建興亞婆豆腐花

營業中

休息中

2010年5月28日 ( 香草原 - 1 ) 南丫島行山之旅，從香港仔乘坐全記街渡，在模達灣登岸，行程是經石排灣、蘆鬚城、洪聖爺灣至終點榕樹灣。首先在洪聖爺灣探訪香草原後，經過亞媽豆腐花，再到亞婆豆腐花，每次經過這裡，例必一吃。豆腐花賣相粗糙，質感腍滑，入口即溶，口感，我還是喜歡大埔亞婆豆腐花的幼滑質感，這裡的豆花帶點煙香味，是近期難尋的味道，喜歡者稱之為焦香，不愛者稱之為燶味 ，我卻欣賞這獨特的味道，如不愛這煙香者，不妨到大埔找另外的亞婆吧！這裡舀豆腐花，隨即會舀糖水，這裡的糖水有薑味，都幾甜啩，我就啱了，不過，我還是喜歡普通糖味多過有薑味的，如要選擇多糖或少糖，還是要早點揚聲好。大自然環境舒暢，也帶來大自然的煩惱，偶爾隨風而來之落葉細緻纖維，不幸之時也會落在碗內，蚊子間歇的騷擾，卻是少不了，甜絲絲的味道，也惹來螞蟻的垂涎。

昨天(2010-06-13)，我與家人去行山，由索罟灣行往榕樹灣。就在過了洪聖爺沙灘後，不久就到建興亞婆豆腐花了。豆腐花超滑，重豆味，加埋帶姜味糖水，冷和熱同售七元，抵吃！但環境就一般，有蚊。地方清潔程度也屬一般。不要緊啦！豆腐花好吃就得啦！最多吃完立刻起身走。

雖然去到已經被蚊子吃了好幾塊,不過豆腐花真的很滑,很正!!抵番曬!!低低既僵很夠,很香很好味!!!!最滑的豆腐花!!!還跟婆婆拍照了!!個婆婆很好人,還借出蚊怕水給食客!!原來門口貼著open rice的獎狀

我叫左個凍豆腐花,,,點知佢一打開蓋,岩岩食到煲底,,,,勁想話唔要囉邊有人想食剩底既野先?食落差唔多,可能真係有D人行完個幾鍾既山先食,所以先贊到天上有地下無吧...打開黃糖,好在冇ants.....^ ^"不過因為豆腐花係凍既,d黃糖唔溶,,,所以食豆腐花真係要叫個熱既先得仲有我食唔到薑味,因為我本身鍾意d薑,食多d都唔拘,可能佢d薑味太少我食唔出啦

在「天虹」吃完海鮮，婦女兵團便向友人位於榕樹灣的居所進發。由索罟灣步行往榕樹灣要超過1個鐘，友人是南丫島地胆，自然由她作嚮導，沿途一路為我們介紹香火鼎盛的天后廟、二次大戰期間被日軍用作防禦點的神風洞、山頂觀景亭等。我們途經香草原，友人介紹這 Herboland 是由兩位年青設計師創立，他們甘願放棄設計事業，歸園田居，轉行為有機農夫，種植百里香、迷迭香、羅勒等香草，總算又增廣見識了。雖然今日天氣算很熱，但行了好半天，大家都有點口渴兼疲累。友人提議我們坐下吃碗豆腐花，坐下後環顧四周，見木棚內貼有開飯熱店海報，才猛然醒起這是網上熱爆的「亞婆豆腐花」。點了三碗凍豆腐花及一杯凍豆漿，枱上有黃糖供客人自行添加，豆腐花真的算十分滑，豆味亦未至於好濃，反而那淡淡的薑汁味直湧上咽喉，加上每放一匙凍豆花到口裡，就有一種透心涼的感覺，簡直是消暑妙品。至於友人的豆漿，雖則我沒嚐過，但見友人叫老闆下次要少放點糖，相信定必是過甜了。友人們都是「惹蚊尤蜜」，倒反而我這個穿上熱褲的師奶能安然逃過蚊叮，如果你自問也是惹蚊一族，便要做好禦防措施了。由於友人好客搶着付賬，只好就此謝過。

到南丫島，我必然光顧亞婆豆腐花，吃有時也是一種習慣。最好吃的豆腐花當然不是他，可以滑一點可以豆味濃一點，但不要跟亞婆計較，因為是這種味道才是南丫島的亞婆豆腐花。

一直食豆腐花,我都唔會叫凍的,因為大多凍豆腐花是"鞋"口及唔夠豆腐香的....我見這間豆腐花好像很有名,所以賭一賭,叫了凍豆腐花上桌時老闆會在您面前倒糖水(糖水也不錯,杰了些,但很香有薑味)除了方便老闆外,也可以自己選要多甜吃的時候有點擔心自己叫錯凍的不過它真是意想不到的滑,而且很香.....今次是我第一次去南丫島,以後我再去都會吃這豆腐花!!!

在假日的什麼時候也人龍長長!還有!假日難以吃到凍豆花 最多也只是和暖的伯伯雖然忙過不停 但仍以禮相待.值得讚賞暖豆花$7吃下是滑的!但滑得好像過頭 有點淋淋的感覺滑得...不夠實~但有點香香的豆味 不錯但因為要近山的關係...黃糖盒內有螞蟻的!o_o

今日放假...family day~入左南丫島行行~上網搵過呢間豆花係出名,梗係要試試啦~但由碼頭向沙灘方向行都要行一段路才到~沿途都有好多食店有豆花食~要左3凍1熱豆花...賣相唔吸引,而且每一片豆花都好厚,一啲都唔滑...凍豆花完全唔凍,而熱豆花就夠熱...衛生欠佳!!!

天氣很好的一個正午！藍天和白雲，跟女友在海邊吹吹海風，在沙灘玩到好累好累，肚子又有點空，換了衫就到亞婆那裡吃豆花。沿小路一直行，大概十至十五分鐘，就會看到一條長長的人龍，似乎亞婆豆花是到南丫島必吃的。「兩碗凍豆花，係度食既！」亞婆熟手的把兩大羹豆腐花盛到碗裡，再倒上糖水。炎炎夏日，把一匙凍豆花放到口裡，透心涼的感覺，簡直是一種享受。豆花滑而有層次，糖水甜而不膩，而且有淡淡的薑汁香，回味無窮。吃完這碗豆花，我們就乘船出市區，這南丫島之旅也畫上一個完美句號。

間中便會到南丫島歇一歇,每次都會走到"啊婆"這裡吃碗豆腐花。片出來就真的不夠薄,但勝在夠滑夠鮮味! (仲要咁平~)附近有草有水就自然有蚊,無得好講。又不是餐廳,有何所謂~我今天本來打算只留在碼頭附近,而且天氣三十度,熱得不得了,結果還是特地到此一遊~地道嘛~必去的! =)

從來沒想過幫襯了六年的阿婆豆腐花會成為openrice的"得獎熱店"視南丫島為渡假熱點的我，一年最少去十次，次次都幫襯亞婆豆腐花，話佢係南丫島最好食就實至名歸。不過今次去幫襯，可能因為食的時間都好晏，差唔多5點幾，所以豆腐花只是帶點微溫。食過咁多處地方豆腐花，真係好少做到好似阿婆豆腐花咁入口即化，仲有濃濃的豆味，不似坊間一些豆花咁，好似食啫哩。記得以前去食，都仲可以keep到好熱，所以大熱天時都一定食熱的，可能下次要轉凍食，試下會唔會開心d先

清明節入南丫島行, 由碼頭行去洪聖爺灣路經建興, 人龍店, 見龍尾唔算好長(20個人), d人又食得快走得快, 就排吓, 試吓係咪同之前各人所講咁好食... 要了一碗熱豆腐花, 朋友拎到過黎, 睇睇表面係咪真係咁滑, 有粒粒唔均勻嘅色, 仲有好多白點仔, 好似落石膏粉攪唔勻咁, 落糖水..糖漿先真, 因為好甜好杰...落黃糖...又唔知點解會溝埋白沙糖入去, 唔知黃糖係咪貴咗, 一食...有燶味...過咗火???一路食, 我發覺成碗豆腐花, 佢用咗不超過3吓就"畢"好一碗, 豆腐花厚厚一層, 無咗平日食時一層層片住食嗰種過癮, 糖水都因為豆腐花太厚, 只流於最面同最底, 中間...sorry...一大嚿, 無隙能入..., 不過我知婆婆是冇錯的, 自家冇自吹自雷話自己的出品係頂級味道, 頂級製作, 要怪...就怪d人云亦云, 羊群心理的客人。

當我吃了一口建興亞婆的豆腐花，我就知道我愛上了它。因爲豆腐花時在很滑，很有豆腐的香味。儘管有很多糖漿，但仍染蓋不了豆的香味，是在厲害！！！！不過對於價格來説，就比較貴了一點點........

是日一大班人乘假日, 到郊外爬山運動呼吸相對新鮮的空氣! 到南丫島都係只有三條爬山路徑, 當然我地選擇最大路既榕樹灣<---->索古灣 , 而建興亞婆豆腐花就是此路徑必經之點 , 因此大部份人行到身水身汗, 一定會坐低慢慢享受碗豆腐花 但身為豆腐花專家(香港普遍既豆腐花我都食過晒) , 覺得亞婆豆腐花真係好一般囉 ! 論豆腐花的質地真係好差---太過霖, 連豆腐花應有的企硬度都冇, 可能亞婆唔捨得落石膏粉 ; 雖然可以聞到少少豆味, 但其實對比市區既老字號(北角, 九龍城)真係差好遠! 仲以為會用有機南丫島出產既黃豆, 因為佢既豆腐花比市區仲要貴 ! 真係唔知係南丫島既水貴D, 還是南丫島亞婆人工貴D. 我諗真係一次就夠囉, 雖然OPENRICE給予佢個獎, 但係唔係好值囉!