建興亞婆豆腐花

營業中

休息中

同朋友C南丫島一日遊第一站就係阿婆豆花。好幾年前黎個時都食過, 真係好好食, 而且食得好有country feel。今次再黎, 嘩, 好多人排隊, 而且好多普通話既遊客。排隊既時候發現, 唔知係唔係多左人, 以前既「山水」豆花 既出處, 依家「山水」條渠臭左幾多真係未食, 已經無左一半食慾。買左豆花, 嘩, 入面好多人。豆花同以為既好唔同。隔離檯既兩個操普通話既男仔不斷係度用話「好滑 」「好滑」既時候, 我好想話, 梗係滑啦, 呢一碗豆花都未完全凝固。睇佢個出貨速度 (當日為閒日), 豆花都未完全凝固就賣左比人, 仲水水地, 我諗約凝固左8-9成到啦, 就當然係滑啦。其實我好同情, 因為根本做唔切, 咁多遊客, 老老實實, 我寧願係每日限量, 都唔好攪差個質素。

環境尚算衛生的，雖然四周都是草但可能因為已入秋，故沒有難聞味道。但蚊蟲就....豆花有燶味， 豆味很薄弱。滑嘛，算是滑的，但真的毫不特別。 亞姐幫我們落糖漿，重手了，很甜。十元一碗，未算是很便宜也不能叫做貴，但是否值得吃當然見仁見智...

準備行出去洪樹灣泳灘，入黎南丫島之前巳經聞名呢間亞婆豆花，今日終於可以試la真係好多人ar~~~~~一熱一凍豆花，豆花真係好滑，我覺得熱豆花更香更有豆味，不過佢d糖水略甜了，不能好好吃完，因為到最後巳經被糖水掩蓋。（如果可以少甜d就very good)食飽繼續行出泳灘，難得天朗氣清，又冇帶泳衣，又點可惜。小貼士：泳灘有士多儲物櫃，可以不用擔心儲物問題

南丫島風光如畫就系人都知啦！不過系南丫島入面有個勁出名既阿婆豆腐花又有幾多人知呢？但其實要去食呢個豆腐花系唔容易架！ 因為佢唔系碼頭附近，如果你系榕樹灣碼頭落船，就要向洪聖爺灣泳灘方向要再行一段幾長既路先到！如果你要去洪聖爺灣泳灘暢泳，風力發電站拍照，又甚至行去索罟灣食海鮮，阿婆豆腐花都系必經之路！假日期間，仲有不少慕名而來既遊客或行山人士駐腳tim！ 個日我地去到都已經5點幾，好不幸熱豆腐花賣完了，所以就試個凍既豆腐花！ 啊婆好熟練地盛好一碗碗既豆腐花比我地！隨便搵個位坐低就食lu！個豆腐花真系名不虛傳！有豆香，好滑好美味！ 但令人驚喜既反而系襯托佢既薑糖漿！！！ 食得有出陣陣薑味，但又唔會好辣，甜度適中，真系男女老幼都適合！豆腐花加埋薑糖漿一齊食，真系好食到可以令人忘卻疲累的身軀架（通常呢度行山集合點）！食完，又可以整裝待發！ 

相約同事去南丫島遊玩~係南丫島行到辛水辛汗...終於有個地方可以比我地坐低休息下~眼見好多人客都會光顧佢, 我諗應該都無死LA,,,,,一人一碗豆腐花點知極度失望!!! 豆腐花只屬一般貨色!!!唔幼滑都算LA....重要無咩豆味...真係食百福都無咁嬲....唯一令我驚喜的就係薑糖漿!!!!好香好好味~~結尾: 一碗豆腐花$10下次我比$10買一碗薑糖漿好過......報告完畢~~~

復活節和清明節長假已經來到了尾聲，於是我們一家趁著今天天氣好轉，便到了南丫島走一趟~~~由榕樹灣到洪聖爺灣泳灘的路途上，很多旅客都會光顧甚為出名的建興亞婆豆腐花，我們在這裏叫了兩碗豆腐花，誰不知這個大名鼎鼎的亞婆豆腐花真的令我們十分失望，豆腐花只屬一般貨色，沒甚特別，豆腐花完全不幼滑，比起超級市場買的包裝豆腐花要差，幸好還有市面難求的薑糖漿打救薑糖漿。另外，以帳篷搭建的食店雖然是甚有特色，但環境衛生亦不理想，不時見到螞蟻和蚊子。最後，講到售價，一碗如此質素的豆腐花竟然要賣十元，但該店的宣傳牌還叫“平”，真的懂得開玩笑。

人有謂"清明時節雨紛紛"果然是沒錯，最近整天都是下着雨，就連好幾日連假的那時候亦不例外.....當然，我們也不坐已待斃的留在家等發霉。趁那一天雨勢稍為放緩之際，就到南丫島行一轉....印象中好像記得是第二趟在索罟灣下船之後走到榕樹灣。走到一半的涼亭那裡，就開始下着細雨....之後下山時越落越大，此時唯有拖着小友越跑越快....差不多到達終點。此時看到著名的阿婆豆腐花，在大雨中竟仍有開門做生意，而且人還不少的。眼厲的小友忽然大嚷要食，我倆也覺是時候坐低抖抖，為大家加加油....一個人一碗看來是太浪費，叫兩碗三個人來分吃是較為實際。久未嚐之，呷一口，豆味比以前淡，不過滑度仍保持着，已是很不錯的了.....記得從前是有黃糖可供人任下的，但今趟卻看不到(不知自己是否"眼大睇過龍"呢)。老伯二話不說就下了糖漿下去，想叫也叫不停....吃熱豆花，還是要有黃糖才像樣....

媽咪成日話食多d豆腐，皮膚會滑d，所以小妹亦偏好豆腐產物。是日跟master同學仔來到了南丫島，必食的是這碗非常有名的亞婆豆腐花，聽名又以為是一個亞婆去賣既豆腐花，誰知是一個只有四五十歲的嬸嬸…不知是否因為我們是干日來的關係，不用等位便可直接進內了，yeah店內很舊的了(其實都不知是否稱為店內，因為只有帳篷在頂)，還好看到花花草草和樹木，再吃這樣簡單的東西感覺份外寫意。亞婆豆腐花真的很滑，但可口的卻是配著它的薑糖漿，陣陣薑味有暖胃感覺，糖漿不會過甜，像是很健康似的。隔離仲有魚蛋檔，同學都去 '吉'魚蛋，並天真的笑說著：魚蛋配豆花，好特別啊！雖然我真係覺得一d都唔特別，但其實呢個approach係岩架，眼見而家d糖水店，好多都賣埋魚蛋雞翼尖就知，甜食配鹹食是大勢所趨啊！

剛吃飽午飯，四處走走散散步。走啊走啊走，途經聞名已久的建興阿婆豆腐花，顧不得漲漲的肚子，我們又衝進去了。是日客人都只得數個，我們點了兩碗凍豆腐花($10一碗）。伯伯從窩子裡盛起豆腐花時，都是"一舊舊"的，而不是"一片片"的，但還是很幼滑，亦吃到陣陣豆香。糖醬略嫌下得太多，吃到底實在是太甜了，但糖醬裡混進少少薑味，比一味的甜來得有層次。吃完這個，我們也別妄想還可塞進其他食物了，就乖乖的遊覽去吧！

南丫島呢間豆腐花好出名，所以今次嚟南丫島，都專門搵到去食。好遠就睇到招牌，少少激動，行埋去排隊買豆腐花食。雖然都幾早，但人已經好多，而且剛好先有一大幫人食完豆腐花準備繼續行山，可想而知佢幾有名喇。睇到D煲入面嘅豆漿同豆腐花就好想食，而且入秋之後天氣涼少少，所以環境都好舒服，適合買碗豆腐花同frd坐下嚟傾計。終於等到了，老闆整豆腐花好熟手，次次都係兩咫羹再加半羹，然後淋薑糖漿，金黃嘅薑糖漿睇落真係好吸引！用嘅托盤還是老式嘅個種，好有原始懷舊嘅感覺，好舒服。坐下來吃豆腐花，第一口直接就滑進個喉嚨了，真係唔話得！好濃嘅豆香味，而且唔甜，所以很清淡很純粹得香味令人覺得真嘅十分享受。薑糖漿嘅薑味唔係好濃所以食起身唔會好沖好辣，arm arm好，所以吹着風食豆腐花，仔傾傾計，真係嘆世界！一碗豆腐花係10蚊，如果打包拎走就另加1蚊，都見到好多人拎走兩三份豆腐花，估計係因爲實在太香滑了，哈哈。

南丫島，豆腐花，每每提及南丫島，身邊的友人十個里有九個會提到豆腐花，豆腐花本不是南丫島的專利，只是島上阿婆的手藝與心意實在真摯，長年累月無論是靠口口相傳，亦或藉助網路的傳播，阿婆的名聲遠遠不止在廣粵一代，更是滲透到每一個以香港為旅遊目的地的內地旅客心中，旅客來島上就好似打卡一般，勢必要幫襯阿婆的豆腐花，留下自己到此一遊的蹤跡；島上一日遊漸行漸遠也步步靠近榕樹灣碼頭，由山腳下的海灘轉入能夠劈開烈日的樹林，樹蔭中遠遠便聽到人聲，靠近時更是大排長龍的景象，不用看豎放在外的標牌已知又到了一站。阿婆的豆腐花屬於南丫島特產，香滑清甜是其特點也是其賣點，更有不同於熱豆腐花的凍豆花，只是當日這個人龍的架勢，凍豆花必然是吃不到的，另外也有凍熱豆漿；比起市區轉營豆類的店鋪，好似深水埗的公和豆品廠，除了豆漿豆花供應外，也有各種炸豆腐等小食，亦有外賣的豆類農產品，這裡的阿婆則顧及不到那麼多。大大的招牌下部份貼滿媒體雜誌的報導，相信如今的長龍也正是如此帶來的。隊尾的我也悠哉，拍拍照四處張望一番，阿婆的這個店鋪真的不能算是店鋪，充其量不過是倚著幾棵老樹搭建出來的臨時簡易棚，以墨綠色的油布為屋頂，橫橫豎豎的戳出簡易

趁這個週未有點秋意，與一個未到過南丫島的朋友來這裡走一走。雖說已經過了寒露，但天氣也只是早晚涼了一點而已，這天來到南丫島我們慢慢走過洪聖爺灣海灘及風采發電站後，回程往碼頭時已覺得有點熱。於是便來到回碼頭必經的亞婆豆腐花吃碗凍豆腐花來降降溫。豆腐花冷熱同價，都是十元一碗，若在平時我必定會選熱的豆腐花，希望豆味濃一點及滑一點，但行過這一段路後，還是一碗涼透心的凍豆腐花合適一點。這兩碗豆腐花沒有片得很薄，只是隨便的片進碗內，再加入糖水便給我們。豆腐花吃來有點豆味，但不算濃郁，不過吃來帶點輕微的燶味。從照片也看到豆腐花也不算太滑，那啡黃色的糖水帶點薑味，只是稍嫌下得多了一點，吃來有點過甜。不過這碗豆腐花吃來夠凍，為行得熱熱的我們帶來一陣涼意，休息一會再上路去到碼頭乘船回到中環去。

呢日同兩隻小狗黎到南丫島 , 挑戰下大家o既體能 , 黎個行山樂由榕樹灣行到索罟灣 , 全程兩隻野都唔太使拖繩 , 玩得好開心佢地玩之餘 , 我地當然都要搵 d 好野食啦 , 一場黎到 , 阿婆豆腐花當然唔少得 , 地方淺窄 , 好多人等位 , 不過大家都快食快走阿婆超快手, 不完一碗又一碗 , $ 10 一踠似乎就貴左 d 但真係好滑好滑 , 豆味都幾香 , 本身己經好夠甜 , 可以唔使再加糖 ,如果鍾意食黃糖o既 , 可以同阿婆講走糖水 , 之後自己加黃糖不過枱面上o既黃糖盒就唔係幾乾淨 , 好在大家都小心使用無整濕 d 糖## 因為出左名 , 自然會多人比較 , 其實係咪最滑最正唔緊要 ,見到阿婆咁好生意 , 大家入去南丫島都變左景點咁去探阿婆 , 幾窩心丫

今天放假到南丫島一遊，去到南丫島當然要食建興豆腐花，已經唔係第一次食，上次試過覺得味道不佳，有火農味。今天一試味道依舊，不太喜歡，自己不知道建興豆腐花是否用柴燒煮，但自己比較喜歡大埔的阿婆多點，而且要10大元，相比阿婆的六蚊雞，實在是不便宜呢 ， 只好當是一種風味吧！

看見我們這位打扮得好像公主般的朋友, 就知道她回到自己家鄉也有所期望的...　但味道還是依然嗎？ ..凍豆腐花 x 3 = HKD $30其實我有時都覺得自己講嘢幾刻薄. 但見到個樣後, 即接覺得這批豆花是係畢得超 hea 的. 不是片出黎, 所以真係好一舊舊. 吃落去豆味是有的, 這點要贊.但質感同百福沒甚分別 - 都是 含. 包散 。 仲要係即散!聽說以前好食好多的. 下次有比多次機會再試試！