張公子

營業中

休息中

黑毛豬叉燒🍖肥瘦均勻呢d先叫好食，有肉有肥口感好好，燒到個邊脆脆地，用個爐仔暖住黎食，冇得頂呀⋯⋯艷影蝦球🦐檸檬汁酸酸甜甜，個皮炸到脆脆地啖啖咬落口都係蝦，大大隻好足料，真心必食的。鮮腐竹蕃茄浸菜苗🥬唔好睇佢咁簡單，越簡單越難整得好食，湯底用新鮮蕃茄煮，腐竹加菠菜完全食到鮮甜味。鮑汁花膠絲撈粗麵🥢粗麵吸晒d鮑汁，用左花膠絲同芽菜，已經超級棒。樣樣小菜都好精緻、有水準材料又高質👍🏻👍🏻👍🏻

📍官塘《張公子》平時鍾意嘆茶嘅我假日中午去咗觀塘一間中菜館到嘆茶食點心太好喇 有我鍾意飲嘅龍井🫖😀啲茶唔錯👍🏻幾香又回甘仲有個蠟燭座助熱個茶壺 好貼心環境舒適 空間感大我哋兩個人點左五樣嘢：金網香芒鮮蝦卷👍🏻推介$48好脆好香口 配埋個醬汁好開胃蘆筍鮮蝦腸粉 $60塊腸粉皮比較薄 唔似得平時嗰啲好厚身蟹粉小籠包 $68賣相唔錯蟹子蒸燒賣 $52食落去嘅口感比一般嘅燒賣彈牙流心奶黃包 $40雖然我哋唔係叫咗好多嘢, 但係原來五樣嘢食…食食下肚子都冇乜位😅最後 仲有是日糖水送俾客人- 蕃薯糖水🍠

超級美味的中菜❤️❤️❤️今晚諗住同老公去觀塘食吓飯，點知搵到一間中菜超級有驚喜，食物超級有質素！一定要去試試！我哋點咗四個菜，每一個都係非常有特色。1）奶湯雲吞煲$138這個性價比很高，因為煲內有很多雲吞，而且粒粒都有很新鮮的蝦肉，配上白菜，是一個很清甜的菜湯2）翡翠筍殼魚球這個以海鮮來說，都是非常美味的一道菜，筍殼魚非常新鮮，經過煎後非常香，配上西芹，很感覺很名貴的一道菜👍🏻❤️❤️3）珊瑚藕卷最喜歡這道菜，因為用蓮藕片包着肉，配上酸酸甜甜秘製的醬汁，而且有點微辣，非常開胃的一道菜！4）山珍翠塘豆腐$168豆腐超滑、配上芡汁在上面，送飯一流👍🏻👍🏻

今日同事成日提起張公子，以為是誰？原來係觀塘一間中菜館，同事更讚食過一定會翻尋味。咁就要搵埋女兒去試吓！張公子裝潢好特別，一入門口就見到一個大錢甖設計的收銀櫃檯，地方寬躺。艷影蝦球：用脆醬包住大蝦炸，再加上濃厚嘅檸檬汁，口感先香脆後清甜，蝦球上還有一枝小露荀配襯，使菜式更加精美。山珍翠棠豆腐：翠棠豆腐是一度港式懷舊菜，當中豆腐其實係用蛋白做成，用蛋白混和雞湯蒸成，其口感媲美真豆腐，之後用山珍混和一個晶瑩透亮的玻璃獻汁鋪上蛋白面，食落香嫩軟滑，鮮味十足。陳醋水晶肴肉：這道陳醋水晶肴肉的“水晶”已經是陳醋，不需要另外沾醋。吃的時候陳醋的味道融入肴肉之中，入口即化，口感有層次。而且陳醋的份量調得剛剛好，不會過酸過甜。黯然銷魂炒飯：炒飯鑊氣十足，飯粒分明，炒飯配上叉燒、雞肉、蛋同木魚碎，令口感和味道都提升。

朋友介紹觀塘這家樓上中菜，一入門口就感到好有氣派👍.🎈艷影蝦球4隻 ($100)店員介紹用咗芒果檸檬汁淋喺炸香嘅大蝦上。蝦球夠大隻又唔霉，酸酸甜甜中和了炸嘢嘅油膩感。.🎈生煎蓮藕餅 ($138)一份嘅份量都唔少，表面煎香，配搭醬汁一齊食。.🎈竹笙玉書豆腐 ($105)豆腐係用滑豆腐，加上索汁嘅竹笙。味道幾清淡，相信老人家會喜歡。.🎈張公子炒米粉 ($128)米粉嘅份量同樣唔少，滿滿一大碟。肉眼可見落咗唔少蛋碎去炒，米粉都炒到好乾身。.🎈茶位 ($18/位)

係觀塘飲茶，除咗去鱷魚恤而家都有好多新選擇。今日黎呢間張公子，假日午市超爆場，真係要預早book位。野食價錢合理，好食過一般酒樓。茗茶(每位）$18，正常價。。🥢張公子招牌腸 $50張公子招牌腸裡面係炸米網蔬菜腸，有金菇蘿蔔等，色澤紅亮，肉質鮮嫩彈牙，香脆濃郁。。🥢生拆蝦餃皇（四件）$60生拆蝦餃皇皮薄餡多，蝦肉新鮮彈牙，餃子本身帶有濃郁的海鮮香氣。。🥢帶子芋蓉盒（三件）$48帶子芋蓉盒外脆內軟，帶子鮮美嫩滑，芋蓉香甜綿密，口感豐富。。🥢蠔皇叉燒包 （三件）$42蠔皇叉燒包色澤金黃誘人，皮薄包裹著香氣四溢的叉燒，入口酥脆多汁，叉燒鮮嫩帶有微微的甜味，絕對係叉燒包的極品！

提早兩星期訂枱同屋企人晚飯，七點準時到達，坐低好似隱左形咁，無人招呼，無奉茶，連餐牌都無。已預留片皮鴨，都要一再提示。上菜超慢，要三催四請，食完隻鴨已經8點，但其他菜都未上，要自己上前催促。最想食的黑毛豬叉燒，落單時已諸多藉口，又話我已經有鴨，餐單改左云云，結果真係漏單，仲要係食到尾聲再催先講！食物質素：片皮鴨由普通服務生切，毫無刀功可言，皮肉太厚，又無鴨味；其他菜品味道一般，無其他食評咁吹噓得咁好食，再加上咁嘅服務質素，再好味的食物也無補於事。服務？依現場觀察，應該只限於有包房的熟客。唔會再光顧，Black Listed!

當晚有唔少人一樣都係中秋做節，全場滿座，可能人手不足，見到職員好忙，但都盡心service 客。值得一提有利用機械人幫手回收污糟餐器，不失為減輕員工workload既好方法。有個應該係經理既職員為我地簡單推介meun後就落單。等左20分鐘，眼見遲過我地叫菜既人都上緊菜，經理醒目，望一望我地，主動走埋黎話幫我地追左。再過多10分鐘，另一職員過黎話再追左，5分鐘內上菜。雖然疑似漏單，但有人主動跟進依下熄左小小怒火。當晚為中秋節飯聚，諗住叫個燒味併盆，叫做有燒肉食下，點知上到菜後，經理先解釋話唔好意思，今日應該無燒肉….如早知無燒肉，我地會叫佢果個出名既叉燒食。唔緊要，當晚人多，理解既！試左佢個叉燒，真係幾好食：大件，肉淋，蜜汁夠甜，但又不至太over. 真心如知無燒肉，淨叫叉燒性價比更高。另外叫左石燒桂魚湯，蝦球，通菜，炒飯，樣樣都有水準，食材新鮮。特別一讚魚湯內既魚煮到岩岩好，夠滑，軟熟。蝦球個汁好味，蝦球大。通菜夠新鮮，感覺似水耕菜。炒飯雖然欠穫氣，但都ok. 整體黎講會想去多次比佢補償落漏單既錯🤣。

家人係觀塘收工，話中午食點心呢間唔錯，所以想試下晚餐。餐廳有唔少套餐選擇，另外仲有當月推介， 估唔到味道幾有驚喜，同時餐廳嘅用餐環境有充足嘅空間感同私隱度，而且價錢親民，是一個不錯的選擇～-*//花雕醉蝦// - 本月菜式唔止擺盆有驚喜，仲要係我中意的大頭蝦❤️❤️蝦肉蝦膏充滿鮮甜感覺，蝦頭都鎖住花雕嘅味道😋😋😋*//艷影蝦球//酸酸甜甜嘅醬汁與炸蝦球相互相承，有份清新感覺👍🏻👍🏻好好食！//公子牛肋排//做得幾入味，食落係偏向有咬口個隻，滿滿嘅骨膠原感覺🥳*//黑毛豬叉燒//大大件叉燒，口感軟腍，再加上輕輕的焦脆感同蜜味，啖啖滋味

觀塘新開高級中菜餐廳 - 張公子兩個人食5碟都係$600左右，但食物質素唔錯👍🏻見到隔離枱點左叉燒，扁皮鴨都好吸引🔸乾煸四季豆 ($128)-配上肉碎一齊炒，炒得入味-配上白飯一流🔸奶湯雲吞煲 ($138)-湯底鮮甜，飲完唔會口渴-雲吞有4粒，每粒都好大同入面既蝦好彈牙-仲有白菜仔🔸艶影蝦球-外面沾有酸甜檸檬汁，食落開胃-入面包住既蝦球好彈牙，材料都好足-食完都仲想再食🔸淮山牛柳粒($108)-淮山好新鮮，味道岩岩好-配牛柳粒一齊炒，淮山吸滿牛柳味🔸鮮腐竹蕃茄浸菜苗-菜苗分量多，用蕃茄湯浸📍張公子地址：觀塘駿業街58號電訊數碼大樓3樓

去開觀塘搵朋友食lunch，聽到佢同事都介紹呢間中菜，大讚食物同環境都唔錯，上到去果然冇令我失望💖接待位置氣派十足，猶如置身於中式庭院中，枱與枱之間分隔甚遠，唔會過於嘈雜，座位亦十分舒適X.0.醬煎腸粉 $63鍾意食香口野既必點XO醬煎腸粉，帶微微辣味，十分惹味，而且腸粉厚度適中，唔會過厚，令到醬汁容易滲入腸粉中，零舍入味，最好既地方係就算食到最尾都冇乜油係碟，唔會太油膩X.0. 醬蘿蔔糕 $50蘿蔔糕切成大大粒，保持口感又容易入口，而且滿滿既櫻花蝦乾沾滿每一粒蘿蔔乾，除左大大提升口感之外，更令蘿蔔乾添了一份鮮味🦐生拆蝦餃皇（四件) $60粒粒好飽滿😍水晶皮晶瑩通透，煙韌彈牙，咬落啖啖蝦肉，真材真料！蠔皇叉燒包（三件）$42熱辣辣既叉燒包份外軟熟，中式包子我最愛呢隻蓬鬆感，餡料中既叉燒甜咸適中，味道岩岩好👍🏻帶子菜苗餃（三件）$48又係一份超足料點心😂餃上既帶子用了蟹籽點綴，皮薄帶點煙韌，咬落除左鮮甜既菜苗，餡料仲有2-3粒蝦仁🦐

Cheung Kung Chi is a high-end Cantonese cuisine restaurant opened in early 2023. They offer mainly homemade dim sum and Chinese delicacies such as siumei and seafood dishes. Visited during lunch hours and tried some of their signature steamed dim sums.Barbecue Pork Bun was filled with savory charsiu and oyster sauce. Sweet and fluffy bun.Pork and Shrimp Dumpling and Fish Faw with Squid Paste were both topped with crab roe. Siumai as a dim sum classic was stuffed with moist minced pork and fresh

🌟招牌叉燒其實我平時一向都唔會嗌叉燒食，但今次屋企人話好想食，所以就叫咗返嚟試吓。點知真係好！好！食！個皮燒到有啲脆脆地，個汁調得好好味，叉燒本身非常軟腍，油脂分布都好靚。.🌟豔影蝦球個汁好似沙律醬帶少少酸甜味，每件蝦球下面仲有一塊檸檬，蝦球咬落去係香脆嘅外皮，入面有大大嘅蝦仲非常彈牙，整體感覺好鮮甜又好清新嘅味道。.🌟生煎蓮藕餅一共有8件，蓮藕餅其實係除咗一啲蓮藕碎以外仲有豬肉喺入面，兩種加埋口感層次好豐富，味道咸香咸香咁好正😍.🌟鮮腐竹蕃茄浸菜苗呢個菜式平時真係好少見，整體都幾大份，上面腐竹都多，非常新鮮有好濃嘅豆香味，菜苗都好翠綠。另外個湯底係鮮蕃茄味，用嚟飲都可以。.🔸整體評價🔸整體食物水平高質，服務都到位，如果大家係觀塘要同屋企人搵中菜館或者想搵地方飲茶嘅話，呢間都幾適合㗎！

今日帶阿媽嚟食飯，呢間餐廳喺觀塘嘅樓上鋪，裝修得幾靚，日頭係茶樓，夜晚都可以嚟食飯，係朋友介紹，要特登嚟先搵到。兩個人叫咗四樣嘢，唔想食咁肥膩，所以叫得清淡啲，清淡得來又入味，食完唔會口渴。茶位費每人$18 ～ 乾煸四季豆 $128 炒得好香，有微微焦香，好鍾意佢個醬，好岩送飯，味道有啲似XO醬，佢個豬肉底係偏肥，比較邪惡，但係同埋四季豆一齊食罪惡感減低🤤 鮮腐竹蕃茄浸菜苗$122 呢樣就正常發揮，菜苗新鮮，腐竹同埋蕃茄嘅鮮甜同埋菜苗嘅清新好配合，所以最後連佢嘅湯都飲埋，因為佢個湯真係幾甜。生煎蓮藕餅 $138 令我最回味嘅係呢道菜，有蓮藕同埋豬肉，入面嘅肉汁豐富，外層煎得香脆，內裏鎖住肉汁！日式海鮮炒飯 $145 炒到米粒鬆散而且帶有微微焦香，飯粒分明，兩個人都幾飽，多於平時兩碗飯，但如果可以再多啲海鮮，就更理想。

With its sophisticated and elegant decor, the restaurant offers a spacious and grand atmosphere, ensuring a peaceful dining experience. It's definitely worth a return visit. ✨The 𝙎𝙝𝙧𝙞𝙢𝙥 𝘽𝙖𝙡𝙡𝙨 were visually stunning, served with a tantalizingly tangy and sweet mango sauce that will make your taste buds dance with joy. 🍤The 𝙎𝙞𝙜𝙣𝙖𝙩𝙪𝙧𝙚 𝘾𝙝𝙖𝙧 𝙎𝙞𝙪, boasting a caramelized exterior that gives way to tender. Get ready for a sensory spectacle as the 𝙁𝙡𝙖𝙢𝙞𝙣𝙜 𝙏𝙧𝙪𝙛𝙛𝙡𝙚 𝘾𝙧𝙮𝙨𝙩𝙖𝙡 𝘾𝙝𝙞𝙘𝙠𝙚𝙣 arrives at your table 🔥,