商務套餐， 方便公司帶客人到酒樓食飯。酒樓地方好大，座位好寬敞坐得好舒服，不經不覺就嘆咗一個下午茶。酒樓門前有一個好大的海鮮大魚缸，可以即時點自己喜好的海鮮。酒樓早午下都有優惠點心及粉麵飯。

今日(10-7-2018 Tue)晏晝,成條team共10人o黎呢o度食晏,叫o左個餐同其他o野食.1. 粟米墨魚餅味道清淡.口感正常.味道: 4分2. 叉燒全瘦o既,但竟然好鬆軟,蜜味甜度又o岩o岩好,好食.可惜一碟得好少,手快有手慢冇.味道: 5分3. Wasabi貓耳朵味道依然較得唔錯,今次貓耳朵大部份都爽口,但有啲啲好似未熟透.味道: 4分4. 燒腩仔肥瘦均勻,皮脆.味道: 4分5. 唔知咩一口豆腐上面淋o左燒汁,味道麻麻.味道: 2.7分6. 蝦膠釀茄子大大舊…….茄子, 蝦膠味道好濃,鹹淡適中.味道: 4分7. 菠蘿咕嚕肉同上次一樣,唔係熱騰騰,酸甜度適中,都仍脆口.味道: 5分8. 椒鹽鮮魷一樣唔係好覺有椒鹽,但味道同口感正常.味道: 4分9. 蝦餃大大粒,口感同味道正常.味道: 3.5分10. 上湯浸時蔬又係同上次一樣,時蔬係白菜,重有啲菇,鹹淡適中.味道: 4分11. 棉花雞魚肚竟然彈牙,唔夠腍,但好彩冇鯹味;雞肉僅僅熟,口感滑.味道: 2.5分12. 燒賣大大粒,又係口感味道都正常.味道: 4分我冇食到o既有:13. 牛蒡金錢肚,我曾經搵過牛蒡但唔見有.14. –

彩福皇宴是集團式經營的酒樓, 電視的晚間時段常看到酒樓婚宴的宣傳廣告, 石門的京瑞廣場有一間分店, 今日中午來飲茶, 酒樓地方面積很寛敞, 樓底高, 裝修華麗, 大型水晶燈, 燈的光線充足   環境舒適, 沒有一般酒樓的壓迫感    望出玻璃窗外看到幾個園林實景供結婚拍婚紗照   酒樓有一條龍式的婚宴配套服務, 現在商業社會競爭大, 無論任何行業也不斷增值, 為生意創機。    我們參考圖文並茂描述的點心紙, 點了幾款點心, 包括一些酒樓曾獲奬的點心。「香茜牛肉腸粉」、「旋風黃金流沙包」、「香煎粟米花枝餅」、「海螺片滑雞扎」、「海膽明珠球」   「香茜牛肉腸粉」   ~    牛肉腸粉以一長形碟盛放, 一碟6 件, 牛肉饀料份量幾多, 配合醬油牛肉腸粉更可提鮮, 味道很好。「旋風黃金流沙包」 ~   包略為乾硬, 不夠鬆軟, 咬了一口後包久久不能回彈 , 幸好流沙餡料夠流沙和好味。「香煎粟米花枝餅」    ~   花枝餅很厚, 煎得金黃, 放上枱已聞到好惹味的煎香味, 花枝餅好彈牙, 亦很鮮甜。「海螺片滑雞扎」   ~    雞扎大大件, 雞肉嫩滑, 味道鮮甜, 腐皮很滑也滲有雞汁味 

本人與家人9大人5小朋友於19:30左右於石門彩福預祝父親節，本人親自點菜，其中有兩個薑蔥炒蠔，期間一切正常而本人因事提早離開，但家人結帳時卻遇到非常不禮貌對待。結帳時本人懷孕8個多月的妹妹負責，在查單時發現結帳單據與本人點菜時的單據有出入，結帳單據發現多出一個薑蔥炒蠔的價錢（即3個）。我妹當時即時向結帳職員詢問，結帳職員用非常不禮貌的語氣：「你地係食左三個煲丫麻！你地一定有食到！」我妹及家人都清楚記得只有兩個，因為我們並不是全都吃蠔而最後兩隻也是本人勉強吃下。我妹遂叫職員查我們的點菜單，但該職員卻堅稱我們應該要結帳。到這時我父母已相當氣憤，令我們好好的一餐變成負分，一餐數千元的晚飯中一個菜的價錢其實只是很少，我們不會賴帳，該職員的高調語氣及聲量亦吸引了附近其他客人的注意，令我家人更感不舒服。我妹遂要求該職員找她的上司過來跟進，另一位職員很快就到場，但過來後不見她作任何調查就直接回應：「廚房出錯左比你地呀！你地係食左三個薑蔥炒蠔（煲）。」該職員大聲說：「你地有食！我地可以睇返CCTV!你地有食到！」我妹當場非常生氣並要求覆查CCTV，並稱：「枱面三個煲都係度，兩個蠔另外一個錦江雜菜豆腐

今日(29-5-2018 Tue)vendor來訪兼請食飯,我o地一其11人,食o左:1. Wasabi貓耳朵味道依然較得唔錯,不過貓耳朵好似冇咁爽.2. 海蜇同燒鴨海蜇爽口, 燒鴨皮脆,唔太鹹.3. 燒腩仔肥瘦均勻,皮脆.4. 一口豆腐冇炸過火,正常冇問題.5. 涼伴金錢肚酸酸辣辣咁,但我覺得唔係咁好食.6. 金錢肚夠味同夠腍,唔太辣.7. 上湯浸時蔬時蔬係白菜,重有啲菇,鹹淡適中,OK o既.8.春卷脆口正常.9. 椒鹽鮮魷唔係好覺有椒鹽,味道同口感正常.10. 煎魚餅唔係煎得脆口o個種,有粟米粒,口感正常.11. 菠蘿咕嚕肉唔係熱騰騰,酸甜度適中,都仍脆口o既.12. 鹹水角唔算好惹味,一般.13. 燒賣兩籠大大粒,都係正常冇問題.我冇食到o既有:14.-18.釀尖椒,星州炒米,欖菜炒豆角,辣椒牛柳粒,乾蒸牛肉,味道係3.32分服務:上菜速度超快,落完單冇耐,o野食已擺到一枱都係.環境:係闊落啲o既,但冷氣唔太夠.上次食評: https://www.openrice.com/zh/hongkong/review/%E9%83%BD%E5%8F%AF%E4%BB%A5o%E6%97

食母親節飯，母親大人要食中式，酒樓岩哂。去拎枱時淨係對個姓氏就講左枱號，電話都無對，我仲念今晚得我地一個姓？張枱有個人坐係到，帶位個個仲話“唔認得呀？仲未見到？”其實我真係唔識個個人。不過個職員態度不惡劣，搞錯枱者，小事。到叫餸時，我地問d白飯餸到時再落單ok ma？個阿姐話ok,白飯好快者。d餸落單後十分鐘上哂，但d飯等到d餸開始凍都未黎，追左三四次，其實甘多人係場到企，搵人入去裝飯仲快。另外我地d餸的份量比其他枱細份，不過夠食就算。總體味道同服務都唔錯，可以再黎。

這天和家人慶祝母親節，由於沒有訂位只能到門外拿籌等候。當天有人舉辦婚宴活動，所以對外開放的座位很少。等候時間大約半小時入座。母親節餐牌選擇有限。我們點了個乳豬拼盤，燒鵝，蒸魚，菜苗，燉湯。燉湯內有很多材料味道不錯。推薦這間餐廳的燒味，我們點的乳豬拼盤和燒鵝都十分出色。以後還會再來。

去了這家店飲茶3、4次，覺得點心很好吃，價錢適中，值得再光顧。 唯ㄧ不美的是，没有停車優惠，仲要28蚊ㄧ個鐘，在新界區，收這個價，有點貴!年初三，我和太太，同家人，第ㄧ次去吃晚飯。 雖然是新年期間，仍有不少菜色可供選擇，值得讚賞! 其中帶子炒西蘭花， 帶子大粒，蔬菜青嫰，很不錯!回家途中，收到酒樓員工電話，才知道我遺留了蓝牙耳機! 失而復得，感謝之餘，更要稱頌該員工拾金不昩的高尚情操!這家店真令我食得開心兼放心!