幸屋

營業中

休息中

約咗朋友夜晚喺金鐘睇戲，兼且朋友係一個拉麵迷，所以特登問咗呢一間灣仔小店食咗一個快嘅晚餐。點菜好方便，只需係張紙上面劃低晒自己嘅要求就可以架啦，大約5分鐘就已經上菜超快。 黑武士＄78主菜有三塊豬肉片，灑上少許蒜頭上面食，味道更濃，非常之夾，旁邊嘅配菜都不少，有大量嘅黑木耳，椰菜，仲有一隻糖心蛋，咬開一半之後，蛋黃緩緩流出，好香嘅蛋黃味，湯底係豬骨湯底配上黑蒜油，好好飲，濃郁之餘但不會油膩，幼面掛湯能力不錯👍鰻魚丼＄88全條鰻魚上，鰻魚汁鋪滿在整條魚上，用嚟撈飯一流，鰻魚非常肥美，但食嘅時候要小心，啱啱上菜係熱辣辣架，份量啱一個女仔食，男仔就可能未必夠飽。鹽燒牛脷＄20呢個值得推薦，一上枱就聞到好香，薄薄嘅牛脷，好彈牙爽口，牛味重，鹽燒煮法完全將牛脷嘅肉汁鎖住，好想點多一碟。蒜香鰻魚嘴＄32上面灑滿炸蒜，朋友勁鍾意食，仲話用嚟送啤酒一流，但我自己就覺得鹹咗少少。