影片
入到南丫島梗係要試阿婆豆腐花以前有一排味道失準但今次入到嚟再食有驚喜口感幾特別餐桌環境一般般 枱面衛生情況都麻麻地不過食豆腐花好快冇所謂叫咗兩碗豆腐花糖漿可以自己落食落好滑 消暑一流
繼續閱讀
$16一碗。一去到完全冇人食嘢。環境又有啲差，唔知係冇裝修原本就係咁定點？如果阿婆有能力建議可以整靚啲環境，例如抹下枱都好🥲基本上每張枱上面嘅糖漿都爬住成堆埋螞蟻，冇仔細睇攞起嚟，嚇到我差啲倒瀉支糖漿😱我諗應該個糖漿係冇蓋，所以吸引到啲螞蟻。雖然但是其實張枱都有好多螞蟻爬來爬去，唔緊要啦，我當親親大自然😄但係啲枱仔細望落去好似冇抹過咁冇清潔其實個豆腐花都唔係話好好食，佢得糖漿冇砂糖，我比較鍾意食砂糖，可能唔係咁啱我口味。但個豆腐花都唔係好滑，渣渣地嘅口感講返阿婆，嗌豆腐花嗰陣，完全冇同我講過嘢，眼都冇望過一眼，我有我講佢有佢潷豆腐花，呢個態度唔知好定唔好🥲總之我下次都係去返近榕樹灣碼頭嗰間豆腐花，唔會再嚟，真係講聲唔好意思先🙏🏻
繼續閱讀
好多年前食過，印象中呢檔豆腐花係唔錯。但今次再食之後我覺得以後都唔會再食。唔知係咪轉咗手，阿婆就見唔到，但就有個女人用純正普通話叫我去自己攞碗豆腐花。碗豆腐花拎到返嚟，已經覺得形狀好奇怪係好似布甸咁，企身既，正常食到嘅豆腐花，唔應該有呢種形狀。食咗兩啖，一啲豆味都冇，而且食落好有粉感，似係啲未成形嘅布甸，落得太多石膏粉。大家可以睇下張相，正常豆腐花唔會係咁既形狀，仲要賣$16一碗，又貴又難食。賣5蚊碗都唔會想食佢，或者街市豆腐舖買嘅豆腐花可能仲好食過佢。第一次用難食嚟形容一碗豆腐花。荃灣大埔嘅豆腐花好食過佢好多。另外，係冇黃糖提供，碗豆腐花已經加咗糖水，但食落似係糖漿，係死甜嗰啲化學劑糖漿。食咗兩啖加上碗豆腐花嘅質感，已經唔想再食。唔知係咪真係轉咗手，連食豆腐花要有黃糖粉咁基本嘅嘢都冇，定阿婆覺得無論賣到幾貴整成點都一定有人會嚟食。奉勸大家，唔好見到呀婆山水豆腐花就一定覺得係好食，完全係貼錢買難受。
繼續閱讀
我哋約埋一齊三個朋友去南丫島玩，行到攰攰地，就去坐低食南丫豆腐花😬我哋嗌咗三碗凍嘅豆腐花，因為係平日所以唔係咁多人☺️我哋落咗少少黃糖,其實成碗豆腐花都好夠味，我覺得呢碗豆腐花嘅質感同平時我哋喺出面食嘅係好唔同，佢唔係淨係一般咁樣好滑，今次食嘅呢個係有少少粗糙嘅感覺😲同埋有少少（糯糯地）嘅感覺，但係又好特別😎以前帶隻狗仔嚟玩嘅時候就係喺呢條橋行過，然後喺呢度食豆腐花，所以我覺得呢碗豆腐花係食回憶嘅💕對我嚟講特別好味。
繼續閱讀
一碗滑溜溜嘅豆腐花，一口下去夠晒「花生」😋，夠晒香滿溢嘅黃姜汁就更加「撈上」！今次去到呢間賣豆腐花嘅店，簡直係行山嘅一大福音！依到唔單只豆腐花做得好，連豆漿都一啱啱好，口感順滑，幾滋潤喉嚨。貪涼嘅我，當然係揀咗冰涼涼嘅豆腐花。質地滑唔漏手，入口即溶，帶點豆香味，食落去真係「正到彈」👍！就連點心嗰啲黃姜汁都夠香，夠味，令成碗豆腐花都生色不少。坐喺門口食呢兜準嚟，又見到行山嘅人潮來來往往，食豆腐花嘅時候咬一口，再睇一眼山景，真係幾寫意。哈哈，提提各位，喺呢度賣嘅豆腐花好受歡迎嘅，想試嘅話記得早啲嚟，唔係就得等下次喇！😊👣🌞
繼續閱讀