彩福皇宴 (京瑞廣場1期)

營業中

休息中

今日與同事到沙田石門開工，這個小社區十分熱鬧，有兩個大廣場，酒樓食店林立，找吃的容易和多選擇。 相約了同事收工後一起到經濟抵食的彩福晚飯輕鬆一下 這間與其他分店的菜單一樣，多款小菜和不同組合的套餐選擇，今晚我們沒點孖寶而轉一下口味點了一個四人套餐 $560 四餸一湯個湯好鮮甜，真係足料，好多豬肉，鷄腳，同葯材每人有两碗多。 碧綠炒凰蚌成個菜都好清爽！西芹炒龍躉龍躉肉好爽好肥美！脆皮燒鷄，到彩福都一定會點，皮脆肉嫩很有水準！ 生財金錢扣肉掌都炆得夠火候，好滑！ 紅棗糕好香夠清潤，是個不錯的甜品！食完埋單每人才不過170元十分經濟抵食！環境又好，真係飲茶，晚飯好選擇！

酒樓雖然位於新界區但非常近沙田石門馬鐵站， 交通好方便。接近農曆新年， 到酒樓食晚飯比較難搵位， 預訂枱較安全，侍應安排房給我們， 非常寬敞舒適。三人聚餐，每人點一個菜配白飯，再加甜品， 每道菜都份量十足，非常滿足！黑松露秋葵帶子葵炒滑蛋， 帶子大大隻，炒蛋夠滑， 秋葵松露令味道更加豐富。 蒜蓉豆苗，炒得好香蒜蓉味，不停。 脆皮南乳雞半隻，賣相已相富吸引，外皮香脆，雞肉依然保持嫩滑， 薑茶湯丸，有四粒黑芝麻餡湯丸， 糖水薑味非常勁， 夠辣，食完成身暖晒！ 養顏紅棗糕六件，紅棗味濃， 煙煙靭靭 ，最佳甜品！

入沙田石門探望舅父兼請佢食晚飯，佢樓下嘅京瑞廣場一，二期有酒樓餐廳好多選擇，原來每朝舅父都愛喺彩福皇宴飲茶嘅！啱喇！我又咁喜歡。 臨近年尾多公司包埸搞團年酒蓆活動，一枱難求，幸好佢地醒目一早訂定枱！第一次來石門依間彩福，感覺一樣裝修清雅，又夠 闊落好坐。 同其他分店一樣好多套餐選擇……我地揀左個四人套餈 四餸一湯一甜品 $ 560另加個 ; 脆皮椒鹽豆付拼吊片 $ 90先來個鷄骨草燉鷄湯依個天氣最啱清下肝火，味道甘甘，鲜甜足料！脆皮燒鷄 (半只 ) 配南乳醬汁皮脆肉嫩！點埋醬汁好味到不得了！！依個係彩福集團中我最愛點的其中一道菜！做得好出色！碧綠炒鳳凰蚌珊瑚蚌好爽脆，西蘭花翠绿爽口！西芹炒龍躉球啲龍躉肉大大件，爽口鲜甜！炒得夠曬鑊氣！生菜扣鹅掌煲鵝掌好夠淋同滑入呋，冬姑夠厚滑口，味道調校得好好！生菜吸收左醬汁精華爽甜！椒塩吊片豆腐两樣都香口同舅父飲番杯天南地北暢談一番！好開心！红棗糕甜度剛剛好，軟糯適中！完美！同舅父都覺得今晚抵食又開心！

男同事RL話約埋男同事FCP,女同事ES一齊食晏,我o地約o左23-1-2019 (wed)o黎呢間食,我o地叫o左個$260.00免茶芥午市自選超值套餐(A) $260.00 4人餐加其他o野:1. 家鄉咸水角(小點)o岩o岩一碟4件, size適中,脆口,內裡餡料唔算多,但味道係o岩o岩好o既. 味道:5分2. 套餐中o既金牌燒味拼盆有叉燒,燒腩仔,油雞,煙鴨胸同海蜇.叉燒雖然係全瘦,但佢鬆軟又唔乾,蜜味又夠,好味.味道:5分唔多o既海蜇有少少辣吊味.味道:4分燒腩仔正常冇問題.味道:3分煙鴨胸唔太鹹,都OK o既.味道:3分油雞味道唔係好濃,肉質嫩滑.味道:4分3. 套餐中o既香煎蘿蔔糕都係o岩o岩一碟4件,冇乜點煎,餡料唔多,味道清淡.味道:2.5分4. 薑汁紅棗糕我趁熱食,煙煙韌韌,味道唔太濃;最後凍o左我食多舊,都依然煙韌冇變硬.味道:5分5. 套餐中o既蟹籽燒賣皇大大粒,正常冇問題.味道:3分6. 套餐中o既蜜汁叉燒腸一碟有6件,瘦叉燒比較乾,腸粉唔係薄.味道:2分7. 套餐中o既燒汁雞柳炆烏冬雞柳有好多,亦有翠肉瓜,冬菇同另一種菇,唔知係咪我太遲食,烏冬腍o左,味道亦唔

今日放假陪媽咪大人飲茶，就去開佢平時飲開嗰間彩福皇宴石門分店飲茶，梗係要食連續五年榮獲點心大獎，既原隻鮑魚燒賣皇啦$35有三隻，賣相吸引而且燒賣非常大粒，肉質彈牙，上邊嗰隻鮑魚又鮮味彈牙，值回票價！食燒賣梗係要配埋蝦餃皇啦，$30有四隻，不愧為蝦餃皇，份量大隻，一粒蝦餃皇裏邊有好多隻蝦，蝦味重而且彈牙，皮薄涵靚又多汁，正！沙薑雞腳$46，雞腳好入味，而且唔會煮到一pat pat，有口感！北菰棉花雞$24，棉花雞索晒上湯味，軟綿綿，又到咗甜品時間，好耐都冇食過家鄉甜簿餅$27，出邊好少酒樓有得食，甜簿餅皮煙煙銀銀，包住砂糖花生椰絲，甜甜蜜蜜，外皮仲有少少香脆，下次黎依度大家可以食下，貪靚嘅阿媽梗係食返個原個棷皇燉燕窩孝敬下媽媽先$45，棷皇好滑又夠香既棷皇味，面頭嘅燕窩都唔少添，份量大，可以夠兩個人品嚐，抵食，呢度有免費升級陳皮普洱茶，飲到香香嘅陳皮味，環境舒服，出菜快！

放咗半日假，當然想輕輕鬆鬆過慢活嘅半天，揀咗去石門嘅呢間彩福，貪佢地方夠大，等位唔駛等咁耐。得獎點心食過好多次呢幾款得獎點心，總是百吃不厭，每款都有佢獨特嘅地方，無論味道，無論賣相。港式街頭蝦米豬腸粉每啖都會食到濃香嘅蝦米，配合煎香左嘅香蔥，每條腸粉都香氣四溢。呢款腸粉仲方便在唔使點醬，因為廚師已經把甜醬，麻將，辣醬均勻咁塗喺每條腸粉身上，好細心好方便芝心海皇千絲春卷米粉炸到香脆，好考廚師嘅功夫，裡面包住溶咗嘅芝士同冬菇碎，仲有蝦粒，外脆內流心，外香內鮮味，一個點心食出兩個口感層次蝦餃王大大粒蝦餃晶凝通透，蝦餃皮薄，蝦肉爽口彈牙，配上鮮筍提升咗蝦嘅鮮味蒸蘿蔔糕啖啖蘿蔔絲，絕非一般用粉開出嚟嘅蘿蔔糕所能比較。用料亦豐富，有瑤柱臘肉蝦米，海味嘅濃味配上蘿蔔嘅清新，好夾甜薄撐每件都沾滿椰絲同花生碎，用料豐富雞包仔雞包仔軟熟，包面唔會有倒汗水，係乾爽嘅，而雞肉嘅汁係鎖咗喺包嘅核心內圍味菜牛柳絲炆伊麵牛柳絲超多，牛肉嫩滑有肉汁有肉味，配合味菜嘅鹹鹹酸酸，味道滲晒落每一條伊麵裏面食咗咁多嘢，埋單先二百幾蚊，真係捧住個肚返屋企囉

自從那兩個商場開業後, 石門那裏的食肆數目迅速上升, 種類亦繁多, 從中到日到西也有. 今天到了一間茶樓吃午飯, 時間較早, 所以點了數個點心, 最後加了一個主食. 六款點心加一個粉麵收費才HKD270, 實在抵食.    皮蛋廋肉粥入口軟綿, 廋肉鬆軟, 皮蛋香滑.  香煎蘿蔔糕外脆內軟, 中間夾着蠟肉, 偶爾有點咬口.XO醬素翅鳳眼餃水晶皮晶瑩剔透, 入口微辛惹味, 豬肉結實, 大蝦鮮甜, 芹菜爽口. 葡汁鮮竹卷一反傳統改用葡汁, 提升了甜度, 亦減了鹹. 豆腐衣煙韌, 肉餡爽口結實. 濃湯鮮蝦水餃皇皮簿, 蝦新鮮彈牙, 雲耳爽口, 豬肉亦結實鮮甜.  蟹籽燒賣大粒, 結實有咬口.雞包仔清甜, 雞肉嫩滑不油膩.XO醬花姿片蝦球炆伊麵份量不少, 大約有4-5粒鮮甜蝦球及5-6片不粘不膩花枝片, 還有清甜銀芽. 入口微辣, 伊麵軟滑.吃完飯後還有些許時間可以逛逛商場內的精品店, 實在寫意.  

爸爸突然話要去飲茶,屋企樓下茶樓飲得多,所以去咗石門站彩福試吓飲茶。叫咗幾樣點心整體味道唔錯,最鍾意個尖椒攘魚肉。個尖椒去咗好辣既籽所以唔辣,魚肉夠所以幾好味。其他點心亦唔錯不過整體下午茶價錢比起其他酒樓都算小貴,所以食左幾樣點心下午茶都食左$270

彩福喺香港有好多分店，九龍區好多間都試過，咁啱見到沙田石門都有一間彩福，見到咁多人食我哋都唔執輸。隨即職員就帶我地入去坐一張大圓枱，途中經過見到其他食客枱上面嘅小菜非常吸引！已經垂涎三尺！當然唔少得開一壺我最鍾意嘅普洱茶，一邊飲一邊揀嘢食。酒樓餐牌推出左好多菜式優惠，例如冬至晚飯優惠、經典名菜同埋精選小菜等，價錢非常抵食。隨即我哋叫咗幾款小菜 : 脆皮旺金南乳雞，每一件雞都非常大隻，外皮非常香口，肉很嫩滑，係呢度嘅招牌菜式，大家一定要試吓。女士們咁貪靚當然唔少得要食魚，經過店員推介之下就order左清蒸沙巴龍躉斑。龍躉斑終於等到佢了，烹調時間真的剛剛好，食落去魚肉唔會太老，反而係好滑溜，恰到好處。食咗咁多肉，要叫返一款菜清一清腸胃，濃湯金銀絲浸旺菜飲一啖湯好鮮甜，啲菜非常入味，我哋幾個食足夠有餘。還有中式煎牛柳條、水蜜桃咕嚕雞蝦球同埋西蘭花炒帶子都係送飯之選。飲品叫咗一支朝日啤酒爽一爽喉嚨。食埋甜品凍楊枝甘露、竹燕椰汁糕同埋小朋友最鍾意嘅鯉魚芒果布甸，已經非常飽肚，相比價錢合理，而且每一款食物都好味，值得再encore。

臨近冬至相信都好難搵位食飯，好彩我哋早幾日已經打咗去訂位，慶幸仲有位Book到枱。見到酒樓非常熱鬧一家大小一齊做節食飯，而且裝修雅緻。見到粉紅色的餐牌食物同埋價錢列明晒出來，以為節日食物嘅價錢會比平日貴，點知睇落去又唔係，價錢都合理。茶位一位都只係$14，店員招呼周到，隨即幫我地開咗一壺茶水。見到隔離枱食脆皮南乳雞食得咁滋味，就叫了半隻一齊食。半隻嘅雞份量都幾多，而且有雞髀部位，食落去雞肉肉質滑嫩，雞皮香脆，點小小南乳醬汁更滋味！配以白飯食更加一流。唔夠喉再叫了兩個小菜，包括水蜜桃咕嚕雞蝦球同埋西蘭花炒帶子。當中嘅西蘭花炒得好林好入味，帶子非常大隻，食落去一條條絲，可見非常新鮮，仲要好有鑊氣。節日來說$1000五大兩小埋單有找，已經算係超值價錢了。

自從有彩福龍蝦節，我自己都好鍾意去彩福食😆講真啲嘢真係又平又靚一不過平時就去開佐敦今日第一次食石門😎👍🏻喺沙田火車站一架小巴已經去到勁方便！溫馨提示大家唔好喺大圍轉馬鐵因為慢勁多🤣講真地方真係光猛好舒服，坐得舒服係特別開胃🤣首先嚟嘅有＂京蔥黑椒牛仔骨＂牛仔骨向來係我嘅至愛，本來諗住過下口癮應該唔夠大排檔好食，點知火候十足而且牛仔骨好意易咬，冇乜肥肉又入味！超正😝👍🏻＂椒鹽鮑魚＂係我平時必叫，今日就硬左少少可能火候過咗，不過都好鮮甜！＂剁椒雪裏紅南瓜蒸斑球＂呢個簡直係必食推介又有斑又有蔬菜！佢雖然溫馨提示會有辣味，但真心覺得辣度一般，係甜甜地辣，大人細路都應該鍾意食🤤南瓜蒸得啱啱好！班球份量多而且入味又鮮味。＂燒汁松子繡球珍菇炒花枝柳＂鍾意食蔬菜嘅朋友就唔可以錯過，海鮮同蔬菜嘅完美結合💓＂原個椰皇燉燕窩＂呢個就矜貴啦😎要預先晏晝打電話預約定！否則好快賣晒🤣真材實料上面真係有燕窩椰子肉味道濃而且好香滑，有佢做結尾成餐飯就好Perfect😋順帶一提佢哋個場真係靚，樓底又夠高。石門分店仲有結婚登記靚靚嘅戶外景！個人認為擺百日宴或者長輩嘅大壽都適合不過！乾淨企理值得推薦👻

今日去咗彩福飲茶，我的叫咗好多點心，另外仲有炒粉麵，個燒腩仔真係值得一讚，入口即溶超級好味，另外還有芝心海皇千絲春卷，果然係得獎產品，非常之好味，食落好似有冬菇嘅味道，另外八味豆腐粒完全唔辣，個皮好薄好脆，好好味，其他點心就真係麻麻哋啦

週末 Family Day，孝順的我們帶著長老親友們聚一聚，飲茶吃點心是必然的了，今次帶他們去沙田石門的彩福皇宴吃午茶。以下幾款是我個人比較喜歡的點心及小菜。旋風黄金流沙包 - 得獎點心之一，黃金流沙餡料既香且滑，外皮薄薄一層，輕輕一咬流沙滲出，非法滿足。芝心海皇千絲春卷 - 另一得獎點心，外層香脆可口，內裡芝士夾心餡料，雙重口感。香煎蘿蔔糕 - 籮蔔絲比例多，輕輕煎一下已很好味，長老們一致讚好。露筍鮮蝦腐皮卷 - 另一香口之選，清新的露筍及新鮮的蝦肉，用腐皮包裹煎封，實為長久不敗之點心之一。蜜汁叉燒包 - 中式包鬆軟非常，叉燒餡十足，這個包一定要熱呼呼吃才適合。濃湯籮蔔燒骨腩煲 - 湯底是預期的濃郁，反易比較像蘿蔔長時間蒸煮出來的清湯，而排骨腩煮在湯很入味，不錯的一款小菜。

週未是與一眾長輩聚餐的日子，深知他們喜好飲茶，而彩福又是知名的中式酒家，那就約幾家長輩一齊往石門彩福飲早茶吧！彩福慣做婚宴，因此裝潢瑰麗時尚，環境舒適。點心及小菜選擇多樣化，其中還有數款得獎點心，趁人齊當然要點些試試。濃湯蘿蔔燒骨腩煲湯底有著蘿蔔牛腩的味道，肉味與蘿蔔味相輔相承。海皇帶子餃上枱時的賣相跟點心紙上的相片一樣，以綠豌豆做類似金魚的眼睛，外皮煙韌，餡料充足，配以蝦蛟及西芹。蘿蔔糕其他酒樓的蘿蔔糕通常只有三件，這間酒樓卻有四件，蘿蔔味道濃郁。黑醋咕嚕質感肉脆外軟，以黑醋調味，更見酸酸甜甜的味道，份外醒胃，大人小朋友都喜歡。

和親友共聚天倫，大伙兒來到沙田石門的彩福皇宴飲茶。茶客頗多，幸好早有親友到來「攞位」。一坐下才發現原來這間酒樓並不簡單，已連續數年奪過美食獎項。那就不得不試試它的得獎點心。先來的是芝心海皇千絲春卷。炸絲包着春卷，脆口但又不油膩，炸得剛好。餡料有大啖蝦肉，最特別是加上芝士，味道出奇地配合，即使平日不好芝士的親友也忍不住多吃一口。再來的是旋風黃金流沙包單看賣相已夠吸引，入面的蛋黃流沙熱騰騰，甜味適中，包夠香軟，不錯！還有就是港式街頭蝦米豬腸粉除了賣相佳，腸粉最重要的是醬料，甜醬辣醬麻醬芝麻區齊，正合心意！另外點了濃湯蘿蔔燒骨腩煲蘿蔔清甜，燒骨腩啖啖肉，又夠腍。連湯也不放過喝了多口。甜品點了金箔芝麻卷放了金箔的芝麻卷實在吸睛，大少朋友都爭着吃。感覺彩福的點心真是用心去做，難怪能屢次獲得大獎，果然是實至名歸。