座銀

營業中

休息中

都係睇社交平台群組個個都話好好食, 先黎試一試, 事實上, 絕對係普通到無得再普通, 由於太失望本身想比劣評, 但深思熟慮後覺得佢未去到難食, 可能係我期望太高🤦🏻‍♂️比一般算唔敢講食過好多款雞白湯拉麵, 香港既就唔開名🫠 都有唔少好食過佢, 日本既真係求奇拎一間大阪難波唔算好出名既龍旗信, 依間座銀都無佢三成功力😪✨雞白湯拉麵 $148講番碗麵湯底一d都唔濃, 好淡既雞味, 雞肉味道, 唔嫰, 叉燒薄切到紙咁薄, 食完都無感覺, 係feel到兩塊肉既求奇程度, 隨便比d 肉你就算, $148竟然無味玉, 完全理解唔到😑可能租金太貴, 唯一少少安慰既係個牛蒡好食, 叫做唔係周圍都有得食...✨炸雞 $58皮薄得黎脆, 咬落去勁多汁👍🏻 一定要嗌, 出色過碗拉麵好多倍😂佢同一個集團既另一間拉麵鋪, next shikaku 好食好多, 依間可以skip🙄

▪️雞白湯拉麵 $𝟷𝟺𝟾雞湯用咗打咖啡泡嘅方法製作而成，打出一層層泡沫，湯底充滿濃厚既雞味，香甜濃郁，口感綿滑，又唔會覺得膩。雞肉雖然只有兩塊，但好嫩滑😚拉麵方面粗幼度啱啱好，口感彈牙，夠掛湯鋪喺面既牛蒡亦值得一讚，炸得非常香口但又唔油膩▪️雞沾麵 (鶏つけ sᴏʙᴀ) $𝟷𝟼𝟾沾麵既麵較湯拉麵粗身，湯底香濃好ᴄʀᴇᴀᴍʏ，不過相比之下拉麵湯底比沾麵熱，沾麵湯底如果可以再熱啲就更佳拉麵同沾麵兩個比較之下，我就比較推介拉麵，冬天飲到呢度嘅雞湯真係暖笠笠好舒服，不過價錢就相對偏貴，排隊輪候時間到較長，都排咗30分鐘，所以預多少少時間排隊。✔︎性價比🌕🌕🌕🌑🌑✔︎環境服務🌕🌕🌕🌗🌑✔︎打卡指數🌕🌕🌕🌑🌑✔︎推介指數🌕🌕🌕🌕🌑✔︎回頭指數 🌕🌕🌕🌕🌑

每次經過歌賦街都會見到呢間拉麵店大排長龍，其實一直都冇研究佢係邊個派系，直至今日見到冇人排隊，店長亦都好落力咁樣喺門口介紹，就走咗入去試一試。入到去先知原來淨返幾個位，我哋都算幸運。坐低後發現餐牌都係主打雞白湯，價錢亦都大概$150一碗，就叫咗一碗拉麵+1隻溫泉蛋試吓。雞白湯個湯底係好濃厚嘅，有雞嘅香味，但我更喜歡另一間立體派嘅湯底。雞肉叉燒，亦都唔算特別整體感覺係好味，但又未至於話驚為天人。最吸引人可能係上面嘅炸物。

幾日連假，搵日同老公趕及12:00左右到步，唔洗排隊直入，好彩，落單後，耐心等一段時間，食物才上台。坐吧台可以見到師傅烹飪過程，乾淨仔細。正題先嘗一口雞白湯，的確是喜出望外，冇諗過雞湯都可以做得咁濃郁，濃得來又有雞的清甜，打成泡沫層加口感。麵質適中，份量剛好，少量洋蔥，蔥吊味而不搶味，特別一提牛蒡香脆的又好味，最令人懷念。至於雞肉相信係用慢煮方式，嫩滑有肉汁，其餘的肉就較一般。價錢略貴但的確坊間少有做到如此質素，所以間中吃一次也不錯。大約1點門外已排長龍，大家早到早享受。

雞白湯用日本雞隻精心熬煮出嚟，師傅會將湯打出泡沫，所以味道十分濃郁同creamy， 而且麵都做到掛湯既效果，湯底鹹度適中，整體不錯麵質軟硬度都啱啱好，夾落唔會好容易斷配菜方面有炸牛蒡絲，有部分未浸湯嘅就食落好脆， 浸埋落湯之後係另一個口感，不過我就唔太鍾意陣苦味啦雞肉同叉燒各有一塊，我就覺得太少啦。兩塊肉應該都係用低溫煮，所以雞胸肉嘅肉質非常滑同軟。叉燒就正常發揮另外加左個溏心蛋，亦都正常發揮有流心我覺得整體唔差但定價有啲高，如果呢個價錢可以多多少少肉會好啲

❗️过于火爆的网红店，更应该以谨慎且批判的视角去看待它。📍中环歌赋街作为又一个日式拉面集散地，似乎多了几分都市精英的精致，少了几分拿捏味蕾的烟火气，个人觉得和铜锣湾登龙街还是有些距离。🍜午市12点准时开餐，店门外排队等位的食客已络绎不绝，它们家主打鸡白汤拉面。 鸡白汤拉面 号称的口感绵滑其实我觉得有点华而不实，汤底过于浓郁，也无法进行个性化的定制，肉质也中规中矩，溏心蛋说是果木烟熏，也基本没有感受到。总结就是不太便宜的价格，打卡了一家心仪已久的拉面店，却铩羽而归，以中规中矩失望大于期望结束了这一次探店之旅。

比起豚骨湯，我更愛雞白湯😆所以一直都好想試吓呢一間座銀～好好彩大約六點鬆啲嚟到唔使等位，吧枱都算ok，唔算特別窄～呢度好專門食雞白湯，可以揀拉麵或者沾麵～我同男朋友都叫咗雞沾麵 ($168)，呢碗麵絕對唔平，但係佢嘅水準的確非常好🤤首先佢嘅沾麵湯係打到奶泡狀，食入口更加creamy，而且入口嘅雞湯味濃而不鹹，非常鮮味！至於麵質亦都係算比較粗，相當有口感～配以炸得香脆嘅牛蒡，又有多一層口感😆叉燒方面佢都算幾大塊，肉質嫩滑，但相信店家考慮到叉燒需要配合雞白湯，塊肉味道有啲似Parma Ham嗰款鹹火腿，個人口味而言，我就比較喜歡平時嘅炙燒豚肉多啲～不過整體嚟講個味道都係融合，幾好食😆有少少美中不足係餐廳冷氣都幾凍，令個沾麵湯好快凍，呢樣可以改善一下～另外亦叫咗個座銀炸雞 ($58)😆有三大件，外脆內嫩，仲配咗啲鹽自己點，幾好食🤗食完果然覺得名不虛傳，佢的確比起坊間拉麵貴唔少，但食物質素高，店員服務態度都好殷勤，呢餐算係食得好開心☺️

聽聞成日都要排隊先食到。星期六下午茶時段，排幾張枱都可以接受。流通量都好快。比較豬骨湯拉麵，雞湯拉麵感覺無咁油膩。同朋友各叫兩款，一個湯拉麵，一個沾麵。有兩塊肉掛碗邊（本人不太接受呢個presentation), 雞肉都嫩口，仲有炸牛蒡好香口，少見配料，湯都creamy 唔油膩，但未濃厚到張住個口。沾麵同湯麵都大至一樣，沾麵個湯係熱上同濃味同厚少少。我哋另外加smoked egg, 食拉麵係要有蛋😆，有少少smoked 味，但就唔係流心蛋。炸雞應該係即叫即炸，上枱仲熱辣辣。

今日lunch黎試下雞白湯拉麵，話說幾年前去日本大阪之後就冇食過，呢個價值148嘅雞白湯拉麵會係咩味呢，入到店內有日文歌播住，迴轉式座位，日本師傅o係到煮拉麵，真係有去左日本嘅感覺，飲一口雞白湯，有濃淍感，都唔錯嘅，食完少少口渴感，雞胸同叉燒都好有慢煮感，調味比較健康，炸牛蒡第一次食，幾特別嘅，麵質正常，一次可以嘅有機會都係飛去日本食柚子味雞白湯拉麵抵食又有好味

平時晏晝係中環諗食咩真係好難(˶‾᷄ ⁻̫ ‾᷅˵) 但只要想食拉麵 第一間諗到既就係座銀 真係我私心推薦❤️雞白湯拉麵 ($148)拉麵配上炸起咗嘅牛蒡 賣相非常精緻 雖然係炸起但唔會覺得油膩 但自己本身就唔係特別鍾意食牛蒡所以就唔評論味道了(˶‾᷄ ⁻̫ ‾᷅˵)湯底超級濃郁同creamy 而且佢地係打到個湯底起泡先上 令到個湯底飲落更綿滑 係我食過最濃郁最creamy嘅拉麵!! 食完碗麵直頭想連湯都飲埋🥰面條軟硬適中口感唔錯 因為個湯都幾濃郁既關係所以啲麵都幾掛湯😋一碗拉面會有一塊叉燒同一塊雞胸肉 好少食到咁高分既雞胸肉 超級嫩滑隱約食到啲煙燻味好高 叉燒方面偏向瘦大塊同薄 味道比雞胸肉濃 令到個面既味道又多種層次🥰推薦指數：🌟🌟🌟🌟【𝐏𝐫𝐢𝐜𝐞: 3/5 𝐅𝐨𝐨𝐝: 5/5 𝐄𝐧𝐯𝐢𝐫𝐨𝐧𝐦𝐞𝐧𝐭: 4/5】ғᴏʟʟᴏᴡ ᴍʏ ɪɢ ☞ sɪᴜ4ᴍᴀɪ_ɪɴᴛʜᴇʜᴏᴜsᴇ

上個月去完日本，突然間好掛住日本沾麵，經朋友推介就嚟咗呢間中環嘅座銀，位置都幾隔攝下，要行好多樓梯先到。一嚟就叫咗雞白湯拉麵同沾麵，沾麵份量比拉麵多，叉燒正正常常，個雞湯味好濃厚，加埋薑蓉入個湯再放沾麵食落口會比較順口啲，牛蒡亦都炸得唔油膩，食落去同雞白湯好夾。最後叫咗個炸雞，係必叫，好耐冇食過炸皮甘薄嘅炸雞，待應放到枱面入口仲係熱辣辣差d辣親咀，炸粉薄調味啱啱好，一點仲有四大舊，旁邊仲有少少鹽俾你點，一咬落去d雞油會爆出尼，完全體驗到齒頰留香嘅感覺，個人覺得小食覺得比雞白湯拉麵更優秀！下次可以再encore炸雞！

我好鍾意食粉麵車仔麵港式粉麵配料多又好食又岩口味又抵食一直對拉麵🍜無特別偏好感覺係冇乜配料，得個麵少少肉但就好貴 無咩必要唔會特別去食感覺百零蚊可以食好d (≧▽≦)不過因為身邊有個鍾意食拉麵既人 所以都食多左 有時又覺得都好食今次去試座銀 見餐牌都少貴不過諗住想食咪試下通常拉麵店餐牌都好簡單無咩選擇揀～呢間有3款麵揀雞白湯拉麵、海鮮雞拉麵、雞沾麵心諗開拉麵店都幾好做🤭我地兩個都揀左📍雞白湯拉麵有叉燒同雞胸掛住個碗仲有炸牛蒡 湯底打左泡沫🫧一見到碗麵除左相機食先第一下就係飲一啖湯飲完覺得好有驚喜(*ˉ︶ˉ*)OMG!好好飲即刻覺得自己會飲晒成碗湯🤫叉燒味淡淡 無特別雞胸肉好腍 又係淡淡不過因為我飲湯 配合埋就剛剛好成個麵好滿意呀麵底都好多 📍座銀炸雞3塊炸雞 即炸好熱好脆好食埋單兩碗麵一個炸雞 差唔多400蚊係貴既 不過係好食間中試下都唔錯呀.#唯有食是最治癒的.後話：同朋友講起想推介 點知原來大部分食過 仲都話好食感覺無食錯 開心(*≧ω≦)聽講間鋪經常係要排隊我地去果時係未夠6點 叫做唔駛排食完出黎見到排晒長龍😯人氣好高

今晚繼續嚟到中環食拉麵，聽講呢間食雞白湯拉麵好出名，我哋呢晚排隊排咗一陣就入得喇雞白湯沾麵佢送埋一條炸牛蒡絲，就真係一條😂冇乜味，少少甘甘地脆脆地，我個人麻麻，雞白湯好濃好有雞嘅香味，可惜只係暖暖地，我哋叫咗餐廳幫我哋整返熱佢，但再上枱都係得個碗熱，啲湯出哂煙但沾完麵都係唔夠熱，另外叉燒都係得一塊仲要薄切，我會覺得有啲小器😂法國藍龍蝦沾麵見到有期間限定，朋友即刻心郁郁想試，上到枱都係嗰個問題，湯唔夠熱，湯係好似平時出面飲到嘅龍蝦湯嘅味道再濃啲，跟咗半隻龍蝦，可惜唔算好大隻好多肉，呢個價錢我會expect多啲🥲

座銀 (中環) @zaginsoba📍中環歌賦街7號地舖📍跑馬地景光街13號地下A舖🍜 雞白湯拉麵 $138 +棵木煙熏溏心蛋 $15▶︎ 賣相: 賣相最精緻 一片豬叉燒 一片雞叉燒 炸牛蒡絲 另加嘅蛋 筍 芫荽 蔥白 洋蔥 ▶︎ 湯底: 湯底非常濃稠 不過同想象中有少少出入🤔 係比較複合嘅味道 因為係豬雞混合湯 湯底比淨雞白湯層次更多更濃厚 不過就會失去咗純雞嘅溫和 又以打泡機打到起泡 所以口感更加creamy 不過湯中見唔到油點 所以唔會覺得好油膩 亦都唔會太鹹想飲水🙌🏻▶︎ 麵: 麵量大約140g 偏粗嘅直麵 掛汁能力唔錯 另外都算彈牙 唔會一夾就斷 ▶︎ 肉: 肉量偏少 兩款叉燒都係慢煮出嚟嘅 豬叉燒不過不失👌🏻 切得超薄身 有啲火腿feel 偏有咬口 適合唔太鐘意肥膏嘅人 而雞叉燒就較為出色😍 口感柔軟 汁水保留得好好 食得出好重雞味之餘仲有少少黑椒香蛋: 麵入面唔包蛋 溏心蛋生熟度唔錯 蛋味唔算濃不過的確食得出有煙熏味😲 但係因為湯太熱好容易過熟 配料: 特色在於炸牛蒡絲 新鮮炸起非常酥脆 即使放落湯入面都唔會有油點 非常唔錯👍🏻

第一次去哩間拉麵店，係好耐之前朋友帶我去跑馬地分店。當時，餐廳未係好出名，唔洗排隊。近呢一年，每次經過餐廳，都大排長龍。今日嚟到蘇豪區，經過餐廳，好掛住佢哋嘅濃湯拉麵，二話不說，就拉咗朋友一齊去排隊😆餐廳門外大約有7～8位客人排緊隊，而餐廳入面都有大約3～4位客人等緊。大約排咗半個鐘，就有位🥢而家秋天，天氣比較乾爽，喺門外排隊都唔會太辛苦。喺外面排隊嘅時候，職員會預先比Menu客人揀食物，入到餐廳，坐定定等食就可以😋雞沾麵 鶏つけsoba ($168)沾麵湯比拉麵湯濃厚，湯入面有雞肉、洋蔥。沾麵同樣有配炸牛蒡，另外有啲薑蓉，可以自由加入沾麵湯。乾麵上面有一片豚肉同蔥絲，麵條微暖。麵餅雖然係一人份量，但沾麵湯好濃，所以偏膩，平時食開加麵的人，可能都夠食。雞白湯拉麵 鶏soba ($148)拉麵同沾麵一樣，有炸牛蒡、豚肉片、蔥絲同洋蔥絲。拉麵湯相對無沾麵湯咁濃稠，但香味同樣濃郁👍🏻入座後，我哋貪心再追加一份炸雞🍗🫢座銀炸雞 若鶏の唐揚げ ($58)雞件炸到熱辣辣💨而且好脆皮，一份有3大件。如果將來餐廳小食有餃子就好😆除咗雞湯拉麵 / 沾麵，仲有海鮮雞湯，同最新嘅期間限定——龍蝦湯。小食就有