幸屋

營業中

休息中

我係拉麵控，有新拉麵店梗係要黎試下啦！每間拉麵店嘅原味豬骨湯係必試嘅，金武士（原味豬骨湯）好足料！無論係叉燒定係拉麵同配料份量都好多，幾乎係料仲多過湯。湯底我揀咗正常，如果鍾意濃d嘅其實可以揀濃味。仲有糖心蛋一隻唔使另外加錢。黑武士（黑蒜油湯）我強烈推呢個湯底！蒜油味好香配埋豬骨湯非常之夾。配埋調味肉碎撈埋食係非常之好味。豚角煮口感比叉燒更加好，最後連湯都比我飲晒。                         本身想試埋串燒，但係可惜佢個燒烤爐壞咗，唯有揀雞翼同埋餃子芝麻手羽外皮炸得好鬆化，雖然熱氣但真係好味到停唔到

今日星期六黎到灣仔行下玩具街，再黎食新拉麵。金武士原味特濃豬骨湯拉麵$78呢度有我好鍾意的辣芽菜，好爽口，鹹鹹辣辣，開胃。特濃重口味豬骨拉麵到，內裡有豚角煮、叉燒BBQ、滷蛋、木耳、椰菜。湯底豬骨湯都幾濃同厚身，拉麵掛到湯，食落啖啖豬骨香味，蛋如果入味d就更加perfect啦,勝在蛋汁香滑，蛋汁加落湯汁到，令湯汁更濃了，好滿意呢度拉麵有椰菜，令到我飲食更均衡，同爽脆的椰菜量都唔少。豚角煮得好入味，鹹鹹地好淋身唔韌，咬落有適量肥膏，個種脂香慢慢透出黎👍🏼👍🏼，而叉燒都頗有水準，亦是肥瘦均勻，香滑不溜，但我個人偏愛豚角煮，呢度食拉麵的好處就係可以選御屋mix,即係同時有豚角煮同㕚燒BBQ 2款。帶子燒$20帶子燒得好焦香，上邊的燒汁醬好香好惹味，帶子肉新鮮。

以前係灣仔返工幾乎食搵勻該區嘅拉麵，見呢間新開又評價唔差就走去試下🤣地方唔顯眼係一條小街市，附近舖頭關哂，唔係因為有目標唔會走入嗰條街揾食😵不過走入舖頭完全另外一個風格，格局令人唸起深宵食堂，工業風嘅裝修，樓底好高空間感重，小店經營2個侍應。菜單配搭頗多，每樣細節都可以有要求😳例如麵條嘅柔軟度、湯嘅濃度、油嘅份量都可以控制，完全啱晒腌尖麻煩嘅我，因為選擇困難，所以揀咗廚師推介。胡麻王係由黑芝麻同白芝麻磨蓉溝埋豬骨湯底，聞落似芝麻糊，唔飲落好香芝麻味，仍飲得出有豬骨味，都幾有趣，芝麻糊陣氣味會提你佢係甜既，但呢碗湯底飲落係咸既，每次飲湯底都會提醒我佢唔係芝麻糊🤣成個配搭新鮮感幾重，配料亦出色，值得一試！不得不提佢嘅叉燒幾鬆軟，唔似其他食落鞋口啃唔爛👍🏻沾麵就同認知嘅好唔同，一直識開嘅沾面係熱嘅，配上濃厚嘅湯汁俾你掛得到麵，食完麵再會用木魚湯溝浠湯汁再飲。幸屋既沾麵係凍上，啲麵係經過冷制，麵汁係比較稀釋，食落去係酸酸甜甜咁同食開既咸味有分別，突然覺得好似食緊越式撈檬咁（當然上面既配料唔同）食前做定功課會易d接受。叫咗鰻魚同茄子2款串燒，口味偏甜，細小份量可以過下口癮。員工嘅服務態度熱情，感

岩岩去完日本旅行番到黎香港但仍然好想食拉麵,於是係灣仔打完波之後就同D朋友去左呢間幸屋試下。金武士:金武士係豬骨湯拉面。我簡左個麵質硬度係硬,個麵質好爽,另外個湯我簡左特濃,好重豬骨味而且佢仲加左少少黑蒜油,好香。我叫左御屋叉燒,係平時食開既拉麵叉燒,D叉燒肥肥地咬落好冧好好食,另外隻糖芯蛋好鮮,冇過熟。玄武王:我朋友本身想試黑蒜油拉麵,但係佢晏晝就賣哂,所以就叫左玄武王試下,玄武王係一個冷麵黎,食法係夾起D麵再浸係個冷麵黎汁食。玄武王有肉碎、雲耳、叉燒、蛋、紫菜等等。我朋友簡左個粗D既拉面,口感同味道同我既都差唔多, 麵質仍然唔錯好夠爽。D肉碎唔會有好多肥豬,好好食。呢碗我朋友簡左豚角煮叉燒,D叉燒大舊少少,咬落去有少少似豬軟骨。個冷麵汁落左麻油,好香而且同個拉麵好爽。個麵凍凍地好岩呢D咁熱既天氣去食。總結:拉麵店裝修同環境唔錯,食物性價比高,拉麵既種類都好多,值得一試。

今晚趕住睇戲，所以一放工就去左公司附近食拉麵～7點鐘到，好彩唔算好FULL，WALK IN都有位 =]餐牌款式都唔算少，除左拉麵呢度仲有飯~ 另外，亦可以點小食、串燒、飲品～ 拉麵另外有張紙，可以揀粗/幼麵，軟/硬麵、濃/淡湯、走蔥/椰菜 etc... 我就要左碗金武士 -原味豬骨湯，豬骨湯底濃郁～叉燒超大塊，蔥同木耳份量都唔少 =] 朋友揀左胡麻王，湯底入口香而不膩～麵質揀左硬，食落煙韌、彈牙，有口感！ 另外點左2個小食，一個炸豆腐～外脆內軟，入口非常滑溜！ 另一個小食 - 牛舌，雖然切得好薄，不過食落爽口、彈牙，入口外香內嫩！ OVERALL ：味道：★★★★☆環境：★★★★★服務：★★★★★衛生：★★★★★抵食：★★★★★

灣仔的拉麵店算是香港最集中的地區之一，而拉麵價錢有平有貴，價錢的高低也不是反映拉麵的味道的因素，最重要是拉麵店的食材與烹調技巧。最近與朋友經過灣仔郵局附近看見幸屋的宣傳，它的拉麵套餐頗超值的，只要加10元就有一款小食，平日拉麵店一款小食都要三，四十元，很吸引我們的拉麵套餐，於是我們走進街裡試試幸屋是否又便宜又好吃。我對胡麻王非常有興趣，因為我從沒吃過芝麻湯的拉麵，好像很特別。胡麻王的芝麻香氣非常濃厚，喝一口湯後馬上覺得和一般湯底很不同，比我想像中的清爽許多，不會有油膩感，給人不一樣的感受。豚角煮形狀不小，有點重量啊。大家會擔心肉這麼大，會否很柴呢? 別擔心，豚角煮的肉超軟，超嫩，就像滷肉般的口感，肥瘦皆有。叉燒雖然不厚，看那肥美的油花，一口咬下油脂漫佈口中，神奇的是吃起來竟然不會過於膩味，只有著入口即化，超級軟嫩的幸福感。麵條硬度剛剛好，不會爛爛的，郁香的芝麻湯汁隨著拉麵一起入口，美味又滿足。糖心蛋做得不錯，濃郁黏稠的蛋黃加上吸滿甜甜醬汁的蛋白，美味可口。小食方面我選了炸雞，炸雞亦沒有因價錢便宜關係而份量少少的。炸雞咬下去時咔嚓咔嚓的超酥脆，肉質厚實也鮮嫩，帶肉汁感，單吃很有滋味。朋友

與朋友閒聊時，知道灣仔開了一間新拉麵店，便提議到餐廳午餐。和一般拉麵店一樣，都是可以選擇拉麵的軟硬度，湯的濃度等。我選擇玄武王：黑蒜油冷沾麵。我喜歡較硬的麵質和大量的香蔥。沾麵的湯與其他大型沾麵店不一樣，這個是冷的甜醬油汁，裡面根據我選擇，加入大量青蔥，而其他店則會提供超濃郁的熱湯。個人認為兩款各有特式，夏天吃冷麵會比較舒服。拉麵的配料不少，有糖心蛋、笋干、木耳、肉碎、兩片豚肉還有明太子。配料令拉麵味道更有層次，視覺層面更富色彩。另外，桌上還有不同調味料，例如蒜蓉，辣大豆芽和味粉，我全部都加進碗內。大豆芽、木耳和笋干都很爽口，少辣的明太子令拉麵更惹味。但整碗麵精粹在於新鮮蒜蓉，味道提升不少，愛吃蒜的人一定要加。此外，餐廳毫不吝嗇，給我們原隻的糖心蛋，雞蛋的蛋黃味道很甘香，令我吃得十分滿足。兩片豚肉炆得很入味，肥瘦均勻，肥膏融在口中，而瘦肉部份亦不會太硬。但我覺得肉碎比豚肉更配合拉麵，肉碎份量很多，所以每一口都吃到肉碎，令拉麵不單調，拉麵煮得夠彈牙，口感適中。價錢與一般拉麵店差不多，但是這家配料多元化，吃完又不會覺得口乾或者太油膩，值得再試。

外遊回港，由於食咗幾日粵菜，突然間很想去吃碗拉麵。友人提議我一試灣仔這間主打濃厚湯底嘅後起之秀，說店子雖然地方細細，但拉麵口味都算多，有成六、七款，而且除了拉麵外，餐牌上還有丼飯，佐酒小食、前菜、串燒等供應，花款選擇夠曬豐富，值得一試。原來友人所說的後起之秀，就是位於機利臣街、這條隱蔽小巷內新開的拉麵店「幸屋」。拉開門內進，店面呈長方形，座位分成左右兩排，左邊以四人檯為主，右手邊擺放了一排近似吧檯位，一數，約有十張面壁的高腳櫈，而最入端就是廚房重地，地方雖然不大，最多只可以坐廿餘人，但裝潢骨子企理，唔算狹窄，坐得舒服。拿起桌上餐牌，拉麵共有七款，分別為金武士、黑武士、赤武士、銀武士、胡麻王、玄武王和一款神神秘秘嘅期間限定王拉麵。另外亦有三款丼飯、沙律、佐酒小食、串燒、飲品及甜品等，可供客人選擇。向店員查詢這天的期間限定拉麵，原來是淮山沾麵，聽落幾特別，不過由於對淮山興趣不算大，所以還是決定穏穏陣陣，點碗以原味豚骨湯為基調的金武士 ($78)。拉麵選了幼身、普通硬度、濃湯底，另外配多蔥及椰菜。成品上桌後，先嘗一口湯底，用豬骨熬製的湯頭，水準果然唔錯，入口濃稠度適中，香而不膩，就算把整碗喝

宜間拉麵店既位置比較隱蔽，如果唔係同事介紹的話，我諗我唔會搵到唷！拉麵加$10就有小食同飲品，真係好抵食！係灣仔區黎講，$88宜個價錢要好食又要高質素，相信只有宜間拉麵店先做得到了！跟男友分別點選了金武士和赤武士拉麵。金武士拉麵係原味既豚肉湯湯拉麵，湯底、麵條、香油、配材既份量同濃淡度都可以因個人口味選擇！男友既金武士拉麵湯底濃厚，入口豚肉味濃郁！ BBQ豚肉肥瘦相間，肉質滑嫩，非常惹味。無辣不歡既我就order左赤武士拉麵，辣度係2級。湯底入口豚味濃郁，繼而散發一股辣勁，但濃郁既豚味並冇比辣味蓋過，非常好！溫泉蛋外表同熟蛋冇分別，但一咬落口就爆發蛋黃汁，生熟度掌握得很好！一口炸雞新鮮熱辣出爐 雞皮香脆，雞肉滑嫩，無得彈呀如果一口炸雞有100分，自家製餃子既評分我會比1000000分，真係超級好味！咬落餃子飽滿，餡料豐富，餃子皮薄，醮上餃子汁，令人回味無窮！

灣仔，大家會諗到咩？囍帖街？會展？我M佬就梗係諗起關於食啦，就係拉麵啦！點解？大家真係有所不知，灣仔真係有唔少拉麵店，好似每條小街巷仔都有一間，彷如拉麵天堂。今次決定去試新嘢，行到去機利臣街，見到呢間幸屋拉麵。出面嘅紅色燈籠同招牌，都有啲日風味。金武士呢度拉麵主打博多豚骨，分別係金武士（原味豚骨）、黑武士（黑蒜油）、赤武士（地獄）、銀武士（味噌）同限定王（嗰日係魚介）。每次第一次食都一定係試佢嘅原味，咁先知道佢嘅真功夫吖嘛。唔該，畀嗰金武士我吖！拉麵好足料，有木耳、紫菜、半熟蛋、椰菜、蔥同兩塊叉燒。第一時間就梗係飲下嗰湯先，我揀咗濃湯，非常香豚骨味呀，正！叉燒我揀咗御屋，即係雙併，有肥身啲嘅豚角煮同瘦啲嘅普通叉燒，我就鍾意豚角煮多啲，有啲脂肪，香口好多。麵條就揀咗白麵，比較粗身，入口好滑，掛湯能力都唔錯！蒲燒鰻魚丼A姐又點咗佢嘅至愛——鰻魚飯。嘩！！係原條鰻魚分兩份，燒得啱啱好，又香口又肥美厚肉，食落無骨同無泥味。鹽燒牛舌牛舌雖然唔係唔係厚切，不過味道搭夠，好香海鹽同黑椒味！黑豚秋葵串黑豚包住秋葵，黑豚就燒到有少少焦，一啖一舊，正。配合膠質豐富嘅秋葵，幾特別！茄子串燒平時食多數都係原條

約咗朋友夜晚喺金鐘睇戲，兼且朋友係一個拉麵迷，所以特登問咗呢一間灣仔小店食咗一個快嘅晚餐。點菜好方便，只需係張紙上面劃低晒自己嘅要求就可以架啦，大約5分鐘就已經上菜超快。 黑武士＄78主菜有三塊豬肉片，灑上少許蒜頭上面食，味道更濃，非常之夾，旁邊嘅配菜都不少，有大量嘅黑木耳，椰菜，仲有一隻糖心蛋，咬開一半之後，蛋黃緩緩流出，好香嘅蛋黃味，湯底係豬骨湯底配上黑蒜油，好好飲，濃郁之餘但不會油膩，幼面掛湯能力不錯👍鰻魚丼＄88全條鰻魚上，鰻魚汁鋪滿在整條魚上，用嚟撈飯一流，鰻魚非常肥美，但食嘅時候要小心，啱啱上菜係熱辣辣架，份量啱一個女仔食，男仔就可能未必夠飽。鹽燒牛脷＄20呢個值得推薦，一上枱就聞到好香，薄薄嘅牛脷，好彈牙爽口，牛味重，鹽燒煮法完全將牛脷嘅肉汁鎖住，好想點多一碟。蒜香鰻魚嘴＄32上面灑滿炸蒜，朋友勁鍾意食，仲話用嚟送啤酒一流，但我自己就覺得鹹咗少少。

星期六同女朋友行完動漫展，就行過天橋對面，黎到橫巷見到一間拉麵鋪<<幸屋>>在做推廣。 拉麵加上小食只要$88，相當吸引。 坐低後侍應好快上熱水及茶包。 餐牌都好日式呢。 睇完餐牌有乜食，就可以揀囉。同其他拉麵店一樣，點拉麵劃返自己的喜好就可以了。 我點的是<<燒鰻魚丼>>，大大碗之餘，燒鰻魚有成兩大件呢。而且鰻魚汁份量適中，又不會太甜，鰻魚入口冇骨，而且煙韌，加上芝麻的香味，越食越開胃呢。 女友點的是<<黑武士拉麵>>用的是黑蒜油湯底，令到拉麵更香，配上我揀軟幼的麵身，更易入口。叉差肥瘦適中，十分有嚼勁，加上椰菜，口感更豐富。 小食點的是<<帶子燒>>，大大的帶子，入口啖啖肉，夠煙韌。 <<鹽燒手羽>>，大大隻的雞中翼用鹽燒得香口，十分惹味。 飲品追加了<<果粒橙>>，清清口腔的熱氣及油膩感。

呢間鋪每次經過都見到佢排好長龍 今日lunch time 竟然無人排隊 同事們都決定試下呢間既拉麵都算多選擇 有五種拉麵一個沾麵再加一個期間限定既味道 另外仲有飯 同埋一埋小食串燒等等今次我地叫咗拉麵 同埋照燒雞飯 拉麵有兩種選擇 有粗既同幼 今次我選擇咗粗 覺得比較特別 其實佢係沾麵個一種麵 湯都好濃 肉亦都唔錯 整體係值得推薦 最重要係佢份量好多！！另外佢旁邊有一盒芽菜 係會食上癮既芽菜 酸酸辣辣 食到停唔到 食哂一盒仲有得refill呢間我比85分

友人屋企樓下就係「幸屋」 咁方便當然去試吓... 由於門外有啲流動攤檔和帳篷遮住 喺大馬路行過都唔容易發覺一坐低 店員即刻奉上熱水 如果想飲茶 會另外給你一個茶包檯面乜都有齊 下單紙、筷子、牙籤、調味料、豉油碟.... 黑色盒裡面有埋紙巾！另外有本彩色menu 會詳細少少介紹食物 又有彩色照片先來飲品友人嘅丼餐包埋沙律 有啲甜甜酸酸嘅豉油啫喱 幾開胃！友人嘅「蒲燒鰻魚丼」色澤好靚我要咗「玄武王」 係咁多款之中唯一一款沾麵 雖然唔係正宗 但勝在多料和味道好（湯應該熱啲）除了基本嘅紫菜、溏心蛋、筍和豚肉 還有(超多)肉碎、木耳絲、芝麻和... 明太子！！！真係落重本！！！連溏心蛋都有成隻（好多得半隻）！豚肉有四分一係膏 份量啱啱好檯面有枝拉麵胡椒 同普通胡椒類近 但無咁攻鼻而且鹹少少 落埋仲正最後點咗客「鹽燒雞皮」串燒 非常香脆 連雞皮入面嘅脂肪都烤成空心 好似食薯片咁

經過灣仔，發現有間新開拉麵店，見佢價錢合理，決定試試佢。門口嘅裝修應該係最吸引我入去嘅原因，好有日本風味，到店內都貼滿一堆日本海報，超級有心思。店員好細心遂一介紹啲拉麵，其實啲飯都好吸引，但兩個人得兩個胃，我地又一心想試一個沾麵一個拉麵，唯有下次先再嚟試佢啲飯。我就揀左個黑武士拉麵，配料十分足料，除左有一般拉麵都有嘅木耳，蔥，糖心蛋，叉燒個啲，仲有一堆肉碎，食起上嚟口感更豐富，我鐘意惹味啲，所以就揀左bbq味嘅叉燒，面就揀左店員推介嘅白面，口感彈牙好正呀。友人就揀左限定拉麵，今次係沾麵，沾麵都係有一堆配料，比起我嘅黑武士，仲多左筍干，同櫻花蝦係啲湯到，沾麵嘅湯十分夠味，而且加埋店裡主打嘅白面，超級好食。另外都有叫左兩樣小食，雞泡魚干同汁燒牛肩肉。兩樣小食都十分好食，同睇得出小店嘅心思，雞泡魚干燒得剛好，唔會好似出面d店，燒得太乾太硬；汁燒牛肩肉串嘅汁超級好食，建議大家都要試下依個，推介，肉都唔會太硬，加埋個汁，超級正。