彩福皇宴 (京瑞廣場1期)

營業中

休息中

石門最近開左兩棟新商場, 同事話彩福加拿大龍蝦好抵食, 平日每斤$78星期六日公眾假期$98所以一收工就走過黎食6:15黎到, 包場, 但食食下開始多人兩個人叫左3個菜,同事好細食,菜花篙荀炒鳳凰蚌鳳凰蚌爽口, 鮮甜, 個菜炒得唔多油, 好健康大碟抵食, 多鳳凰蚌桂花蜜香菠蘿黑醋骨黑醋骨炸粉唔厚,酸酸甜甜好開胃, 最正係有好多三色椒重點既上湯龍蝦1斤2, 比想像中大隻好多肉舊肉好易就起左出黎, 肉質有咬口, 一斤二但有好多肉, 仲有D鉗, 食極都食唔完, 絕對超值, 同事無介紹錯45分鐘已KO哂所有食物

睇到酒樓嘅晚市優惠宣傳係龍蝦節，平時食隻龍蝦都好鬼貴起碼百幾蚊一斤今日佢呢個優惠就係＄78左右就有一斤二兩嘅加拿大龍蝦食！淨係呢樣野都冇得唔去試試佢啦！今日小編同6位朋友預先book枱去石門呢間彩福分店度食呢個龍蝦節嘅晚市優惠，好彩book咗枱，因為差唔多大半個場都比人book咗，應該係嗰啲屋村晚飯活動，所以我諗如果真係walk in嘅話就唔使食喇。咁唔啱所以我哋被安排左入VIP房坐。好！跟住落嚟就直接介紹下啲菜啦！***例牌中式煎牛柳條： ＄90 呢個牛柳炒得唔錯嘅，其實有大排檔嘅味道添，都幾夠鑊氣，不過啲肉質相對比較un啲，鍾意食牛嘅朋友可以試一試，但係如果唔想食太多肉嘅朋友呢個就可以選擇其他。*** 脆皮南乳雞一隻： ＄113呢隻雞真係不得了，賣相睇落已經唔差，上到枱都仲係熱辣辣，食落去非常香脆，肉質好亂，咬落去入邊仲有好多肉汁，再點買佢嘅南乳汁，真係不得了非常強烈推薦大家可以叫呢隻雞🤣😂*** 彩椒鳳梨咕嚕肉： ＄78酒樓嘅咕嚕肉真係食得多，但係有水準嘅其實真係唔多，呢個咕嚕肉就正啦，夠鑊氣之餘，佢醬汁調教方面又唔會太酸又唔會太甜啱啱好，佢嘅咕嚕肉肉質亦都好嫩唔會太un亦都唔會

今日朋友介紹我去酒家食晚飯，咁就去食下啦。一到睇到間酒樓個氣派都唔錯，就臨近石門站隔離都幾算方便。一上到去覺得間酒樓都幾新應該係新開嘅我都係第一次去。咁一睇餐牌就有個優惠睇吓又有雞又有魚咁就叫你試吓啦。上次食飯食唔到片皮鴨今次就係呢間酒樓叫左片皮鴨食下啦。咁我哋兩個帶咗三個餸都已經足夠嘅。片皮鴨一上枱見到個鴨都算脆卜卜，就已經有職員上前幫我地處理隻片皮鴨上枱。跟咗兩個將再加埋個配菜同醬汁。片皮鴨我哋叫咗一食，一隻片皮鴨片都有滿滿的一碟。我平時比較鍾意所有野都包起跟住再點醬食，食落感覺清新的因為有蔬菜同埋皮感覺上均衡點飲食。一嗰塊鴨皮其實都幾算趣口，鴨皮一咬落去已經出咗鮮味，食落去覺得味道唔錯，一啲都唔肥膩，一上枱已經食已經食咗成三四件。剛上到嚟見到台台都有呀一隻脆皮雞咁我們兩人都有大半隻你試吓啦。脆皮雞食落果皮都幾脆，肉質比想像中嫩滑味道，個師傅廚師處理得好，唔錯唔錯。依個清蒸沙巴龍躉班百零蚊一條，食落去真係幾新鮮，啲肉質一食就知道係游水嘅，我本人就鍾意食魚肉，我朋友就鍾意食魚骨一絕。魚肉方便肉質嫩滑彈牙爽口我本人就鍾意食呢種質感。而家係用呢個價錢食到呢種質素嘅魚埋單兩人又食魚又食片皮

晚上和家人在沙田石門的彩福皇宴吃中菜，石門區大部份是工業用地，乘搭馬鐵到石門站下車，C出口就看見京瑞廣場第一期，彩福皇宴就在三樓。彩福皇宴四四方方的宴客廳沒有柱位，擺喜宴一流！龍蝦做優惠價一斤$78，我們要一隻龍蝦重一斤二両，芝士焗加$20，再加伊麵底每份30，要兩份三人都夠吃了！新鮮龍蝦肉爽脆彈牙又鮮甜，很滿足！例牌脆皮椒鹽豆腐拼吊片，脆皮椒鹽豆腐很有水準，外皮酥脆內軟滑，吊片的脆漿是食落卜卜脆的口感。例牌虎皮椒腰果炒牛柳粒，雖然是例牌，份量也不少，厚厚的虎皮椒很有咀嚼口感，腰果就唔夠脆口了！冇計，我習慣吃香香脆脆，剛剛炸起的腰果嘛！牛柳粒很腍滑，切得細細粒，整碟虎皮椒腰果炒牛柳粒味道適中，有家常少炒的風味。原個椰皇燉燕窩是我的至愛，$38有燕窩吃，抵食啦！凍楊枝金露，青檸芝士凍，我的家人吃得津津有味！晚茶每位$13，我們喝的鐵觀音，茶不混濁、清香有茶味，不錯！值得一讚，侍應服務良好！

地方很光鲜新淨企理，空間十足，唔會同隔離枱黐到實。食物有質素，份量亦好足。有獨立房可擺兩圍自己人食飯。地點喺正石門站隔離，搭馬鐵非常方便，對沙田、馬鞍山居民係一個好好的新食肆選擇。

16-2-2017 (Thur)vendor o黎請食飯,我o地一共11人,有同事先到搵位,我o地到埋就剔o野食,剔o左:1. 蜜汁叉燒軟硬適中,顏色夠,鹹鹹甜甜,唔差.2. 沙律炸雲吞冇酸甜汁,取而代之o既係什果沙律o係面,有新鮮感,味道唔算好酸,但始終覺得配返酸甜汁好啲.炸雲吞脆口正常.3. 黃金卷其實係豬肉卷,上面有少少千島醬,食落好普通.4. 鮮蝦帶子炒米炒米唔會過腍,味道清.5. 瑤柱蛋白炒飯同樣好清,但食到有脆飯焦.6. 冰鎮wasabi貓耳朵味道o岩o岩好又凍又爽,好味. 7. 蝦腸蝦仁大大隻,正常冇問題.8. 酥炸魷魚鬚炸粉唔算多,仍脆脆地,唔錯.9. 酥炸九肚魚同事話好食,我都食啲啦,唔好食,炸粉多同鹹,麻麻.10.   帶子小籠包唔細隻,帶子放o係入面,味道正常.11. 咕嚕肉顏色稍為深o左啲,食落正常冇問題.12.-13. 蝦餃,燒賣大大粒正正常常.14. 楊支甘露質地稀,芒果味超淡,芒果肉又少,柚子肉多,重有西米,但西米唔夠腍.15.-21. 海蜇青瓜,炸豆腐,豉汁金錢肚,麻辣金錢肚,煎釀尖椒,鮑汁雞腳,薑茶湯丸我冇食到.味道係3.14分, 抵食係2.5分

今日難得一家人放假去飲下茶😋😋去咗石門新開既彩福皇宴可以預先手機取票，如果唔係有排等，因為長期好多人七味茄子軟殻蟹 $45中間係茄子，有兩隻蟹咬入去仲有好香蟹味同蟹膏😋好味蝦腸 $29每個腸粉入面都包咗一粒大蝦👍🏼而且爽口彈牙香煎蘿蔔糕 $29味道口感一般，而且太多粉鳳爪，雞包，小籠包味道都唔錯好小係酒樓食甜品，不過依個係必食👍🏼👍🏼😋原個椰皇燉燕窩 $38好香椰皇味，重點係好多燕窩，超足料

我哋係訂咗2圍頭圍，已經係頭圍用膳啦！點會叫咩無咩！邊度有酒樓會有乳豬拼盆，但無乳豬無义燒，叫套餐入面有幾樣無！叫你散叫又咩都無！已經係開左半年有多！招呼差不特止，態度又差

這間彩福開張了好一陣子，未有機會一嚐，今晚終於來一趟。一家四口來試試家常便飯，點的都不是名貴菜，當可試試廚房功力。菜牌內有三寶有孖寶，想飲湯食海鮮有湯+扇貝組合；想食海鮮有薑蔥蟹+燒味拼盤組合；想食有魚有肉有菜又有老虎斑仔+菜+叉燒組合。形形式式總有一款啱你。我哋揀咗有魚、有肉、有菜，另外雞做特價，半隻只係$58，咁就有4個餸啦。特價半隻雞，賣相不俗，味道亦好，味道好像豉油雞。叉燒拼海蜇野菌浸菜苗最後再叫咗半打饅頭仔，很飽足！最後條斑仔都唔記得影相，俾我哋食晒。環境很舒適，樓底較其他酒樓高，枱與枱之間有適當的距離，不會背貼著背。

今晚與幾位長輩吃一頓晚飯，他們提議到石門彩福，志在易有位。泊好車，蒲踏進彩福便覺得自己在婚宴當中，沒有柱位，光猛潔亮，以環境來說，的確是辦宴會的好地方。一行五人，四位長輩，所以本來只想點簡單小菜，但正值新年期間，只有「特別菜牌」，唯有點一個三道菜的combo。 食評之先，先略寫一下服務，除了我們剛坐下的一刻，努力遊說我們點隻燒鵝後，可能因為新年關係比較忙碌（其實不是理由吧），待應都來也匆匆，去也匆匆，對我們的提問，都是一句起，兩句止就走了。我們想點粥，沒有粥；點了一窩米粉，過了一段時間就說只有一碗碗上的清湯米粉（＄４５），今天沒有一窩的......有一碗碗，沒有一窩窩，頗新鮮的概念...... 食物方面，對不起，沒有拍下餐牌，反正都是一些冠冕堂皇的名字，那不如看圖看真相吧......叉燒，肥瘦度還好，但可惜是凍的，吃入口因為變得膩了；雞，近骨的肉還紅的......都不敢吃太多了。魚，先不說味道，看賣相已經有種想念媽媽的住家味，簡直就是昨天吃不完，今晚要繼續吃的那種「住家感覺」。可惜，卻沒有住家咪道，很腥，肉也很「痴骨」。其實我不介意份量，畢竟一分錢一分貨，但也可以擺放得好一點吧

這間位於石門既茶樓，轉眼都開了兩個多月，環境裝修未至於華麗，亦算雅緻，而且座位寬敞，坐得舒適。來到當然要點得獎點心之一的旋風黃金流沙包，軟綿綿的口感，一咬流沙已經滲出來，很滋味。另外得獎點心是真功夫潮州炸粉果，單看賣相經已很吸引，入口十分香脆，再配高湯，讓炸粉果再昇華另一環境界。脆肉瓜蝦餃，蝦肉份量不多，如果四粒就好點。香煎南瓜芋夾，芋頭絲夾雜有南瓜，不是別處茶樓有得吃。咬落香口，還有香芋頭味加點南瓜絲高纖維，好吃。

今日爸爸生日一於請佢去石門新開既彩福皇宴飲早茶順便試吓佢哋d點心需然石門冇地方好行，唯一好處就係有三間酒樓，去飲茶時唔使等位入到去酒樓望見個場好新好靚，而且好寛敞坐落唔壁，任你選位坐碗筷用具和地方都乾淨整潔，睇餐牌都好多點心選擇，我就選左一d平時都會食既(家鄉炒米粉、梅菜肉餅蒸飯、香滑鮮蝦腸、原盎瑤柱灌湯餃)和一d連續四屆攞奬點心(港式街頭蝦米豬腸粉、旋風黃金流沙包、原隻鮑魚燒賣皇)睇吓值唔值得攞獎，點心係即叫即蒸，點心未到就嘆吓茶吹吓水先，茶唔算最頂级但都唔係嗰啲下價茶冇味難入口，大约十五分鐘左右，點心就慢慢送上，首先試吓個飯先，需然睇落個賣相唔係好靚但食落去啲飯唔鬆散唔鞋，肉餅唔肥唔瘦，味道剛剛好香滑鮮蝦腸，個外皮軟滑可口，而細心之處係蝦腸唔係一條條唔使自己分開，可以一口食哂，每嚿有原隻大蝦爽口彈牙家鄉炒米粉需然冇乜材料，得啲西芹、红蘿白、蔬菜和火腿絲，但都唔係啲頭頭尾尾，而且嗰米粉炒得幾乾身唔油膩，味道香口原盎瑤柱灌湯餃，睇已經覺得正因為有原粒瑤柱和松草花，而且隻餃好足料和大隻，瑤柱咬落幾淋，皮薄餡靚，有豬肉、冬菇絲、筍絲、蝦，食落啖啖肉，口感豐富，湯濃冇味精感輪到試得奬點心，港

中秋全包宴二千幾蚊算抵食！第一道菜燒乳豬非常好味，乳豬皮入口脆卜卜，非常新鮮！竹笙鮮茄浸菜無咩油份，好似幾健康...但敗筆在於湯底味道偏重！拳頭咁大既壽包好多年蓉，仲有成隻鹹蛋黃，好足料！

9-9-2016 (Fri)女同事CP叫埋一向帶飯o既女同事CY同我飲茶,我o地都去啦,今次一共六個人,又o黎呢間.由於人少,所以今次我o地係坐大廳o既枱,我o地叫o左:1. 燒腩仔拚素鵝先食齊鴨,腐皮卷住好多洋蔥,雜菜,腐皮脆,雜菜仍濕潤,算唔錯.燒腩仔一樣皮脆肉嫩又唔太鹹.味道: 4分2. 咸水角同第一次o黎一樣,size細o左啲,味道唔太鹹,餡少,五香味亦都唔太濃.味道: 3分3. 春卷好脆,內裡o既蝦仁大大粒,鹹淡又適中,OK.味道: 3.6分4. 馬拉糕又同上次一樣,馬拉糕係啡色o既,有合桃粒,唔太甜,幾鬆,OK.味道: 3分5. 沙薑雞腳上次冇食,今次食,雞腳夠腍,味道就唔係好夠,就算蘸佢o既沙薑醬.味道: 2.8分6. 煎蘿蔔糕又同上次一樣,細件同唔太夠味,亦冇煎到香脆.味道: 2分7. 煎花枝餅熱騰騰,有粟米,蔥,幾香口同彈牙,唔錯.味道: 4.5分8. 上湯浸菜苗係白菜苗,重有啲番茄粒增加顏色,白菜苗唔算好甜,不過夠新鮮o既.味道: 3.5分9. 黑松露帶子小籠包一籠三隻,內裡果然有一隻帶子,冇花冇假,汁都多o既,不過只食到普通小籠包味道,食唔到帶子鮮味.味道: 3分

7-9-2016 (Wed)公司高層請我o地食飯,我o地一共14人,今次俾o既枱都係o係上次o黎食o個間房入面,枱同上次o個張一樣大,但今次迫啲,可能大隻o既男人多啦.我o地叫o左:1. 蘿蔔千絲酥一碟四件,我同女同事CY share一件,外面都脆脆地,但冇乜蘿蔔味.味道: 2 分2. 招牌叉燒經過上次食香茅黑椒叉燒o既經驗,覺得叉燒應該好食,果然,佢係半肥瘦, 口感鬆軟,蜜味好夠,而且有少少燶脆位,真係好好味.味道: 5分3. 金錢肚顏色係正常,但食落偏甜,係咪將糖當鹽?o徙晒佢o既夠腍o既口感.味道: 1分4. 唔知咩炒飯有約一個一蚊咁大o既帶子,飯粒同上次一樣分明但偏乾硬,調味就冇問題.味道: 2.7分5. 馬拉糕呢o度o既馬拉糕係啡色o既,唔太甜,幾鬆,OK.味道: 3分6. 豉汁鳳爪我冇食鳳爪,但食墊底o既南瓜,呢個唔鹹,普通.味道: 3分7. 蝦餃同上次一樣,大大隻,內裡有好多蝦仁,爽,好味.味道: 5分8. 椒鹽鮮魷今次冇味,要醮唔酸o既喼汁食,不過佢係脆,又o徒晒.味道: 2分9. 味菜火鴨絲鴛鴦米原以為係炆米,但男同事WC夾起時,發覺下面有粉絲,真鬼祟.我都試吓,呢個