彩福皇宴 (京瑞廣場1期)

營業中

休息中

今日入咗沙田陪母親大人晨運之後就行咗去石門這邊飲茶, 我們選擇了彩福皇宴這間酒樓, 上到等了十五分鐘左右就可以攞到枱, 安排我們坐入vip房, 這裏環境幾清靜唔錯, 啱曬飲下茶傾下偈。 還有這間酒樓點心都有好多款選擇， 我們揀了這裏的攞獎點心， 原隻鮑魚燒賣， 這個燒賣都好大粒，上面鮑魚仔鮮味，內裏的蝦同豬肉比例都好平均，一啲都唔覺肥膩。這個港式蝦米街頭豬腸粉，上枱時熱辣辣蝦米蔥花芝麻好足夠， 夠香滑惹味。這個海皇太子餃味道清新配搭內裏鮮蝦同芹菜都好鮮味還有這個基本的鳳爪排骨飯， 即叫即蒸， 味道非常唔錯。甜品就嗌咗椰皇燉燕窩和這個芋蓉西米焗布甸， 喜歡這裏的點心即叫即蒸熱辣上枱， 這樣飲茶吃點心先滿足呢

今晚同媽媽去左石門晚餐，幾年無黎，石門真係變化很大記得以前夜晚係好靜，想搵野食都難，但依家非常熱鬧，食肆多左好多！媽媽鐘意食中菜，所以最簡單係去酒樓，乾淨又坐得舒服我揀左彩褔，因為質素比較有保証，而且一出馬鉄3分鐘唔洗就到，非常方便！價錢合理，款式多，重有唔少套餐選擇小食脆皮燒腩仔$65皮脆肉嫩，不會過肥，入口有肉汁脆皮旺金南乳豬半隻$68看到差不多每枱都有點，因為真係超抵$68！本身係炸子雞，南乳汁另上，所以唔鐘意食南乳都唔怕雖然是特價，但絕對沒有將貨就價，半隻雞份量足，皮薄肉厚，肉質嫩滑結實，！美極乾炒海鮮麵$113份量大碟，海鮮亦非常足料，麵質爽彈又惹味荔竽油鴨煲$98超多芋頭，口感夠粉，椰汁底配上芋頭及鴨香，非常滋味除左芋頭重有冬菇同油鴨

今日早起身，去拎個位飲茶，石門飲茶地呢到最佳。今餐我令我有驚喜的點心有：中 金菇雞絲粉卷$25味道超贊，金菇很滑，雞絲也很多這樣搭配口感很好。生滾枸杞菜肉丸粥$28熱滾滾的肉丸粥，加上枸杞很養生，好香，好入口。中 生肉球$25好大顆的肉球，肉質鮮美，整顆都是肉好滿足，味道好極了。大 鼓味蒸鳳爪$30好肥大的鳳爪，有點甜甜辣辣的，骨肉分離，很好吃。特 瑤柱灌湯餃$35咬下餃子裡面的湯汁有點燙嘴，但裡面的鮮味真的太棒了。小 雞包仔$19美味的雞包仔，小巧玲瓏。原個椰皇燉燕窩$45濃濃的椰香，配上燕窩一起起燉營養又美味，口感很是嫩滑。

假日的時候喝茶也是很好的選擇，今天和幾個朋友一起喝午茶，彩福皇宴就是我們今天的午茶地。點左好多野食，我最愛有:海皇太子餃 $30晶瑩剔透的皮，蝦肉鮮甜，青豆夠熟很香，口感很好。好可愛!港式街頭蝦米豬腸粉$32滑滑的腸粉，蝦米多，加上獨特的甜醬油好爽口。芝心海皇千絲春捲$35好用心的一道美食，千條金絲包滿了芝士海皇，脆脆的好好吃。特 蝦餃皇$35彈彈的外觀，皮薄蝦鮮，料多，口感有點QQ的。大 金錢肚$30好有嚼勁的金錢肚，味道鮮美。中 金菇雞絲粉卷$25味道超贊，金菇很滑，雞絲也很多這樣搭配口感很好。大 煎粟米花姿餅$30香噴噴的餅煎得可香了，裡面的粟米很飽滿，甜甜的味道極好。鯉魚芒果布甸$18好可愛的一條鯉魚，看著都不捨不得下手，清香甜美的芒果味，滑滑的，入口即化。今天的口福不錯，之前有些沒吃過今天補上，味道都是滿分，好滿足。

總之如果要係石門揀一間酒樓，我必定揀佢！晚市特別有數款精選小菜，價錢都ok，如果唔岩，重有其他！更多既小菜選擇，全部望個名都覺得吸引，今晚就叫左幾款小菜同屋企人試試 ~第一款 : 脆皮南乳雞 (半隻) $68賣相及顏色都好靚，雖然只得半隻，但SIZE絕對唔算細隻，亦唔會成隻碟都係油，連同附上既南乳醬，味道四溢 ~成個都覺得係酒樓食呢D脆皮雞，一上枱時望到既 "色水" 靚唔靚，就等於隻雞好食與否 ; 呢隻雞剛好半肥瘦，外層金黃色既脆皮，入面口感岩岩好既雞肉，雞油同南乳醬既混合之下，真係好好味啊！第二款 : 彩椒菠蘿咕嚕肉 $85我媽至愛！呢個都可以講係彩福既招牌小菜之一，好似都曾經攞係比賽過獎架添呢個價錢唔算貴，份量都幾多，特別係咕嚕肉所佔嘅比例，甚至每件咕嚕肉都係大大件既 ; 我個人比較喜歡咕嚕肉多過咕嚕骨，因為真係啖啖肉 ; 酸酸甜甜，外脆內軟既佢，愈令到白飯都食多兩碗喔第三款 : 帶子海鮮雜菜煲 $102究竟一個雜菜煲點解可以賣成百蚊？因為佢真係有大量帶子海鮮係入面架！亦係一個清清地，又唔錯既選擇黎菜方面就主要有西蘭花，菜心，娃娃菜及一d菇類，而海鮮就有帶子，花膠，章魚等等，整體味

長方型宴會廳，地方都幾大，亦都方便一眼睇曬有冇位，呢度仲有唔少人會選擇宴會，皆因有兩邊好靚既庭園，影相一流。石門呢一區愈來愈多人黎搵野食，全因為京瑞一＆二期均有大量食肆，近一年真系旺左好多。試個幾間酒樓/點心專門店，都系最鍾意彩福。呢啲獲獎點心一定要揀幾款黎試下，價錢系Around大點價錢，冇特別mark up得太貴。旋風黃金流沙包 ($30/假期+$2) - 流沙餡中見到有唔少鹹蛋黃粒，幾香口惹味，餡料香得黎又夠滑，份量仲幾多，呢款系其中一款最好食既點心。真味椒鹽龍鬚 ($42) - 是日午市優惠推介，椒鹽味唔會太重，層炸粉都幾脆口，內裡既魷魚鬚亦夠彈牙，冇overcooked，加少少喼汁仲香口。椒鹽九肚魚 ($44) - 雖然同傳統一條條既九肚魚唔同，但味道同質感都系一樣，外脆而中間系非常之軟腍幼細，要小心啲夾先得。芝士海皇千絲春卷 ($33/假期+$2) - 呢款亦都系得獎點心，夾左蝦肉同芝士系入面，加埋外層既千絲炸卷，絕對系新派小食。燒賣皇 (特點$35) - 其他普通點心都系standard既味道，隨自己喜好吧，但店方主力推介既要試！

彩福皇宴的沙田石門分店為此區增添一點色彩，我亦相信其絕對是區內的最佳酒家，無論是午市點心或晚市小菜，均達一定水準。旋風黃金流沙包 ($30): 其中一款店方得獎點心，其「蚊香娃」造型奪目，內裡的金沙醬非常流沙，就算mass production都能做到隻隻流沙，蛋黃味香，非常好食，比人人爭相購買的流沙奶皇月餅好吃得多，划算得多。沙薑大雞腳 ($44): 擺碟精美，雖名為「大雞腳」，但與一般鳳爪的尺寸無異，其實更好，吃起來更方便。雞腳軟腍，不黏雞骨也不黏牙，沙薑醬是標準的味道。椒鹽魷魚鬚 ($42): 炸粉不厚，很有酥香鬆化的感覺，但炸油該是使用了一段時間，使其製品色澤稍深，扣少許少分。魷魚鬚相當彈牙，無論是味道或是質點也取得不錯的balance，而且份量多，值得一試。蝦餃皇 ($35/特點): 皮薄不黏口，蝦餃皮已能得知其質素，而且每粒都有兩件蝦肉，新鮮甜美，肉質爽口彈牙。

每年同屋企人過中秋節，多數都會早一兩個星期，但今年各個成員都有點忙，所以改左去星期六飲茶當做節。父母屋企附近都有幾間茶樓，但他們倆已經差不多天天都去，所以諗住去其他地方，但又唔可以太遠。近少少的會係沙田新城市，但無得訂位、又人多、座位又逼、枱與枱都好逼。而第一城都係差不多情況，最後就睇下石門站有邊幾間，最後選了彩福皇宴。座位夠闊落，又可以訂枱。一行11人，去到一座低就劃點心紙，響等既時間，大家便閒話家常。不用5分鐘，點心便開始到了，我們點了17個點心，再一鍋伊麵和一個炒米粉。伊麵和炒米粉主要是給我的2個小朋友食的，他們2個就是喜歡吃湯麵和炒米粉。最後消滅晒所有點心之後，便埋單。價錢只是820 再加一，平均每人80蚊，我覺得價錢適中，我個人最喜歡炸尤魚鬚和叉燒腸，而我的2個小朋友，吃了超多碗的湯伊麵，可能平時很少吃這個伊麵。而我太太就很喜歡蝦腸粉、露筍鮮蝦腐皮卷、和凰爪。正當我準備俾信用卡時，我2個細佬說還想再點多一些點心，後面我因為2個小朋友唔肯等，所以先埋單，我一家先行告退。如果大家下次想飲下茶又想座得舒服d，呢度係唔錯的選擇

追月夜，和家人到石門站旁邊的>>>彩福皇宴<<<用膳。酒樓位於馬鐵線車站旁邊，方便至極，無需費神尋找餐廳所在。這夜人不太多，即使沒有訂位也可輕鬆入座。 當晚點了不少菜，可惜太晚收工，家人率先開動，結果沒法把每客食物一一記錄， 只能分享追加的食物。脆皮椒鹽豆腐拼吊片(HKD90) 非常香口，雖然不太健康，但這樣的一層脆皮，確是非常吸引；不論是豆腐或者是吊片，炸漿均很透薄。無論是豆腐的外脆內軟，或者是吊片的外邊爽脆內邊彈牙， 也是很誘人的對比。椒鹽是輕輕的一抹，簡單的帶出味道，不會太過濃烈。 美極乾炒海鮮麵(HKD113) 顧名思義當然附帶一些海鮮，份量也蠻多。麵身夠乾， 也是名副其實，沒有太過油膩。用美極炒香，味道不會太鹹的，顏色也很靚。 甜品的選擇是雪蓮桃膠燉木瓜(HKD23)。 過了中秋，天氣更見乾燥，內內外外也要滋潤一下，當然要品嚐滋潤的糖水，給身體打打氣。用料十足，味道清甜，吃過的話也讚不絕口。 整體食物售價尚算親民，唯茶錢有點意料之外，每位HKD14， 殊不便宜。

近年石門站多咗好多餐廳，今晚決定去外遊石門。四處走走後還是找間餐店吧，由於想食中菜，便決定到彩福酒樓開餐，彩福酒樓就在石門站隔離，搭馬鐵線非常方便。為了解決各有所愛，大家決定散叫。我們先來個原盅招牌燉靚湯，湯味濃郁，材料十足。從湯料可見有不少瘦肉、雞腳。由於個人口味，鳳爪正合我慢慢細味，即使不愛用湯料的話，只嚐靚湯亦不容錯過。蝦子麵根豆腐煲$82係彩福精選小菜之一，蝦子配合麵根和豆腐，可以說是各豆腐製品的合奏曲，被經炸外皮包含軟滑內心的豆腐，外香內滑十分可口。麵根隨著煲內湯浸變得更有咬口，加上蝦子的鹹香，用作伴飯品嚐最為值得推介。椒鹽鮑魚$28一隻，肉質豐滿，口感充足，可惜味道偏淡，只靠少許炸槳帶有少許香味，但論28大元可嘗一整隻厚身鮑魚亦算值得。另外仲叫咗一碗上湯伊麵$45，本身係米粉，轉伊麵加$5，上面加啲金華火腿絲夠矜貴，根本功夫不錯，適合清淡不愛煎炒的朋友選擇。甜品揀咗茶抹芝士餅$23，選擇的原因很簡單，只係想一嘗中式酒樓所製作的西式甜點可有突破，答案或許很容易了解吧! 還是中餐食中式食品好一些，雖然不是理想般的芝士餅，但仍算是有真材實料的，芝士餅中的芝士味濃郁，沒有多餘的氣孔

去開石門做野，知客話對面京瑞廣場既彩福d野幾好食，叫我哋有機會試下！咁我同同事難得過開嚟就梗係去try try! 估唔到12 點未到已經要排隊等位！我哋即刻同經理講話可以搭檯，咁就即刻安排左我哋有位坐，可以唔駛等咁耐！部長推介我哋食得獎點心，我哋都覺得幾精緻，就點左幾個食下！點心未到，燒肉拼素鵝好快就送到，燒肉皮好脆口，而且都燒得幾入味，素鵝非常鬆化入面既蔬菜絲幾爽口，除了鬆化，更是爽口！椒鹽魷魚鬚炸得幾香脆，咬落都幾煙韌，個人比較喜歡點埋喼汁食，令到我更開胃！食左幾個點心，非常期待既得獎點心港式街頭蝦米豬腸粉終於送到！ 豬腸粉已淋上甜醬，麻醬同辣醬3 款醬料，除左增加味道外，更令賣相加分不少！腸粉幾滑，份量都唔錯！之後到既係煎蘿蔔糕，煎得金黃，4 件2個人食，真係好抵食，蘿蔔絲豐富，外脆內軟，蘿蔔味十足，唔錯！而另一個得獎芝心海皇春卷都跟住送到！賣相相當吸引，食落過癮，先講外層既脆口既米粉，包著春卷，令春卷口感大增！再講入面既春卷除左原有既蔬菜絲配料外，仲加入左芝士，芝士溶化在內，香味更突出，非常邪惡呢最後送到既係珍珠雞，賣相正正常常！打開四四正正，整得都幾骨子，糯米煙韌，用料都

公司今日在沙田石門開會, 中場休息打算嘆靚茶食過附近富臨, 煌苑的午餐, 對比後還是彩福的點心好吃很多! 也怪不得雖然價錢上比對面貴少許, 午市仍然門庭若市, 我們等了大概10分鐘才有位這間酒樓有很多得獎點心也是我的至愛, 跟同事3 人也叫了很多食得太多次這裡的流沙包及龜魚燒賣, 今次要試他們的 “大廚滋味” 系列涼拌的小食令人胃口大開 陳皮聖女茄 我一開始是被這個名吸引, 叫來搞笑, 想不到這個涼拌超好吃! 去了皮的凍櫻桃小蕃茄很多汁, 加上了芝麻, 話梅味, 陳皮粉, 把蕃茄的味道帶了出來, 少少酸甜, 很開胃, 這碟差不多我一人吃光光的! 麻香牛蒡金錢絲 我們已經不再叫很多油的醬皇蒸金錢肚, 改了這款吃法, 健康惹味得多 此冷吃的小食, 麻香味不是很重, 加上了三色椒及洋慕, 賣相很多色彩又健康牛蒡帶點酸甜, 跟爽身的金錢肚一起吃, 令此菜色更具層次 鮑汁炆扣鳳爪 這個是我的至愛!!!! 重要的是講多次! 真的是至愛!差不多是我每次到酒樓必吃的小食! $44 一大煲有多隻雞腳, 一點也不貴, 更可以說是性價比很高的一款小食, 鮑汁炆扣是先把雞腳上味, 以快火煮, 接著緊扣埋芡,

一班同學旅行回來補慶祝中秋佳節，約在石門彩福食番餐。我們原意分工點選菜餚，但有兩位同學請我代揀埋，仲話最怕諗食乜喎！我看見$560「金牌海鮮晚飯套餐」很合心意，建議選擇D餐  四位，包括：西芹炒龍躉班球碧綠炒鳳凰蚌原盅豐料燉湯皇牌脆皮燒鷄生財金錢扣玉掌煲黑糖椰汁紅棗糕我們五位享開，還有兩位同學分別點選：$82蝦子麵根豆腐煲$28椒鹽鮑魚一隻$90脆皮椒鹽豆腐拼吊片$113美極乾炒海鮮麵$45上湯伊麵和幾款甜品分享。席間大家一邊享用豐富晚飯，一邊分享一下旅遊見聞。我也分享一下我選擇的D套餐給大家。原盅豐料燉湯，湯料十足，味道清甜，也足夠八位飲用。半隻的皇牌脆皮燒鷄，皮脆肉滑，貴精不貴多，剛剛好！碧綠炒鳳凰蚌，鳳凰蚌炒得爽脆，清清地又不失美味。西芹炒龍躉班球，厚片的龍躉班肉配合西芹，夠份量，啖啖美味龍躉班肉吃得很愜意，這個菜式我喜歡在酒樓吃，自家炒，炒不到夠鑊氣！生財金錢扣玉掌煲，生財=生菜，金錢=圓潤厚身的炆冬菇，玉掌=扣得夠腍，又恰到好處的鴨掌，多年沒吃過了！今餐吃得真的過足癮啦！黑糖椰汁紅棗糕，紅棗是女士補血之寶，黑糖是健康的糖，且有焦香味，加埋香滑椰汁，熱騰騰又煙靱的黑糖椰汁紅棗糕

好友喺沙田石門返工，星期六上午仲要返工，所以就好友放工直接喺嗰頭飲茶。我比較早到，咁就先上酒樓攞左飛先，不過都唔需要等好耐就已經可以入坐。我地見到其中有張點心紙寫住榮譽金獎點心，我地就選左兩個得獎點心。黃金流沙包，不愧為得獎點心，真心值得推介。入面流沙餡好滑好CREAMY，甜度適中。芝心海皇千絲春卷 用上一條條如髮絲嘅麵條絲包成，入口非常香脆。煎芋頭糕足料，芋頭味香濃，質感挺實，唔會靠溝粉，煎得都好香口。雞扎我無食，不過齋睇嗰賣相都唔差。鯪魚肉煎釀虎皮椒煎得夠熱夠香，尤其係鯪魚肉果一邊，泛起金黃色而有點脆口，入口熱騰騰，鯪魚肉彈牙有鯪魚香，虎皮椒爽口，吃起來唔會太辣。椒鹽龍鬚炸得好脆，又唔會覺得油膩，食唔停口。蝦餃皇嘅皮做到薄身，中間嘅蝦肉鮮美爽彈好新鮮。四個人，埋單都只係三百頭，人均消費一舊水都唔洗，位置都頗鬆動，坐得都舒服，眞係週末有口福。

臨近中秋，阿媽話今年飲茶當過節，去彩褔飲茶可以book位，唔洗去到慢慢等，座位又夠闊落。我地一家有成10個人，所以叫左好多野食，有包點、炸物、腸粉等等。見到有張點心紙寫住得獎點心，但我地無特別點。包點類：我地order左馬拉糕、千層糕、雞包仔、叉燒包同糯米卷，所有包類質感非常鬆軟。叉燒包個餡唔會好脷蒸點心類：有蝦餃、燒賣、金錢肚、鳳爪蝦餃皮薄Q彈、餡紮實，而且蝦都夠大隻；燒賣食落冇肥豬肉破壞口感。金錢肚同鳳爪夠入味。腸粉類：有叉燒腸同蝦腸。腸粉淋上豉油，滑嫩鮮美。其他類：煎栗米花姿餅、海蜇拼掌翼、椒鹽魷魚鬚、腐皮卷、芋頭糕、咸水角。魷魚鬚係必食之選，啲魷魚鬚口感唔會太乾太韌，咬落軟熟，再者，粉漿簿，兼且炸得甘香酥脆。