建興亞婆豆腐花

營業中

休息中

星期日放假決定去南丫島散下心聽女朋友說一定要吃這個建興亞婆豆腐花 行左相當既時間 終於到左環境係理所當然既差 不過預左 用另外一個角度睇 係一個特色之前睇食評係$9碗 而家已經加到$10 抵唔抵見仁見智買個陣見到佢會落糖漿比人 見到已經覺得甜 即刻醒水叫小甜點知一食 都係超甜 而且d豆花唔滑...名過於實相比起係深水涉食個間公和好食好多 相信下一次再去南丫島唔會特登去食不過口味呢d野因人而異 如果大家真係想試 可以係食之前叫佢唔好加糖水 食左唔夠甜再加黃糖我諗效果會好d

終嚐到建興亞婆豆腐花無錯，它好滑，好冰涼，而且咬落不散大大碗，份量十足但石膏粉味好重呢落糖要控制，黃糖落的重手，好甜黃糖顆粒粗大，配上豆腐花黃糖即溶變成糖水食落有薑味不過，相比在市區，它已經好有水準只是不合我口味環境方面，好多小蟲蟲呢，因為是郊外正正是郊外環境，才為它增加了一份特別味道可惜，見不到亞婆真身

今天趁著放假去南丫島一遊，行到手腳酸軟，見到前面有間寫着「山水豆腐」作招徠，便急急腳入去試試。大夥兒剛坐下，看鋪的阿伯在遠處大聲問吃什麼，二話不說，當然是馬上嘗嘗他們的招牌山水豆腐花，大夥兒都叫了凍的，有一個要熱的，不消一會，便托着一盤十多碗豆花上來，豆花用白色瓷碗盛着，與碗內的豆花映襯着，賣相不俗。但質感卻有點出乎意料之外，用碗內的即棄膠匙舀一小羹，感覺一坱黏稠的，有點像是再要黏稠的芝麻糊，入口帶點豆香，口感像糊狀的，吃不出有何「山水」之謂。豆花本身下了糖漿，帶微甜，不夠的可另外在桌上放置的一盒黃糖自行添加。總括之，豆花稱不上上品，但也吃到豆香，不算太差，勝在周圍環境幽恬怡人，收九蚊也合情合理。

拜訪完可愛Cake Buddy不久，又走到前往沙灘必經、平日總是大排長龍的建興亞婆豆腐花。不是吧? 是日小店竟然不用排隊，還有多個空置靚位任揀任坐? 機會如此難得，也懶理剛才吞進肚子的蛋糕了，gogogo，又去整幾碗吧! 這裡除了冷熱豆腐花，也供應自家製豆漿，不過大家都獨沽一味要了凍豆腐花，現時最新定價已是$9碗了。　雖然收費便宜不再，但這裡的豆花實在是非常香滑，不知是否真的選用山水之故? 而且豆花凍凍的沁人心肺，加上糖水後甜度剛好，十分討喜；喜歡甜蜜些的口味，大可自行添加風味原始、顆粒較粗大的黃糖，總之就是悉隨尊便。多人之中，又以也有自製豆花經驗的奶奶反應最大，她邊吃邊大讚凍的豆花竟可做到如此滑，驚嘆之餘一臉滿足，看到我也開心極了。連吃幾場後，大家都體力充足爆棚，然後終於正式展開南島行+玩之旅程了!

同女朋友大熱天 來到南丫島渡一晚假, 特意去沙灘行行 路經呀婆豆腐花就入左去試喇 因為始終係郊外地方 有小昆虫就一定嫁喇, 食完好走了 特別係夏天我地兩人 叫左兩碗 一凍一熱, 價錢比出面其實算貴 好似$9定$8豆腐花 味道其實同出面既冇大分別, 但勝在郊外環境好feel 大熱天吃一碗最透心涼

吃完芝士餅, 開始行山, 當然, 到了這一點, 怎也要停一停, 再一吃這裡的豆腐花. 是日不算有太多人, 排了一陣就有得食. 在爸爸的堅持下, 我們要了兩碗四個人分吃.豆腐花 $9: 6分, 其實真的不便宜, 計及這裡的環境, 實在跟經濟抵食談不上關係. 豆腐花豆香算一般, 但質感幾粗糙, 不夠滑. 要了熱的, 但出來的只是不冷不熱, 早知是這樣子的話, 要冷的還好. 不過這裡的豆腐花就相當大碗, 其實一個人吃一碗是幾多的.其實這裡從來也不是甚麼特別豆腐花店, 但一場來到, 不用排長龍的話, 見識一下也可以.

行山路中有一檔那麼大的豆腐花鋪，真的不知道那麼出名，只是行到口渴，想坐吓、休息吓和飲啲"野。錯過了吃出名豆腐花！錯過了見见"阿婆"！只有一老伯看鋪，可能晚了點，老伯向每個來光顧的客人說"豆腐花不凍，暖暖地"也奇怪...點解暖暖地???豆漿是凍，豆味不重，一般味道，OK最令我驚喜是...那裏叫"大灣肚"...看看仔仔的肚，再看路牌2杯豆漿14元

去南丫島無論由榕樹灣去索罟灣, 定係索罟灣去榕樹灣, 都會經過亞婆豆腐花, 佢地成功既地方就係唔係開係大街, 而開係山邊, 行山行到身水身汗食返碗豆腐花, 或者飲杯豆漿, 仲唔係一大快事, 不過除左好味之外, 係假期咁多人排隊買野既時候, 亞婆都仲可以同逐個客吹水, 所以40年都咁好生意係有道道理

行左都幾遠先去到, 見到人龍都好長下不過去到南丫島, 又點可以唔試下呢?我覺得個婆婆態度都幾好,仲有個好乖既弟弟幫手tim講番個豆腐花好滑, 好香豆味,不過我覺得佢有d太甜, 都唔使落好多黃糖都好夠味~

前往參觀完風力發電，知道這間出名有豆腐花，在回程便來一試有hot and cold之分 價錢一樣 也是9元，好似有豆漿賣但不知道多少錢不過食入口後，沒有特別滑的感覺 跟平時市區的沒有分別不太舒適，但一試無訪總結來說，價錢有點貴，而環境較暗，難以吸引人光顧，可能因為已經有點名氣有一定光顧的人，但沒有出現排隊情況

又黎食過「亞婆豆腐花」，比起多年前來吃，感覺是......滑左？其實定係「水」左？入口即溶......其實我覺得似飲豆漿多過似食豆腐花。好似欠缺左豆腐花應有既質感。會唔會落少左石膏粉同用少左黃豆呢？其實如果係真，係呢個「通漲年代」，是可以理解的。9蚊碗，ok啦~

入左南丫島後..由榕樹灣碼頭行去風力發電站途中..見到之前係 Open Rice 睇過好勁既"建興亞婆豆腐花 "..緊係又要試下啦..好在係平日..冇人..唔洗等..行到身水身汗..叫碗凍豆腐花..第一淡放落口..嘩..超正..超冰凍..好香濃既豆味..好滑溜..無論係質感同味道上..都同一般既有好大分別..有獨特既味道..好似係麥牙糖既香甜味..

可能閒日嘅關係,店內只有三個客人...同男友一人一碗豆腐花... 熱豆腐花 與其話係熱,不如話係暖...滑嘅,仲帶少少薑味...不過食到底就勁甜... 凍豆腐花 與其話係凍,不如話係微凍...同樣,食到底勁甜...因為閒日,所以失準嗎?還是名過其實呢?

到南丫島的首要任務是行山, 次要是吃, 吃和吃. 亞婆豆腐花是我的第一站. 哇, 才HK$9元, 但豆香很重, 而我最喜歡的, 是那種人情味. 亞婆搞豆腐花, 亞伯收錢, 你見到他們還是很好的, 白頭皆老就是這個意思吧?

朋友今年生日，要求來個親親大自然活動慶祝，所以就趁大家假期去南丫島逛個圈啦。可能因為係平日的關係，所以人比較少。我們在榕樹灣落船既原故，所以第一站既吃喝活動是：馳名山水豆腐花﹗係 openrice 見到勁多好評，無理由唔去試下既﹗我地好好彩，去到的時候，剛剛有一大班行山的人食飽離開，所以我地完全唔需要等位。本來是想食碗凍的豆腐花的，但係婆婆話當日的豆腐花真是太凍，唔適合我地食，建議我地食熱的，咁我地唯有轉駄要了兩碗熱的。$8 一碗豆腐花，對於係野外覓食來計，算是平的了，而且份量十足呢﹗公公裝滿一整碗的，絕無欺場﹗吃下第一口，果然夠滑，而且還好有豆味﹗唔似市區某些舖頭般，豆腐花是用粉開出來的。亞婆的豆腐花最犀利之處，不得不提的就是，當日我地一人一碗豆腐花，唔止吸引我地去幫襯，還吸引了兩隻大黃蜂在我地身邊、豆腐花旁飛來飛去。嚇得我地都唔敢慢慢享受﹗雖然要與昆蟲共享美食，假若有日再去南丫島的話，我地亦會一樣舊地重臨，幫襯幫襯的﹗