位於朗豪坊13樓頂層sᴋʏʙᴀʀ好適合同朋友飲嘢，餐廳位於商場入面環境舒適，又唔會擔心有好多煙味，而除咗飲嘢之外我都幾鍾意去嗰度食晚餐，晚餐都有唔少選擇，但我就最鍾意食嗰度嘅牛油果煙三文魚雞肉沙律🥗 沙律份量都唔少㗎，食完都夠飽，啱晒想減肥或者想食得健康啲嘅朋友，去酒吧食飯都可以食得健康㗎😚 除此之外，仲可以試吓ᴄᴀᴇsᴀʀ sᴀʟᴀᴅ，都係唔錯嘅選擇，不過我唔係特別鍾意食沙律醬，所以呢個就冇咁適合我，但其實味道係唔錯，又有三文魚做配料，就算男士食都好夠飽。 ▪️ᴀᴠᴏᴄᴀᴅᴏ • sᴍᴏᴋᴇᴅ sᴀʟᴍᴏɴ • ᴄʜɪᴄᴋᴇɴ ᴄᴏʙʙ sᴀʟᴀᴅ $𝟷𝟾𝟾 ▪️ᴄᴀᴇsᴀʀ sᴀʟᴀᴅ $𝟷𝟽𝟾

經朋友介紹無意間發現到呢間餐廳，餐廳環境闊落，聽說夜晚還會有live band坐鎮，好適合同朋友食下飯，飲杯嘢傾吓偈🍻 餐湯今次係紫薯湯，每次都有機會有唔同嘅餐湯，如果加$58嘅話就可以轉龍蝦湯，龍蝦湯幾濃味，都有啲龍蝦肉粒，但又未算好驚豔，所以下次未必會加錢轉龍蝦湯，因為餐湯都唔差。小食方面就加咗一個泰式蟹餅，炸得幾香口，咬落去滿口蟹肉，幾滿足🦀 慢煮雞胸牛油果藜麥沙律就好適合減肥唔想食圓形澱粉質嘅朋友，慢煮雞胸一啲都唔鞋，牛油果抗氧化之餘又充滿維他命C同E，健康得來又好味，加埋啲藜麥就夠晒飽🥗 西京燒比目魚幾有驚喜，一整塊比目魚份量不少，肉質淋滑，配上醬汁撈飯一齊飯份外滋味，唔想太膩嘅話，呢個都係唔錯嘅選擇。 ▪️Set Lunch $128 ▫️ 經典蟹肉龍蝦忌廉湯 (+$58) ▫️慢煮雞胸牛油果藜麥沙律 ▫️Ice Lemon Tea ▫️泰式蟹餅 (+$38) ▪️Set Lunch $138 ▫️精選餐湯 ▫️西京燒比目魚配白飯

最近發現鰂魚涌開咗有一間充滿家常味道嘅福建菜，由於餐廳位置不多，12點鬆啲已經要開始排隊，建議預早少少去等位💡食物選擇唔算太多，但最緊要好食😙 今次同幾個朋友一齊去食，可以試到四款主食，雞飯同封肉飯係我比較推薦，雞肉好夠香滑，雞飯啖啖都充滿雞油香味🤤 古法封肉飯嘅醬汁好特別，吃起來味道有點像紅燒肉，封肉好入味，好淋，撈飯一流，唔係好多地方食到呢種味道。 咸飯係福建地道小食，食落去味道好似幾健康，適合夏季火氣大吃，吃落比較普通，女神蔬菜薄餅就有點像未炸的春卷，適合健康的朋友。 ▪️招牌地道咸飯 $50 ▪️女神蔬菜薄餅配肉湯 $50 ▪️家鄉風味雞飯 $68 ▪️古法封肉飯 $68

▪️燒烤雞 Grilled Chicken with BBQ sauce $198 一上桌就已經聞到香噴噴的味道，鐵板很能保溫，烤雞夠晒熱辣辣，味道帶點微辣，相比起炸雞，烤雞嘅皮相對冇咁脆，但同樣美味得來又冇咁熱氣，仲有啲年糕添～食完烤雞，最好就係食返幾粒酸蘿蔔解膩☺️ ▪️芝士雞蛋卷 $128 雞蛋卷口感非常豐富，蛋捲夠厚實，入蛋入面包住流心芝士，有微微嘅拉絲，配合埋蛋上面嘅茄汁同芥末更加滋味 ▪️炒粉絲 (牛肉) $158 粉絲份量非常多，應該足夠四個人食😂😂炒得好香，材料幾足，有牛肉，唔同嘅蔬菜，不過記得趁熱食啊，粉絲凍咗就會容易黐埋一齊比較難夾！ ▪️Fruit SOJO $68 (桃味) 食韓國嘢梗係唔少得飲返支燒酒啦！仲要係我最鍾意嘅水蜜桃口味🍑

米芝蓮1星餐廳ʟᴏᴜɪsᴇ位於元創方ᴘᴍǫ。有別於其他ғɪɴᴇ ᴅɪɴɴɪɴɢ餐廳，這裡沒有奢華的裝修設計，感覺較簡約優雅，餐廳空間別緻舒適，坐室外的話會被不同熱帶植物圍繞著,猶如置身於小溫室般，餐廳下層為客廳，設計休閒時尚，仲設有咗一個好靚嘅酒吧，可惜上層當日裝修未能有機會欣賞到。餐廳主打南法家常菜式，材料由法國直送香港，用料新鮮。 我最期待嘅當然係招牌黃油走地雞啦，隻雞會比客人打咗卡才拎返入去斬件，應該都有完整一隻雞嘅份量，連埋砂鍋雞油飯一齊上桌。雞件保持住溫暖，皮薄肉質嫩滑唔會太乾，炸雞皮雞油飯亦係非常值得一試，雞皮好香脆，雞油飯十分香口，完全係超級邪惡😈 ᴀɴɢʟᴇ ʜᴀɪʀ ᴘᴀsᴛᴀ 亦係我很喜愛的其中一道菜，絕對係視覺同味覺嘅享受，黑松露味道香濃，配上帶酸酸醋味的ᴀɴɢʟᴇ ʜᴀɪʀ，令人食指大動😋 另外慶祝生日餐廳另外送上了ᴍᴀᴅᴇʟᴇɪɴᴇ，好香口好軟熟，比原本嘅甜品更好食😂 𝙎𝙄𝙂𝙉𝘼𝙏𝙐𝙍𝙀 𝙈𝙀𝙉𝙐 $1,888 ▪️ᴄʜᴇᴠᴇᴜx ᴅ'ᴀɴɢᴇs, ᴄᴀᴠɪᴀʀ ᴋʀɪsᴛᴀʟ, ᴛʀᴜғғᴇ ɴᴏɪʀᴇ, ᴋᴏᴍʙᴜ ▫️ᴀɴɢᴇʟ ʜᴀɪʀ ᴘᴀsᴛᴀ, ᴋʀɪsᴛᴀʟ ᴄᴀᴠɪᴀʀ, ʙʟᴀᴄᴋ ᴛʀᴜғғʟᴇ, ᴋᴏᴍʙᴜ ▪️ʟᴇs ʟéɢᴜᴍᴇs ᴅ'ʜɪᴠᴇʀ ᴅᴇ ʟᴀᴜʀᴇɴᴛ ʙᴇʀʀᴜʀɪᴇʀ, ʙᴏᴜɪʟʟᴏɴ ᴅᴇ ᴘᴏᴛ ᴀᴜ ғᴇᴜ éᴍᴜʟsɪᴏɴɴé à ʟᴀ ᴛʀᴜғғᴇ ɴᴏɪʀᴇ ᴇᴛ ᴀᴜ ᴠɪᴇᴜx ᴠɪɴᴀɪɢʀᴇ ᴅᴇ xᴇʀᴇs ▫️ʟᴀᴜʀᴇɴᴛ ʙᴇʀʀᴜʀɪᴇʀ ᴡɪɴᴛᴇʀ ᴠᴇɢᴇᴛᴀʙʟᴇs, ʙʟᴀᴄᴋ ᴛʀᴜғғɪᴇ ᴀɴᴅ ᴏʟᴅ sʜᴇʀʀʏ ᴠɪɴᴇɢᴀʀ ᴇᴍᴜʟsɪғɪᴇᴅ ᴘᴏᴛ ᴀᴜ ғᴇᴜ ʙʀᴏᴛʜ ▪️ᴛᴀɢʟɪᴀᴛᴇʟʟᴇs ᴅᴇ sᴇɪᴄʜᴇ ᴊᴜsᴛᴇ ᴛɪéᴅɪᴇs, ᴄᴏɴᴅɪᴍᴇɴᴛ ᴀᴜ ᴄɪᴛʀᴏɴ ᴅᴇ ᴍᴇɴᴛᴏɴ, sᴀᴜᴄᴇ « ʙᴀɢɴᴀ ᴄᴀᴜᴅᴀ » ▫️ᴡᴀʀᴍ ᴄᴜᴛᴛʟᴇғɪsʜ ᴛᴀɢʟɪᴀᴛᴇʟʟᴇs, ᴍᴇɴᴛᴏɴ ʟᴇᴍᴏɴ ᴄᴏɴᴅɪᴍᴇɴᴛ, « ʙᴀɢɴᴀ ᴄᴀᴜᴅᴀ » sᴀᴜᴄᴇ ▪️ᴘᴏɪssᴏɴ ᴅᴇ ʟɪɢɴᴇ ᴄᴜɪᴛ à ʟᴀ ᴠᴀᴘᴇᴜʀ, ʙᴇᴜʀʀᴇ ʙʟᴀɴᴄ ᴀᴜ ᴄɪᴛʀᴏɴ ʙᴇʀɢᴀᴍᴏᴛᴇ, œᴜғs ᴅᴇ sᴀᴜᴍᴏɴ ▫️sᴛᴇᴀᴍᴇᴅ ʟɪɴᴇ ᴄᴀᴜɢʜᴛ ғɪsʜ, ʟᴇᴍᴏɴ ʙᴇʀɢᴀᴍᴏᴛ "ʙᴇᴜʀʀᴇ ʙʟᴀɴᴄ", sᴀʟᴍᴏɴ ʀᴏᴇs ▪️ᴘᴏᴜʟᴇᴛ ᴊᴀᴜɴᴇ ʀôᴛɪ, ʀɪᴢ ɢᴏᴜʀᴍᴀɴᴅ ᴅᴇ ɴɪɪɢᴀᴛᴀ ᴇɴ ᴄᴏᴄᴏᴛᴛᴇ, ᴘᴇᴛɪᴛᴇ sᴀʟᴀᴅᴇ ▫️ʀᴏᴀsᴛᴇᴅ ʜᴏɴɢ ᴋᴏɴɢ ʏᴇʟʟᴏᴡ ᴄʜɪᴄᴋᴇɴ, ɴɪɢᴀᴛᴀ ʀɪᴄᴇ "ᴇɴ ᴄᴏᴄᴏᴛᴛᴇ", sᴀʟᴀᴅ ▪️ᴅéᴄʟɪɴᴀɪsᴏɴ ᴅᴇ ʀᴀɪsɪɴ « sʜɪɴᴇ ᴍᴜsᴄᴀᴛ », sᴏʀʙᴇᴛ ᴍᴇɴᴛʜᴇ sʜɪsᴏ ▫️sʜɪɴᴇ ᴍᴜsᴄᴀᴛ ɢʀᴀᴘᴇ ᴠᴀʀɪᴀᴛɪᴏɴ, ᴍɪɴᴛ sʜɪsᴏ sᴏʀʙᴇᴛ

位於中環的一間日式ғᴜsɪᴏɴ小店，裝修用了簡約的日本風，燈光相對昏暗，讓客人下班後可以逃離一下繁忙生活，不過音樂比較大，加上位與位之間間隔比較近，與朋友聊天聲量也要相對提高😅 ▪️ʜᴀᴍᴀᴄʜɪ $188 ▫️ ᴛᴏᴍᴀᴛᴏ ᴘᴏɴᴢᴜ, sᴇᴍɪ-ᴅʀɪᴇᴅ ᴛᴏᴍᴀᴛ ʜᴀᴍᴀᴄʜɪ鮮甜肥美，點上酸酸甜甜的蕃茄汁清新可口 ▪️ʙᴇᴇғ ᴛᴀʀᴛᴀʀᴇ $178 ▫️ᴀʀɪᴍᴀ sᴀɴsʜᴏ ᴅʀᴇssɪɴɢ ʙᴇᴇғ ᴛᴀʀᴛᴀʀᴇ加配了帶甜的醬汁和適量的馬山椒，惹味非常，底部的多士就剛剛好中和了濃味嘅醬汁 ▪️ʟᴏʙsᴛᴇʀ ᴋᴀᴛᴀɪғɪ $268 ▫️ᴀʀᴏᴍᴀ ʙɪsǫᴜᴇ 由外型到口感，都幾有驚喜，外層用咗炸薯絲包住非常爽口彈牙嘅蝦肉，點埋加了少許檸檬汁嘅龍蝦汁，層次感非常豐富，香口得來又不怕有油膩感 ▪️ᴜɴɪɢɪʀɪ $268 ▫️ᴀʙᴀʟᴏɴᴇ ᴅᴀsʜɪ, ᴜɴɪ, ᴘᴀʀᴍᴇsᴀɴ 這道主菜海膽飯團絕對係必要之選，如果你好鍾意海膽，你一定會愛上呢道菜，海量嘅海膽放喺飯團上面，海膽新鮮鮮甜配上濃湯一齊食，食落感覺有點像吃泡飯一樣 ▪️ᴜᴅᴏɴ $278 ▫️ ᴄʀᴀʙ ᴍɪsᴏ, sɴᴏᴡ ᴄʀᴀʙ 烏冬即係非常推介嘅主食，蟹肉份量十足，撈埋充滿麵豉醬汁烏冬，不過麵豉味道相對濃郁，蓋過了蟹肉嘅鮮甜 ▪️ᴘᴏᴘᴄᴏʀɴ ɪᴄᴇ ʙᴀʀ $98 ▫️ ᴍᴏᴄʜɪ, ᴄᴏʀɴ ғʟᴀᴋᴇs, ᴄᴏғғᴇᴇ ᴄʀᴜᴍʙʟᴇ, ᴍɪxᴇᴅ ʙᴇʀʀɪᴇs ᴘᴜʀéᴇ 雪條上面有啲脆片定成個雪條更加有口感，咖啡嘅香味混合ʙᴇʀʀɪᴇ小小嘅微酸，味道不錯，為整餐飯畫上圓滿嘅結尾

個湯幾入味，嗌咗小麻辣，都好夠辣好香，雞翼尖滷水，都唔錯，入味同埋雞翼尖蟹都有啲肉，啲米線屬於爽滑嗰種個人比較喜歡。個腦嘴豬腸唔錯，滷水味入晒，而且唔係好多肥膏，所以高質。隻流心蛋表面好滑，都有啲蛋黃漏出嚟，雖然唔算好多，魷魚大大塊，爽口冇根，啲菜正正常常，唔老，最後蘿蔔都幾鮮甜冇根，應該之前浸過先，總體不錯，85分😎 五個餸加米線$64 ▫️蘿蔔 ▫️豬腸 ▫️雞翼尖 ▫️魷魚 ▫️流心蛋 湯底🥣 ▫️小麻辣

今日來位於太子大南街嘅居酒屋，餐廳裝修風格偏暗調，環境唔錯，幾有氛圍。 食物方面就點左個五點刺身盛，有5種唔同既刺身，牡丹蝦幾甜，油甘魚夠鮮，仲有三文魚呑拿魚同海膽。 海膽帆立貝包係用海苔包起之後可以直接放入口，口感非常好，海膽同帆立貝嘅味道互相交錯，再配合埋魚子流出嘅鹹味同鮮味，產生了非常好嘅化學效果。 燒牛舌，配上芥茉同檸檬汁，可以一次過體驗香味酸味甜味牛肉味，再加上牛舌本身爽口嘅口感，非常美味。至於鹽燒虎蝦，就燒得幾香，蝦膏香口又甜 然後係重頭戲柚子味噌燒羊架，上菜之後店員會即場加入醬汁，有一團火噴出嚟再燒一下羊架，畫面好靚好精彩，除左畫面靚之外，味道亦係上佳，肉質鮮嫩，火侯剛好，再有柚子嘅甜味同味噌嘅鹹味襯托羊肉味，令人食指大動😋 最後仲叫左個芝士年榚同明太子燒飯糰，質量都唔錯！整體來說，餐廳嘅燒物極為出色，如果唔係食得飽嘅話真係再想叫多幾串串燒！ ▪️五點刺身盛 $288 ▪️海膽帆立貝海苔包 $128 ▪️牛舌（份） $98 ▪️鹽燒虎蝦（2隻） $48 ▪️柚子味噌燒羊架 $198 ▪️芝士年糕 $38 ▪️明太子燒飯團 $38 ▪️Sapporo Beer $68 ▪️日本果酒 (蜜桃) $58

餐廳裝修好似傳統居酒屋一樣，裝修環境舒適寧靜，有半榻榻米嘅座位，食物款式選擇不少，有魚生壽司卷物，串燒同揚物等等。 原條池魚切到一片片上枱，仲會有返個魚頭作擺盤，睇落去非常吸睛👀 食落也非常新鮮！三色卷簡直係冇得輸！入口滿滿的吞拿魚腩溶、海膽同三文魚籽，鮮甜的海膽與帶點鹹香的三文魚籽完美融合，令人陶醉於精緻的配搭組合。 串燒方面比較中規中矩，唔算有特別嘅驚喜，反而銀鱈魚幾有驚喜，燒得剛剛好，一上碟就聞到好香嘅味道，魚肉肥美，入口鮮嫩🐟 最後當然唔少得食返個冷麵作結尾，蕎麥麵帶點淡淡的小麥香味，食落彈牙，值得一試🍜 ▪️原條池魚 $218 ▪️極上三色卷 $438 ▪️雞腎串 $48 ▪️雞翼串 $48 ▪️鹽燒雞軟骨串 $38 ▪️銀雪魚西京燒 $288 ▪️冷麵 $118

已經好多年冇嚟過金牛苑，事隔多年美味依舊👍🏻今次三個人叫咗二人套餐另外再加蒜蓉包同南乳燒雞，份量啱啱好，當然如果想三個人每人都有一份羊扒就要另外追加一份。 燒羊扒絕對係推介之一，肉嫩多汁，咬落去啖啖肉🤤只不過單點一份價錢相對高🙈南乳燒雞亦都係非常推介，雞肉嫩滑，皮薄香脆，咸度適中，不過個精髓梗係燒雞嘅南乳汁，充滿香濃嘅南乳香味。蒜蓉包份量比較多，適合幾個人分享，熱辣辣新鮮出爐，咬落去夠脆口，又香蒜蓉味🤤 而家天氣凍冰冰，食甜品之前梗係要食返碗熱辣辣嘅牛肉湯粉先滿足啦，湯底好香牛肉味，牛肉又唔會韌，河粉好夠滑🍜講到食甜品梗係唔少得拉椰糕啦，平時唔係好多地方食到，佢口感煙煙韌韌，甜度恰到好處，絕對值得一試👍🏻 ▪️二人套餐 $1,180 ▫️春卷，香燒蔗蝦，扎肉海龍皇湯 ▫️香草燒羊扒 ▫️蜜椒燒鱔球 ▫️牛肉湯粉 ▫️精美甜品 ▪️蒜蓉包 $48 ▪️南乳燒雞 (半隻) $238