影片
更多
2017-08-12
35 瀏覽
以前係灣仔返工幾乎食搵勻該區嘅拉麵，見呢間新開又評價唔差就走去試下🤣地方唔顯眼係一條小街市，附近舖頭關哂，唔係因為有目標唔會走入嗰條街揾食😵不過走入舖頭完全另外一個風格，格局令人唸起深宵食堂，工業風嘅裝修，樓底好高空間感重，小店經營2個侍應。菜單配搭頗多，每樣細節都可以有要求😳例如麵條嘅柔軟度、湯嘅濃度、油嘅份量都可以控制，完全啱晒腌尖麻煩嘅我，因為選擇困難，所以揀咗廚師推介。胡麻王係由黑芝麻同白芝麻磨蓉溝埋豬骨湯底，聞落似芝麻糊，唔飲落好香芝麻味，仍飲得出有豬骨味，都幾有趣，芝麻糊陣氣味會提你佢係甜既，但呢碗湯底飲落係咸既，每次飲湯底都會提醒我佢唔係芝麻糊🤣成個配搭新鮮感幾重，配料亦出色，值得一試！不得不提佢嘅叉燒幾鬆軟，唔似其他食落鞋口啃唔爛👍🏻沾麵就同認知嘅好唔同，一直識開嘅沾面係熱嘅，配上濃厚嘅湯汁俾你掛得到麵，食完麵再會用木魚湯溝浠湯汁再飲。幸屋既沾麵係凍上，啲麵係經過冷制，麵汁係比較稀釋，食落去係酸酸甜甜咁同食開既咸味有分別，突然覺得好似食緊越式撈檬咁（當然上面既配料唔同）食前做定功課會易d接受。叫咗鰻魚同茄子2款串燒，口味偏甜，細小份量可以過下口癮。員工嘅服務態度熱情，感
不過走入舖頭完全另外一個風格，格局令人唸起深宵食堂，工業風嘅裝修，樓底好高空間感重，小店經營2個侍應。
菜單配搭頗多，每樣細節都可以有要求😳例如麵條嘅柔軟度、湯嘅濃度、油嘅份量都可以控制，完全啱晒腌尖麻煩嘅我，因為選擇困難，所以揀咗廚師推介。
胡麻王係由黑芝麻同白芝麻磨蓉溝埋豬骨湯底，聞落似芝麻糊，唔飲落好香芝麻味，仍飲得出有豬骨味，都幾有趣，芝麻糊陣氣味會提你佢係甜既，但呢碗湯底飲落係咸既，每次飲湯底都會提醒我佢唔係芝麻糊🤣成個配搭新鮮感幾重，配料亦出色，值得一試！不得不提佢嘅叉燒幾鬆軟，唔似其他食落鞋口啃唔爛👍🏻
沾麵就同認知嘅好唔同，一直識開嘅沾面係熱嘅，配上濃厚嘅湯汁俾你掛得到麵，食完麵再會用木魚湯溝浠湯汁再飲。幸屋既沾麵係凍上，啲麵係經過冷制，麵汁係比較稀釋，食落去係酸酸甜甜咁同食開既咸味有分別，突然覺得好似食緊越式撈檬咁（當然上面既配料唔同）食前做定功課會易d接受。
叫咗鰻魚同茄子2款串燒，口味偏甜，細小份量可以過下口癮。
員工嘅服務態度熱情，感覺似去咗日本但係佢哋係講緊廣東話，點餐嗰陣時佢哋好細心咁問你問題，如果有少少怠慢佢地都會不停講對唔住，客人至上，搞到食慣港式茶餐廳嘅我都有少少唔好意思。😂
如果想回憶下日本小店既感覺，呢間係唔錯既選擇。
張貼
