建興亞婆豆腐花

營業中

休息中

行山行到身水身汗, 終於都行到去榕樹灣個到! 見到建興亞婆豆腐花, 加上好熱 (熱死喇! 30度喎今日!), 一定要走入去試下~ 今日雖然係mother's day, 但冇乜人, 唔使排隊, 有好多台, 唔使周圍搵. 老伯努力咁賣, 不停片d豆腐花入碗到, 非常快手~ 勁!店鋪非常簡陋, 只不過係一個木棚所搭出黎~ 台及凳都係亂放的~ 所以當然有點感覺污糟啦~ 但預左架喇~ 同時間, 蚊就好鐘意係呢個木棚到搵target叮~ 大家本身好惹蚊就自求多福, 免得為左一碗豆腐花搞到成身痕~ 今日咁熱, 熱既豆腐花當然冇咁好賣, 見到周圍都係買凍既豆腐花又或者豆漿解渴消暑~ 我都點左個凍豆腐花同一支豆漿試~ 凍豆腐花$7碗, 都幾大碗架~ 第一要講係真係好凍~ 一食即時涼返, 冇再感到熱, 解熱一流. 另外豆腐花好滑, 唔係硬到不得了,所以 好易就流入喉嚨吞落肚, 而且會入口即融, 勁! 但係我嫌佢唔夠輕, 有點實, 如果輕身d好d. 豆腐好香, 有陣好濃既豆味飄到周圍都有, 唔錯~ 至於個味呢... 就甜得濟喇~ 呢種甜好明顯唔係黃豆本身所發出, 亦唔係佢煮個豆腐花個時加入, 而係糖漿既問題

不錯的豆花，看食評都說名過其實，我想都是因為假日去的問題...叫了熱的，來到是暖的，幾滑，有很輕"燶"味，但不影響味道，最重要是吃出了天然味道

見佢間野有一百個好平就試下LA!!價錢亦唔貴,凍/熱豆腐花都只係$7,但講到係米真係咁正,我又唔覺,我值頭覺得唔好食,我真係覺得平時街市個D仲正,首先豆腐花有燶味,其次唔係太香,太滑,但係有一樣野真係要讚既係豆腐花既糖水,糖水係有薑味,甜味中亦有薑味真係幾唔錯,我食哂成碗都係因為D糖水,仲之講到最尾都係失望

2010年03月06日，18:30廿多年未踏足榕樹灣，難得有週末飯局，便趁機走訪。在海上已被那大風車吸引著，上岸便隨路標追風車去。走至風車路口，天黑齊；老鬼已無少年勇，不敢莽進。回程見江湖響噹噹的豆腐腦店，仍未上舖。便來一碗外帶，孝敬家中糟糠。老鬼趁熱先抽抽水豆腐腦：色：雪白香：清香味：豆味濃郁、軟、滑太座和我的意見一樣，滑易求，香難得。名不虛傳的南島名物題外話1：剛上岸，收到喜訊，大魔怪已被聘；道賀時，大魔怪竟要我在飯局少喝酒！太座的曲線攻擊技術，又百尺竿頭^m^題外話2：N年前公司南島天虹飯局，酒醉；日後的嗔念，令我萬劫不復，當今天仍承受中。

入南丫島, 大家都二口同聲要食呢到既豆花....但佢地連最基本既良心都被名氣蓋住一去到見到已經爆棚, 外面仲排左約廿人...見店員起勢係咁"不"豆花, 都聞到幾香既豆花味...但到我地買時, 已經換另一桶, 仲換嚟既係一陣陣燶味....最初以為自己聞錯, 買到番埋位再問下朋友仔, 大家都聞到好老實, 你地生意唔優做, 但都唔係將d燶左既豆花照攞出嚟買要比其地方買貴d, $7一.碗...不但唔香, 而且唔滑溜, 加上黃糖仲要溝埋白糖, 完全係非一般風味, 極之失望連百福都好味過佢

不知從何時開始,吃豆花成了遊南丫島的指定動作但吃了那麼多年,有感這裡的豆花真的大不如前最不明白的是黃糖內為什麼侵了大量白砂糖

我佩服亞婆上左年紀都有種退而不休的精神.....際遇好似某的人講得咁簡單就好....環境....一般.什至似大陸的感覺....但係豆腐花豆味濃.一開蓋就聞到.可惜無滑的感覺.食落似豆腐多過豆腐花....

3:30 路經此地, 不忘去回味一下阿婆豆腐花, 話說上次去食差不多事隔大半年, 上次跟隊食得好趕兼無位, 今次自由行, 大把位可以坐低慢慢歎, 大大碗涷豆腐花, 又香又滑,入口即融, 正 ! 果然阿婆唔係無良商人, keep住個水準, GOOD !

二月上旬記憶中這裡的豆腐花滑而帶點燶，是自家製的味道，是日來探探香草原的Gavin，而阿婆豆腐花正是中途站，就順理成章地吃碗自家製豆腐花吧。初春，微涼，天氣不錯，閒日遊客不多，輕易進佔後花園的位置，與同行者各要一碗熱豆腐花，豆腐花依舊的滑溜，卻沒有煮燶的味道，加上面對著藍天與綠田園，是城市不會吃到的風味，開懷的品嚐，感覺絕對良好，放下十元八塊，埋單去。

在數月前已光顧此豆腐花店，本來不打算寫食評，但見到如此多人推介它的豆腐花，忍不住要表達愚見。本人一向喜愛豆腐花，已經光顧過不少豆腐花店，甚至是酒樓的豆腐花也吃過多遍。當中還是著名的豆腐花店實至名歸。所以上次到南丫島是抱有期望的，因為不熟地方，先在最先見到的一間食店停下，見它也賣豆腐花，先試一碗，店主說她的是最靚的，心想不會吧，從未聽過此店的好評。此店的食評，容後有機會再寫。再前行一段路，果然見到建興大大的廣告牌，當時真的有點踏破饖鞋的感覺。雖然昰平日，也有數位食客，那天婆婆不在，只有一位大叔，連忙買一碗試試，坐在那有點簡陋的木扳凳上，開始品嘗那傳説中的豆腐花。我是叫熱的，怎料他給了一碗涷的，算吧，既來之則安之。豆腐花不算太滑，不過不失，但豆味郤不濃。與其他著的店舖比較，還是輸了一點。個人覺得可以一試但不值得推介。也不值老遠專誠造訪。話說回來,以價錢及食物質素來評，也算便宜，只是有太多競爭及選擇，食家未免咀刁。而且是由老人家主理，多少也加點分。

這簡直是上山的必經之路, 食完先有力行!大家都冒命而來, 附近又冇乜特色小吃, 不如來幫襯阿婆啦~是日早餐:- 凍豆腐花冇大澳咁好食, 冇乜豆味.不過咁熱天氣食d凍野都好既~排隊呀排隊, 人人都係咁.食過一次就夠咯~

我成日都會入去南丫島,每次都會食亞婆豆腐花,亞婆d豆腐花係好食架,又滑又有d薑味不過只限平日唔忙,或者好早去食,因為佢一忙就煲"燶"豆漿.食佢d豆腐花一定食熱好過凍,因為熱滑d

約兩點來到, 唔太多人, 一行8人叫了幾碗食!凍的ok, 但熱的既燶味?!再多糖漿都於事無補...今日係南丫島黑仔日呀....

男友係聖誕節期間要反工,所以我地決定係平安夜入南丫島!!坐3:15 既船入南丫島,行到6點出反黎!!對上一次去南丫島係上年,事隔一年船費都加了不少!! 上次黎既時候諗住黎試下d豆腐花,但係行左好耐都唔見有,所以行到一半就放棄左!!今次好有恆心咁行,但係揀錯高跟鞋黎著,去到d唔平既地方真係攞命!! 一見到建興亞婆豆腐花個牌,我就即刻搵位坐低!!坐低左先知,原來係要自己拎嫁,有d唔方便,因為糖水滿潟,好難拎!!如果冇濕紙巾就一手lup痴痴!!男友叫左2碗出到去拎果陣,伯伯已經唔記得左係幾多碗,凍定熱!!而婆婆就負責汁桌!豆腐花既薑味唔算太重,但係就好香!!豆腐花好滑身,唔會食到一粒粒!!今日天氣好熱,但係d豆腐花就keep到凍,所以都幾透心涼!!$7碗,算係咁喇!!但係個地方就好似係潛健出黎既,坐得唔係咁舒服,所以一食完即刻走人!!

昨天在南丫島榕樹灣附近遊覽, 同遊朋友想試下, 便一試豆腐花. 豆腐花 -都幾大碗, 味道及質地其實沒有什麼特別. 七元一碗, 唔算平, 但可一試地道手製豆腐花, 也無妨. 環境衛生 - 中下, 但在郊外(算系啦), 唔可以要求太過. 服務 - 可接受. 唔可以要求太高, 因為檔口, 只有亞婆及另外一位亞叔/伯負責. 有些遊客有時唔守秩序唔排隊, 亞婆跟本應付不來. 雖然當時只得3-4個人, 但就等咗成幾分鐘, 重覆3次, 亞婆先可以弄出我地要的豆腐花.